Насигьятар 4
4
1Жан баяр, насигьятарихъ адашдин хъебехъай, иб хъивай, фагьумлувалихьди юкӀвар ацӀай.
2Фицики узу учвуз ужуб улупуразачвуз, йиз теклиф ибак дарапӀди мигъибтанай.
3Гъахьунзухъ адашна дада узухъра, узура гъахьунза дурариз айир сар, ккунир ва ктӀатӀарццрур.
4Магьа фици адашди улупуйиш узуз: уьрх кӀваъ йиз гафар, тамам гъапӀиш табшуругъар йиз, хьидива яшамиш.
5Гъазанмиш апӀин аькьюл, гъадагъ аьгъювалар, магьархан кӀваълан ва мапӀан тина гъапиб узу.
6Мигъибтан аькьюл – диди уьрхидиву, ккун апӀин думу – дидира зигиди яв гъайгъу.
7Фтиъ а эвел аькьвлин? Гъадабгъ аькьюл, уву фу уч апӀури гъашишра, уч апӀин фагьум.
8Аьгъю апӀин кьимат аькьвлин – дидира заъди уву, адлу апӀиди уву, эгер хабаъ тӀапӀиш думу.
9КӀулʼин иливидияв гизаф успагьи кунцӀ, хибди увуз думу крабчӀурайи таж.
10Хъебехъ, жан бай, йиз гафар кьабул апӀин – ва ярхи хьиди йисар яв уьмрин.
11Жилгъа аькьвлин улупидизавуз, аъдизаву рякъюъ диш.
12Гъягъидива – лик улдубгидар, гъажаргъишра, уву алдакидар.
13ХъичӀих му къайдйирихъан, магатӀахьан, уьрх дурар, фицики гьадрариъ а яв уьмур.
14Гьякьсузарин рякъюъ лик мииван, пис ксарин жилгъайиъ маахъан:
15дидиъди мягъян, хъадак душвхъан, ярхлаанси илтӀикӀ, гъарах жара рякъюъди.
16Дурарихьан ахуз шулдар аьхир, писвал дарапӀиш, ул иливну ахидар, сар фужкӀа пуч дарапӀиш.
17Фицики ацӀра дурар писвали, уьлиси, ва убхъура инсафсузвал, чяхирси.
18Ужʼвал хрударин жилгъа – ву ахсрарин аквси, йигъ улубкьбахъ акутӀан аку шулайи.
19Хъа гьякьсузарин жилгъа – мучӀушнаъ а, ва хабар адар дурариз, наан чиб алдакуруш.
20Жан бай, хъебехъ йиз гафарихъ, иб хъив дурарихъ.
21Ваъ, ярхла даришри дурар увхьан, уьрх дурар, деринариъ яв кӀван.
22Фицики йиз гафар гъидисуриз уьмур хьибди, дурари бедендиз сагъʼвалра хибди.
23Уьбх яв юкӀв варитӀан заанди, гьаз гъапиш думу булагъ ву уьмрин.
24Тина апӀин гафар кучӀлин, иблисвал ушвнихьан яв гьутӀубкк;
25гъит улар яв лигри дишди, хъа яв лигуб гьарган ачухъуб ибшри,
26ва ккив яв рякъ дюзди, ва вари жилгъйир яв гьякьлудар хьиди;
27я арччлахъинди, я гагвлахъинди миилтӀикӀан, кьяляхъ йихь писвалихьан.
Currently Selected:
Насигьятар 4: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
