Рим 6
6
Месигьдихъ хъугърударин уьмур
1Гьаци вуйиган, фу пухьа? Аллагьдин ужʼвал артухъ хьуз гунгьар апӀури гъузхьахъа? 2ИкибаштӀан, ваъ! Ухьу гунгьариъ гьапӀу ихь уьмур дебккунхьа, фици ухьу хъана гунгьар апӀухьахъа? 3Учвуз аьгъдарди айинхъа, ухьу штуан шлуган, ухькан Месигь Исайин саб пай хьубкан, ва гьацира Дугъан аьжал пай апӀбакан? 4Гьаци вуйиган, штуан шлуган, ухьу Дугъахъди сатӀиди гъакӀунхьа ва, Аллагьдин адлу кьудратниинди Месигь чӀиви гъахьиганси, ухьура чӀиви апӀбан бадали ва цӀийи уьмриинди яшамиш хьпан бадали, Гьадгъахъди кивну гъахьунхьа.
5Ухьу Гьадмуси дукӀнайиган ва гьаддиинди Дугъак кидикьнайиган, Гьадмуси чӀивира хьидихьа. 6Ихь гунагькар хасиятну ухьʼин гьюкум дарапӀбан бадали ва сарун ухьу гунгьарин лукӀар дархьбан бадали, ихь йирси уьмур Исайихъди сатӀиди хачрак кабсуб аьгъяхьуз. 7Фицики гъакӀи кас гунгьар апӀбаккан азад шула.
8Ухьу Месигьдихъди гъакӀнуш, Гьадгъахъди яшамиш шлубдихъра хъугъурхьа. 9Фицики гъачӀидаригъян чӀиви гъахьи Месигь сарун диликӀруб аьгъяхьуз. Дугъан зиин сарун аьжалин гьюкум илмидар. 10Думу, сабан ва гьаргандиз гунгьарин дюнʼя дипну, гъакӀну. Хъа гьамус Думу Аллагьдиз яшамиш шула. 11Гьаци учвура, гунгьар апӀбаз дукӀнайидарси, Иса Месигьдиъди Аллагь бадали яшамиш шулайидарси йихьай.
12Гьаддиз гунгьари ичв аьжал хъайи бедендиин аьхювал апӀуз мигъитанай ва дидин тямягьариз мютӀюгъ махьанай. 13Ичв жандин гьич саб пайра гунгьарин гьюкмиз мутуванай, дурарикан гьякьсуз ляхнарин гъуллугънан яракьар даришри. Дидин ерина, дукӀну чӀиви гъашидарси, Аллагьдин гъуллугънаъ йихьай. Ичв жандин паярра гьякьлувалин яракьди Аллагьдин гъуллугънаъ дерккай. 14Гунгьари учвʼин агъавал дапӀну ккундар, фицики учву Къанундикк яшамиш шуладарчва, хъа Аллагьдин ужувлакк.
Гьякьлувалин лукӀар
15Гьа, фу дапӀну ккунду ухьу? Ухьу, Къанундикк ккадарди, хъа Аллагьдин ужувлакк ккайидари гунагь шлу ляхнар дапӀну ккундин? ИкибаштӀан, ваъ! 16Учвуз аьгъдарди анчвузхъа, учву шлин ихтиярнаъ мютӀюгъ хьуз лукӀарси учӀвраш, гьадгъан лукӀар шулачва, гьаци – аьжалихъна хру гунагьвалин лукӀар, ясана гьякьвалихъна хру Аллагьдихъ хъпехъувалин лукӀар шулачва, 17хъа учву улихьди гунагьвалин лукӀар вушра, Аллагьдин кюмекниинди ичв марцци кӀваан учвуз улупурайи аьгъюваларихъ хъпехъури гъахьунчва! 18Ва учву гунгьариккан ккадаънийи, гьамус гьякьлувалин лукӀар гъахьунчва. 19Узу, адмийир гъавриъ ахъруси, мисалариинди кӀураза, даршиш мидин гъавриъ ахъуб учвуз гизаф читин ву. Фици учву мидиз улихьна ичв жандин паяр чиркинвализ, законсузвалар апӀуз тувуйиш, гьаци гьамус дурар гьякьлувалин гъуллугънаъ гирами ляхнар апӀуз тувай.
20Фицики учву гунгьарин лукӀар вуйиган, гьякьлувалин гьюкмиъ адайчва. 21Учву ичв йирси ляхнар апӀруган, фукӀа хайир айчвуз? Дицдар ляхнари аьжалихъна хуруган, гьамус дурарихьан начди ачвуз. 22Хъа гунгьариккан азад духьнайиган ва Аллагьдин лукӀар духьнайиган, гьамус, марцци яшайишдин хайир ачвуз, хъа диди гьаргандин уьмрихъна хуру. 23Фицики гунгьин кьимат аьжал ву. Аллагьдин багъиш – ихь Агъа, Месигь Исайихъди вуйи гьаргандин уьмур ву.
Currently Selected:
Рим 6: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Рим 6
6
Месигьдихъ хъугърударин уьмур
1Гьаци вуйиган, фу пухьа? Аллагьдин ужʼвал артухъ хьуз гунгьар апӀури гъузхьахъа? 2ИкибаштӀан, ваъ! Ухьу гунгьариъ гьапӀу ихь уьмур дебккунхьа, фици ухьу хъана гунгьар апӀухьахъа? 3Учвуз аьгъдарди айинхъа, ухьу штуан шлуган, ухькан Месигь Исайин саб пай хьубкан, ва гьацира Дугъан аьжал пай апӀбакан? 4Гьаци вуйиган, штуан шлуган, ухьу Дугъахъди сатӀиди гъакӀунхьа ва, Аллагьдин адлу кьудратниинди Месигь чӀиви гъахьиганси, ухьура чӀиви апӀбан бадали ва цӀийи уьмриинди яшамиш хьпан бадали, Гьадгъахъди кивну гъахьунхьа.
5Ухьу Гьадмуси дукӀнайиган ва гьаддиинди Дугъак кидикьнайиган, Гьадмуси чӀивира хьидихьа. 6Ихь гунагькар хасиятну ухьʼин гьюкум дарапӀбан бадали ва сарун ухьу гунгьарин лукӀар дархьбан бадали, ихь йирси уьмур Исайихъди сатӀиди хачрак кабсуб аьгъяхьуз. 7Фицики гъакӀи кас гунгьар апӀбаккан азад шула.
8Ухьу Месигьдихъди гъакӀнуш, Гьадгъахъди яшамиш шлубдихъра хъугъурхьа. 9Фицики гъачӀидаригъян чӀиви гъахьи Месигь сарун диликӀруб аьгъяхьуз. Дугъан зиин сарун аьжалин гьюкум илмидар. 10Думу, сабан ва гьаргандиз гунгьарин дюнʼя дипну, гъакӀну. Хъа гьамус Думу Аллагьдиз яшамиш шула. 11Гьаци учвура, гунгьар апӀбаз дукӀнайидарси, Иса Месигьдиъди Аллагь бадали яшамиш шулайидарси йихьай.
12Гьаддиз гунгьари ичв аьжал хъайи бедендиин аьхювал апӀуз мигъитанай ва дидин тямягьариз мютӀюгъ махьанай. 13Ичв жандин гьич саб пайра гунгьарин гьюкмиз мутуванай, дурарикан гьякьсуз ляхнарин гъуллугънан яракьар даришри. Дидин ерина, дукӀну чӀиви гъашидарси, Аллагьдин гъуллугънаъ йихьай. Ичв жандин паярра гьякьлувалин яракьди Аллагьдин гъуллугънаъ дерккай. 14Гунгьари учвʼин агъавал дапӀну ккундар, фицики учву Къанундикк яшамиш шуладарчва, хъа Аллагьдин ужувлакк.
Гьякьлувалин лукӀар
15Гьа, фу дапӀну ккунду ухьу? Ухьу, Къанундикк ккадарди, хъа Аллагьдин ужувлакк ккайидари гунагь шлу ляхнар дапӀну ккундин? ИкибаштӀан, ваъ! 16Учвуз аьгъдарди анчвузхъа, учву шлин ихтиярнаъ мютӀюгъ хьуз лукӀарси учӀвраш, гьадгъан лукӀар шулачва, гьаци – аьжалихъна хру гунагьвалин лукӀар, ясана гьякьвалихъна хру Аллагьдихъ хъпехъувалин лукӀар шулачва, 17хъа учву улихьди гунагьвалин лукӀар вушра, Аллагьдин кюмекниинди ичв марцци кӀваан учвуз улупурайи аьгъюваларихъ хъпехъури гъахьунчва! 18Ва учву гунгьариккан ккадаънийи, гьамус гьякьлувалин лукӀар гъахьунчва. 19Узу, адмийир гъавриъ ахъруси, мисалариинди кӀураза, даршиш мидин гъавриъ ахъуб учвуз гизаф читин ву. Фици учву мидиз улихьна ичв жандин паяр чиркинвализ, законсузвалар апӀуз тувуйиш, гьаци гьамус дурар гьякьлувалин гъуллугънаъ гирами ляхнар апӀуз тувай.
20Фицики учву гунгьарин лукӀар вуйиган, гьякьлувалин гьюкмиъ адайчва. 21Учву ичв йирси ляхнар апӀруган, фукӀа хайир айчвуз? Дицдар ляхнари аьжалихъна хуруган, гьамус дурарихьан начди ачвуз. 22Хъа гунгьариккан азад духьнайиган ва Аллагьдин лукӀар духьнайиган, гьамус, марцци яшайишдин хайир ачвуз, хъа диди гьаргандин уьмрихъна хуру. 23Фицики гунгьин кьимат аьжал ву. Аллагьдин багъиш – ихь Агъа, Месигь Исайихъди вуйи гьаргандин уьмур ву.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023