ᓃᓵᐧᐤ ᓵᒼᔪᐃᓬ 2
2
1ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ, ᑌᐱᐟ ᑭ ᑲᑫᐧᒋᒣᐤ ᑳ ᑎᐯᔨᐦᒋᑫᔨᐟ, ᐁ ᐃᑌᐧᐟ, ᓂ ᑲ ᐃᑐᐦᑖᐣ ᒋ ᓂᑯᑖᐧ ᐅᑌᓇᐊᐧ ᒍᑕ ᑳ ᐊᔮᑭ? ᑳ ᑎᐯᔨᐦᒋᑫᔨᐟ ᒫᑲ ᑭ ᐃᑎᐠ, ᐃᑐᐦᑌ. ᑌᐱᐟ ᒫᑲ ᑭ ᐃᑌᐧᐤ, ᑖᓂᑕ ᑫ ᐃᑐᐦᑌᔮᐣ? ᐁᑯᓯ ᑭ ᐃᑎᐠ, ᐦᐁᐸᕒᐊᐣ ᐃᑐᐦᑌ. 2#1 ᓵᒼᔪᐃᓬ 25:42,43ᑌᐱᐟ ᒫᑲ ᐁᑯᑌ ᑭ ᐃᑐᐦᑌᐤ, ᐊᓯᒋ ᑳ ᓂᓯᔨᐟ ᐃᐧᐊᐧ, ᐋᐦᐃᓄᐊᒼ ᐊᓇ ᒉᓴᕒᐃᓬ ᐃᐢᑫᐧᐤ, ᒥᓇ ᐋᐱᑫᓬ ᐃᐧᐊᐧ ᓀᐸᓬ ᐊᓇ ᑳᕒᒥᓬᐊᐃᐟ. 3ᐅᐢᑭᓂᑭᒪ ᒫᑲ ᑳ ᐃᐧᒉᐃᐧᑯᐟ ᑌᐱᐟ ᑭ ᐯᓯᐁᐧᐤ ᑲᐦᑭᔭᐤ ᓈᐯᐤ ᐁ ᐃᓯ ᑭᑭᐃᐧᓯᐟ; ᐁᑯᓯ ᑭ ᐅᐟ ᐃᐦᑖᐃᐧᓂᐊᐧᐠ ᐦᐁᐸᕒᐊᐣ ᐅᑌᓈᕽ. 4#1 ᓵᒼᔪᐃᓬ 31:11-13ᒍᑕ ᐊᔨᓯᔨᓂᐊᐧᐠ ᒫᑲ ᑭ ᐯ ᐃᑐᐦᑌᐊᐧᐠ ᐁᑯᓯ ᐁᑯᑕ ᑭ ᑐᒥᓀᐊᐠ ᑌᐱᑕ ᑭᑕ ᑭᐦᒋ ᐅᑭᒫᑲᑕᐋᐧᔨᐟ ᐊᓂᐦᐃ ᐅᐋᐧᐢᑳᐦᐃᑲᓂᔨᕽ ᒍᑕ.
ᑭ ᐃᐧᐦᑕᒪᐁᐧᐊᐧᐠ ᒫᑲ ᑌᐱᑕ ᐁ ᐃᑌᐧᒋᐠ, ᒉᐱᐢᑭᓬᐃᔭᐟ ᐊᔨᓯᔨᓂᐊᐧᐠ ᐁᐊᐧᑯᓂᐠ ᑳ ᑭ ᓇᐃᓈᒋᐠ ᓵᓬᐊ. 5ᑌᐱᐟ ᒫᑲ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᐊᓂᐦᐃ ᒉᐱᐢᑭᓬᐃᔭᐟ ᐊᔨᓯᔨᓂᐊᐧ, ᒥᓇ ᑭ ᐃᑌᐤ, ᑭ ᑲ ᐃᐧ ᓴᐁᐧᔨᑖᑯᓯᓈᐋᐧᐤ ᑭᔭᐋᐧᐤ ᑳ ᑎᐯᔨᐦᒋᑫᐟ ᐅᐦᒋ, ᑳ ᑭ ᐋᐧᐸᐦᑕᐋᔦᐠ ᐅᒪ ᑭᓭᐋᐧᑎᓯᐃᐧᐣ ᑭᐟ ᐅᑭᒪᒥᐋᐤ, ᓵᓬ ᐅᑎ, ᒥᓇ ᑳ ᑭ ᓇᐃᓈᔦᐠ. 6ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᑲ ᐃᐧ ᐋᐧᐸᐦᑕᐦᐃᑯᐋᐧᐤ ᑭᓭᐋᐧᑎᓯᐃᐧᐣ ᒥᓇ ᑖᐯᐧᐃᐧᐣ; ᐁᑯᓯ ᓂᔭ ᒥᓇ ᑭ ᑲ ᑎᐸᐦᐊᒫᑎᓈᐋᐧᐤ ᐅᒪ ᑭᓭᐋᐧᑎᓯᐃᐧᐣ, ᐅᒪ ᐅᐦᒋ ᑳ ᑭ ᐃᑐᑕᒣᐠ. 7ᐁᑲᐧ ᒫᑲ ᑭᔮᒼ ᑭᒋᐦᒋᐋᐧᐊᐧ ᑭᑕ ᐃᐧ ᒪᐢᑲᐃᐧᓯᒪᑲᓇᐧ, ᒥᓇ ᐃᐧ ᓈᐯᑳᓱᐠ; ᐊᔨᐢ ᓵᓬ ᑭᐟ ᐅᑭᒫᒥᐋᐧᐤ ᐳᓂ ᐱᒫᑎᓯᐤ, ᐁᑯᓯ ᐊᓂᑭ ᐅ ᐋᐧᐢᑳᐦᐃᑲᓂᕽ ᒍᑕ ᓂ ᑭ ᑐᒥᓂᑲᐧᐠ ᑭᑕ ᑭᐦᒋ ᐅᑭᒫᑲᑕᐊᐧᑭᐠ.
8ᐋᑊᓇᕒ ᒫᑲ ᐅᑯᓯᓴ ᓇᕒ, ᐅ ᑭᐦᒋᓯᒫᑲᓂᓯᐃᐧᑭᒫᒪ ᓵᓬ, ᑭ ᐅᑎᓀᐤ ᐃᐢᐸᓭᐦᐟ ᐅᑯᓯᓴ ᓵᓬ ᐁᑯᓯ ᑭ ᐯ ᐊᓱᐃᐧ ᐃᑐᐦᑕᐁᐤ ᐊᓂᑕ ᒣᐦᐋᓀᐃᒼ; 9ᑭ ᐅᔭᑭᒣᐤ ᒫᑲ ᑭᑕ ᑭᐦᒋ ᐅᑭᒫᑲᑕᒥᔨᐟ ᑭᓬᐃᔭᐟ ᒥᓇ ᐊᓂᐦᐃ ᐋᓴᕒᐊᐃᑕ, ᒥᓇ ᒉᓴᕒᐃᓬ, ᒥᓇ ᐃᐸᕒᐁᐃᒼ, ᒥᓇ ᐯᐣᒋᒪᐣ, ᒥᓇ ᑲᐦᑭᔭᐤ ᐃᐢᕒᐁᐃᓬ. 10(ᐃᐢᐸᓭᐦᐟ ᓵᓬ ᐅᑯᓯᓴ ᓀᒥᑕᓇᐤ ᑭ ᐃᑕᐦᑐᐱᐳᓀᐧᐤ ᐃᐢᐱ ᑳ ᒫᒋ ᑭᐦᒋᐅᑭᒪᑲᑕᐋᐧᐟ ᐃᐢᕒᐁᐃᓬᐊ, ᐁᑯᓯ ᑭ ᑭᐦᒋ ᐅᑭᒫᐃᐧᐤ ᓂᓱ ᐊᐢᑭ.) ᒫᑲ ᐃᐧᔭ ᒍᑕ ᐅᐋᐧᐢᑳᐦᐃᑲᓂᕽ ᑭ ᐱᒥᑎᓴᐁᐧᐊᐧᐠ ᑌᐱᑕ. 11ᐃᔨᑯᕽ ᒫᑲ ᑌᐱᐟ ᑳ ᑭ ᑭᐦᒋᐅᑭᒪᑲᑕᐋᐧᐟ ᐅ ᐋᐧᐢᑲᐦᐃᑲᓂᔨᕽ ᒍᑕ ᐊᓂᑕ ᐦᐁᐸᕒᐊᓂᕽ, ᑌᐸᑯᑊ ᑕᐦᑐ ᐊᐢᑭᐃᐧᐣ ᒥᓇ ᓂᑯᑖᓱ ᐱᓯᒼ.
12ᐋᑊᓇᕒ ᒫᑲ ᐅᑯᓯᓴ ᓇᕒ ᒥᓇ ᐅᐟ ᐊᑐᐢᑫᔮᑲᓇ ᐃᐢᐸᓭᐦᐟ ᐅᑯᓯᓴ ᓵᓬ, ᑭ ᐃᑐᐦᑌᐊᐧᐠ ᑭᐱᔭᓂᕽ ᒣᐦᐋᓀᐃᒼ ᐅᐦᒋ. 13ᒍᐋᑊ ᒫᑲ ᐅᑯᓯᓴ ᓯᕒᔪᐋᔭ, ᒥᓇ ᐅᐟ ᐊᑐᐢᑫᔮᑲᓇ ᑌᐱᐟ ᑭ ᓯᐯᐧᑌᐊᐧᐠ, ᑭ ᓇᑭᐢᑲᐁᐧᐊᐧᐠ ᒫᑲ ᑭᐱᔭᐣ ᐋᐧᔨᐯᔮᕽ; ᐁᑯᓯ ᑭ ᓇᐦᐊᐱᐊᐧᐠ, ᐯᔭᑲᐧᔭᐠ ᓇᐸᑌ ᐋᐧᔨᐯᔮᕽ ᐁᑯᓯ ᑯᑕᑲᐠ ᑫᐧᐢᑭᑌ ᐋᐧᔨᐯᔮᕽ. 14ᐋᑊᓇᕒ ᒫᑲ ᑭ ᐃᑌᐤ ᒍᐋᐸ, ᑭᔮᒼ ᐅᐢᑭᓂᑭᐊᐧᐠ, ᑭ ᐸᑯᓭᔨᒥᑎᐣ, ᑭᑕ ᐸᓯᑯᐊᐧᐠ ᒥᓇ ᑭᑕ ᒣᑕᐁᐧᐊᐧᐠ ᐁ ᑲᓇᐋᐧᐸᒫᔭᑯᐠ. ᐁᑯᓯ ᒍᐋᑊ ᑭ ᐃᑌᐧᐤ, ᑭᔮᒼ ᑭᑕ ᐸᓯᑯᐊᐧᐠ. 15ᐁᑲᐧ ᑭ ᐸᓯᑯᐊᐧᐠ ᒥᓇ ᑭ ᐋᓱᐃᐧ ᐃᑐᐦᑌᐊᐧᐠ ᑎᐱᑕᐦᑐ; ᒥᑖᑕᐦᐟ ᓂᓱᓵᑊ ᐯᐣᒋᒪᐣ ᐅᐦᒋ, ᒥᓇ ᐃᐢᐸᓭᐦᐟ ᐅᐦᒋ ᐅᑯᓯᓴ ᓵᓬ, ᒥᓇ ᒥᑖᑕᐦᐟ ᓂᓱᓵᑊ ᐅᐟ ᐊᑐᐢᑫᔮᑲᓇ ᑌᐱᐟ. 16ᑭ ᐅᑎᑎᓂᑐᐊᐠ ᒫᑲ ᑲᐦᑭᔭᐤ ᐊᔨᓯᔨᓂᐤ ᐃᐧᒋᐊᔨᓯᔨᓂᐊᐧ ᐅᐢᑎᑳᐧᓂᔨᕽ ᒥᓇ ᑭ ᑕᐦᑲᒣᐤ ᐃᐧᒋᐊᔨᓯᔨᓂᐊᐧ ᐅᐦᐱᒣᔭᐤ ᐅᐟ ᐃᓴᐁᐧᑯᒫᐣ ᐅᐦᒋ; ᐁᑯᓯ ᑲᐦᑭᔭᐤ ᒫᒪᐃᐧ ᑭ ᐸᐦᑭᓯᓇᐧᐠ; ᐁᐊᐧᑯ ᐅᐦᒋ ᒫᑲ ᐁᑯᑕ ᐊᓂᒪ ᑭ ᐃᓯᔨᐦᑳᑌᐤ, ᐦᐁᓬᑲᐦᐟ ᐦᐋᓴᕒᐃᒼ, ᐁᐊᐧᑯ ᑭᐱᔭᓂᕽ ᑳ ᐊᔮᐠ. 17ᑭ ᐋᑲᐧᐣ ᒫᑲ ᓄᑎᓂᑐᐃᐧᐣ ᐁᐊᐧᑳᐧᓂᒪ ᐁ ᑭᓯᑳᐠ; ᐁᑯᓯ ᐋᑊᓇᕒ ᒥᓇ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᓵᑯᒋᐦᐃᑲᐧᐠ ᐅᐟ ᐊᑐᐢᑫᔮᑲᓂᔨᐊᐧ ᑌᐱᑕ.
18ᐁ ᐃᓯ ᓂᐢᑎᔨᐟ ᒫᑲ ᐅᑯᓯᓴ ᓯᕒᔪᐋᔭ ᐁᑯᑕ ᑭ ᐊᔮᔨᐊᐧ, ᒍᐋᑊ ᒥᓇ ᐋᐱᓵᐩ, ᒥᓇ ᐋᓭᐦᐃᓬ; ᐊᓇ ᒫᑲ ᐊᓭᐦᐃᓬ ᑭ ᒥᐦᑲᐃᐧᑭᐤ ᑖᐱᐢᑯᐨ ᐱᑲᐧᒋ ᐊᑎᕽ. 19ᐊᓭᐦᐃᓬ ᒫᑲ ᑭ ᓇᐊᐧᓵᐧᑌᐤ ᐋᑊᓇᕒᐊ; ᐁᑯᓯ ᐅᒪ ᐁ ᐱᒥᐸᑖᐟ ᓇᒪᐃᐧᔭ ᐸᐢᑫᐤ ᑭᐦᒋᓂᐢᑭᕽ ᐊᐦᐳ ᓇᒪᑎᓂᕽ ᐁ ᐱᒥᑎᓴᐋᐧᐟ ᐋᑊᓇᕒᐊ. 20ᐁᑲᐧ ᐋᑊᓇᕒ ᑭ ᐋᐸᓵᐱᐤ, ᒥᓇ ᑭ ᐃᑌᐧᐤ, ᑭᔭ ᑭ ᐊᓭᐦᐃᓬ? ᑭ ᓇᐢᑫᐧᐊᐧᓯᒥᐠ ᒫᑲ, ᓂᔭ ᐁᐊᐧᑯ. 21ᐁᑲᐧ ᐋᑊᓇᕒ ᑭ ᐃᑌᐤ, ᐸᐢᑫ ᑭᔮᒼ ᑭᐦᒋᓂᐢᑭᕽ ᐊᐦᐳ ᓇᒪᑎᓂᕽ ᐃᑌᐦᑫ, ᐁᑯᓯ ᐅᑎᐦᑎᐣ ᐯᔭᐠ ᐅᐢᑭᓂᑭᐤ ᐅᑎᓇᒼ ᒫᑲ ᐅᐟ ᐊᓱᐃᐧᓇ. ᒫᑲ ᐊᓭᐦᐃᓬ ᓇᒪᐃᐧᔭ ᐃᐧ ᐸᐢᑫᐤ ᐁ ᐱᒥᑎᓴᐋᐧᐟ. 22ᐁᑲᐧ ᐋᑊᓇᕒ ᒥᓇ ᑭ ᐃᑌᐤ ᐊᓭᐦᐃᓬᐊ, ᐅᐦᐱᒣ ᐃᑐᐦᑌ, ᐳᓂ ᐱᒥᑎᓴᐦᐅᐣ; ᑫᑲᐧᐩ ᐅᐦᒋ ᑫ ᐸᑲᒪᐅᑖᐣ ᒧᒋᕽ ᐃᓯ? ᑖᓂᓯᐃᐧᔭ ᑫ ᑭ ᐃᓯ ᐅᐦᐱᐢᑫᐧᔨᐢᑕᐊᐧᐠ ᒍᐋᑊ ᑭᒋᐋᐧᒼ? 23ᒫᑲ ᓵᑯᐨ ᐋᓀᐧᑕᒼ ᑭᑕ ᐸᐢᑫᐟ; ᐁᑯᓯ ᐋᑊᓇᕒ ᓇᐢᐹᐨ ᐃᑌᐦᑫ ᐅ ᑕᐦᑲᒋᑲᐣ ᐅᐦᒋ ᑭ ᑕᐦᑲᒣᐤ ᐊᐧᑖᔨᕽ ᐁᑯᓯ ᑕᐦᑲᒋᑲᐣ ᑭ ᓵᑲᒧᔨᐤ ᐅᐢᐱᐢᑲᐧᓂᕽ; ᑭ ᐸᐦᑭᓯᐣ ᒫᑲ ᐁᑯᑕ, ᒥᓇ ᐁᑯᑕ ᑭ ᓂᐱᐤ; ᑭ ᐃᐦᑭᐣ ᒫᑲ ᑕᐦᑐ ᐁ ᐅᑎᑕᑭᐠ ᐃᑕ ᐊᓭᐦᐃᓬᐊ ᐁ ᑭ ᐸᐦᑭᓯᓂᔨᐟ ᒥᓇ ᐁ ᑭ ᓂᐱᔨᐟ ᑭ ᑭᐱᒋᑳᐸᐃᐧᐊᐧᐠ. 24ᒫᑲ ᒍᐋᑊ ᒥᓇ ᐋᐱᓵᐩ ᑭ ᓇᐊᐧᓵᐧᑌᐊᐧᐠ ᐋᑊᓇᕒᐊ; ᐁᑯᓯ ᐁ ᐊᑎ ᐸᐦᑭᓯᒧᐟ ᐱᓯᒼ ᑭ ᐅᑎᐦᑕᒪᐧᐠ ᐋᒪ ᐊᐧᒋ ᑳ ᐊᔮᐠ ᑎᐱᐢᑯᐨ ᑳᔭ, ᑭᐱᔭᐣ ᐱᑲᐧᑕᐢᑭᕽ ᐃᑌᐦᑫ.
25ᐅᐟ ᐊᐋᐧᓯᒥᓴ ᐯᐣᒋᒪᐣ ᒫᑲ ᑭ ᒫᒪᐃᐧ ᐱᒥᑎᓴᐁᐧᐊᐧᐠ ᐋᑊᓇᕒᐊ, ᐁᑯᓯ ᑭ ᐊᑎ ᒫᒪᐁᐧᔭᑎᐊᐧᐠ ᒥᓇ ᑭ ᓂᐸᐃᐧᐊᐧᐠ ᑕᐦᑯᑖᒪᑎᐣ ᐊᐧᒋ. 26ᐁᑲᐧ ᐋᑊᓇᕒ ᑭ ᑌᐹᐧᑌᐤ ᒍᐋᐸ ᒥᓇ ᑭ ᐃᑌᐧᐤ, ᑳᑭᑫ ᒋ ᑭᑕ ᓂᓯᐊᐧᓈᒋᐦᐃᐁᐧᒪᑲᐣ ᐃᓴᐁᐧᐢᐠ? ᓇᒪᒋ ᑭ ᑭᐢᑫᔨᑌᐣ ᑭᑕ ᐃᐧᓴᑲᕽ ᑭᓯᐸᓄᕽ ᐊᑎ? ᑖᓂᔨᑯᕽ ᑭᓀᐧᐢ ᒫᑲ ᒪᐧᔦᐢ ᐃᐧᐦᑕᒪᐊᐧᒋᐠ ᐊᔨᓯᔨᓂᐊᐧᐠ ᑭᑕ ᐳᓂ ᐱᒥᑎᓴᐋᐧᒋᐠ ᐅᒋᐋᐧᒥᐋᐧᐊᐧ? 27ᒍᐋᑊ ᒫᑲ ᑭ ᐃᑌᐧᐤ, ᐁ ᐱᒫᑎᓯᐟ ᑭᓭᒪᓂᑐ, ᑭᐢᐱᐣ ᐁᑳ ᑭ ᐱᑭᐢᑫᐧᔭᐣ ᑫᐦᒋᓈ ᑫᑭᓭᐹᔮᐠ ᐃᔨᑯᕽ ᐊᔨᓯᔨᓂᐊᐧᐠ ᐅ ᑲ ᑭ ᓯᐯᐧᑖᑖᐋᐧᐤ, ᒥᓇ ᐅ ᑲ ᑭ ᐳᓂ ᐱᒥᑎᓴᐋᐧᑖᐋᐧᐤ ᑲᐦᑭᔭᐤ ᐊᐃᐧᔭᐠ ᐅᒋᐋᐧᒪ. 28ᐁᑯᓯ ᒍᐋᑊ ᑭ ᐳᑖᑕᒼ ᐱᐱᑲᐧᐣ, ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᑭᐱᒋᑳᐸᐃᐧᐊᐧᐠ, ᒥᓇ ᓇᒪᐃᐧᔭ ᐊᐊᐧᓯᒣ ᓇᐊᐧᓵᐧᑌᐊᐧᐠ ᐃᐢᕒᐁᐃᓬᐊ, ᐊᐦᐳ ᓇᒪᐃᐧᔭ ᐊᐊᐧᓯᒣ ᓄᑎᓀᐊᐧᐠ. 29ᐋᑊᓇᕒ ᒫᑲ ᒥᓇ ᐅᐢᑭᓂᑭᒪ ᑭ ᐊᑎ ᓵᐳ ᐱᒧᐦᑌᐊᐧᐠ ᑳᐯᑎᐱᐢᐠ ᐊᓂᒪ ᐋᕒᐊᐸ; ᐁᑯᓯ ᑭ ᐋᓱᐊᐧᐦᐊᒪᐧᐠ ᒑᕒᑕᐣ, ᒥᓇ ᑭ ᓵᐳᐱᒧᑌᐊᐧᐠ ᐱᐦᑕᕒᐊᐣ, ᐁᑯᓯ ᑭ ᑕᑯᓯᓇᐧᐠ ᒣᐦᐋᓀᐃᒼ. 30ᒍᐋᑊ ᒫᑲ ᑭ ᐯ ᑭᐁᐧᐤ ᐁ ᐳᓂ ᐱᒥᑎᓴᐋᐧᐟ ᐋᑊᓇᕒᐊ; ᐃᐢᐱ ᒫᑲ ᑲᐦᑭᔭᐤ ᑳ ᒫᐊᐧᒋᐦᐋᐟ ᐊᔨᓯᔨᓂᐊᐧ, ᑭ ᓇᒪᑌᔨᐊᐧ ᑌᐱᐟ ᐅᐟ ᐊᑐᐢᑫᔮᑲᓇ ᑫᑳᐟ ᓂᓯᑕᓇᐤ ᓈᐯᐊᐧ ᒥᓇ ᐊᓭᐦᐃᓬ. 31ᒫᑲ ᐅᐟ ᐊᑐᐢᑫᔮᑲᓇ ᑌᐱᐟ ᑭ ᓂᐸᐁᐊᐧᐠ ᐯᐣᒋᒪᓇ, ᒥᓇ ᐋᑊᓇᕒᐊ ᐅᐢᑭᓂᑭᒥᔨᐊᐧ, ᐁᑯᓯ ᓂᐢᑖᐧᐤ ᒥᑖᐦᑐᒥᑕᓇᐤ ᓂᑯᑖᐧᓱᒥᑕᓇᐤ ᐊᔨᐋᐧᐠ ᓈᐯᐊᐧᐠ ᑭ ᓂᐱᐊᐧᐠ.
32ᑭ ᐅᑎᓀᐊᐧᐠ ᒫᑲ ᐊᓭᐦᐃᓬᐊ, ᒥᓇ ᑭ ᓇᐦᐃᓀᐊᐧᐠ ᐅᑖᐃᐧᔭ ᐅ ᓇᐦᐃᓂᑐᐃᐧᑲᒥᑯᔨᕽ, ᐯᐟᓬᐃᐊᒼ ᑳ ᐊᔮᔨᐠ. ᒍᐋᑊ ᒫᑲ ᒥᓇ ᐅᐢᑭᓂᑭᒪ ᑲᐯᑎᐱᐢᐠ ᑭ ᐱᒧᐦᑌᐊᐧᐠ, ᐁᑯᓯ ᐁ ᐅᑎ ᐯᑖᐸᓂᔨᐠ ᑭ ᐅᑎᐦᑕᒪᐧᐠ ᐦᐁᐸᕒᐊᐣ.
Currently Selected:
ᓃᓵᐧᐤ ᓵᒼᔪᐃᓬ 2: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᓃᓵᐧᐤ ᓵᒼᔪᐃᓬ 2
2
1ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ, ᑌᐱᐟ ᑭ ᑲᑫᐧᒋᒣᐤ ᑳ ᑎᐯᔨᐦᒋᑫᔨᐟ, ᐁ ᐃᑌᐧᐟ, ᓂ ᑲ ᐃᑐᐦᑖᐣ ᒋ ᓂᑯᑖᐧ ᐅᑌᓇᐊᐧ ᒍᑕ ᑳ ᐊᔮᑭ? ᑳ ᑎᐯᔨᐦᒋᑫᔨᐟ ᒫᑲ ᑭ ᐃᑎᐠ, ᐃᑐᐦᑌ. ᑌᐱᐟ ᒫᑲ ᑭ ᐃᑌᐧᐤ, ᑖᓂᑕ ᑫ ᐃᑐᐦᑌᔮᐣ? ᐁᑯᓯ ᑭ ᐃᑎᐠ, ᐦᐁᐸᕒᐊᐣ ᐃᑐᐦᑌ. 2#1 ᓵᒼᔪᐃᓬ 25:42,43ᑌᐱᐟ ᒫᑲ ᐁᑯᑌ ᑭ ᐃᑐᐦᑌᐤ, ᐊᓯᒋ ᑳ ᓂᓯᔨᐟ ᐃᐧᐊᐧ, ᐋᐦᐃᓄᐊᒼ ᐊᓇ ᒉᓴᕒᐃᓬ ᐃᐢᑫᐧᐤ, ᒥᓇ ᐋᐱᑫᓬ ᐃᐧᐊᐧ ᓀᐸᓬ ᐊᓇ ᑳᕒᒥᓬᐊᐃᐟ. 3ᐅᐢᑭᓂᑭᒪ ᒫᑲ ᑳ ᐃᐧᒉᐃᐧᑯᐟ ᑌᐱᐟ ᑭ ᐯᓯᐁᐧᐤ ᑲᐦᑭᔭᐤ ᓈᐯᐤ ᐁ ᐃᓯ ᑭᑭᐃᐧᓯᐟ; ᐁᑯᓯ ᑭ ᐅᐟ ᐃᐦᑖᐃᐧᓂᐊᐧᐠ ᐦᐁᐸᕒᐊᐣ ᐅᑌᓈᕽ. 4#1 ᓵᒼᔪᐃᓬ 31:11-13ᒍᑕ ᐊᔨᓯᔨᓂᐊᐧᐠ ᒫᑲ ᑭ ᐯ ᐃᑐᐦᑌᐊᐧᐠ ᐁᑯᓯ ᐁᑯᑕ ᑭ ᑐᒥᓀᐊᐠ ᑌᐱᑕ ᑭᑕ ᑭᐦᒋ ᐅᑭᒫᑲᑕᐋᐧᔨᐟ ᐊᓂᐦᐃ ᐅᐋᐧᐢᑳᐦᐃᑲᓂᔨᕽ ᒍᑕ.
ᑭ ᐃᐧᐦᑕᒪᐁᐧᐊᐧᐠ ᒫᑲ ᑌᐱᑕ ᐁ ᐃᑌᐧᒋᐠ, ᒉᐱᐢᑭᓬᐃᔭᐟ ᐊᔨᓯᔨᓂᐊᐧᐠ ᐁᐊᐧᑯᓂᐠ ᑳ ᑭ ᓇᐃᓈᒋᐠ ᓵᓬᐊ. 5ᑌᐱᐟ ᒫᑲ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᐊᓂᐦᐃ ᒉᐱᐢᑭᓬᐃᔭᐟ ᐊᔨᓯᔨᓂᐊᐧ, ᒥᓇ ᑭ ᐃᑌᐤ, ᑭ ᑲ ᐃᐧ ᓴᐁᐧᔨᑖᑯᓯᓈᐋᐧᐤ ᑭᔭᐋᐧᐤ ᑳ ᑎᐯᔨᐦᒋᑫᐟ ᐅᐦᒋ, ᑳ ᑭ ᐋᐧᐸᐦᑕᐋᔦᐠ ᐅᒪ ᑭᓭᐋᐧᑎᓯᐃᐧᐣ ᑭᐟ ᐅᑭᒪᒥᐋᐤ, ᓵᓬ ᐅᑎ, ᒥᓇ ᑳ ᑭ ᓇᐃᓈᔦᐠ. 6ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᑲ ᐃᐧ ᐋᐧᐸᐦᑕᐦᐃᑯᐋᐧᐤ ᑭᓭᐋᐧᑎᓯᐃᐧᐣ ᒥᓇ ᑖᐯᐧᐃᐧᐣ; ᐁᑯᓯ ᓂᔭ ᒥᓇ ᑭ ᑲ ᑎᐸᐦᐊᒫᑎᓈᐋᐧᐤ ᐅᒪ ᑭᓭᐋᐧᑎᓯᐃᐧᐣ, ᐅᒪ ᐅᐦᒋ ᑳ ᑭ ᐃᑐᑕᒣᐠ. 7ᐁᑲᐧ ᒫᑲ ᑭᔮᒼ ᑭᒋᐦᒋᐋᐧᐊᐧ ᑭᑕ ᐃᐧ ᒪᐢᑲᐃᐧᓯᒪᑲᓇᐧ, ᒥᓇ ᐃᐧ ᓈᐯᑳᓱᐠ; ᐊᔨᐢ ᓵᓬ ᑭᐟ ᐅᑭᒫᒥᐋᐧᐤ ᐳᓂ ᐱᒫᑎᓯᐤ, ᐁᑯᓯ ᐊᓂᑭ ᐅ ᐋᐧᐢᑳᐦᐃᑲᓂᕽ ᒍᑕ ᓂ ᑭ ᑐᒥᓂᑲᐧᐠ ᑭᑕ ᑭᐦᒋ ᐅᑭᒫᑲᑕᐊᐧᑭᐠ.
8ᐋᑊᓇᕒ ᒫᑲ ᐅᑯᓯᓴ ᓇᕒ, ᐅ ᑭᐦᒋᓯᒫᑲᓂᓯᐃᐧᑭᒫᒪ ᓵᓬ, ᑭ ᐅᑎᓀᐤ ᐃᐢᐸᓭᐦᐟ ᐅᑯᓯᓴ ᓵᓬ ᐁᑯᓯ ᑭ ᐯ ᐊᓱᐃᐧ ᐃᑐᐦᑕᐁᐤ ᐊᓂᑕ ᒣᐦᐋᓀᐃᒼ; 9ᑭ ᐅᔭᑭᒣᐤ ᒫᑲ ᑭᑕ ᑭᐦᒋ ᐅᑭᒫᑲᑕᒥᔨᐟ ᑭᓬᐃᔭᐟ ᒥᓇ ᐊᓂᐦᐃ ᐋᓴᕒᐊᐃᑕ, ᒥᓇ ᒉᓴᕒᐃᓬ, ᒥᓇ ᐃᐸᕒᐁᐃᒼ, ᒥᓇ ᐯᐣᒋᒪᐣ, ᒥᓇ ᑲᐦᑭᔭᐤ ᐃᐢᕒᐁᐃᓬ. 10(ᐃᐢᐸᓭᐦᐟ ᓵᓬ ᐅᑯᓯᓴ ᓀᒥᑕᓇᐤ ᑭ ᐃᑕᐦᑐᐱᐳᓀᐧᐤ ᐃᐢᐱ ᑳ ᒫᒋ ᑭᐦᒋᐅᑭᒪᑲᑕᐋᐧᐟ ᐃᐢᕒᐁᐃᓬᐊ, ᐁᑯᓯ ᑭ ᑭᐦᒋ ᐅᑭᒫᐃᐧᐤ ᓂᓱ ᐊᐢᑭ.) ᒫᑲ ᐃᐧᔭ ᒍᑕ ᐅᐋᐧᐢᑳᐦᐃᑲᓂᕽ ᑭ ᐱᒥᑎᓴᐁᐧᐊᐧᐠ ᑌᐱᑕ. 11ᐃᔨᑯᕽ ᒫᑲ ᑌᐱᐟ ᑳ ᑭ ᑭᐦᒋᐅᑭᒪᑲᑕᐋᐧᐟ ᐅ ᐋᐧᐢᑲᐦᐃᑲᓂᔨᕽ ᒍᑕ ᐊᓂᑕ ᐦᐁᐸᕒᐊᓂᕽ, ᑌᐸᑯᑊ ᑕᐦᑐ ᐊᐢᑭᐃᐧᐣ ᒥᓇ ᓂᑯᑖᓱ ᐱᓯᒼ.
12ᐋᑊᓇᕒ ᒫᑲ ᐅᑯᓯᓴ ᓇᕒ ᒥᓇ ᐅᐟ ᐊᑐᐢᑫᔮᑲᓇ ᐃᐢᐸᓭᐦᐟ ᐅᑯᓯᓴ ᓵᓬ, ᑭ ᐃᑐᐦᑌᐊᐧᐠ ᑭᐱᔭᓂᕽ ᒣᐦᐋᓀᐃᒼ ᐅᐦᒋ. 13ᒍᐋᑊ ᒫᑲ ᐅᑯᓯᓴ ᓯᕒᔪᐋᔭ, ᒥᓇ ᐅᐟ ᐊᑐᐢᑫᔮᑲᓇ ᑌᐱᐟ ᑭ ᓯᐯᐧᑌᐊᐧᐠ, ᑭ ᓇᑭᐢᑲᐁᐧᐊᐧᐠ ᒫᑲ ᑭᐱᔭᐣ ᐋᐧᔨᐯᔮᕽ; ᐁᑯᓯ ᑭ ᓇᐦᐊᐱᐊᐧᐠ, ᐯᔭᑲᐧᔭᐠ ᓇᐸᑌ ᐋᐧᔨᐯᔮᕽ ᐁᑯᓯ ᑯᑕᑲᐠ ᑫᐧᐢᑭᑌ ᐋᐧᔨᐯᔮᕽ. 14ᐋᑊᓇᕒ ᒫᑲ ᑭ ᐃᑌᐤ ᒍᐋᐸ, ᑭᔮᒼ ᐅᐢᑭᓂᑭᐊᐧᐠ, ᑭ ᐸᑯᓭᔨᒥᑎᐣ, ᑭᑕ ᐸᓯᑯᐊᐧᐠ ᒥᓇ ᑭᑕ ᒣᑕᐁᐧᐊᐧᐠ ᐁ ᑲᓇᐋᐧᐸᒫᔭᑯᐠ. ᐁᑯᓯ ᒍᐋᑊ ᑭ ᐃᑌᐧᐤ, ᑭᔮᒼ ᑭᑕ ᐸᓯᑯᐊᐧᐠ. 15ᐁᑲᐧ ᑭ ᐸᓯᑯᐊᐧᐠ ᒥᓇ ᑭ ᐋᓱᐃᐧ ᐃᑐᐦᑌᐊᐧᐠ ᑎᐱᑕᐦᑐ; ᒥᑖᑕᐦᐟ ᓂᓱᓵᑊ ᐯᐣᒋᒪᐣ ᐅᐦᒋ, ᒥᓇ ᐃᐢᐸᓭᐦᐟ ᐅᐦᒋ ᐅᑯᓯᓴ ᓵᓬ, ᒥᓇ ᒥᑖᑕᐦᐟ ᓂᓱᓵᑊ ᐅᐟ ᐊᑐᐢᑫᔮᑲᓇ ᑌᐱᐟ. 16ᑭ ᐅᑎᑎᓂᑐᐊᐠ ᒫᑲ ᑲᐦᑭᔭᐤ ᐊᔨᓯᔨᓂᐤ ᐃᐧᒋᐊᔨᓯᔨᓂᐊᐧ ᐅᐢᑎᑳᐧᓂᔨᕽ ᒥᓇ ᑭ ᑕᐦᑲᒣᐤ ᐃᐧᒋᐊᔨᓯᔨᓂᐊᐧ ᐅᐦᐱᒣᔭᐤ ᐅᐟ ᐃᓴᐁᐧᑯᒫᐣ ᐅᐦᒋ; ᐁᑯᓯ ᑲᐦᑭᔭᐤ ᒫᒪᐃᐧ ᑭ ᐸᐦᑭᓯᓇᐧᐠ; ᐁᐊᐧᑯ ᐅᐦᒋ ᒫᑲ ᐁᑯᑕ ᐊᓂᒪ ᑭ ᐃᓯᔨᐦᑳᑌᐤ, ᐦᐁᓬᑲᐦᐟ ᐦᐋᓴᕒᐃᒼ, ᐁᐊᐧᑯ ᑭᐱᔭᓂᕽ ᑳ ᐊᔮᐠ. 17ᑭ ᐋᑲᐧᐣ ᒫᑲ ᓄᑎᓂᑐᐃᐧᐣ ᐁᐊᐧᑳᐧᓂᒪ ᐁ ᑭᓯᑳᐠ; ᐁᑯᓯ ᐋᑊᓇᕒ ᒥᓇ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᓵᑯᒋᐦᐃᑲᐧᐠ ᐅᐟ ᐊᑐᐢᑫᔮᑲᓂᔨᐊᐧ ᑌᐱᑕ.
18ᐁ ᐃᓯ ᓂᐢᑎᔨᐟ ᒫᑲ ᐅᑯᓯᓴ ᓯᕒᔪᐋᔭ ᐁᑯᑕ ᑭ ᐊᔮᔨᐊᐧ, ᒍᐋᑊ ᒥᓇ ᐋᐱᓵᐩ, ᒥᓇ ᐋᓭᐦᐃᓬ; ᐊᓇ ᒫᑲ ᐊᓭᐦᐃᓬ ᑭ ᒥᐦᑲᐃᐧᑭᐤ ᑖᐱᐢᑯᐨ ᐱᑲᐧᒋ ᐊᑎᕽ. 19ᐊᓭᐦᐃᓬ ᒫᑲ ᑭ ᓇᐊᐧᓵᐧᑌᐤ ᐋᑊᓇᕒᐊ; ᐁᑯᓯ ᐅᒪ ᐁ ᐱᒥᐸᑖᐟ ᓇᒪᐃᐧᔭ ᐸᐢᑫᐤ ᑭᐦᒋᓂᐢᑭᕽ ᐊᐦᐳ ᓇᒪᑎᓂᕽ ᐁ ᐱᒥᑎᓴᐋᐧᐟ ᐋᑊᓇᕒᐊ. 20ᐁᑲᐧ ᐋᑊᓇᕒ ᑭ ᐋᐸᓵᐱᐤ, ᒥᓇ ᑭ ᐃᑌᐧᐤ, ᑭᔭ ᑭ ᐊᓭᐦᐃᓬ? ᑭ ᓇᐢᑫᐧᐊᐧᓯᒥᐠ ᒫᑲ, ᓂᔭ ᐁᐊᐧᑯ. 21ᐁᑲᐧ ᐋᑊᓇᕒ ᑭ ᐃᑌᐤ, ᐸᐢᑫ ᑭᔮᒼ ᑭᐦᒋᓂᐢᑭᕽ ᐊᐦᐳ ᓇᒪᑎᓂᕽ ᐃᑌᐦᑫ, ᐁᑯᓯ ᐅᑎᐦᑎᐣ ᐯᔭᐠ ᐅᐢᑭᓂᑭᐤ ᐅᑎᓇᒼ ᒫᑲ ᐅᐟ ᐊᓱᐃᐧᓇ. ᒫᑲ ᐊᓭᐦᐃᓬ ᓇᒪᐃᐧᔭ ᐃᐧ ᐸᐢᑫᐤ ᐁ ᐱᒥᑎᓴᐋᐧᐟ. 22ᐁᑲᐧ ᐋᑊᓇᕒ ᒥᓇ ᑭ ᐃᑌᐤ ᐊᓭᐦᐃᓬᐊ, ᐅᐦᐱᒣ ᐃᑐᐦᑌ, ᐳᓂ ᐱᒥᑎᓴᐦᐅᐣ; ᑫᑲᐧᐩ ᐅᐦᒋ ᑫ ᐸᑲᒪᐅᑖᐣ ᒧᒋᕽ ᐃᓯ? ᑖᓂᓯᐃᐧᔭ ᑫ ᑭ ᐃᓯ ᐅᐦᐱᐢᑫᐧᔨᐢᑕᐊᐧᐠ ᒍᐋᑊ ᑭᒋᐋᐧᒼ? 23ᒫᑲ ᓵᑯᐨ ᐋᓀᐧᑕᒼ ᑭᑕ ᐸᐢᑫᐟ; ᐁᑯᓯ ᐋᑊᓇᕒ ᓇᐢᐹᐨ ᐃᑌᐦᑫ ᐅ ᑕᐦᑲᒋᑲᐣ ᐅᐦᒋ ᑭ ᑕᐦᑲᒣᐤ ᐊᐧᑖᔨᕽ ᐁᑯᓯ ᑕᐦᑲᒋᑲᐣ ᑭ ᓵᑲᒧᔨᐤ ᐅᐢᐱᐢᑲᐧᓂᕽ; ᑭ ᐸᐦᑭᓯᐣ ᒫᑲ ᐁᑯᑕ, ᒥᓇ ᐁᑯᑕ ᑭ ᓂᐱᐤ; ᑭ ᐃᐦᑭᐣ ᒫᑲ ᑕᐦᑐ ᐁ ᐅᑎᑕᑭᐠ ᐃᑕ ᐊᓭᐦᐃᓬᐊ ᐁ ᑭ ᐸᐦᑭᓯᓂᔨᐟ ᒥᓇ ᐁ ᑭ ᓂᐱᔨᐟ ᑭ ᑭᐱᒋᑳᐸᐃᐧᐊᐧᐠ. 24ᒫᑲ ᒍᐋᑊ ᒥᓇ ᐋᐱᓵᐩ ᑭ ᓇᐊᐧᓵᐧᑌᐊᐧᐠ ᐋᑊᓇᕒᐊ; ᐁᑯᓯ ᐁ ᐊᑎ ᐸᐦᑭᓯᒧᐟ ᐱᓯᒼ ᑭ ᐅᑎᐦᑕᒪᐧᐠ ᐋᒪ ᐊᐧᒋ ᑳ ᐊᔮᐠ ᑎᐱᐢᑯᐨ ᑳᔭ, ᑭᐱᔭᐣ ᐱᑲᐧᑕᐢᑭᕽ ᐃᑌᐦᑫ.
25ᐅᐟ ᐊᐋᐧᓯᒥᓴ ᐯᐣᒋᒪᐣ ᒫᑲ ᑭ ᒫᒪᐃᐧ ᐱᒥᑎᓴᐁᐧᐊᐧᐠ ᐋᑊᓇᕒᐊ, ᐁᑯᓯ ᑭ ᐊᑎ ᒫᒪᐁᐧᔭᑎᐊᐧᐠ ᒥᓇ ᑭ ᓂᐸᐃᐧᐊᐧᐠ ᑕᐦᑯᑖᒪᑎᐣ ᐊᐧᒋ. 26ᐁᑲᐧ ᐋᑊᓇᕒ ᑭ ᑌᐹᐧᑌᐤ ᒍᐋᐸ ᒥᓇ ᑭ ᐃᑌᐧᐤ, ᑳᑭᑫ ᒋ ᑭᑕ ᓂᓯᐊᐧᓈᒋᐦᐃᐁᐧᒪᑲᐣ ᐃᓴᐁᐧᐢᐠ? ᓇᒪᒋ ᑭ ᑭᐢᑫᔨᑌᐣ ᑭᑕ ᐃᐧᓴᑲᕽ ᑭᓯᐸᓄᕽ ᐊᑎ? ᑖᓂᔨᑯᕽ ᑭᓀᐧᐢ ᒫᑲ ᒪᐧᔦᐢ ᐃᐧᐦᑕᒪᐊᐧᒋᐠ ᐊᔨᓯᔨᓂᐊᐧᐠ ᑭᑕ ᐳᓂ ᐱᒥᑎᓴᐋᐧᒋᐠ ᐅᒋᐋᐧᒥᐋᐧᐊᐧ? 27ᒍᐋᑊ ᒫᑲ ᑭ ᐃᑌᐧᐤ, ᐁ ᐱᒫᑎᓯᐟ ᑭᓭᒪᓂᑐ, ᑭᐢᐱᐣ ᐁᑳ ᑭ ᐱᑭᐢᑫᐧᔭᐣ ᑫᐦᒋᓈ ᑫᑭᓭᐹᔮᐠ ᐃᔨᑯᕽ ᐊᔨᓯᔨᓂᐊᐧᐠ ᐅ ᑲ ᑭ ᓯᐯᐧᑖᑖᐋᐧᐤ, ᒥᓇ ᐅ ᑲ ᑭ ᐳᓂ ᐱᒥᑎᓴᐋᐧᑖᐋᐧᐤ ᑲᐦᑭᔭᐤ ᐊᐃᐧᔭᐠ ᐅᒋᐋᐧᒪ. 28ᐁᑯᓯ ᒍᐋᑊ ᑭ ᐳᑖᑕᒼ ᐱᐱᑲᐧᐣ, ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᑭᐱᒋᑳᐸᐃᐧᐊᐧᐠ, ᒥᓇ ᓇᒪᐃᐧᔭ ᐊᐊᐧᓯᒣ ᓇᐊᐧᓵᐧᑌᐊᐧᐠ ᐃᐢᕒᐁᐃᓬᐊ, ᐊᐦᐳ ᓇᒪᐃᐧᔭ ᐊᐊᐧᓯᒣ ᓄᑎᓀᐊᐧᐠ. 29ᐋᑊᓇᕒ ᒫᑲ ᒥᓇ ᐅᐢᑭᓂᑭᒪ ᑭ ᐊᑎ ᓵᐳ ᐱᒧᐦᑌᐊᐧᐠ ᑳᐯᑎᐱᐢᐠ ᐊᓂᒪ ᐋᕒᐊᐸ; ᐁᑯᓯ ᑭ ᐋᓱᐊᐧᐦᐊᒪᐧᐠ ᒑᕒᑕᐣ, ᒥᓇ ᑭ ᓵᐳᐱᒧᑌᐊᐧᐠ ᐱᐦᑕᕒᐊᐣ, ᐁᑯᓯ ᑭ ᑕᑯᓯᓇᐧᐠ ᒣᐦᐋᓀᐃᒼ. 30ᒍᐋᑊ ᒫᑲ ᑭ ᐯ ᑭᐁᐧᐤ ᐁ ᐳᓂ ᐱᒥᑎᓴᐋᐧᐟ ᐋᑊᓇᕒᐊ; ᐃᐢᐱ ᒫᑲ ᑲᐦᑭᔭᐤ ᑳ ᒫᐊᐧᒋᐦᐋᐟ ᐊᔨᓯᔨᓂᐊᐧ, ᑭ ᓇᒪᑌᔨᐊᐧ ᑌᐱᐟ ᐅᐟ ᐊᑐᐢᑫᔮᑲᓇ ᑫᑳᐟ ᓂᓯᑕᓇᐤ ᓈᐯᐊᐧ ᒥᓇ ᐊᓭᐦᐃᓬ. 31ᒫᑲ ᐅᐟ ᐊᑐᐢᑫᔮᑲᓇ ᑌᐱᐟ ᑭ ᓂᐸᐁᐊᐧᐠ ᐯᐣᒋᒪᓇ, ᒥᓇ ᐋᑊᓇᕒᐊ ᐅᐢᑭᓂᑭᒥᔨᐊᐧ, ᐁᑯᓯ ᓂᐢᑖᐧᐤ ᒥᑖᐦᑐᒥᑕᓇᐤ ᓂᑯᑖᐧᓱᒥᑕᓇᐤ ᐊᔨᐋᐧᐠ ᓈᐯᐊᐧᐠ ᑭ ᓂᐱᐊᐧᐠ.
32ᑭ ᐅᑎᓀᐊᐧᐠ ᒫᑲ ᐊᓭᐦᐃᓬᐊ, ᒥᓇ ᑭ ᓇᐦᐃᓀᐊᐧᐠ ᐅᑖᐃᐧᔭ ᐅ ᓇᐦᐃᓂᑐᐃᐧᑲᒥᑯᔨᕽ, ᐯᐟᓬᐃᐊᒼ ᑳ ᐊᔮᔨᐠ. ᒍᐋᑊ ᒫᑲ ᒥᓇ ᐅᐢᑭᓂᑭᒪ ᑲᐯᑎᐱᐢᐠ ᑭ ᐱᒧᐦᑌᐊᐧᐠ, ᐁᑯᓯ ᐁ ᐅᑎ ᐯᑖᐸᓂᔨᐠ ᑭ ᐅᑎᐦᑕᒪᐧᐠ ᐦᐁᐸᕒᐊᐣ.
This Bible text is a corrected edition of the 1908 Western Cree Bible; it is in the public domain.