Насигьятар 5
5
1Жан бай, хъебехъ йиз аькьюллу гафарихъ, йиз фикрарин гъавриъ ахъ –
2аьяндарвалихьди ацӀбан бадали, аьгъювалар яв мелзну уьрхбан бадали.
3Жарарин хпирин мелз йиччвси ширинуб ву, ва, ччимси, гъюдлидар ву дугъан гафар, –
4илтӀикӀиди думу кьутӀкьлишназ кьутӀкьли кьаларин – кьюбиб тереф учӀру мурзназ ханжлин.
5Дугъан ликар ис шула аьжалихьна, гамар илтӀикӀна гъийихдарин дюнʼяйихьна.
6Рякъкан уьмрин дугъу апӀидар фикир, чан жилгъйир кьянидар вуйиб чаз аьгъдар.
7Гьаддиз хъебехъай узухъ, жан бицӀидар, ва тина мапӀанай йиз гафар.
8Ярхлади гъуз дугъхьан, дугъан раккниз багахь махьан,
9дарш харж апӀидива жарадарихъ кьувват жвуван, инсафсузарихъ – жвуван уьмрин йисар;
10яв кьувватнахьди ацӀди жарадар, гъягъиди яв жафйир хулаз жарарин.
11Гъагъиди ил хътабгъури хьидива аьхириъ яв уьмрин, гъеебцциган ва гъучубхиган яв беден:
12«Гьаз ибак гъапӀундайкӀан насигьятар узу, тягьнийирра тина апӀуйи йиз юкӀву,
13гьаз узу мялимарихъ хъпехъундайкӀан, ва тербия туврудариз фикир тувундайкӀан?
14Сабсан гам узу алдабгъиш – узу беябур апӀиди, адмийирин улихь, вари халкь хьади».
15Убхъ жвуван латʼан, адабцӀ жвуван гъуйдиан.
16Гьаз гъюрзди кючйиригъ яв штар, гьаз рузиди яв штар вари раццар вуйибси?
17Гъит жвуваз сариз дурар, жарадарихъди мапӀан пай.
18Гъит яв булагъ ужувлакк ккабхъри, жигьилгандин яв хпир увуз шадвализ ишри.
19Йиз ккуни жейран, йиз гюзел масан – дугъан мухри харгнайир гьарсаб вахтна ккядярхъриву, дугъан ккунивали уву пиян духьнайирси апӀри.
20Гьаз вуяв, йиз бай, жарарин хпири пиян дапӀну, гьаз вуяв жилир хъайирин юруш хабаъ тӀапӀну?
21Фицики ачмишди ву РАББИЙИЗ вари жилгъйир инсанарин, Дугъу ерцура вари рякъяр инсандин.
22Гьякьсузур чан писвалин чулиъ ахъди, чав апӀури гъаши гунгьаригъ гъярсди.
23Насигьят кьабул дарапӀувалиан думу йикӀиди, ахмакьвали жилгъайиан идитиди.
Currently Selected:
Насигьятар 5: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Насигьятар 5
5
1Жан бай, хъебехъ йиз аькьюллу гафарихъ, йиз фикрарин гъавриъ ахъ –
2аьяндарвалихьди ацӀбан бадали, аьгъювалар яв мелзну уьрхбан бадали.
3Жарарин хпирин мелз йиччвси ширинуб ву, ва, ччимси, гъюдлидар ву дугъан гафар, –
4илтӀикӀиди думу кьутӀкьлишназ кьутӀкьли кьаларин – кьюбиб тереф учӀру мурзназ ханжлин.
5Дугъан ликар ис шула аьжалихьна, гамар илтӀикӀна гъийихдарин дюнʼяйихьна.
6Рякъкан уьмрин дугъу апӀидар фикир, чан жилгъйир кьянидар вуйиб чаз аьгъдар.
7Гьаддиз хъебехъай узухъ, жан бицӀидар, ва тина мапӀанай йиз гафар.
8Ярхлади гъуз дугъхьан, дугъан раккниз багахь махьан,
9дарш харж апӀидива жарадарихъ кьувват жвуван, инсафсузарихъ – жвуван уьмрин йисар;
10яв кьувватнахьди ацӀди жарадар, гъягъиди яв жафйир хулаз жарарин.
11Гъагъиди ил хътабгъури хьидива аьхириъ яв уьмрин, гъеебцциган ва гъучубхиган яв беден:
12«Гьаз ибак гъапӀундайкӀан насигьятар узу, тягьнийирра тина апӀуйи йиз юкӀву,
13гьаз узу мялимарихъ хъпехъундайкӀан, ва тербия туврудариз фикир тувундайкӀан?
14Сабсан гам узу алдабгъиш – узу беябур апӀиди, адмийирин улихь, вари халкь хьади».
15Убхъ жвуван латʼан, адабцӀ жвуван гъуйдиан.
16Гьаз гъюрзди кючйиригъ яв штар, гьаз рузиди яв штар вари раццар вуйибси?
17Гъит жвуваз сариз дурар, жарадарихъди мапӀан пай.
18Гъит яв булагъ ужувлакк ккабхъри, жигьилгандин яв хпир увуз шадвализ ишри.
19Йиз ккуни жейран, йиз гюзел масан – дугъан мухри харгнайир гьарсаб вахтна ккядярхъриву, дугъан ккунивали уву пиян духьнайирси апӀри.
20Гьаз вуяв, йиз бай, жарарин хпири пиян дапӀну, гьаз вуяв жилир хъайирин юруш хабаъ тӀапӀну?
21Фицики ачмишди ву РАББИЙИЗ вари жилгъйир инсанарин, Дугъу ерцура вари рякъяр инсандин.
22Гьякьсузур чан писвалин чулиъ ахъди, чав апӀури гъаши гунгьаригъ гъярсди.
23Насигьят кьабул дарапӀувалиан думу йикӀиди, ахмакьвали жилгъайиан идитиди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023