ᓃᓵᐧᐤ ᓵᒼᔪᐃᓬ 18
18
1ᑌᐱᐟ ᒫᑲ ᑭ ᐊᑭᒣᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ ᐁᑯᓯ ᑭ ᐅᔭᑭᒣᐤ ᓯᒫᑲᓂᓯᐃᐧᑭᒫᐊᐧ ᑭᑕ ᑎᐯᔨᒫᔨᐟ ᑭᐦᒋᒥᑖᐦᑐᒥᑕᓇᐤ ᒥᓇ ᑭᑕ ᑎᐯᔨᒫᔨᐟ ᒥᑖᐦᑐᒥᑕᓇᐤ. 2ᑌᐱᐟ ᒫᑲ ᑭ ᓯᐯᐧᑎᓴᐁᐧᐤ ᐯᔭᐠ ᐁ ᑭ ᓂᐢᑕᐧᔭᑭᐋᐟ ᐁ ᑎᐯᔨᐦᑕᒧᐋᐟ ᒍᐋᐸ, ᒥᓇ ᐯᔭᐠ ᐁ ᑎᐯᔨᐦᑕᒧᐋᐟ ᐋᐱᓵᔭ ᐅᑯᓯᓴ ᓯᕒᔪᐋᔭ ᒍᐋᑊ ᐅᒋᐋᐧᒪ, ᒥᓇ ᐯᔭᐠ ᐁ ᑎᐯᔨᐦᑕᒧᐋᐟ ᐃᑖᔭ ᐊᓇ ᑭᑕᐃᐟ. ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᑫᐦᒋᓈ ᓂᐢᑕ ᑭ ᑲ ᐃᐧᒉᐃᐧᑎᓈᐋᐧᐤ. 3ᒫᑲ ᐊᔨᓯᔨᓂᐊᐧ ᑭ ᐃᑎᐠ, ᓇᒪᐃᐧᔭ ᑭ ᑲ ᐃᐧᒉᐃᐧᓈᐣ, ᒋᑫᒫ ᑭᐢᐱᐣ ᑕᐸᓯᔮᑭ ᓇᒪᐃᐧᔭ ᓂᔭᓇᐣ ᓂ ᑲ ᐱᓯᐢᑫᔨᒥᑯᓈᓇᐠ; ᒥᓇ ᑭᐢᐱᐣ ᐋᐱᑕᐤ ᓂᐱᔮᑭ, ᓇᒫᐃᐧᔭ ᓂ ᑲ ᐱᓯᐢᑫᔨᒥᑯᓈᓇᐠ; ᒫᑲ ᑭᔭ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ ᓂᔭᓈᐣ ᑭᐟ ᐃᑕᑭᐦᒋᑳᓱᐣ; ᓇᐊᐧᐨ ᒫᑲ ᒥᔮᐧᓯᐣ ᑭᑕ ᐃᐧᒋᐦᐃᔮᕽ ᓇᑕᐁᐧᔨᑖᑲᐧᐦᑭ ᐅᑌᓈᕽ ᐅᐦᒋ. 4ᑭᐦᒋ ᐅᑭᒫᐤ ᒫᑲ ᑭ ᐃᑌᐤ, ᐱᑯ ᐁ ᐃᓯ ᒥᔦᐧᔨᑕᒣᐠ ᓂ ᑲ ᐃᐦᑐᑌᐣ. ᑭᐦᒋ ᐅᑭᒫᐤ ᒫᑲ ᑭ ᓂᐸᐃᐧᐤ ᐅᐦᐱᒣ ᑭᐦᒋᐃᐢᑳᐧᑌᒥᕽ ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧ ᑭ ᐊᑎ ᐊᐧᔭᐃᐧᔨᐊᐧ ᐁ ᒫᒥᑕᐦᑐᒥᑕᓈᐁᐧᔨᐟ, ᒥᓇ ᐁ ᑲᑭᐦᒋᒥᑖᐦᑐᒥᑕᓇᐁᐧᔨᐟ. 5ᐁᑯᓯ ᑭᐦᒋ ᐅᑭᒫᐤ ᑭ ᐃᑕᓱᐋᑌᐤ ᒍᐋᑊ ᒥᓇ ᐋᐱᓵᐩ, ᒥᓇ ᐃᑖᐩ, ᐁ ᐃᑌᐧᐟ, ᒪᓈᒋᐃᕽ ᓂᔭ ᐅᐦᒋ ᐊᓇ ᐅᐢᑭᓂᑭᐤ ᐋᑊᓴᓬᐊᒼ ᐅᑎ. ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᐯᐦᑕᒪᐧᐠ ᐃᐢᐱ ᑭᐦᒋ ᐅᑭᒫᐤ ᑳ ᐊᔮᑳᐧᒥᒫᐟ ᓯᒫᑲᓂᓯᐃᐧᑭᒫᐊᐧ ᐋᑊᓴᓬᐊᒪ ᐅᐦᒋ.
6ᐁᑯᓯ ᒫᑲ ᐊᔨᓯᔨᓂᐊᐧᐠ ᑭ ᐊᐧᔨᐃᐧᐊᐧᐠ ᐱᑲᐧᒑᔨᕽ ᐁ ᒪᐃᐧᓀᐢᑲᐋᐧᒋᐠ ᐃᐢᕒᐁᐃᓬᐊ; ᑭ ᓄᑎᓂᑐᓈᓂᐊᐧᐣ ᒫᑲ ᐃᐸᕒᐁᐃᒼ ᓴᑳᐢᑳᐧᕽ. 7ᐁᑯᓯ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᓵᑯᒋᐦᐃᑲᐧᐠ ᑌᐱᑕ ᐅᐟ ᐊᑐᐢᑫᔮᑲᓂᔨᐊᐧ, ᑭᐦᒋ ᓂᐸᐃᑐᐃᐧᐣ ᒫᑲ ᑭ ᐊᔮᐤ ᐁᐊᐧᑳᐧᓂᒪ ᐁ ᑭᓯᑳᐠ ᓂᓯᑕᓇᐤ ᑭᐦᒋᒥᑖᐦᑐᒥᑕᓇᐤ ᓈᐯᐊᐧᐠ. 8ᐊᔨᐢ ᓄᑎᓂᑐᐃᐧᐣ ᑭ ᐊᔮᐤ ᒥᓯᑌ ᐁᐢᐱᒑᐠ ᐊᓂᒪ ᐊᐢᑭ; ᒥᓇ ᓴᑳᐤ ᑭ ᓂᓯᐊᐧᓈᒋᐃᑲᐧᐠ ᐊᐊᐧᓯᒣ ᒥᐦᒉᐟ ᐊᔨᓯᔨᓂᐊᐧᐠ ᐁᐊᐧᑳᐧᓂᒪ ᐁ ᑭᓯᑳᐠ ᐃᔨᑯᕽ ᐃᐧᔭ ᑕᐦᑐ ᑳ ᑭ ᓂᓯᐊᐧᓈᒋᐦᐃᑯᒋᐠ ᐃᓴᐁᐧᐢᐠ.
9ᐋᑊᓴᓬᐊᒼ ᒫᑲ ᓈᓇᐃᑖᐠ ᑭ ᓇᑭᐢᑲᐁᐧᐤ ᐅᐟ ᐊᑐᐢᑫᔮᑲᓂᔨᐊᐧ ᑌᐱᑕ. ᐋᑊᓴᓬᐊᒼ ᒫᑲ ᑭ ᑌᐦᑕᐱᐤ ᓱᓱᒥᐢᑕᑎᒪᐧ ᐊᓇ ᒫᑲ ᓱᓱᒥᐢᑕᑎᒼ ᑭ ᓯᐹᓯᐤ ᐁ ᓭᑫᐧᑌᑲᐧᓀᔨᐟ ᑭᐦᒋ ᒪᐢᑲᐋᑎᑲᐧ, ᐁᑯᓯ ᑭ ᓴᑳᔨᐢᑫᐧᔮᐢᑯᒋᐣ ᒪᐢᑲᐋᐧᑎᑯᕽ, ᑭ ᓂᒪᑯᒋᐣ ᒫᑲ ᑕᐢᑕᐋᐧᔨᕽ ᑭᓯᑯᕽ ᒥᓇ ᐊᐢᑭᕽ; ᐊᓂᐦᐃ ᒫᑲ ᓱᓱᒥᐢᑕᑎᒪᐧ ᑳ ᑭ ᑌᐦᑕᐱᐟ ᑭ ᐊᑎ ᓯᐯᐧᑌᔨᐊᐧ. 10ᐯᔭᐠ ᒫᑲ ᓈᐯᐤ ᑭ ᐋᐧᐸᒣᐤ, ᐁᑯᓯ ᑭ ᐃᐧᐦᑕᒪᐁᐧᐤ ᒍᐋᐸ, ᒥᓇ ᑭ ᐃᑌᐧᐤ, ᒫᑎᑲ, ᓂ ᑭ ᐋᐧᐸᒫᐤ ᐋᑊᓴᓬᐊᒼ ᐁ ᐊᑯᒋᕽ ᒪᐢᑲᐋᐧᑎᑯᕽ. 11ᒍᐋᑊ ᒫᑲ ᑭ ᐃᑌᐤ ᐊᓂᐦᐃ ᓈᐯᐊᐧ ᑳ ᐃᐧᐦᑕᒫᑯᐟ, ᒋᐢᐟ ᒫᑲ, ᑭ ᑭ ᐋᐧᐸᒫᐤ, ᐁᑯᓯ ᑖᓀᐦᑭ ᐁᑳ ᑳ ᑭ ᐸᑲᒪᐊᐧᐟ ᒧᐦᒋᕽ ᐃᓯ? ᑭ ᑲ ᑭ ᒥᔨᑎᐣ ᒥᑖᑕᐦᐟ ᑕᐦᑖᐧᐱᐢᐠ ᐋᐧᐱᐢᑭᓱᓂᔮᐤ, ᒥᓇ ᐸᑲᑌᐅᐣ. 12ᐊᓇ ᒫᑲ ᓈᐯᐤ ᑭ ᐃᑌᐤ ᒍᐋᐸ, ᐋᑕ ᑭᐦᒋᒥᑖᐦᑐᒥᑕᓇᐤ ᑕᐦᑖᐧᐱᐢᐠ ᐋᐧᐱᐢᑭᓱᓂᔮᐋᐧᐠ ᒥᔨᑲᐃᐧᔮᐣ ᓂᒋᐦᒋᕽ, ᑫᔮᐱᐨ ᓇᒪᐃᐧᔭ ᓂ ᑳᐦ ᓱᐃᐧᓂᐢᑫᔨᐢᑖᒫᐊᐧ ᑭᐦᒋ ᐅᑭᒫᐤ ᐅᑯᓯᓴ; ᒋᑫᒫ ᐁ ᐯᑕᐋᐧᔮᕽ ᑭᐦᒋ ᐅᑭᒫᐤ ᑭ ᑭ ᐊᔮᑳᐧᒥᒥᐠ ᑭᔭ ᒥᓇ ᐋᐱᓵᐩ ᒥᓇ ᐃᑖᐩ, ᐁ ᐃᑌᐧᐟ, ᒣᔮᑳᐧᒼ ᐁᑳ ᐊᐃᐧᔭᐠ ᓈᐣᑕᐤ ᑭᑕ ᐃᑐᑕᐋᐧᐟ ᐊᓂᐦᐃ ᐅᐢᑭᓂᑭᐊᐧ ᐋᑊᓴᓬᐊᒪ. 13ᑳᑲᔦ ᐃᐧᔭ ᑭᐢᐱᐣ ᓇᐢᐹᐨ ᑭ ᐃᑐᑕᒪᐧᐠ ᐅ ᐱᒫᑎᓯᐃᐧᐣ, (ᐁᑯᓯ ᓇᒪᐃᐧᔭ ᑫᑲᐧᐩ ᑳᑐᐋᐧᐤ ᑭᐦᒋ ᐅᑭᒫᐤ,) ᐁᑲᐧ ᑭᔭ ᐊᐦᐳ ᓈᐣᑕᐤ ᑭ ᑲᐦ ᐃᑌᔨᒥᐣ. 14ᐁᑲᐧ ᑭ ᐃᑌᐧᐤ ᒍᐋᑊ, ᓇᒪᐃᐧᔭ ᑭᑕ ᑭ ᐅᑕᒣᐧᐁᐧᒥᑖᐣ. ᑭ ᐅᑎᓇᒼ ᒫᑲ ᓂᐢᑐ ᑕᐦᑲᒋᑲᓂᓴ ᐅᒋᐦᒋᕽ ᒥᓇ ᑭ ᓵᐳᐢᑕᐁᐧᐤ ᐋᑊᓴᓬᐊᒪ ᐅᑌᐦᐃᔨᕽ ᒣᑳᐧᐨ ᑫᔮᐱᐨ ᐁ ᐱᒫᑎᓯᔨᐟ ᒣᑳᐧᔮᑎᐠ ᒪᐢᑲᐋᐧᑎᑯᕽ. 15ᒥᑖᑕᐦᐟ ᒫᑲ ᐅᐢᑭᓂᑭᐊᐧᐠ ᑳ ᐱᒥᐃᐧᑖᐋᐧᒋᐠ ᒍᐋᐸ ᐅᐟ ᐊᓱᐃᐧᓂᔨᐊᐧ ᑭ ᐋᐧᐢᑳᐢᑲᐁᐧᐊᐧᐠ ᒥᓇ ᑭ ᐸᑲᒪᐁᐧᐊᐧᐠ ᐋᑊᓴᓬᐊᒪ ᐁᑯᓯ ᑭ ᓂᐸᐁᐊᐧᐠ.
16ᒍᐋᑊ ᒫᑲ ᑭ ᐳᑖᑕᒼ ᐱᐱᑲᐧᐣ, ᐁᑯᓯ ᐊᔨᓯᔨᓂᐊᐧᐠ ᑭ ᐳᓂ ᓇᐊᐧᓵᐧᑌᐊᐧᐠ ᐃᐢᕒᐁᐃᓬᐊ; ᒋᑫᒫ ᒍᐋᑊ ᑭ ᑭᐱᑎᓀᐤ ᐊᔨᓯᔨᓂᐊᐧ. 17ᑭ ᐅᑎᓀᐊᐧᐠ ᒫᑲ ᐋᑊᓴᓬᐊᒪ ᐁᑯᓯ ᑭ ᐃᓯᐁᐧᐱᓀᐊᐧᐠ ᑭᐦᒋᐋᐧᑎᑳᓂᕽ ᓴᑳᕽ, ᑕᐦᑯᐨ ᒫᑲ ᑭ ᒥᓯ ᐊᓴᔦᐊᐧᐠ ᐊᓯᓂᔭ; ᑲᐦᑭᔭᐤ ᒫᑲ ᐃᐢᕒᐁᐃᓬ ᑭ ᐃᑖᒧᐊᐧᐠ ᑲᐦᑭᔭᐤ ᐊᔨᓯᔨᓂᐤ ᐃᐧᑭᕽ.
18ᐋᑊᓴᓬᐊᒼ ᒫᑲ ᐁ ᒣᑳᐧ ᐱᒫᑎᓯᐟ ᑭ ᐅᑎᓇᒼ ᒥᓇ ᑭ ᐅᔭᐢᑭᑕᒫᓱ ᒋᒪᒋᑲᐣ ᑳ ᐊᔮᐠ ᑭᐦᒋ ᐅᑭᒫᐤ ᐅ ᐋᐧᔮᒪᑎᓈᕽ; ᒋᑫᒫ ᑭ ᐃᑌᐧᐤ, ᓇᒪᐃᐧᔭ ᓄᑯᓯᓯᐣ ᑭᑕ ᐅᐦᒋ ᒪᓂ ᑭᐢᑭᓯᑐᑕᒥᕽ ᓂ ᐃᐧᔪᐃᐧᐣ; ᑭ ᐃᓯᔨᐦᑳᑕᒼ ᒫᑲ ᐊᓂᒪ ᒋᒪᒋᑲᐣ ᐃᐧᔭ ᐁ ᐃᓯᔨᐦᑳᓱᐟ; ᐁᑯᓯ ᐃᓯᔨᐦᑳᑌᐤ ᐋᑊᓴᓬᐊᒼ ᐅ ᑭᐢᑭᓇᐋᒋᐅᐃᐧᐣ ᐱᔨᐢ ᐊᓄᐦᐨ ᑳ ᑭᓯᑳᐠ.
19ᐁᑲᐧ ᒫᑲ ᑭ ᐃᑌᐧᐤ ᐊᐦᐃᒣᐋᐢ ᐅᑯᓯᓴ ᓭᑖᐠ, ᑭᔮᒼ ᐁᑲᐧ ᓂ ᑲ ᐃᐢᐸᑖᐣ ᑭᑕ ᐋᒋᒧᐢᑕᐊᐧᐠ ᑭᐦᒋ ᐅᑭᒫᐤ, ᐁ ᐃᓯ ᐋᐯᐦᐅᐢᑕᒫᑯᐟ ᑳ ᑎᐯᔨᐦᒋᑫᔨᐟ ᐅ ᓄᑎᓈᑲᓇ. 20ᒍᐋᑊ ᒫᑲ ᑭ ᐃᑌᐤ, ᓇᒪᐃᐧᔭ ᑭ ᑲ ᐃᑐᑕᑖᐣ ᐋᒋᒧᐃᐧᐣ ᐊᓄᐦᐨ ᑳ ᑭᓯᑳᐠ, ᒫᑲ ᑯᑕᐠ ᑭᓯᑳᑭ ᑭ ᑲ ᐃᑐᑕᑖᐣ ᐋᒋᒧᐃᐧᐣ; ᒫᑲ ᐊᓄᐦᐨ ᑳ ᑭᓯᑳᐠ ᓇᒪᐃᐧᔭ ᑭ ᑲ ᐃᑐᑕᑖᐣ ᐋᒋᒧᐃᐧᐣ, ᒋᑫᒫ ᑭᐦᒋ ᐅᑭᒫᐤ ᐅᑯᓯᓴ ᓂᐱᔨᐊᐧ. 21ᐁᑲᐧ ᒍᐋᑊ ᑭ ᐃᑌᐤ ᐊᓂᐦᐃ ᑲᓴᐃᑕ, ᓇᑕᐃᐧ ᐃᐧᐦᑕᒪᐤ ᑭᐦᒋ ᐅᑭᒫᐤ ᑳ ᑭ ᐃᓯ ᐋᐧᐸᐦᑕᒪᐣ. ᐊᓇ ᒫᑲ ᑲᓴᐃᐟ ᑭ ᓈᒥᐢᑫᐧᔨᐢᑕᐁᐧᐤ ᒍᐋᐸ, ᒥᓇ ᑭ ᓯᐯᐧᐸᑖᐤ. 22ᐁᑲᐧ ᐊᐦᐃᒣᐋᐢ ᐅᑯᓯᓴ ᓭᑖᐠ ᑭ ᐃᑌᐤ ᒍᐋᐸ ᒥᓇ, ᒫᑲ ᐁᔨᐁᐧᕽ ᑭᔮᒼ ᓂᐢᑕ, ᑭ ᐸᑯᓭᔨᒥᑎᐣ ᓂ ᑲ ᐱᒥᑎᓴᐋᐧᐤ ᐊᓇ ᑲᓴᐃᐟ. ᒍᐋᑊ ᒫᑲ ᑭ ᐃᑌᐤ, ᑫᑲᐧᐩ ᐅᐦᒋ ᑫ ᐃᐢᐸᑖᔭᐣ ᓂᑯᓭ, ᐃᐧᔭ ᐁᑳ ᑭᑕ ᐅᐦᑎᓯᔭᐣ ᐊᓂᒪ ᐋᒋᒧᐃᐧᐣ? 23ᒫᑲ ᐁᔨᐁᐧᕽ, ᑭ ᐃᑌᐧᐤ, ᓂ ᑲ ᐃᐢᐸᑖᐣ. ᑭ ᐃᑌᐤ ᒫᑲ, ᑭᔮᒼ ᐃᐢᐸᑖ. ᐁᑲᐧ ᐊᐦᐃᒣᐋᐢ ᑭ ᐃᐢᐸᑖᐤ ᒪᐢᑯᑌᕽ ᐊᑎ, ᑭ ᐋᓯᐢᑲᐁᐧᐤ ᒫᑲ ᐊᓂᐦᐃ ᑲᓴᐃᑕ.
24ᑌᐱᐟ ᒫᑲ ᑭ ᐊᔭᐱᐤ ᑕᐢᑕᐋᐧᔨᕽ ᐊᓂᐦᐃ ᓂᓱ ᑭᐦᒋᐃᐢᑳᐧᑌᒪ; ᐅᑕᓴᐋᐧᐱᐤ ᒫᑲ ᑭ ᐃᑐᐦᑌᐤ ᑕᐦᑯᐨ ᑭᐦᒋᐃᐢᑳᐧᑌᒥᕽ ᐋᐧᐢᑳᐦᐃᑲᐃᐧᓂᕽ, ᐁᑯᓯ ᑭ ᐅᐦᐱᐢᑫᐧᔨᐤ ᒥᓇ ᑭ ᐃᑖᐱᐤ ᐳᑎ ᒫᑲ ᓈᐯᐤ ᑭ ᐱᒥᐸᑖᐤ ᐁ ᐯᔭᑯᐟ. 25ᐊᓇ ᒫᑲ ᐅᑕᓴᐋᐱᐤ ᑭ ᑌᐯᐧᐤ ᒥᓇ ᑭ ᐃᐧᐦᑕᒪᐁᐧᐤ ᑭᐦᒋ ᐅᑭᒫᐊᐧ. ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᑭᐢᐱᐣ ᐱᔦᔭᑯᑫᐧ ᐋᒋᒧᐃᐧᓇ ᐊᔮᐤ ᐅᑐᓂᕽ. ᑭ ᐹᐸᑖᐤ ᒫᑲ, ᐁᑯᓯ ᑭᓯᐋᐧᐠ ᑭ ᐯ ᐊᔮᐤ. 26ᐊᓇ ᒫᑲ ᐅᑕᓴᐋᐧᐱᐤ ᑭ ᐋᐧᐸᒣᐤ ᑯᑕᑲ ᓈᐯᐊᐧ ᐁ ᐱᒥᐸᑖᔨᐟ; ᐁᑯᓯ ᐅᑕᓴᐋᐧᐱᐤ ᑭ ᓇᑐᒣᐤ ᐅᑲᓇᐃᐧᐢᑳᐧᑕᐁᐧᐊᐧ, ᒥᓇ ᑭ ᐃᑌᐤ, ᒫᑎᑳᓇ, ᑯᑕᐠ ᓈᐯᐤ ᐁ ᐯᔭᑯ ᐱᒥᐸᑖᐟ. ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᐃᐧᐢᑕ ᐋᒋᒧᐃᐧᐣ ᐯᑖᑐᑫ. 27ᐊᓇ ᒫᑲ ᐅᑕᓴᐋᐧᐱᐤ ᑭ ᐃᑌᐧᐤ, ᒥᔮᒪᐩ ᐁ ᐃᓯ ᐱᒥᐸᑖᐟ ᐊᓇ ᑳ ᓂᑳᓂᐸᑖᐟ ᑖᐱᐢᑯᐨ ᑳ ᐃᓯ ᐱᒥᐸᑖᐟ ᐊᐦᐃᒣᐋᐢ ᐅᑯᓯᓴ ᓭᑖᐠ. ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᒥᔪᐊᔨᓯᔨᓂᐤ ᐁᐊᐧᑯ, ᒥᓇ ᒥᔪ ᐊᒋᒧᐃᐧᐣ ᐯᑖᑐᑫ.
28ᐊᐦᐃᒣᐋᐢ ᒫᑲ ᑭ ᑌᐯᐧᐤ ᒥᓇ ᑭ ᐃᑌᐤ ᑭᐦᒋ ᐅᑭᒫᐊᐧ, ᑲᐦᑭᔭᐤ ᒥᔪ ᐃᐦᑭᐣ. ᑭ ᓈᒥᐢᑫᐧᔨᐤ ᒫᑲ ᐅᐦᑎᐢᑲᐤ ᑭᐦᒋ ᐅᑭᒫᐊᐧ ᒧᐦᒋᕽ ᐁ ᐃᑌᐢᑫᔨᐟ, ᒥᓇ ᑭ ᐃᑌᐧᐤ, ᑭᑕ ᐃᐧ ᓇᓈᐢᑯᒫᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑳ ᑭ ᐸᑭᑎᓈᐟ ᐊᓂᐦᐃ ᐊᔨᓯᔨᓂᐊᐧ ᑳ ᑭ ᐅᐦᐱᓇᒪᐋᐧᔨᐟ ᐅᒋᐦᒋᔨᐊᐧ ᓂᐟ ᐅᑭᒫᒪ ᑭᐦᒋ ᐅᑭᒫᐊᐧ. 29ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᒥᔪ ᐊᔮᐤ ᒋ ᐊᓇ ᐅᐢᑭᓂᑭᐤ ᐋᑊᓴᓬᐊᒼ? ᐊᐦᐃᒣᐋᐢ ᒫᑲ ᑭ ᐃᑌᐧᐤ, ᐃᐢᐱ ᒍᐋᑊ ᑳ ᓯᐯᐧᑎᓴᐋᐧᐟ ᑭᐦᒋ ᐅᑭᒫᐤ ᐅᐟ ᐊᑐᐢᑫᔮᑲᓇ, ᓂᔭ ᐅᑎ ᑭᐟ ᐊᑐᐢᑫᔮᑲᐣ, ᓂ ᑭ ᐋᐧᐸᐦᑌᐣ ᐁ ᑭᐦᒋ ᐅᐦᐯᐧᑲᒥᑲᕽ ᒫᑲ ᓇᒪᐃᐧᔭ ᓂ ᑭᐢᑫᔨᑌᐣ ᑫᑲᐧᐩ ᐅᐦᒋ. 30ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᐅᐦᐱᒣ ᐃᑐᐦᑌ ᐁᑯᓯ ᓂᐸᐃᐧ ᐅᑕ. ᐁᑯᓯ ᐅᐦᐱᒣ ᑭ ᐃᑐᐦᑌᐤ, ᒥᓇ ᑭ ᑭᐱᐦᒋᑳᐸᐃᐧᐤ.
31ᐁᑲᐧ ᐳᑎ ᐊᓇ ᑲᓴᐃᐟ ᑭ ᑕᑯᐸᑖᐤ; ᐊᓇ ᒫᑲ ᑲᓴᐃᐟ ᑭ ᐃᑌᐤ, ᐋᒋᒧᐃᐧᓇ ᓂᐟ ᐅᑭᒫᒼ ᑭᐦᒋ ᐅᑭᒫᐤ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭ ᐋᐯᐅᐢᑕᒫᐠ ᐊᓄᐦᐨ ᑳ ᑭᓯᑳᐠ ᑲᐦᑭᔭᐤ ᑳ ᑭ ᐸᓯᑯᐢᑖᐢᑭᐠ. 32ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐊᓂᐦᐃ ᑲᓴᐃᑕ, ᒥᔪ ᐊᔮᐤ ᒋ ᐊᓇ ᐅᐢᑭᓂᑭᐤ ᐋᑊᓴᓬᐊᒼ? ᐊᓇ ᒫᑲ ᑲᓴᐃᐟ ᑭ ᓇᐢᑫᐧᐊᐧᓯᒣᐤ, ᐅ ᓄᑎᓈᑲᓇ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᒥᓇ ᑲᐦᑭᔭᐤ ᑳ ᐸᓯᑯᐢᑖᐢᑭᐠ ᑭᑕ ᒫᔨᑐᑖᐢᑭᐠ ᑭᑕ ᐃᐧ ᐃᓯ ᐊᔮᐊᐧᐠ ᑳ ᐃᓯ ᐊᔮᐟ ᐁᐊᐧᑳᐧᓇ ᐅᐢᑭᓂᑭᐤ.
33ᑭᐦᒋ ᐅᑭᒫᐤ ᒫᑲ ᒥᐢᑕᐦᐃ ᑭ ᒧᓯᑖᐤ, ᐁᑯᓯ ᑭ ᐃᑐᐦᑌᐤ ᐱᐢᑭᒋᑲᒥᑯᕽ ᐃᐢᐱᒥᕽ ᑭᐦᒋᐃᐢᑳᐧᑌᒥᕽ, ᒥᓇ ᑭ ᒫᑐ; ᐁ ᐊᑎ ᐱᒧᐦᑌᐟ ᒫᑲ ᐅᒥᓯ ᑭ ᐃᑌᐧᐤ, ᐋ ᓂᑯᓯᐢ ᐋᑊᓴᓬᐊᒼ, ᓂᑯᓯᐢ ᓂᑯᓯᐢ ᐋᑊᓴᓬᐊᒼ! ᐱᑕᓀ ᑭ ᐃᑌᔨᑕᕽ ᑭᓭᒪᓂᑐ ᑭᑕ ᓂᐳᐢᑕᒫᑖᐣ, ᐋ ᐋᑊᓴᓬᐊᒼ, ᓂᑯᓯᐢ, ᓂᑯᓯᐢ!
Currently Selected:
ᓃᓵᐧᐤ ᓵᒼᔪᐃᓬ 18: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᓃᓵᐧᐤ ᓵᒼᔪᐃᓬ 18
18
1ᑌᐱᐟ ᒫᑲ ᑭ ᐊᑭᒣᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ ᐁᑯᓯ ᑭ ᐅᔭᑭᒣᐤ ᓯᒫᑲᓂᓯᐃᐧᑭᒫᐊᐧ ᑭᑕ ᑎᐯᔨᒫᔨᐟ ᑭᐦᒋᒥᑖᐦᑐᒥᑕᓇᐤ ᒥᓇ ᑭᑕ ᑎᐯᔨᒫᔨᐟ ᒥᑖᐦᑐᒥᑕᓇᐤ. 2ᑌᐱᐟ ᒫᑲ ᑭ ᓯᐯᐧᑎᓴᐁᐧᐤ ᐯᔭᐠ ᐁ ᑭ ᓂᐢᑕᐧᔭᑭᐋᐟ ᐁ ᑎᐯᔨᐦᑕᒧᐋᐟ ᒍᐋᐸ, ᒥᓇ ᐯᔭᐠ ᐁ ᑎᐯᔨᐦᑕᒧᐋᐟ ᐋᐱᓵᔭ ᐅᑯᓯᓴ ᓯᕒᔪᐋᔭ ᒍᐋᑊ ᐅᒋᐋᐧᒪ, ᒥᓇ ᐯᔭᐠ ᐁ ᑎᐯᔨᐦᑕᒧᐋᐟ ᐃᑖᔭ ᐊᓇ ᑭᑕᐃᐟ. ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᑫᐦᒋᓈ ᓂᐢᑕ ᑭ ᑲ ᐃᐧᒉᐃᐧᑎᓈᐋᐧᐤ. 3ᒫᑲ ᐊᔨᓯᔨᓂᐊᐧ ᑭ ᐃᑎᐠ, ᓇᒪᐃᐧᔭ ᑭ ᑲ ᐃᐧᒉᐃᐧᓈᐣ, ᒋᑫᒫ ᑭᐢᐱᐣ ᑕᐸᓯᔮᑭ ᓇᒪᐃᐧᔭ ᓂᔭᓇᐣ ᓂ ᑲ ᐱᓯᐢᑫᔨᒥᑯᓈᓇᐠ; ᒥᓇ ᑭᐢᐱᐣ ᐋᐱᑕᐤ ᓂᐱᔮᑭ, ᓇᒫᐃᐧᔭ ᓂ ᑲ ᐱᓯᐢᑫᔨᒥᑯᓈᓇᐠ; ᒫᑲ ᑭᔭ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ ᓂᔭᓈᐣ ᑭᐟ ᐃᑕᑭᐦᒋᑳᓱᐣ; ᓇᐊᐧᐨ ᒫᑲ ᒥᔮᐧᓯᐣ ᑭᑕ ᐃᐧᒋᐦᐃᔮᕽ ᓇᑕᐁᐧᔨᑖᑲᐧᐦᑭ ᐅᑌᓈᕽ ᐅᐦᒋ. 4ᑭᐦᒋ ᐅᑭᒫᐤ ᒫᑲ ᑭ ᐃᑌᐤ, ᐱᑯ ᐁ ᐃᓯ ᒥᔦᐧᔨᑕᒣᐠ ᓂ ᑲ ᐃᐦᑐᑌᐣ. ᑭᐦᒋ ᐅᑭᒫᐤ ᒫᑲ ᑭ ᓂᐸᐃᐧᐤ ᐅᐦᐱᒣ ᑭᐦᒋᐃᐢᑳᐧᑌᒥᕽ ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧ ᑭ ᐊᑎ ᐊᐧᔭᐃᐧᔨᐊᐧ ᐁ ᒫᒥᑕᐦᑐᒥᑕᓈᐁᐧᔨᐟ, ᒥᓇ ᐁ ᑲᑭᐦᒋᒥᑖᐦᑐᒥᑕᓇᐁᐧᔨᐟ. 5ᐁᑯᓯ ᑭᐦᒋ ᐅᑭᒫᐤ ᑭ ᐃᑕᓱᐋᑌᐤ ᒍᐋᑊ ᒥᓇ ᐋᐱᓵᐩ, ᒥᓇ ᐃᑖᐩ, ᐁ ᐃᑌᐧᐟ, ᒪᓈᒋᐃᕽ ᓂᔭ ᐅᐦᒋ ᐊᓇ ᐅᐢᑭᓂᑭᐤ ᐋᑊᓴᓬᐊᒼ ᐅᑎ. ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᐯᐦᑕᒪᐧᐠ ᐃᐢᐱ ᑭᐦᒋ ᐅᑭᒫᐤ ᑳ ᐊᔮᑳᐧᒥᒫᐟ ᓯᒫᑲᓂᓯᐃᐧᑭᒫᐊᐧ ᐋᑊᓴᓬᐊᒪ ᐅᐦᒋ.
6ᐁᑯᓯ ᒫᑲ ᐊᔨᓯᔨᓂᐊᐧᐠ ᑭ ᐊᐧᔨᐃᐧᐊᐧᐠ ᐱᑲᐧᒑᔨᕽ ᐁ ᒪᐃᐧᓀᐢᑲᐋᐧᒋᐠ ᐃᐢᕒᐁᐃᓬᐊ; ᑭ ᓄᑎᓂᑐᓈᓂᐊᐧᐣ ᒫᑲ ᐃᐸᕒᐁᐃᒼ ᓴᑳᐢᑳᐧᕽ. 7ᐁᑯᓯ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᓵᑯᒋᐦᐃᑲᐧᐠ ᑌᐱᑕ ᐅᐟ ᐊᑐᐢᑫᔮᑲᓂᔨᐊᐧ, ᑭᐦᒋ ᓂᐸᐃᑐᐃᐧᐣ ᒫᑲ ᑭ ᐊᔮᐤ ᐁᐊᐧᑳᐧᓂᒪ ᐁ ᑭᓯᑳᐠ ᓂᓯᑕᓇᐤ ᑭᐦᒋᒥᑖᐦᑐᒥᑕᓇᐤ ᓈᐯᐊᐧᐠ. 8ᐊᔨᐢ ᓄᑎᓂᑐᐃᐧᐣ ᑭ ᐊᔮᐤ ᒥᓯᑌ ᐁᐢᐱᒑᐠ ᐊᓂᒪ ᐊᐢᑭ; ᒥᓇ ᓴᑳᐤ ᑭ ᓂᓯᐊᐧᓈᒋᐃᑲᐧᐠ ᐊᐊᐧᓯᒣ ᒥᐦᒉᐟ ᐊᔨᓯᔨᓂᐊᐧᐠ ᐁᐊᐧᑳᐧᓂᒪ ᐁ ᑭᓯᑳᐠ ᐃᔨᑯᕽ ᐃᐧᔭ ᑕᐦᑐ ᑳ ᑭ ᓂᓯᐊᐧᓈᒋᐦᐃᑯᒋᐠ ᐃᓴᐁᐧᐢᐠ.
9ᐋᑊᓴᓬᐊᒼ ᒫᑲ ᓈᓇᐃᑖᐠ ᑭ ᓇᑭᐢᑲᐁᐧᐤ ᐅᐟ ᐊᑐᐢᑫᔮᑲᓂᔨᐊᐧ ᑌᐱᑕ. ᐋᑊᓴᓬᐊᒼ ᒫᑲ ᑭ ᑌᐦᑕᐱᐤ ᓱᓱᒥᐢᑕᑎᒪᐧ ᐊᓇ ᒫᑲ ᓱᓱᒥᐢᑕᑎᒼ ᑭ ᓯᐹᓯᐤ ᐁ ᓭᑫᐧᑌᑲᐧᓀᔨᐟ ᑭᐦᒋ ᒪᐢᑲᐋᑎᑲᐧ, ᐁᑯᓯ ᑭ ᓴᑳᔨᐢᑫᐧᔮᐢᑯᒋᐣ ᒪᐢᑲᐋᐧᑎᑯᕽ, ᑭ ᓂᒪᑯᒋᐣ ᒫᑲ ᑕᐢᑕᐋᐧᔨᕽ ᑭᓯᑯᕽ ᒥᓇ ᐊᐢᑭᕽ; ᐊᓂᐦᐃ ᒫᑲ ᓱᓱᒥᐢᑕᑎᒪᐧ ᑳ ᑭ ᑌᐦᑕᐱᐟ ᑭ ᐊᑎ ᓯᐯᐧᑌᔨᐊᐧ. 10ᐯᔭᐠ ᒫᑲ ᓈᐯᐤ ᑭ ᐋᐧᐸᒣᐤ, ᐁᑯᓯ ᑭ ᐃᐧᐦᑕᒪᐁᐧᐤ ᒍᐋᐸ, ᒥᓇ ᑭ ᐃᑌᐧᐤ, ᒫᑎᑲ, ᓂ ᑭ ᐋᐧᐸᒫᐤ ᐋᑊᓴᓬᐊᒼ ᐁ ᐊᑯᒋᕽ ᒪᐢᑲᐋᐧᑎᑯᕽ. 11ᒍᐋᑊ ᒫᑲ ᑭ ᐃᑌᐤ ᐊᓂᐦᐃ ᓈᐯᐊᐧ ᑳ ᐃᐧᐦᑕᒫᑯᐟ, ᒋᐢᐟ ᒫᑲ, ᑭ ᑭ ᐋᐧᐸᒫᐤ, ᐁᑯᓯ ᑖᓀᐦᑭ ᐁᑳ ᑳ ᑭ ᐸᑲᒪᐊᐧᐟ ᒧᐦᒋᕽ ᐃᓯ? ᑭ ᑲ ᑭ ᒥᔨᑎᐣ ᒥᑖᑕᐦᐟ ᑕᐦᑖᐧᐱᐢᐠ ᐋᐧᐱᐢᑭᓱᓂᔮᐤ, ᒥᓇ ᐸᑲᑌᐅᐣ. 12ᐊᓇ ᒫᑲ ᓈᐯᐤ ᑭ ᐃᑌᐤ ᒍᐋᐸ, ᐋᑕ ᑭᐦᒋᒥᑖᐦᑐᒥᑕᓇᐤ ᑕᐦᑖᐧᐱᐢᐠ ᐋᐧᐱᐢᑭᓱᓂᔮᐋᐧᐠ ᒥᔨᑲᐃᐧᔮᐣ ᓂᒋᐦᒋᕽ, ᑫᔮᐱᐨ ᓇᒪᐃᐧᔭ ᓂ ᑳᐦ ᓱᐃᐧᓂᐢᑫᔨᐢᑖᒫᐊᐧ ᑭᐦᒋ ᐅᑭᒫᐤ ᐅᑯᓯᓴ; ᒋᑫᒫ ᐁ ᐯᑕᐋᐧᔮᕽ ᑭᐦᒋ ᐅᑭᒫᐤ ᑭ ᑭ ᐊᔮᑳᐧᒥᒥᐠ ᑭᔭ ᒥᓇ ᐋᐱᓵᐩ ᒥᓇ ᐃᑖᐩ, ᐁ ᐃᑌᐧᐟ, ᒣᔮᑳᐧᒼ ᐁᑳ ᐊᐃᐧᔭᐠ ᓈᐣᑕᐤ ᑭᑕ ᐃᑐᑕᐋᐧᐟ ᐊᓂᐦᐃ ᐅᐢᑭᓂᑭᐊᐧ ᐋᑊᓴᓬᐊᒪ. 13ᑳᑲᔦ ᐃᐧᔭ ᑭᐢᐱᐣ ᓇᐢᐹᐨ ᑭ ᐃᑐᑕᒪᐧᐠ ᐅ ᐱᒫᑎᓯᐃᐧᐣ, (ᐁᑯᓯ ᓇᒪᐃᐧᔭ ᑫᑲᐧᐩ ᑳᑐᐋᐧᐤ ᑭᐦᒋ ᐅᑭᒫᐤ,) ᐁᑲᐧ ᑭᔭ ᐊᐦᐳ ᓈᐣᑕᐤ ᑭ ᑲᐦ ᐃᑌᔨᒥᐣ. 14ᐁᑲᐧ ᑭ ᐃᑌᐧᐤ ᒍᐋᑊ, ᓇᒪᐃᐧᔭ ᑭᑕ ᑭ ᐅᑕᒣᐧᐁᐧᒥᑖᐣ. ᑭ ᐅᑎᓇᒼ ᒫᑲ ᓂᐢᑐ ᑕᐦᑲᒋᑲᓂᓴ ᐅᒋᐦᒋᕽ ᒥᓇ ᑭ ᓵᐳᐢᑕᐁᐧᐤ ᐋᑊᓴᓬᐊᒪ ᐅᑌᐦᐃᔨᕽ ᒣᑳᐧᐨ ᑫᔮᐱᐨ ᐁ ᐱᒫᑎᓯᔨᐟ ᒣᑳᐧᔮᑎᐠ ᒪᐢᑲᐋᐧᑎᑯᕽ. 15ᒥᑖᑕᐦᐟ ᒫᑲ ᐅᐢᑭᓂᑭᐊᐧᐠ ᑳ ᐱᒥᐃᐧᑖᐋᐧᒋᐠ ᒍᐋᐸ ᐅᐟ ᐊᓱᐃᐧᓂᔨᐊᐧ ᑭ ᐋᐧᐢᑳᐢᑲᐁᐧᐊᐧᐠ ᒥᓇ ᑭ ᐸᑲᒪᐁᐧᐊᐧᐠ ᐋᑊᓴᓬᐊᒪ ᐁᑯᓯ ᑭ ᓂᐸᐁᐊᐧᐠ.
16ᒍᐋᑊ ᒫᑲ ᑭ ᐳᑖᑕᒼ ᐱᐱᑲᐧᐣ, ᐁᑯᓯ ᐊᔨᓯᔨᓂᐊᐧᐠ ᑭ ᐳᓂ ᓇᐊᐧᓵᐧᑌᐊᐧᐠ ᐃᐢᕒᐁᐃᓬᐊ; ᒋᑫᒫ ᒍᐋᑊ ᑭ ᑭᐱᑎᓀᐤ ᐊᔨᓯᔨᓂᐊᐧ. 17ᑭ ᐅᑎᓀᐊᐧᐠ ᒫᑲ ᐋᑊᓴᓬᐊᒪ ᐁᑯᓯ ᑭ ᐃᓯᐁᐧᐱᓀᐊᐧᐠ ᑭᐦᒋᐋᐧᑎᑳᓂᕽ ᓴᑳᕽ, ᑕᐦᑯᐨ ᒫᑲ ᑭ ᒥᓯ ᐊᓴᔦᐊᐧᐠ ᐊᓯᓂᔭ; ᑲᐦᑭᔭᐤ ᒫᑲ ᐃᐢᕒᐁᐃᓬ ᑭ ᐃᑖᒧᐊᐧᐠ ᑲᐦᑭᔭᐤ ᐊᔨᓯᔨᓂᐤ ᐃᐧᑭᕽ.
18ᐋᑊᓴᓬᐊᒼ ᒫᑲ ᐁ ᒣᑳᐧ ᐱᒫᑎᓯᐟ ᑭ ᐅᑎᓇᒼ ᒥᓇ ᑭ ᐅᔭᐢᑭᑕᒫᓱ ᒋᒪᒋᑲᐣ ᑳ ᐊᔮᐠ ᑭᐦᒋ ᐅᑭᒫᐤ ᐅ ᐋᐧᔮᒪᑎᓈᕽ; ᒋᑫᒫ ᑭ ᐃᑌᐧᐤ, ᓇᒪᐃᐧᔭ ᓄᑯᓯᓯᐣ ᑭᑕ ᐅᐦᒋ ᒪᓂ ᑭᐢᑭᓯᑐᑕᒥᕽ ᓂ ᐃᐧᔪᐃᐧᐣ; ᑭ ᐃᓯᔨᐦᑳᑕᒼ ᒫᑲ ᐊᓂᒪ ᒋᒪᒋᑲᐣ ᐃᐧᔭ ᐁ ᐃᓯᔨᐦᑳᓱᐟ; ᐁᑯᓯ ᐃᓯᔨᐦᑳᑌᐤ ᐋᑊᓴᓬᐊᒼ ᐅ ᑭᐢᑭᓇᐋᒋᐅᐃᐧᐣ ᐱᔨᐢ ᐊᓄᐦᐨ ᑳ ᑭᓯᑳᐠ.
19ᐁᑲᐧ ᒫᑲ ᑭ ᐃᑌᐧᐤ ᐊᐦᐃᒣᐋᐢ ᐅᑯᓯᓴ ᓭᑖᐠ, ᑭᔮᒼ ᐁᑲᐧ ᓂ ᑲ ᐃᐢᐸᑖᐣ ᑭᑕ ᐋᒋᒧᐢᑕᐊᐧᐠ ᑭᐦᒋ ᐅᑭᒫᐤ, ᐁ ᐃᓯ ᐋᐯᐦᐅᐢᑕᒫᑯᐟ ᑳ ᑎᐯᔨᐦᒋᑫᔨᐟ ᐅ ᓄᑎᓈᑲᓇ. 20ᒍᐋᑊ ᒫᑲ ᑭ ᐃᑌᐤ, ᓇᒪᐃᐧᔭ ᑭ ᑲ ᐃᑐᑕᑖᐣ ᐋᒋᒧᐃᐧᐣ ᐊᓄᐦᐨ ᑳ ᑭᓯᑳᐠ, ᒫᑲ ᑯᑕᐠ ᑭᓯᑳᑭ ᑭ ᑲ ᐃᑐᑕᑖᐣ ᐋᒋᒧᐃᐧᐣ; ᒫᑲ ᐊᓄᐦᐨ ᑳ ᑭᓯᑳᐠ ᓇᒪᐃᐧᔭ ᑭ ᑲ ᐃᑐᑕᑖᐣ ᐋᒋᒧᐃᐧᐣ, ᒋᑫᒫ ᑭᐦᒋ ᐅᑭᒫᐤ ᐅᑯᓯᓴ ᓂᐱᔨᐊᐧ. 21ᐁᑲᐧ ᒍᐋᑊ ᑭ ᐃᑌᐤ ᐊᓂᐦᐃ ᑲᓴᐃᑕ, ᓇᑕᐃᐧ ᐃᐧᐦᑕᒪᐤ ᑭᐦᒋ ᐅᑭᒫᐤ ᑳ ᑭ ᐃᓯ ᐋᐧᐸᐦᑕᒪᐣ. ᐊᓇ ᒫᑲ ᑲᓴᐃᐟ ᑭ ᓈᒥᐢᑫᐧᔨᐢᑕᐁᐧᐤ ᒍᐋᐸ, ᒥᓇ ᑭ ᓯᐯᐧᐸᑖᐤ. 22ᐁᑲᐧ ᐊᐦᐃᒣᐋᐢ ᐅᑯᓯᓴ ᓭᑖᐠ ᑭ ᐃᑌᐤ ᒍᐋᐸ ᒥᓇ, ᒫᑲ ᐁᔨᐁᐧᕽ ᑭᔮᒼ ᓂᐢᑕ, ᑭ ᐸᑯᓭᔨᒥᑎᐣ ᓂ ᑲ ᐱᒥᑎᓴᐋᐧᐤ ᐊᓇ ᑲᓴᐃᐟ. ᒍᐋᑊ ᒫᑲ ᑭ ᐃᑌᐤ, ᑫᑲᐧᐩ ᐅᐦᒋ ᑫ ᐃᐢᐸᑖᔭᐣ ᓂᑯᓭ, ᐃᐧᔭ ᐁᑳ ᑭᑕ ᐅᐦᑎᓯᔭᐣ ᐊᓂᒪ ᐋᒋᒧᐃᐧᐣ? 23ᒫᑲ ᐁᔨᐁᐧᕽ, ᑭ ᐃᑌᐧᐤ, ᓂ ᑲ ᐃᐢᐸᑖᐣ. ᑭ ᐃᑌᐤ ᒫᑲ, ᑭᔮᒼ ᐃᐢᐸᑖ. ᐁᑲᐧ ᐊᐦᐃᒣᐋᐢ ᑭ ᐃᐢᐸᑖᐤ ᒪᐢᑯᑌᕽ ᐊᑎ, ᑭ ᐋᓯᐢᑲᐁᐧᐤ ᒫᑲ ᐊᓂᐦᐃ ᑲᓴᐃᑕ.
24ᑌᐱᐟ ᒫᑲ ᑭ ᐊᔭᐱᐤ ᑕᐢᑕᐋᐧᔨᕽ ᐊᓂᐦᐃ ᓂᓱ ᑭᐦᒋᐃᐢᑳᐧᑌᒪ; ᐅᑕᓴᐋᐧᐱᐤ ᒫᑲ ᑭ ᐃᑐᐦᑌᐤ ᑕᐦᑯᐨ ᑭᐦᒋᐃᐢᑳᐧᑌᒥᕽ ᐋᐧᐢᑳᐦᐃᑲᐃᐧᓂᕽ, ᐁᑯᓯ ᑭ ᐅᐦᐱᐢᑫᐧᔨᐤ ᒥᓇ ᑭ ᐃᑖᐱᐤ ᐳᑎ ᒫᑲ ᓈᐯᐤ ᑭ ᐱᒥᐸᑖᐤ ᐁ ᐯᔭᑯᐟ. 25ᐊᓇ ᒫᑲ ᐅᑕᓴᐋᐱᐤ ᑭ ᑌᐯᐧᐤ ᒥᓇ ᑭ ᐃᐧᐦᑕᒪᐁᐧᐤ ᑭᐦᒋ ᐅᑭᒫᐊᐧ. ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᑭᐢᐱᐣ ᐱᔦᔭᑯᑫᐧ ᐋᒋᒧᐃᐧᓇ ᐊᔮᐤ ᐅᑐᓂᕽ. ᑭ ᐹᐸᑖᐤ ᒫᑲ, ᐁᑯᓯ ᑭᓯᐋᐧᐠ ᑭ ᐯ ᐊᔮᐤ. 26ᐊᓇ ᒫᑲ ᐅᑕᓴᐋᐧᐱᐤ ᑭ ᐋᐧᐸᒣᐤ ᑯᑕᑲ ᓈᐯᐊᐧ ᐁ ᐱᒥᐸᑖᔨᐟ; ᐁᑯᓯ ᐅᑕᓴᐋᐧᐱᐤ ᑭ ᓇᑐᒣᐤ ᐅᑲᓇᐃᐧᐢᑳᐧᑕᐁᐧᐊᐧ, ᒥᓇ ᑭ ᐃᑌᐤ, ᒫᑎᑳᓇ, ᑯᑕᐠ ᓈᐯᐤ ᐁ ᐯᔭᑯ ᐱᒥᐸᑖᐟ. ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᐃᐧᐢᑕ ᐋᒋᒧᐃᐧᐣ ᐯᑖᑐᑫ. 27ᐊᓇ ᒫᑲ ᐅᑕᓴᐋᐧᐱᐤ ᑭ ᐃᑌᐧᐤ, ᒥᔮᒪᐩ ᐁ ᐃᓯ ᐱᒥᐸᑖᐟ ᐊᓇ ᑳ ᓂᑳᓂᐸᑖᐟ ᑖᐱᐢᑯᐨ ᑳ ᐃᓯ ᐱᒥᐸᑖᐟ ᐊᐦᐃᒣᐋᐢ ᐅᑯᓯᓴ ᓭᑖᐠ. ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᒥᔪᐊᔨᓯᔨᓂᐤ ᐁᐊᐧᑯ, ᒥᓇ ᒥᔪ ᐊᒋᒧᐃᐧᐣ ᐯᑖᑐᑫ.
28ᐊᐦᐃᒣᐋᐢ ᒫᑲ ᑭ ᑌᐯᐧᐤ ᒥᓇ ᑭ ᐃᑌᐤ ᑭᐦᒋ ᐅᑭᒫᐊᐧ, ᑲᐦᑭᔭᐤ ᒥᔪ ᐃᐦᑭᐣ. ᑭ ᓈᒥᐢᑫᐧᔨᐤ ᒫᑲ ᐅᐦᑎᐢᑲᐤ ᑭᐦᒋ ᐅᑭᒫᐊᐧ ᒧᐦᒋᕽ ᐁ ᐃᑌᐢᑫᔨᐟ, ᒥᓇ ᑭ ᐃᑌᐧᐤ, ᑭᑕ ᐃᐧ ᓇᓈᐢᑯᒫᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑳ ᑭ ᐸᑭᑎᓈᐟ ᐊᓂᐦᐃ ᐊᔨᓯᔨᓂᐊᐧ ᑳ ᑭ ᐅᐦᐱᓇᒪᐋᐧᔨᐟ ᐅᒋᐦᒋᔨᐊᐧ ᓂᐟ ᐅᑭᒫᒪ ᑭᐦᒋ ᐅᑭᒫᐊᐧ. 29ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᒥᔪ ᐊᔮᐤ ᒋ ᐊᓇ ᐅᐢᑭᓂᑭᐤ ᐋᑊᓴᓬᐊᒼ? ᐊᐦᐃᒣᐋᐢ ᒫᑲ ᑭ ᐃᑌᐧᐤ, ᐃᐢᐱ ᒍᐋᑊ ᑳ ᓯᐯᐧᑎᓴᐋᐧᐟ ᑭᐦᒋ ᐅᑭᒫᐤ ᐅᐟ ᐊᑐᐢᑫᔮᑲᓇ, ᓂᔭ ᐅᑎ ᑭᐟ ᐊᑐᐢᑫᔮᑲᐣ, ᓂ ᑭ ᐋᐧᐸᐦᑌᐣ ᐁ ᑭᐦᒋ ᐅᐦᐯᐧᑲᒥᑲᕽ ᒫᑲ ᓇᒪᐃᐧᔭ ᓂ ᑭᐢᑫᔨᑌᐣ ᑫᑲᐧᐩ ᐅᐦᒋ. 30ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᐅᐦᐱᒣ ᐃᑐᐦᑌ ᐁᑯᓯ ᓂᐸᐃᐧ ᐅᑕ. ᐁᑯᓯ ᐅᐦᐱᒣ ᑭ ᐃᑐᐦᑌᐤ, ᒥᓇ ᑭ ᑭᐱᐦᒋᑳᐸᐃᐧᐤ.
31ᐁᑲᐧ ᐳᑎ ᐊᓇ ᑲᓴᐃᐟ ᑭ ᑕᑯᐸᑖᐤ; ᐊᓇ ᒫᑲ ᑲᓴᐃᐟ ᑭ ᐃᑌᐤ, ᐋᒋᒧᐃᐧᓇ ᓂᐟ ᐅᑭᒫᒼ ᑭᐦᒋ ᐅᑭᒫᐤ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭ ᐋᐯᐅᐢᑕᒫᐠ ᐊᓄᐦᐨ ᑳ ᑭᓯᑳᐠ ᑲᐦᑭᔭᐤ ᑳ ᑭ ᐸᓯᑯᐢᑖᐢᑭᐠ. 32ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐊᓂᐦᐃ ᑲᓴᐃᑕ, ᒥᔪ ᐊᔮᐤ ᒋ ᐊᓇ ᐅᐢᑭᓂᑭᐤ ᐋᑊᓴᓬᐊᒼ? ᐊᓇ ᒫᑲ ᑲᓴᐃᐟ ᑭ ᓇᐢᑫᐧᐊᐧᓯᒣᐤ, ᐅ ᓄᑎᓈᑲᓇ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᒥᓇ ᑲᐦᑭᔭᐤ ᑳ ᐸᓯᑯᐢᑖᐢᑭᐠ ᑭᑕ ᒫᔨᑐᑖᐢᑭᐠ ᑭᑕ ᐃᐧ ᐃᓯ ᐊᔮᐊᐧᐠ ᑳ ᐃᓯ ᐊᔮᐟ ᐁᐊᐧᑳᐧᓇ ᐅᐢᑭᓂᑭᐤ.
33ᑭᐦᒋ ᐅᑭᒫᐤ ᒫᑲ ᒥᐢᑕᐦᐃ ᑭ ᒧᓯᑖᐤ, ᐁᑯᓯ ᑭ ᐃᑐᐦᑌᐤ ᐱᐢᑭᒋᑲᒥᑯᕽ ᐃᐢᐱᒥᕽ ᑭᐦᒋᐃᐢᑳᐧᑌᒥᕽ, ᒥᓇ ᑭ ᒫᑐ; ᐁ ᐊᑎ ᐱᒧᐦᑌᐟ ᒫᑲ ᐅᒥᓯ ᑭ ᐃᑌᐧᐤ, ᐋ ᓂᑯᓯᐢ ᐋᑊᓴᓬᐊᒼ, ᓂᑯᓯᐢ ᓂᑯᓯᐢ ᐋᑊᓴᓬᐊᒼ! ᐱᑕᓀ ᑭ ᐃᑌᔨᑕᕽ ᑭᓭᒪᓂᑐ ᑭᑕ ᓂᐳᐢᑕᒫᑖᐣ, ᐋ ᐋᑊᓴᓬᐊᒼ, ᓂᑯᓯᐢ, ᓂᑯᓯᐢ!
This Bible text is a corrected edition of the 1908 Western Cree Bible; it is in the public domain.