ᓃᓵᐧᐤ ᓵᒼᔪᐃᓬ 15
15
1ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ, ᐋᑊᓴᓬᐊᒼ ᑭ ᑲᐧᔮᒋᐁᐤ ᑎᑎᐱᑖᐹᓈᐢᑲᐧ ᒥᓇ ᒥᐢᑕᑎᒪᐧ ᒥᓇ ᓂᔮᓇᓄᒥᑕᓇᐤ ᓈᐯᐊᐧ ᑭᑕ ᓂᑳᓂᐸᑖᔨᐟ. 2ᐋᑊᓴᓬᐊᒼ ᒫᑲ ᐃᐧᐸᐨ ᑫᑭᓭᐹ ᑭ ᐊᐧᓂᐢᑳᐤ, ᐁᑯᓯ ᑭ ᓂᐸᐃᐧᐤ ᒋᑭ ᒣᐢᑲᓈᕽ ᑭᐦᒋᐃᐢᑳᐧᑌᒥᕽ; ᑭ ᐊᔨᑭᐣ ᒫᑲ ᑭᐢᐱᐣ ᐊᐃᐧᔭ ᐊᔨᓯᔨᓂᐊᐧ ᐁ ᐋᐧᐋᐧᓀᔨᑕᒥᔨᐟ ᐱᔦᓈᑖᔨᒋ ᑭᐦᒋ ᐅᑭᒫᐊᐧ ᐅᔭᓱᐋᐧᓯᐁᐧᐃᐧᐣ ᐅᐦᒋ, ᐁᑲᐧ ᐋᑊᓴᓬᐊᒼ ᑭ ᓇᑐᒣᐤ, ᒥᓇ ᑭ ᐃᑌᐤ, ᑫᑯ ᐅᑌᓇᐤ ᐁᐧᐦᒋᔭᐣ? ᐁᑯᓯ ᑭ ᐃᑎᐠ, ᑭᐟ ᐊᑐᐢᑫᔮᑲᐣ ᐅᐦᒋᐤ ᐯᔭᐠ ᐅ ᐱᐢᑭᑐᑌᐃᐧᓯᐃᐧᐣ ᐃᐢᕒᐁᐃᓬ. 3ᐁᑲᐧ ᐋᑊᓴᓬᐊᒼ ᑭ ᐃᑌᐤ, ᓈᑲᑌᔨᑕ ᑳ ᓄᒋᐦᑖᔭᐣ ᐁ ᒥᔮᐧᓯᐠ ᒥᓇ ᐁ ᑲᐧᔭᐢᑲᐧᕽ; ᒫᑲ ᓇᒪᐃᐧᔭ ᐃᐦᑖᐤ ᐊᔨᓯᔨᓂᐤ ᐁ ᐅᔭᑭᒥᑯᐟ ᑭᐦᒋ ᐅᑭᒫᐊᐧ ᑭᑕ ᓇᑐᐦᑖᐢᐠ. 4ᐋᑊᓴᓬᐊᒼ ᒫᑲ ᑭ ᐃᑌᐧᐤ ᒥᓇ, ᐱᑕᓀ ᓂᔭ ᐅᔭᓱᐁᐧᐃᐧᔨᓂᐃᐧᔮᐣ ᐊᐢᑭᕽ, ᑲᐦᑭᔭᐤ ᐊᔨᓯᔨᓂᐤ ᓈᐣᑕᐤ ᐁ ᐃᓯ ᐊᐧᐋᐧᓀᔨᑕᕽ ᑭᑕ ᑭ ᐯ ᓈᓯᐟ ᐁᑯᓯ ᒫᑲ ᓂᔭ ᑲᐧᔭᐢᐠ ᓂ ᑳᐦ ᐃᑕᓱᐋᐧᑕᐤ! 5ᑭ ᐊᔨᑭᐣ ᒫᑲ ᑭᐢᐱᐣ ᐊᐃᐧᔭ ᐊᔨᓯᔨᓂᐊᐧ ᑭᓯᐋᐧᐠ ᐱᔦᓈᑎᑯᒋ ᑭᑕ ᐊᑕᒥᐢᑳᑯᐟ, ᑭ ᐃᓯᒋᐦᒉᔨᐤ, ᐁ ᐅᑎᐦᑎᓈᐟ ᒥᓇ ᐁ ᐊᐧᔪᒉᒫᐟ. 6ᐁᑯᓯ ᒫᑲ ᐅᒪ ᐋᑊᓴᓬᐊᒼ ᑭ ᐃᑐᑕᐁᐧᐤ ᑲᐦᑭᔭᐤ ᐃᐢᕒᐁᐃᓬ ᑳ ᐯ ᓈᑖᔨ ᑭᐦᒋ ᐅᑭᒫᐊᐧ ᐅᔭᓱᐁᐧᐃᐧᐣ ᐅᐦᒋ; ᐁᑯᓯ ᐋᑊᓴᓬᐊᒼ ᑭ ᑭᒧᑎᐤ ᐅᑌᐦᐃᔨᐊᐧ ᐃᐢᕒᐁᐃᓬ ᐊᔨᓯᔨᓂᐊᐧ.
7ᑭ ᐊᔨᐢᐸᔨᐤ ᒫᑲ ᐁ ᐳᓂᐸᔨᑭ ᓀᒥᑕᓇᐤ ᐊᐢᑭ, ᐋᑊᓴᓬᐊᒼ ᑭ ᐃᑌᐤ ᑭᐦᒋ ᐅᑭᒫᐊᐧ, ᑭᔮᒼ ᐸᑭᑎᓂᐣ ᑭᑕ ᓇᑕᐃᐧ ᑎᐱᑐᑕᒫᐣ ᓂ ᑭᐦᒋᐃᑌᐧᐃᐧᐣ, ᑳ ᑭ ᑭᐦᒋᐃᑕᐠ ᑳ ᑎᐯᔨᐦᒋᑫᐟ ᐊᓂᑕ ᐦᐁᐸᕒᐊᐣ. 8ᒋᑫᒫ ᑭᐟ ᐊᑐᐢᑫᔮᑲᐣ ᑭ ᑭᐦᒋᐃᑌᐧᐤ ᑭᐦᒋᐃᑌᐧᐃᐧᐣ ᒣᑳᐧᐨ ᑳ ᐊᔮᔮᐣ ᐁᑯᑕ ᑭᓴᕒ ᓯᕒᐃᔭᐃᕽ, ᐁ ᐃᑌᐧᔮᐣ, ᑭᐢᐱᐣ ᑳ ᑎᐯᔨᐦᒋᑫᐟ ᑳᐃᐧ ᒥᓇ ᑫ ᑭᐁᐧᑕᐃᑫᐧ ᒉᕒᐅᓴᓬᐊᒥᕽ, ᐁᑲᐧ ᓂ ᑲ ᐊᑐᐢᑲᐋᐧᐤ ᑳ ᑎᐯᔨᐦᒋᑫᐟ. 9ᑭᐦᒋ ᐅᑭᒫᐊᐧ ᒫᑲ ᑭ ᐃᑎᐠ, ᓯᐯᐧᐦᑌ, ᐯᔭᐦᑕᑫᔨᒧᐃᐧᓂᕽ. ᐁᑯᓯ ᑭ ᐸᓯᑯ ᒥᓇ ᑭ ᐃᑐᐦᑌᐤ ᐦᐁᐸᕒᐊᓂᕽ.
10ᒫᑲ ᐋᑊᓴᓬᐊᒼ ᑭ ᐃᓯᑎᓴᐁᐧᐤ ᐅᓇᑕᐋᐧᑖᐊᐧ ᒥᓯᐁᐧ ᐃᐢᕒᐁᐃᓬ ᐁ ᐃᑕᐦᑐᑌᐃᐧᓯᔨᐟ, ᐁ ᐃᑌᐧᐟ, ᓭᒫᐠ ᐯᐦᑕᒣᑯ ᐁ ᑭᑐᑖᕽ ᐱᐱᑲᐧᐣ, ᐁᑲᐧ ᑭ ᑲ ᐃᑖᐧᓈᐋᐧᐤ, ᐋᑊᓴᓬᐊᒼ ᑭᐦᒋ ᐅᑭᒫᐃᐧᐤ ᐦᐁᐸᕒᐊᓂᕽ. 11ᐋᑊᓴᓬᐊᒼ ᒫᑲ ᑭ ᐃᐧᒉᐠ ᓂᓵᐧᐤ ᒥᑖᐦᑐᒥᑕᓇᐤ ᐊᔨᓯᔨᓂᐊᐧ ᒉᕒᐅᓴᓬᐊᒥᕽ ᐅᐦᒋ, ᑳ ᑭ ᓇᑐᒥᐦᒋᐠ, ᐁᑯᓯ ᐁ ᑭ ᐃᑐᐦᑌᒋᐠ ᐁ ᑲᔦᓯᐃᐦᒋᐠ; ᐁᑳ ᒫᑲ ᑫᑲᐧᐩ ᐁ ᑭᐢᑫᔨᑕᐦᑭᐠ. 12ᐋᑊᓴᓬᐊᒼ ᒫᑲ ᑭ ᓇᑐᒣᐤ ᐊᐦᐃᑕᐯᓬᐊ ᐊᓇ ᑲᐃᓬᐊᓇᐃᐟ, ᑌᐱᐟ ᐅᔭᓱᐁᐧᒪ, ᐅᐟ ᐅᑌᓈᔨᕽ ᐅᐦᒋ ᐊᓂᒪ ᐅᑎ ᑲᐃᓬᐋ, ᐁ ᐃᐢᐱᐦᒋ ᐸᑭᑎᓇᕽ ᐸᑭᑎᓈᓱᐃᐧᓇ. ᐊᓂᒪ ᒫᑲ ᒫᔭᑲᒥᑭᓯᐃᐧᐣ ᑭ ᓱᑫᔨᑖᑲᐧᐣ; ᒋᑫᒫ ᐊᔨᓯᔨᓂᐊᐧ ᐁᔪᑲᒼ ᑭ ᐊᑎ ᒥᐦᒉᑎᔨᐊᐧ ᑳ ᐱᒥᑎᓴᐦᐅᑯᐟ ᐋᑊᓴᓬᐊᒼ.
13ᑭ ᐅᑎᐦᑎᐠ ᒫᑲ ᑌᐱᐟ ᐅᑖᒋᒧᐊᐧ ᐁ ᐃᑌᔨᐟ, ᐅᑌᐦᐃᔨᐊᐧ ᐃᐢᕒᐁᐃᓬ ᐊᔨᓯᔨᓂᐊᐧ ᐱᒥᑎᓴᐦᐅᐠ ᐋᑊᓴᓬᐊᒼ. 14ᑌᐱᐟ ᒫᑲ ᑭ ᐃᑌᐤ ᑲᐦᑭᔭᐤ ᐊᓂᐦᐃ ᐅᐟ ᐊᑐᐢᑫᔮᑲᓇ ᑳ ᐃᐧᒉᐃᐧᑯᐟ ᒉᕒᐅᓴᓬᐊᒥᕽ, ᐸᓯᑯᐠ, ᑕᐸᓯᑖᐠ; ᐁᑯᓯ ᐃᓯ ᐱᑯ ᑭ ᑲ ᑭ ᐸᐢᐱᐸᐋᓇᐤ ᐋᑊᓴᓬᐊᒼ; ᑲᑫᐧᔮᐦᐅᐠ ᑭᑕ ᓯᐯᐧᑌᔭᕽ ᓈᐣᑕᐤ ᐃᓯ ᓯᓯᑯᐨ ᑭ ᑲ ᐊᑎᒥᓀᐅᑯᓇᐤ, ᐁᑯᓯ ᑭᑕ ᒫᔨᑐᑖᑯᔭᕽ ᒥᓇ ᑭᑕ ᐸᑲᒪᐊᕽ ᐅᑌᓇᐤ ᐁ ᐃᓯ ᑭᓈᐱᑕᑳᐠ ᐃᓴᐁᐧᐢᐠ. 15ᐁᑯᓯ ᑭᐦᒋ ᐅᑭᒫᐤ ᐅᐟ ᐊᑐᐢᑫᔮᑲᓇ ᑭ ᐃᑎᐠ ᑭᐦᒋ ᐅᑭᒫᐤ, ᒫᑎᑲ, ᑭᐟ ᐊᑐᐢᑫᔮᑲᓇᐠ ᐊᐧᐁᐧᔨᐊᐧᐠ ᑭᑕ ᐃᑐᑕᐦᑭᐠ ᐱᑯ ᑫᑲᐧᐩ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑫ ᓇᑕᐁᐧᔨᑕᕽ. 16ᑭᐦᒋ ᐅᑭᒪᐤ ᒫᑲ ᑭ ᓯᐯᐧᑌᐤ, ᒥᓇ ᑲᐦᑭᔭᐤ ᐃᐧᑭᕽ ᑳ ᐊᔮᔨᐟ ᐁ ᐱᒥᑎᓴᐦᐅᑯᐟ. ᑭᐦᒋ ᐅᑭᒫᐤ ᒫᑲ ᑭ ᓇᑲᑌᐤ ᒥᑖᑕᐦᐟ ᐃᐢᑫᐧᐊᐧ, ᑲᓇᐃᐧᐢᑫᐧᐋᐧᓇᐠ, ᑭᑕ ᑲᓇᐁᐧᔨᑕᒥᔨᐟ ᐋᐧᐢᑳᐦᐃᑲᐣ. 17ᐁᑯᓯ ᑭᐦᒋ ᐅᑭᒫᐤ ᑭ ᓯᐯᐧᑌᐤ, ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᐁ ᐱᒥᑎᓴᐦᐅᑯᐟ; ᑭ ᑭᐱᐦᒋᐊᐧᐠ ᒫᑲ ᐊᓂᑕ ᐯᐦᐟᒪᕒᐦᐊᐠ. 18ᑲᐦᑭᔭᐤ ᒫᑲ ᐅᐟ ᐊᑐᐢᑫᔮᑲᓇ ᑭ ᐊᑎ ᓵᐳ ᐱᒧᐦᑌᔨᐊᐧ ᐃᑕ ᐁ ᐊᔮᐟ; ᒥᓇ ᑲᐦᑭᔭᐤ ᐊᓂᐦᐃ ᑫᕒᐃᑕᐃᑕ, ᒥᓇ ᑲᐦᑭᔭᐤ ᐯᓬᐃᑕᐃᑕ, ᒥᓇ ᑲᐦᑭᔭᐤ ᑭᑕᐃᑕ, ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓈᐯᐊᐧ ᑳ ᑭ ᐯ ᐱᒥᑎᓴᐦᐅᑯᐟ ᑳᐦᐟ ᐅᐦᒋ, ᑭ ᓵᐳ ᐱᒧᐦᑌᐊᐧᐠ ᐅᐦᑎᐢᑲᐤ ᑭᐦᒋ ᐅᑭᒫᐤ.
19ᐁᑲᐧ ᑭᐦᒋ ᐅᑭᒫᐤ ᑭ ᐃᑌᐤ ᐃᑖᔭ ᐊᓂᐦᐃ ᑭᑕᐃᐟ, ᑫᑲᐧᐩ ᐅᐦᒋ ᑭᐢᑕ ᑳ ᐃᐧᒉᐃᐧᔮᕽ? ᑭᐁᐧ, ᒥᓇ ᑭᔮᒼ ᐃᐧᒋᐊᔮᒼ ᑭᐦᒋ ᐅᑭᒫᐤ; ᒋᑫᒫ ᑭ ᒫᓂᑌᐃᐧᐣ, ᒥᓇ ᑭᐟ ᐊᔭᐦᑎᓯᐣ; ᑭᐁᐧ ᑭᐟ ᐃᐦᑖᐃᐧᓂᕽ. 20ᐃᐧᔭ ᐅᑖᑯᓯᕽ ᐱᑯ ᐁ ᑭ ᑕᑯᓯᓇᐣ, ᑳᑫᐧᑯᐢᐠ ᒋ ᑭ ᑲ ᐋᐃᑐᑕᐦᐃᑎᐣ ᑭᑕ ᐃᐧᒉᐃᐧᔮᕽ, ᐱᑯ ᐃᑌ ᐁ ᐃᑐᐦᑌᔮᐣ? ᑭᔮᒼ ᑭᐁᐧ ᒥᓇ ᑭᐁᐧᑕᐃᐠ ᑭᒋᐋᐧᒪᐠ; ᑭᓭᐋᐧᑐᑖᑯᐃᐧᐣ ᒥᓇ ᑖᐯᐧᐃᐧᐣ ᑭ ᑲ ᐃᐧ ᐃᐧᒉᐃᐧᑯᐣ. 21ᐃᑖᐩ ᒫᑲ ᑭ ᓇᐢᑫᐧᐊᐧᓯᒣᐤ ᑭᐦᒋ ᐅᑭᒫᐊᐧ, ᒥᓇ ᑭ ᐃᑌᐤ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ, ᒥᓇ ᐁ ᐱᒫᑎᓯᐟ ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᑫᐦᒋᓈ ᐱᑯ ᐃᑕ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑫ ᐊᔮᑫᐧ, ᑭᐢᐱᐣ ᓂᐳᐃᐧᐣ ᐅᐦᒋ ᐊᐦᐳ ᐱᒫᑎᓯᐃᐧᐣ ᐅᐦᒋ, ᐁᑯᑕ ᐃᐧᐢᑕ ᑭᐟ ᐊᑐᐢᑫᔮᑲᐣ ᑫ ᐊᔮᐟ. 22ᑌᐱᐟ ᒫᑲ ᑭ ᐃᑌᐤ ᐃᑖᔭ, ᓂᔮ ᓂᑕᐃᐧ ᐊᓱᐊᐧᐦᐊ, ᐁᑯᓯ ᐃᑖᐩ ᐊᓇ ᑭᑕᐃᐟ ᑭ ᐊᓱᐊᐧᐦᐊᒼ, ᒥᓇ ᑲᐦᑭᔭᐤ ᐅᐢᑭᓂᑭᒪ, ᒥᓇ ᑲᐦᑭᔭᐤ ᐊᓂᐦᐃ ᑳ ᐊᐱᓯᓯᓯᔨᐟ ᑳ ᐃᐧᒉᐃᐧᑯᐟ. 23ᑲᐦᑭᔭᐤ ᒫᑲ ᐁᑯᑕ ᐊᐢᑭᕽ ᑭ ᒫᑐᐊᐧᐠ ᐁ ᑭᓯᐁᐧᒋᐠ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᐋᓱᐊᐧᐊᒪᐧᐠ; ᑭᐦᒋ ᐅᑭᒫᐤ ᐃᐧᐢᑕ ᑭ ᐋᓱᐊᐧᐊᒼ ᐊᓂᒪ ᓯᐱᓯᐢ ᑭᑕᕒᐊᐣ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᐊᓱᐊᐧᐊᒪᐧᐠ ᐱᑲᐧᑕᐢᑭᕽ ᐃᓯ.
24ᐳᑎ ᒫᑲ ᓭᑖᐠ ᐃᐧᐢᑕ ᑭ ᐯ ᐃᑐᐦᑌᐤ, ᒥᓇ ᑲᐦᑭᔭᐤ ᓬᐃᐸᐃᑕ ᐁ ᐃᐧᒉᐃᐧᑯᐟ ᐁ ᐱᒥᐃᐧᑖᒋᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ; ᑭ ᐸᑭᑎᓇᒪᐧᐠ ᒫᑲ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ, ᐊᐹᔭᑕᕒ ᒫᑲ ᑭ ᐃᑐᐦᑌᐤ, ᐱᔨᐢ ᑲᐦᑭᔭᐤ ᐊᔨᓯᔨᓂᐊᐧ ᐁ ᑭ ᓯᑲᐃᐧᔨᐟ ᐅᑌᓈᕽ ᐅᐦᒋ. 25ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᓭᑖᑲ, ᑭᐁᐧᑕᑖ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑭᓭᒪᓂᑐ ᐅᑌᓈᕽ; ᑭᐢᐱᐣ ᒥᐢᑲᒫᓂ ᑭᑕ ᒥᔪᑲᓂᐋᐧᐸᒥᐟ ᑳ ᑎᐯᔨᐦᒋᑫᐟ ᓂ ᑲ ᐯᓯᐠ ᒥᓇ, ᐁᑯᓯ ᓂ ᑲ ᐋᐧᐸᐦᑕᐦᐃᐠ ᐁᐊᐧᑫᐧᔨᐤ ᒥᓇ ᐅᐟ ᐃᐦᑖᐃᐧᐣ. 26ᒫᑲ ᑭᐢᐱᐣ ᐅᒥᓯ ᐃᑌᐧᒋ, ᓇᒪᐃᐧᔭ ᑭ ᒥᔦᐧᔨᒥᑎᐣ; ᒫᑎᑲ, ᐅᑕ ᓂᐟ ᐊᔮᐣ, ᑭᔮᒼ ᓂ ᑲ ᐃᑐᑖᐠ ᐁ ᐃᓯ ᒥᔮᐧᐱᓯᒥᑯᐟ. 27ᑭᐦᒋ ᐅᑭᒫᐤ ᒥᓇ ᑭ ᐃᑌᐤ ᓭᑖᑲ ᐊᔭᒥᐦᐁᐃᐧᔨᓂᐊᐧ, ᓇᒪ ᒋ ᑭᔭ ᐅᐋᐧᐸᒋᑫᐤ? ᑭᐁᐧ ᐅᑌᓈᕽ ᐯᔭᐦᑕᑫᔨᒧᐃᐧᓂᕽ, ᐊᓯᒋ ᐁ ᐃᓯ ᓂᓯᒋᐠ ᑭᑯᓯᓴᐠ, ᐊᐦᐃᒣᐋᐢ ᑭᑯᓯᐢ, ᒥᓇ ᒑᓇᐦᑕᐣ ᐅᑯᓯᓴ ᐊᐹᔭᑕᕒ. 28ᒫᑎᑲ, ᓂ ᑲ ᑲᐯᓯᐣ ᐋᓱᐊᐧᐅᓈᓂᕽ ᐱᑲᐧᑕᐢᑭᕽ, ᐃᐢᑯ ᐅᑎᐦᑎᑯᔮᓂ ᑭᐟ ᐃᑌᐧᐃᐧᓂᐋᐧᐤ ᑭᑕ ᑭᐢᑫᔨᑕᒧᐃᔦᐠ. 29ᐁᑯᓯ ᓭᑖᐠ ᒥᓇ ᐊᐹᔭᑕᕒ ᑭ ᑭᐁᐧᑕᑖᐊᐧᐠ ᒥᓇ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ ᒉᕒᐅᓴᓬᐊᒥᕽ; ᐁᑯᑕ ᒫᑲ ᑭ ᐊᔮᐊᐧᐠ.
30ᑌᐱᐟ ᒫᑲ ᑭ ᐊᑎ ᐋᒪᒋᐁᐧᐤ ᐋᓬᐃᑊᐢ ᐊᐧᒋ, ᐁ ᒫᑐᐟ ᐁ ᐊᑎ ᐋᒪᒋᐁᐧᐟ, ᐁ ᐊᑲᐧᓇᐦᐊᕽ ᐅᐢᑎᑳᐧᐣ ᒥᓇ ᐁ ᓵᓵᑭᑎᐟ; ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ ᑭ ᐊᑲᐧᓇᐅᐊᐧᐠ ᐅᐢᑎᑳᐧᓂᐋᐧᕽ, ᑭ ᐊᑎ ᐋᒪᒋᐁᐧᐊᐧᐠ ᒫᑲ ᐁ ᒫᑐᒋ ᐁ ᐊᑎ ᐋᒪᒋᐁᐧᒋᐠ.
31ᐯᔭᐠ ᒫᑲ ᑭ ᐃᐧᐦᑕᒫᐠ ᑌᐱᐟ ᐁ ᐃᑎᑯᐟ, ᐊᐦᐃᑕᐯᓬ ᐃᐧᒋᐦᐃᐁᐧᐤ ᐊᓂᑭ ᑳ ᒫᔭᑲᒥᑭᓯᒋᐠ ᐊᓯᒋ ᐋᑊᓴᓬᐊᒼ. ᐁᑯᓯ ᑌᐱᐟ ᑭ ᐃᑌᐧᐤ, ᑌᐯᔨᐦᒋᑫᔭᐣ ᑭ ᐸᑯᓭᔨᒥᑎᐣ, ᑫᐧᐢᑭᓇᒼ ᐅᐟ ᐃᑕᓱᐁᐧᐃᐧᐣ ᐊᐦᐃᑖᐯᓬ ᑭᑕ ᑲᑫᐹᒋᐸᔨᔨᐠ.
32ᑭ ᐊᔨᑭᐣ ᒫᑲ ᐃᐢᐱ ᑌᐱᐟ ᐁᐧᑎᑕᕽ ᑕᐦᑯᑖᒪᑎᐣ ᐃᑕ ᑳ ᐊᔭᒥᐦᐁᐢᑖᐦᐟ ᑭᓭᒪᓂᑐ, ᐳᑎ ᐦᔪᓵᐩ ᐊᓇ ᐋᕒᑲᐃᐟ ᑭ ᐯ ᓇᑭᐢᑳᐠ ᐁ ᔮᔨᑭᐸᔨᔨᐠ ᐅᐢᑯᑖᑲᐩ, ᒥᓇ ᐁ ᐊᓯᐢᑭᐃᐧᐢᑎᑳᐧᓀᐟ. 33ᑌᐱᐟ ᒫᑲ ᑭ ᐃᑌᐤ, ᑭᐢᐱᐣ ᐃᐧᒉᐃᐧᔭᓂ ᑭ ᑲ ᐅᑕᒥᐃᐣ; 34ᒫᑲ ᑭᐢᐱᐣ ᑭᐁᐧᔭᓂ ᐅᑌᓈᕽ ᐁᑯᓯ ᐃᑕᒋ ᐋᑊᓴᓬᐊᒼ, ᑭ ᑲ ᐊᑐᐢᑫᐢᑖᑎᐣ ᑭᐦᒋ ᐅᑭᒫᐤ; ᑖᐱᐢᑯᐨ ᑳ ᑭ ᐃᓯ ᐊᑐᐢᑫᐢᑕᐊᐧᐠ ᑯᑖᐃᐧ ᐅᑌ ᐅᑖᕽ, ᐁᑯᓯ ᐁᑲᐧ ᑭᔭ ᑫ ᐃᓯ ᐊᑐᐢᑫᐢᑖᑖᐣ; ᐁᑯᓯ ᐃᓯ ᑭ ᑲ ᐊᐧᓈᑖᐋᐧᐣ ᓂᔭ ᐅᐦᒋ ᐅᐟ ᐃᑕᓱᐁᐧᐃᐧᐣ ᐊᐦᐃᑕᐯᓬ. 35ᓇᒪ ᒋ ᒥᓇ ᐁᑯᑕ ᑭᐟ ᐊᔮᐋᐧᐊᐧᐠ ᓭᑖᐠ ᒥᓇ ᐊᐹᔭᑕᕒ ᐊᔭᒥᐦᐁᐃᐧᔨᓂᐊᐧᐠ? ᐁᑯᓯ ᒫᑲ ᑭᑕ ᐃᐢᐸᔨᐤ, ᐱᑯ ᑫᑲᐧᐩ ᑫ ᐯᑕᒧᐊᐧᓀ ᑭᐦᒋ ᐅᑭᒫᐤ ᐅ ᐋᐧᐢᑳᐦᐃᑲᓂᕽ, ᑭ ᑲ ᐃᐧᐦᑕᒪᐋᐧᐊᐧᐠ ᓭᑖᐠ ᒥᓇ ᐊᐹᔭᑕᕒ ᐊᔭᒥᐦᐁᐃᐧᔨᓂᐊᐧᐠ. 36ᒫᑎᑲ, ᐁᑯᑕ ᐊᔮᐁᐧᐊᐧᐠ ᐁ ᓂᓯᔨᐟ ᐅᑯᓯᓯᐋᐧᐊᐧ, ᐊᐦᐃᒣᐋᐢ ᓭᑖᐠ ᐅᑯᓯᓴ, ᒥᓇ ᒑᓇᐦᑕᐣ ᐊᐹᔭᑕᕒ ᐅᑯᓯᓴ; ᐁᐊᐧᑯᓇᐠ ᒫᑲ ᐅᐦᒋ ᑭ ᑲ ᑭ ᐃᓯᑎᓴᐦᐊᒪᐃᐧᓈᐋᐧᐤ ᑲᐦᑭᔭᐤ ᑫᑲᐧᐩ ᑫ ᐯᐦᑕᒣᐠ. 37ᐁᑯᓯ ᒫᑲ ᐦᔪᓵᐩ ᑌᐱᐟ ᐅᑐᑌᒪ ᑭ ᐯ ᐱᐦᑐᑫᐤ ᐅᑌᓈᕽ; ᐋᑊᓴᓬᐊᒼ ᒫᑲ ᑭ ᑕᑯᓯᐣ ᒉᕒᐅᓴᓬᐊᒥᕽ.
Currently Selected:
ᓃᓵᐧᐤ ᓵᒼᔪᐃᓬ 15: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᓃᓵᐧᐤ ᓵᒼᔪᐃᓬ 15
15
1ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ, ᐋᑊᓴᓬᐊᒼ ᑭ ᑲᐧᔮᒋᐁᐤ ᑎᑎᐱᑖᐹᓈᐢᑲᐧ ᒥᓇ ᒥᐢᑕᑎᒪᐧ ᒥᓇ ᓂᔮᓇᓄᒥᑕᓇᐤ ᓈᐯᐊᐧ ᑭᑕ ᓂᑳᓂᐸᑖᔨᐟ. 2ᐋᑊᓴᓬᐊᒼ ᒫᑲ ᐃᐧᐸᐨ ᑫᑭᓭᐹ ᑭ ᐊᐧᓂᐢᑳᐤ, ᐁᑯᓯ ᑭ ᓂᐸᐃᐧᐤ ᒋᑭ ᒣᐢᑲᓈᕽ ᑭᐦᒋᐃᐢᑳᐧᑌᒥᕽ; ᑭ ᐊᔨᑭᐣ ᒫᑲ ᑭᐢᐱᐣ ᐊᐃᐧᔭ ᐊᔨᓯᔨᓂᐊᐧ ᐁ ᐋᐧᐋᐧᓀᔨᑕᒥᔨᐟ ᐱᔦᓈᑖᔨᒋ ᑭᐦᒋ ᐅᑭᒫᐊᐧ ᐅᔭᓱᐋᐧᓯᐁᐧᐃᐧᐣ ᐅᐦᒋ, ᐁᑲᐧ ᐋᑊᓴᓬᐊᒼ ᑭ ᓇᑐᒣᐤ, ᒥᓇ ᑭ ᐃᑌᐤ, ᑫᑯ ᐅᑌᓇᐤ ᐁᐧᐦᒋᔭᐣ? ᐁᑯᓯ ᑭ ᐃᑎᐠ, ᑭᐟ ᐊᑐᐢᑫᔮᑲᐣ ᐅᐦᒋᐤ ᐯᔭᐠ ᐅ ᐱᐢᑭᑐᑌᐃᐧᓯᐃᐧᐣ ᐃᐢᕒᐁᐃᓬ. 3ᐁᑲᐧ ᐋᑊᓴᓬᐊᒼ ᑭ ᐃᑌᐤ, ᓈᑲᑌᔨᑕ ᑳ ᓄᒋᐦᑖᔭᐣ ᐁ ᒥᔮᐧᓯᐠ ᒥᓇ ᐁ ᑲᐧᔭᐢᑲᐧᕽ; ᒫᑲ ᓇᒪᐃᐧᔭ ᐃᐦᑖᐤ ᐊᔨᓯᔨᓂᐤ ᐁ ᐅᔭᑭᒥᑯᐟ ᑭᐦᒋ ᐅᑭᒫᐊᐧ ᑭᑕ ᓇᑐᐦᑖᐢᐠ. 4ᐋᑊᓴᓬᐊᒼ ᒫᑲ ᑭ ᐃᑌᐧᐤ ᒥᓇ, ᐱᑕᓀ ᓂᔭ ᐅᔭᓱᐁᐧᐃᐧᔨᓂᐃᐧᔮᐣ ᐊᐢᑭᕽ, ᑲᐦᑭᔭᐤ ᐊᔨᓯᔨᓂᐤ ᓈᐣᑕᐤ ᐁ ᐃᓯ ᐊᐧᐋᐧᓀᔨᑕᕽ ᑭᑕ ᑭ ᐯ ᓈᓯᐟ ᐁᑯᓯ ᒫᑲ ᓂᔭ ᑲᐧᔭᐢᐠ ᓂ ᑳᐦ ᐃᑕᓱᐋᐧᑕᐤ! 5ᑭ ᐊᔨᑭᐣ ᒫᑲ ᑭᐢᐱᐣ ᐊᐃᐧᔭ ᐊᔨᓯᔨᓂᐊᐧ ᑭᓯᐋᐧᐠ ᐱᔦᓈᑎᑯᒋ ᑭᑕ ᐊᑕᒥᐢᑳᑯᐟ, ᑭ ᐃᓯᒋᐦᒉᔨᐤ, ᐁ ᐅᑎᐦᑎᓈᐟ ᒥᓇ ᐁ ᐊᐧᔪᒉᒫᐟ. 6ᐁᑯᓯ ᒫᑲ ᐅᒪ ᐋᑊᓴᓬᐊᒼ ᑭ ᐃᑐᑕᐁᐧᐤ ᑲᐦᑭᔭᐤ ᐃᐢᕒᐁᐃᓬ ᑳ ᐯ ᓈᑖᔨ ᑭᐦᒋ ᐅᑭᒫᐊᐧ ᐅᔭᓱᐁᐧᐃᐧᐣ ᐅᐦᒋ; ᐁᑯᓯ ᐋᑊᓴᓬᐊᒼ ᑭ ᑭᒧᑎᐤ ᐅᑌᐦᐃᔨᐊᐧ ᐃᐢᕒᐁᐃᓬ ᐊᔨᓯᔨᓂᐊᐧ.
7ᑭ ᐊᔨᐢᐸᔨᐤ ᒫᑲ ᐁ ᐳᓂᐸᔨᑭ ᓀᒥᑕᓇᐤ ᐊᐢᑭ, ᐋᑊᓴᓬᐊᒼ ᑭ ᐃᑌᐤ ᑭᐦᒋ ᐅᑭᒫᐊᐧ, ᑭᔮᒼ ᐸᑭᑎᓂᐣ ᑭᑕ ᓇᑕᐃᐧ ᑎᐱᑐᑕᒫᐣ ᓂ ᑭᐦᒋᐃᑌᐧᐃᐧᐣ, ᑳ ᑭ ᑭᐦᒋᐃᑕᐠ ᑳ ᑎᐯᔨᐦᒋᑫᐟ ᐊᓂᑕ ᐦᐁᐸᕒᐊᐣ. 8ᒋᑫᒫ ᑭᐟ ᐊᑐᐢᑫᔮᑲᐣ ᑭ ᑭᐦᒋᐃᑌᐧᐤ ᑭᐦᒋᐃᑌᐧᐃᐧᐣ ᒣᑳᐧᐨ ᑳ ᐊᔮᔮᐣ ᐁᑯᑕ ᑭᓴᕒ ᓯᕒᐃᔭᐃᕽ, ᐁ ᐃᑌᐧᔮᐣ, ᑭᐢᐱᐣ ᑳ ᑎᐯᔨᐦᒋᑫᐟ ᑳᐃᐧ ᒥᓇ ᑫ ᑭᐁᐧᑕᐃᑫᐧ ᒉᕒᐅᓴᓬᐊᒥᕽ, ᐁᑲᐧ ᓂ ᑲ ᐊᑐᐢᑲᐋᐧᐤ ᑳ ᑎᐯᔨᐦᒋᑫᐟ. 9ᑭᐦᒋ ᐅᑭᒫᐊᐧ ᒫᑲ ᑭ ᐃᑎᐠ, ᓯᐯᐧᐦᑌ, ᐯᔭᐦᑕᑫᔨᒧᐃᐧᓂᕽ. ᐁᑯᓯ ᑭ ᐸᓯᑯ ᒥᓇ ᑭ ᐃᑐᐦᑌᐤ ᐦᐁᐸᕒᐊᓂᕽ.
10ᒫᑲ ᐋᑊᓴᓬᐊᒼ ᑭ ᐃᓯᑎᓴᐁᐧᐤ ᐅᓇᑕᐋᐧᑖᐊᐧ ᒥᓯᐁᐧ ᐃᐢᕒᐁᐃᓬ ᐁ ᐃᑕᐦᑐᑌᐃᐧᓯᔨᐟ, ᐁ ᐃᑌᐧᐟ, ᓭᒫᐠ ᐯᐦᑕᒣᑯ ᐁ ᑭᑐᑖᕽ ᐱᐱᑲᐧᐣ, ᐁᑲᐧ ᑭ ᑲ ᐃᑖᐧᓈᐋᐧᐤ, ᐋᑊᓴᓬᐊᒼ ᑭᐦᒋ ᐅᑭᒫᐃᐧᐤ ᐦᐁᐸᕒᐊᓂᕽ. 11ᐋᑊᓴᓬᐊᒼ ᒫᑲ ᑭ ᐃᐧᒉᐠ ᓂᓵᐧᐤ ᒥᑖᐦᑐᒥᑕᓇᐤ ᐊᔨᓯᔨᓂᐊᐧ ᒉᕒᐅᓴᓬᐊᒥᕽ ᐅᐦᒋ, ᑳ ᑭ ᓇᑐᒥᐦᒋᐠ, ᐁᑯᓯ ᐁ ᑭ ᐃᑐᐦᑌᒋᐠ ᐁ ᑲᔦᓯᐃᐦᒋᐠ; ᐁᑳ ᒫᑲ ᑫᑲᐧᐩ ᐁ ᑭᐢᑫᔨᑕᐦᑭᐠ. 12ᐋᑊᓴᓬᐊᒼ ᒫᑲ ᑭ ᓇᑐᒣᐤ ᐊᐦᐃᑕᐯᓬᐊ ᐊᓇ ᑲᐃᓬᐊᓇᐃᐟ, ᑌᐱᐟ ᐅᔭᓱᐁᐧᒪ, ᐅᐟ ᐅᑌᓈᔨᕽ ᐅᐦᒋ ᐊᓂᒪ ᐅᑎ ᑲᐃᓬᐋ, ᐁ ᐃᐢᐱᐦᒋ ᐸᑭᑎᓇᕽ ᐸᑭᑎᓈᓱᐃᐧᓇ. ᐊᓂᒪ ᒫᑲ ᒫᔭᑲᒥᑭᓯᐃᐧᐣ ᑭ ᓱᑫᔨᑖᑲᐧᐣ; ᒋᑫᒫ ᐊᔨᓯᔨᓂᐊᐧ ᐁᔪᑲᒼ ᑭ ᐊᑎ ᒥᐦᒉᑎᔨᐊᐧ ᑳ ᐱᒥᑎᓴᐦᐅᑯᐟ ᐋᑊᓴᓬᐊᒼ.
13ᑭ ᐅᑎᐦᑎᐠ ᒫᑲ ᑌᐱᐟ ᐅᑖᒋᒧᐊᐧ ᐁ ᐃᑌᔨᐟ, ᐅᑌᐦᐃᔨᐊᐧ ᐃᐢᕒᐁᐃᓬ ᐊᔨᓯᔨᓂᐊᐧ ᐱᒥᑎᓴᐦᐅᐠ ᐋᑊᓴᓬᐊᒼ. 14ᑌᐱᐟ ᒫᑲ ᑭ ᐃᑌᐤ ᑲᐦᑭᔭᐤ ᐊᓂᐦᐃ ᐅᐟ ᐊᑐᐢᑫᔮᑲᓇ ᑳ ᐃᐧᒉᐃᐧᑯᐟ ᒉᕒᐅᓴᓬᐊᒥᕽ, ᐸᓯᑯᐠ, ᑕᐸᓯᑖᐠ; ᐁᑯᓯ ᐃᓯ ᐱᑯ ᑭ ᑲ ᑭ ᐸᐢᐱᐸᐋᓇᐤ ᐋᑊᓴᓬᐊᒼ; ᑲᑫᐧᔮᐦᐅᐠ ᑭᑕ ᓯᐯᐧᑌᔭᕽ ᓈᐣᑕᐤ ᐃᓯ ᓯᓯᑯᐨ ᑭ ᑲ ᐊᑎᒥᓀᐅᑯᓇᐤ, ᐁᑯᓯ ᑭᑕ ᒫᔨᑐᑖᑯᔭᕽ ᒥᓇ ᑭᑕ ᐸᑲᒪᐊᕽ ᐅᑌᓇᐤ ᐁ ᐃᓯ ᑭᓈᐱᑕᑳᐠ ᐃᓴᐁᐧᐢᐠ. 15ᐁᑯᓯ ᑭᐦᒋ ᐅᑭᒫᐤ ᐅᐟ ᐊᑐᐢᑫᔮᑲᓇ ᑭ ᐃᑎᐠ ᑭᐦᒋ ᐅᑭᒫᐤ, ᒫᑎᑲ, ᑭᐟ ᐊᑐᐢᑫᔮᑲᓇᐠ ᐊᐧᐁᐧᔨᐊᐧᐠ ᑭᑕ ᐃᑐᑕᐦᑭᐠ ᐱᑯ ᑫᑲᐧᐩ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑫ ᓇᑕᐁᐧᔨᑕᕽ. 16ᑭᐦᒋ ᐅᑭᒪᐤ ᒫᑲ ᑭ ᓯᐯᐧᑌᐤ, ᒥᓇ ᑲᐦᑭᔭᐤ ᐃᐧᑭᕽ ᑳ ᐊᔮᔨᐟ ᐁ ᐱᒥᑎᓴᐦᐅᑯᐟ. ᑭᐦᒋ ᐅᑭᒫᐤ ᒫᑲ ᑭ ᓇᑲᑌᐤ ᒥᑖᑕᐦᐟ ᐃᐢᑫᐧᐊᐧ, ᑲᓇᐃᐧᐢᑫᐧᐋᐧᓇᐠ, ᑭᑕ ᑲᓇᐁᐧᔨᑕᒥᔨᐟ ᐋᐧᐢᑳᐦᐃᑲᐣ. 17ᐁᑯᓯ ᑭᐦᒋ ᐅᑭᒫᐤ ᑭ ᓯᐯᐧᑌᐤ, ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᐁ ᐱᒥᑎᓴᐦᐅᑯᐟ; ᑭ ᑭᐱᐦᒋᐊᐧᐠ ᒫᑲ ᐊᓂᑕ ᐯᐦᐟᒪᕒᐦᐊᐠ. 18ᑲᐦᑭᔭᐤ ᒫᑲ ᐅᐟ ᐊᑐᐢᑫᔮᑲᓇ ᑭ ᐊᑎ ᓵᐳ ᐱᒧᐦᑌᔨᐊᐧ ᐃᑕ ᐁ ᐊᔮᐟ; ᒥᓇ ᑲᐦᑭᔭᐤ ᐊᓂᐦᐃ ᑫᕒᐃᑕᐃᑕ, ᒥᓇ ᑲᐦᑭᔭᐤ ᐯᓬᐃᑕᐃᑕ, ᒥᓇ ᑲᐦᑭᔭᐤ ᑭᑕᐃᑕ, ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓈᐯᐊᐧ ᑳ ᑭ ᐯ ᐱᒥᑎᓴᐦᐅᑯᐟ ᑳᐦᐟ ᐅᐦᒋ, ᑭ ᓵᐳ ᐱᒧᐦᑌᐊᐧᐠ ᐅᐦᑎᐢᑲᐤ ᑭᐦᒋ ᐅᑭᒫᐤ.
19ᐁᑲᐧ ᑭᐦᒋ ᐅᑭᒫᐤ ᑭ ᐃᑌᐤ ᐃᑖᔭ ᐊᓂᐦᐃ ᑭᑕᐃᐟ, ᑫᑲᐧᐩ ᐅᐦᒋ ᑭᐢᑕ ᑳ ᐃᐧᒉᐃᐧᔮᕽ? ᑭᐁᐧ, ᒥᓇ ᑭᔮᒼ ᐃᐧᒋᐊᔮᒼ ᑭᐦᒋ ᐅᑭᒫᐤ; ᒋᑫᒫ ᑭ ᒫᓂᑌᐃᐧᐣ, ᒥᓇ ᑭᐟ ᐊᔭᐦᑎᓯᐣ; ᑭᐁᐧ ᑭᐟ ᐃᐦᑖᐃᐧᓂᕽ. 20ᐃᐧᔭ ᐅᑖᑯᓯᕽ ᐱᑯ ᐁ ᑭ ᑕᑯᓯᓇᐣ, ᑳᑫᐧᑯᐢᐠ ᒋ ᑭ ᑲ ᐋᐃᑐᑕᐦᐃᑎᐣ ᑭᑕ ᐃᐧᒉᐃᐧᔮᕽ, ᐱᑯ ᐃᑌ ᐁ ᐃᑐᐦᑌᔮᐣ? ᑭᔮᒼ ᑭᐁᐧ ᒥᓇ ᑭᐁᐧᑕᐃᐠ ᑭᒋᐋᐧᒪᐠ; ᑭᓭᐋᐧᑐᑖᑯᐃᐧᐣ ᒥᓇ ᑖᐯᐧᐃᐧᐣ ᑭ ᑲ ᐃᐧ ᐃᐧᒉᐃᐧᑯᐣ. 21ᐃᑖᐩ ᒫᑲ ᑭ ᓇᐢᑫᐧᐊᐧᓯᒣᐤ ᑭᐦᒋ ᐅᑭᒫᐊᐧ, ᒥᓇ ᑭ ᐃᑌᐤ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ, ᒥᓇ ᐁ ᐱᒫᑎᓯᐟ ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᑫᐦᒋᓈ ᐱᑯ ᐃᑕ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑫ ᐊᔮᑫᐧ, ᑭᐢᐱᐣ ᓂᐳᐃᐧᐣ ᐅᐦᒋ ᐊᐦᐳ ᐱᒫᑎᓯᐃᐧᐣ ᐅᐦᒋ, ᐁᑯᑕ ᐃᐧᐢᑕ ᑭᐟ ᐊᑐᐢᑫᔮᑲᐣ ᑫ ᐊᔮᐟ. 22ᑌᐱᐟ ᒫᑲ ᑭ ᐃᑌᐤ ᐃᑖᔭ, ᓂᔮ ᓂᑕᐃᐧ ᐊᓱᐊᐧᐦᐊ, ᐁᑯᓯ ᐃᑖᐩ ᐊᓇ ᑭᑕᐃᐟ ᑭ ᐊᓱᐊᐧᐦᐊᒼ, ᒥᓇ ᑲᐦᑭᔭᐤ ᐅᐢᑭᓂᑭᒪ, ᒥᓇ ᑲᐦᑭᔭᐤ ᐊᓂᐦᐃ ᑳ ᐊᐱᓯᓯᓯᔨᐟ ᑳ ᐃᐧᒉᐃᐧᑯᐟ. 23ᑲᐦᑭᔭᐤ ᒫᑲ ᐁᑯᑕ ᐊᐢᑭᕽ ᑭ ᒫᑐᐊᐧᐠ ᐁ ᑭᓯᐁᐧᒋᐠ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᐋᓱᐊᐧᐊᒪᐧᐠ; ᑭᐦᒋ ᐅᑭᒫᐤ ᐃᐧᐢᑕ ᑭ ᐋᓱᐊᐧᐊᒼ ᐊᓂᒪ ᓯᐱᓯᐢ ᑭᑕᕒᐊᐣ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᐊᓱᐊᐧᐊᒪᐧᐠ ᐱᑲᐧᑕᐢᑭᕽ ᐃᓯ.
24ᐳᑎ ᒫᑲ ᓭᑖᐠ ᐃᐧᐢᑕ ᑭ ᐯ ᐃᑐᐦᑌᐤ, ᒥᓇ ᑲᐦᑭᔭᐤ ᓬᐃᐸᐃᑕ ᐁ ᐃᐧᒉᐃᐧᑯᐟ ᐁ ᐱᒥᐃᐧᑖᒋᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ; ᑭ ᐸᑭᑎᓇᒪᐧᐠ ᒫᑲ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ, ᐊᐹᔭᑕᕒ ᒫᑲ ᑭ ᐃᑐᐦᑌᐤ, ᐱᔨᐢ ᑲᐦᑭᔭᐤ ᐊᔨᓯᔨᓂᐊᐧ ᐁ ᑭ ᓯᑲᐃᐧᔨᐟ ᐅᑌᓈᕽ ᐅᐦᒋ. 25ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᓭᑖᑲ, ᑭᐁᐧᑕᑖ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑭᓭᒪᓂᑐ ᐅᑌᓈᕽ; ᑭᐢᐱᐣ ᒥᐢᑲᒫᓂ ᑭᑕ ᒥᔪᑲᓂᐋᐧᐸᒥᐟ ᑳ ᑎᐯᔨᐦᒋᑫᐟ ᓂ ᑲ ᐯᓯᐠ ᒥᓇ, ᐁᑯᓯ ᓂ ᑲ ᐋᐧᐸᐦᑕᐦᐃᐠ ᐁᐊᐧᑫᐧᔨᐤ ᒥᓇ ᐅᐟ ᐃᐦᑖᐃᐧᐣ. 26ᒫᑲ ᑭᐢᐱᐣ ᐅᒥᓯ ᐃᑌᐧᒋ, ᓇᒪᐃᐧᔭ ᑭ ᒥᔦᐧᔨᒥᑎᐣ; ᒫᑎᑲ, ᐅᑕ ᓂᐟ ᐊᔮᐣ, ᑭᔮᒼ ᓂ ᑲ ᐃᑐᑖᐠ ᐁ ᐃᓯ ᒥᔮᐧᐱᓯᒥᑯᐟ. 27ᑭᐦᒋ ᐅᑭᒫᐤ ᒥᓇ ᑭ ᐃᑌᐤ ᓭᑖᑲ ᐊᔭᒥᐦᐁᐃᐧᔨᓂᐊᐧ, ᓇᒪ ᒋ ᑭᔭ ᐅᐋᐧᐸᒋᑫᐤ? ᑭᐁᐧ ᐅᑌᓈᕽ ᐯᔭᐦᑕᑫᔨᒧᐃᐧᓂᕽ, ᐊᓯᒋ ᐁ ᐃᓯ ᓂᓯᒋᐠ ᑭᑯᓯᓴᐠ, ᐊᐦᐃᒣᐋᐢ ᑭᑯᓯᐢ, ᒥᓇ ᒑᓇᐦᑕᐣ ᐅᑯᓯᓴ ᐊᐹᔭᑕᕒ. 28ᒫᑎᑲ, ᓂ ᑲ ᑲᐯᓯᐣ ᐋᓱᐊᐧᐅᓈᓂᕽ ᐱᑲᐧᑕᐢᑭᕽ, ᐃᐢᑯ ᐅᑎᐦᑎᑯᔮᓂ ᑭᐟ ᐃᑌᐧᐃᐧᓂᐋᐧᐤ ᑭᑕ ᑭᐢᑫᔨᑕᒧᐃᔦᐠ. 29ᐁᑯᓯ ᓭᑖᐠ ᒥᓇ ᐊᐹᔭᑕᕒ ᑭ ᑭᐁᐧᑕᑖᐊᐧᐠ ᒥᓇ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ ᒉᕒᐅᓴᓬᐊᒥᕽ; ᐁᑯᑕ ᒫᑲ ᑭ ᐊᔮᐊᐧᐠ.
30ᑌᐱᐟ ᒫᑲ ᑭ ᐊᑎ ᐋᒪᒋᐁᐧᐤ ᐋᓬᐃᑊᐢ ᐊᐧᒋ, ᐁ ᒫᑐᐟ ᐁ ᐊᑎ ᐋᒪᒋᐁᐧᐟ, ᐁ ᐊᑲᐧᓇᐦᐊᕽ ᐅᐢᑎᑳᐧᐣ ᒥᓇ ᐁ ᓵᓵᑭᑎᐟ; ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ ᑭ ᐊᑲᐧᓇᐅᐊᐧᐠ ᐅᐢᑎᑳᐧᓂᐋᐧᕽ, ᑭ ᐊᑎ ᐋᒪᒋᐁᐧᐊᐧᐠ ᒫᑲ ᐁ ᒫᑐᒋ ᐁ ᐊᑎ ᐋᒪᒋᐁᐧᒋᐠ.
31ᐯᔭᐠ ᒫᑲ ᑭ ᐃᐧᐦᑕᒫᐠ ᑌᐱᐟ ᐁ ᐃᑎᑯᐟ, ᐊᐦᐃᑕᐯᓬ ᐃᐧᒋᐦᐃᐁᐧᐤ ᐊᓂᑭ ᑳ ᒫᔭᑲᒥᑭᓯᒋᐠ ᐊᓯᒋ ᐋᑊᓴᓬᐊᒼ. ᐁᑯᓯ ᑌᐱᐟ ᑭ ᐃᑌᐧᐤ, ᑌᐯᔨᐦᒋᑫᔭᐣ ᑭ ᐸᑯᓭᔨᒥᑎᐣ, ᑫᐧᐢᑭᓇᒼ ᐅᐟ ᐃᑕᓱᐁᐧᐃᐧᐣ ᐊᐦᐃᑖᐯᓬ ᑭᑕ ᑲᑫᐹᒋᐸᔨᔨᐠ.
32ᑭ ᐊᔨᑭᐣ ᒫᑲ ᐃᐢᐱ ᑌᐱᐟ ᐁᐧᑎᑕᕽ ᑕᐦᑯᑖᒪᑎᐣ ᐃᑕ ᑳ ᐊᔭᒥᐦᐁᐢᑖᐦᐟ ᑭᓭᒪᓂᑐ, ᐳᑎ ᐦᔪᓵᐩ ᐊᓇ ᐋᕒᑲᐃᐟ ᑭ ᐯ ᓇᑭᐢᑳᐠ ᐁ ᔮᔨᑭᐸᔨᔨᐠ ᐅᐢᑯᑖᑲᐩ, ᒥᓇ ᐁ ᐊᓯᐢᑭᐃᐧᐢᑎᑳᐧᓀᐟ. 33ᑌᐱᐟ ᒫᑲ ᑭ ᐃᑌᐤ, ᑭᐢᐱᐣ ᐃᐧᒉᐃᐧᔭᓂ ᑭ ᑲ ᐅᑕᒥᐃᐣ; 34ᒫᑲ ᑭᐢᐱᐣ ᑭᐁᐧᔭᓂ ᐅᑌᓈᕽ ᐁᑯᓯ ᐃᑕᒋ ᐋᑊᓴᓬᐊᒼ, ᑭ ᑲ ᐊᑐᐢᑫᐢᑖᑎᐣ ᑭᐦᒋ ᐅᑭᒫᐤ; ᑖᐱᐢᑯᐨ ᑳ ᑭ ᐃᓯ ᐊᑐᐢᑫᐢᑕᐊᐧᐠ ᑯᑖᐃᐧ ᐅᑌ ᐅᑖᕽ, ᐁᑯᓯ ᐁᑲᐧ ᑭᔭ ᑫ ᐃᓯ ᐊᑐᐢᑫᐢᑖᑖᐣ; ᐁᑯᓯ ᐃᓯ ᑭ ᑲ ᐊᐧᓈᑖᐋᐧᐣ ᓂᔭ ᐅᐦᒋ ᐅᐟ ᐃᑕᓱᐁᐧᐃᐧᐣ ᐊᐦᐃᑕᐯᓬ. 35ᓇᒪ ᒋ ᒥᓇ ᐁᑯᑕ ᑭᐟ ᐊᔮᐋᐧᐊᐧᐠ ᓭᑖᐠ ᒥᓇ ᐊᐹᔭᑕᕒ ᐊᔭᒥᐦᐁᐃᐧᔨᓂᐊᐧᐠ? ᐁᑯᓯ ᒫᑲ ᑭᑕ ᐃᐢᐸᔨᐤ, ᐱᑯ ᑫᑲᐧᐩ ᑫ ᐯᑕᒧᐊᐧᓀ ᑭᐦᒋ ᐅᑭᒫᐤ ᐅ ᐋᐧᐢᑳᐦᐃᑲᓂᕽ, ᑭ ᑲ ᐃᐧᐦᑕᒪᐋᐧᐊᐧᐠ ᓭᑖᐠ ᒥᓇ ᐊᐹᔭᑕᕒ ᐊᔭᒥᐦᐁᐃᐧᔨᓂᐊᐧᐠ. 36ᒫᑎᑲ, ᐁᑯᑕ ᐊᔮᐁᐧᐊᐧᐠ ᐁ ᓂᓯᔨᐟ ᐅᑯᓯᓯᐋᐧᐊᐧ, ᐊᐦᐃᒣᐋᐢ ᓭᑖᐠ ᐅᑯᓯᓴ, ᒥᓇ ᒑᓇᐦᑕᐣ ᐊᐹᔭᑕᕒ ᐅᑯᓯᓴ; ᐁᐊᐧᑯᓇᐠ ᒫᑲ ᐅᐦᒋ ᑭ ᑲ ᑭ ᐃᓯᑎᓴᐦᐊᒪᐃᐧᓈᐋᐧᐤ ᑲᐦᑭᔭᐤ ᑫᑲᐧᐩ ᑫ ᐯᐦᑕᒣᐠ. 37ᐁᑯᓯ ᒫᑲ ᐦᔪᓵᐩ ᑌᐱᐟ ᐅᑐᑌᒪ ᑭ ᐯ ᐱᐦᑐᑫᐤ ᐅᑌᓈᕽ; ᐋᑊᓴᓬᐊᒼ ᒫᑲ ᑭ ᑕᑯᓯᐣ ᒉᕒᐅᓴᓬᐊᒥᕽ.
This Bible text is a corrected edition of the 1908 Western Cree Bible; it is in the public domain.