ᓂᐢᑕᒼ ᓵᒼᔪᐃᓬ 21
21
1 #
ᒫᐟᔪ 12:3,4; ᒫᕒᐠ 2:25,26; ᓬᐅᐠ 6:3 ᐁᑲᐧ ᒫᑲ ᑌᐱᐟ ᑭ ᑕᑯᓯᐣ ᐊᓂᑕ ᓈᑊ ᐁ ᐅᑎᑖᐟ ᐊᐦᐃᒥᓬᐃᐠ ᐊᔭᒥᐦᐁᐃᐧᔨᓂᐊᐧ; ᐊᐦᐃᒥᓬᐃᐠ ᒫᑲ ᑭ ᐯ ᓇᑭᐢᑳᐠ ᑌᐱᐟ ᐁ ᓇᓇᒪᐸᔨᔨᐟ, ᐁᑯᓯ ᑭ ᐃᑎᐠ, ᑖᓀᐦᑭ ᑳ ᐯ ᐯᔭᑯᔭᐣ, ᐁᑳ ᒫᑲ ᐊᐃᐧᔭᐠ ᐊᔨᓯᔨᓂᐤ ᐁ ᐃᐧᒉᐊᐧᐟ? 2ᑌᐱᐟ ᒫᑲ ᑭ ᐃᑌᐤ ᐊᐦᐃᒥᓬᐃᑲ ᐊᓂᐦᐃ ᐊᔭᒥᐦᐁᐃᐧᔨᓂᐊᐧ, ᑭᐦᒋ ᐅᑭᒫᐤ ᓂ ᑭ ᐃᑕᓱᐋᐧᑎᐠ ᐊᑐᐢᑫᐃᐧᐣ, ᐁᑯᓯ ᓂ ᑭ ᐃᑎᐠ, ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑭᐢᑫᔨᑕᒼ ᐊᓂᒪ ᐊᑐᐢᑫᐃᐧᐣ ᑳ ᐅᐦᒋ ᐃᓯᑎᓴᐦᐅᑖᐣ, ᒥᓇ ᑳ ᑭ ᐃᑕᓱᐋᐧᑎᑖᐣ; ᐁᑯᓯ ᓂ ᑭ ᐅᔭᑭᑕᒪᐋᐧᐊᐧᐠ ᐅᐢᑭᓂᑭᐊᐧᐠ ᐃᑕ ᑭᑕ ᓇᑭᐢᑲᐃᐧᒋᐠ. 3ᐁᑲᐧ ᒫᑲ ᑫᑲᐧᐩ ᐁᔮᔭᐣ? ᒥᔨᐣ ᓂᔮᓇᐣ ᐸᐦᑫᐧᓯᑲᓇᐠ ᓂᒋᐦᒋᕽ, ᐊᐦᐳ ᐱᑯ ᑫᑲᐧᐩ ᐁ ᐃᐦᑕᑲᐧᕽ. 4ᐊᔭᒥᐦᐁᐃᐧᔨᓂᐤ ᒫᑲ ᑭ ᓇᐢᑫᐧᐊᐧᓯᒣᐤ ᑌᐱᑕ, ᒥᓇ ᑭ ᐃᑌᐧᐤ, ᓇᒪᐃᐧᔭ ᐃᔨᓇᑐ ᐸᐦᑫᐧᓯᑲᐣ ᓂᐟ ᐊᔮᐋᐧᐤ, ᒫᑲ ᐃᐦᑖᐤ ᑲᓈᒋ ᐸᐦᑫᐧᓯᑲᐣ; ᑭᐢᐱᐣ ᑲᓇᑫ ᐅᐢᑭᓂᑭᐊᐧᐠ ᐁ ᑭ ᑲᓇᐁᐧᔨᒥᓯᒋᐠ ᐃᐢᑫᐧᓈᕽ ᐃᓯ. 5ᑌᐱᐟ ᒫᑲ ᑭ ᓇᐢᑫᐧᐊᐧᓯᒣᐤ ᐊᔭᒥᐦᐁᐃᐧᔨᓂᐊᐧ, ᐅᒥᓯ ᐁ ᑭ ᐃᑖᐟ, ᑖᐯᐧ ᐃᐧᔭ ᐃᐢᑫᐧᐊᐧᐠ ᓇᒪᐃᐧᔭ ᓄᐦ ᓭᓯᑫᐋᓈᓇᐠ ᐁᑲᐧ ᓈᐣᑕᐤ ᓂᐢᑐ ᑭᓯᑳᐊᐧ; ᐃᐢᐱ ᐁ ᐯ ᓯᐯᐧᑌᔮᐣ ᐅᐟ ᐊᓯᐊᐧᒋᑲᓂᐋᐧᐊᐧ ᐅᐢᑭᓂᑭᐊᐧᐠ ᑭ ᑲᓈᑕᓂᔨᐊᐧ ᐋᑕᐃᐧᔭ ᐱᑯ ᐱᑯᓇᑕ ᐱᒧᐦᑌᐅᐃᐧᐣ; ᐋᐧᐃᐧᐢ ᒫᑲ ᐊᓄᐦᐨ ᑳ ᑭᓯᑳᐠ ᓇᒪ ᒋ ᑭᑕ ᑲᓈᑕᓂᔨᐊᐧ ᐅᐟ ᐊᓯᐊᐧᒋᑲᓂᐋᐧᐊᐧ? 6#ᓬᐃᐱᑎᑲᐢ 24:5-9ᐁᑯᓯ ᐊᔭᒥᐦᐁᐃᐧᔨᓂᐊᐧ ᑭ ᒥᔨᐠ ᑲᓈᒋ ᐸᑫᐧᓯᑲᓇ; ᒋᑫᒫ ᓇᒪᐃᐧᔭ ᐃᐦᑖᔨᐊᐧ ᐁᑯᑕ ᐸᐦᑫᐧᓯᑲᓇ ᐱᑯ ᐋᐧᐸᐦᑕᐦᐃᐁᐧᐃᐧ ᐸᐦᑫᐧᓯᑲᓇ, ᐊᓇ ᑳ ᑭ ᐅᑎᓂᐦᐟ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᐅᐦᒋ, ᑭ ᐸᑭᑎᓂᐦᐟ ᐁ ᑭᓯᓱᐟ ᐸᐦᑫᐧᓯᑲᐣ ᐃᐢᐱ ᐊᓂᒪ ᐁ ᐅᑎᓂᐦᐟ.
7ᐯᔭᐠ ᒫᑲ ᓈᐯᐤ ᐅᐟ ᐊᑐᐢᑫᔮᑲᓇ ᓵᓬ ᐁᑯᑕ ᑭ ᐊᔮᐤ ᐁᑯᐢᐱ ᐁ ᑭᓯᑳᐠ, ᐁ ᒥᒋᒥᓂᑯᐃᐧᓯᐟ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ; ᑖᐃᐠ ᒫᑲ ᑭ ᐃᓯᔨᐦᑳᓱ ᐃᑕᒼ ᐊᔨᓯᔨᓂᐤ, ᑳ ᓂᑳᓀᔨᑖᑯᓯᔨᐟ ᐅᑲᓇᐃᐧᒧᐢᑐᓭᐧᒪ ᓵᓬ.
8ᑌᐱᐟ ᒫᑲ ᑭ ᐃᑌᐤ ᐊᐦᐃᒥᓬᐃᑲ, ᓇᒪᐃᐧᔭ ᒋ ᐅᑕ ᑭ ᑲᓇᐁᐧᔨᑌᐣ ᑕᐦᑲᒋᑲᐣ ᐊᐦᐳ ᐃᓴᐁᐧᐢᐠ? ᒋᑫᒫ ᓇᒪᐃᐧᔭ ᓄᐦ ᐯ ᑕᐦᑯᓀᐣ ᓂᐟ ᐃᓴᐁᐧᑯᒫᐣ ᐊᐦᐳ ᓂᐟ ᐊᓱᐃᐧᓇ, ᐊᔨᐢ ᐁ ᑭ ᓂᓂᑫᔨᑖᑲᐧᓂᔨᐠ ᑭᐦᒋ ᐅᑭᒫᐤ ᐅᐟ ᐊᑐᐢᑫᐃᐧᐣ. 9#1 ᓵᒼᔪᐃᓬ 17:51ᐊᔭᒥᐦᐁᐃᐧᔨᓂᐊᐧ ᒫᑲ ᑭ ᐃᑎᐠ, ᐅᐟ ᐃᓴᐁᐧᑯᒫᐣ ᑲᓬᐋᔭᐟ ᐊᓇ ᐱᓬᐃᐢᑎᐣ ᑳ ᑭ ᓂᐸᐊᐟ ᐃᓬᐊ ᐋᐧᔮᒪᑎᓈᕽ, ᒫᑎᑲ ᐅᑕ ᐊᔮᐤ ᐁ ᐁᐧᐁᐧᑭᓂᑳᑌᐠ ᐸᐸᑭᐊᐧᔮᓀᑭᓄᕽ ᐊᐊᐧᓵᔨᕽ ᐁᐦᐸᐟ; ᑭᐢᐱᐣ ᑭ ᐃᐧ ᐅᑎᓀᐣ ᐁᐊᐧᑯ ᑭᔮᒼ ᐅᑎᓇ; ᒋᑫᒫ ᓇᒪᐃᐧᔭ ᑯᑕᐠ ᐅᑕ ᐃᐦᑕᑲᐧᐣ. ᑌᐱᐟ ᒫᑲ ᑭ ᐃᑌᐧᐤ, ᓇᒪᐃᐧᔭ ᑯᑕᐠ ᐁᑯᓯ ᐃᓯᓈᑲᐧᐣ; ᑭᔮᒼ ᒥᔨᐣ.
10ᑌᐱᐟ ᒫᑲ ᑭ ᐸᓯᑯ ᒥᓇ ᑭ ᑕᐸᓯᐤ ᐁᑯᐢᐱ ᐁ ᑭᓯᑳᐠ ᐁ ᑯᐢᑖᐟ ᓵᓬᐊ, ᑭ ᓈᑌᐤ ᒫᑲ ᐁᑭᓴ ᐊᓂᐦᐃ ᑳᐦᐟ ᑭᐦᒋ ᐅᑭᒫᐊᐧ. 11#1 ᓵᒼᔪᐃᓬ 18:7; 29:5ᐁᑯᓯ ᐅᐟ ᐊᑐᐢᑫᔮᑲᓇ ᐁᑭᐢ ᑭ ᐃᑎᐠ, ᓇᒪ ᒋ ᐁᐊᐧᑯ ᐊᐊᐧ ᑌᐱᐟ ᑭᐦᒋ ᐅᑭᒫᐤ ᐁᑯᑕ ᐊᐢᑭᕽ? ᓇᒪ ᒋ ᒫᒥᐢᑯᐨ ᑭ ᐃᓯ ᓂᑲᒧᐊᐧᐠ ᐁ ᓂᒥᐃᑐᒋᐠ ᐁ ᐃᑌᐧᒋᐠ, ᓵᓬ ᑭ ᓂᐸᐁᐤ ᑭᐦᒋᒥᑖᐦᑐᒥᑕᓇᐤ, ᐁᑯᓯ ᑌᐱᐟ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ? 12#ᓂᑲᒧᓇ 56ᑌᐱᐟ ᒫᑲ ᑭ ᐊᐢᑖᐤ ᐅᐦᐃ ᐃᑌᐧᐃᐧᓇ ᐅᑌᐦᐃᕽ, ᐁᑯᓯ ᒥᐢᑕᐦᐃ ᑭ ᑯᐢᑌᐤ ᐁᑭᓴ ᐊᓂᐦᐃ ᑳᐦᐟ ᑭᐦᒋ ᐅᑭᒫᐊᐧ. 13#ᓂᑲᒧᓇ 34ᐱᑐᐢ ᒫᑲ ᑭ ᐊᔨᓯᒋᑫᐤ ᐁ ᑲᓇᐋᐧᐸᒥᑯᐟ, ᑭ ᐊᐧᓂᓀᑳᓱ ᐅᒋᐦᒋᔨᕽ, ᑭ ᒫᒪᓯᓇᐊᒼ ᑭᐢᑐᑲᓇ ᑭᐦᒋᐃᐢᑳᐧᑌᒥᕽ, ᒥᓇ ᑭ ᔭᔮᓯᑲᐃᐧᓯᑫᐧᐤ ᐅ ᒥᔨᐢᑐᐋᐧᓂᕽ. 14ᐁᑲᐧ ᐁᑭᐢ ᑭ ᐃᑌᐤ ᐅᐟ ᐊᑐᐢᑫᔮᑲᓇ, ᒋᐢᐟ, ᑭ ᐋᐧᐸᒫᐋᐧᐤ ᐊᓇ ᓈᐯᐤ ᐁ ᐊᐧᓂᓀᐟ; ᑖᓀᐦᑭ ᒫᑲ ᑳ ᑭ ᐯᑐᐃᐧᔦᐠ? 15ᓂ ᑭᐧᑕᒫᐣ ᒋ ᐁ ᐊᐧᓂᓀᒋᐠ ᓈᐯᐊᐧᐠ, ᑳ ᐯᓯᐋᐧᔦᐠ ᐊᐊᐧ ᑭᑕ ᐊᐧᓂᓀᐊᐧᑲᒥᑭᓯᐟ ᐁ ᐋᐧᐸᒪᐠ? ᑭᑕ ᐱᐦᑐᑫᐤ ᒋ ᐊᐊᐧ ᓂᑭᕽ?
Currently Selected:
ᓂᐢᑕᒼ ᓵᒼᔪᐃᓬ 21: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
