Матта 20
20
ТӀумутӀчйирикан тахалус
1Аьршарин Паччагьлугъ – гвачӀин ухди чан тӀумтӀин багъдиъ лихуз нежбрар агуз удучӀву эйсийиз ухшар ву. 2Дугъу, йигъан саб динар пул тувбан йикьрар дапӀну, дурар багъдиз лихуз гьаъру. 3ГвачӀнин урчӀвуб шулади хулʼан удучӀвуриз, ляхин дарди, дуфну майдандиин дийигънайи жара касар рякъюру. 4Дугъу дураризра кӀуру:
– Учвура йиз тӀумтӀин багъдиз гъачай, учвузра ичв рубкьру гьякъи тувдиза. – Дурарра гъюру.
5Хъанара лисунган ва лисхъан сяаьт шубубдихъанна, дугъу гьаци апӀуру. 6Хъа сяаьт хьубдихъан, жарадар дуфну дийигъну рякъюру. Дугъу дураризра гъапи:
– Ярхи йигъди ляхин дарди гьаз дийигъначва?
7Дурари дугъаз кӀуру:
– Учу сарира лихуз гъидисундарчу.
Думуган дугъу дурариз кӀуру:
– Учвура йиз тӀумтӀин багъдиз гъарахай.
8Хябяхъ гъабшиган, эйсийи чан мяишатдин гъулугъчийиз кӀуру:
– Нежбрариз дих дапӀну, аьхиримжи вуди лихуз хъюгъдарилан ккебгъну, сарпидариина гъяйизкьан, дурариз чпин ляхнин гьякъи тув.
9Хябяхъдихъна, сяаьт хьубари, лихуз хъюгъдариз са-саб динар пул тувру. 10Садпидарди лихуз хъюгъдари, чпиз артухъди рубкьур дупну, фикир дапӀнайи; амма дураризра, йикьрарнаъ айиганси, са-саб динар пултӀан тувундайи. 11Чпин гьякъи гъадабгъну, дурар эйсийиз чпин наразивал улупуз хъюгъю:
12– Гьаму кьяляхъна гъафидар саб сяаьтнаътӀан гъилихундар, хъа уву дурарна ярхи йигъди убцру ригъдикк гъилиху учу саб гъапӀунва.
13Эйсийи дурарикан сариз кӀуру:
– Я дуст кас! Узу увуз гиран ктапӀурадарза; уву саб динар пулихъ лихуз рази гъахьундайна? 14Яв рубкьруб гъадабгъну, гъарах, узуз кьанди лихуз хъюгъюризра увузкьануб тувуз ккундузуз. 15Узуз йиз айибдикан узуз ккуниб апӀуз ихтияр адаринхъа? Йиз мердвалиин уву гьаз бахил шулава? 16Гьамци аьхиримжи вуйидарикан сарпидар, хъа сарпидарикан аьхиримжи вуйидар хьиди, фицики теклиф айидар гизаф ву, хъа кадагънайидар цӀиб.
Шубубпи ражари Исайи Чан аьжаликан пуб
17Ерусалимдиз гъягъру рякъюъ Исайи, Чан йицӀикьюр ученик гъирагъдиз гьадаъну, дурариз гъапи:
18– Магьа ухьу Ерусалимдиз гъягъюрахьа. Инсаниятдин Бай аьхю маллйиринна къанунчйирин хилиз тувди. Думу карсну йикӀуз жаза гьадабтӀиди. 19Хъасин Думу аллагьсузарин хилиз, Дугъʼина аьрвалар хуз, гъирмажарихьди Думу урччвуз ва дариз зигуз тувди.
Дадайин тӀалаб
20Гьадму арайиъ Исайихьна, Чан баярра хъади, Зеведейин хпир гъафнийи ва, икрамнаъ ис духьну, дугъу фу-вуш тӀалаб гъапӀнийи. 21Исайи дугъхьан, фу ккундуш гьерхиган, дугъу гьамци кӀуру:
– Гьаму йиз кьюр бализ Яв Паччагьлугъдиъ сар Яв арччул, тмунур гагул терефнаъ деуз гъита.
22Исайира жаваб вуди гъапи:
– Учву фу тӀалаб апӀураш, учвуз аьгъдарчвуз. Узʼина гъюз ккайи аьзабар учвхьан аьх апӀуз хьибдин?
Дурари: «Ав, шулчухьан», – гъапнийи.
23Исайи дурариз гъапи:
– Дугъриданна, Узу кьабул апӀуз ккайи аьзабар учвура аьх апӀарчва, хъа Йиз арччулна гагул терефарихъинди дитувал Узлан асиллу дар: думу йишвар, Йиз Адашди шлиз улупнаш, гьадрариндар ву.
24Му гафар гъеерхьиган, имбу йицӀур ученикди гьадму кьюр чвуччвкан зарбди хъял апӀуру. 25Хъа Исайи, дурариз вардариз дих дапӀну, кӀуру:
– Халкьарин гьякимари дурарин зиин агъавал апӀурайивал ва аьхюдари дурарин зиин чпин гьюкум улупурайивал учвуз аьгъячвуз. 26Хъа ичв арайиъ дици дарибшри: шлиз ичв арайиъ кӀулинур хьуз ккундуш, гъит думу ичв гъайгъушнаъ ишри. 27Шлиз ичв арайиъ сарпир хьуз ккундуш, гъит ичв лукӀ ишри. 28Гьаци Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва гизафдарин гунгьарилан хил алдабгъуз кӀури Чан уьмур тувбан бадали Дуфнайир ву.
Исайи кьюр кур кас сагъ апӀуб
29Иса ва Дугъан ученикар Ерихондиан удучӀвурайиган, дурарин кьяляхъди гизаф халкь гъюз хъюгъю. 30Ва магьа рякъюхъ деънайи кьюр кури, чпин багхьантина Иса гъягъюрайивал аьгъю дубхьну, аьхю сесниинди гъапи:
– Я Давудгъярин Бай! Ич язухъ апӀина!
31Халкьди дурариз ккебехъ кӀуйи, аммаки дурари хъанара зарбди чӀигъар апӀуз хъюгъю:
– Я Агъа, Давудгъярин Бай! Ич язухъ апӀина!
32Иса дугъужву ва, дурариз дих дапӀну, гъапи:
– Узкан фу ккундучвуз?
33Дурари Исайиз кӀуру:
– Я Агъа, ич улар сагъ шлуси апӀина.
34Исайи, язухъ дапӀну, дурарин уларик хил кучу, ва сабпну дурарин улариз рябкъюз хъюгъю, хъа дурарра Дугъахъди гъягъюру.
Currently Selected:
Матта 20: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Матта 20
20
ТӀумутӀчйирикан тахалус
1Аьршарин Паччагьлугъ – гвачӀин ухди чан тӀумтӀин багъдиъ лихуз нежбрар агуз удучӀву эйсийиз ухшар ву. 2Дугъу, йигъан саб динар пул тувбан йикьрар дапӀну, дурар багъдиз лихуз гьаъру. 3ГвачӀнин урчӀвуб шулади хулʼан удучӀвуриз, ляхин дарди, дуфну майдандиин дийигънайи жара касар рякъюру. 4Дугъу дураризра кӀуру:
– Учвура йиз тӀумтӀин багъдиз гъачай, учвузра ичв рубкьру гьякъи тувдиза. – Дурарра гъюру.
5Хъанара лисунган ва лисхъан сяаьт шубубдихъанна, дугъу гьаци апӀуру. 6Хъа сяаьт хьубдихъан, жарадар дуфну дийигъну рякъюру. Дугъу дураризра гъапи:
– Ярхи йигъди ляхин дарди гьаз дийигъначва?
7Дурари дугъаз кӀуру:
– Учу сарира лихуз гъидисундарчу.
Думуган дугъу дурариз кӀуру:
– Учвура йиз тӀумтӀин багъдиз гъарахай.
8Хябяхъ гъабшиган, эйсийи чан мяишатдин гъулугъчийиз кӀуру:
– Нежбрариз дих дапӀну, аьхиримжи вуди лихуз хъюгъдарилан ккебгъну, сарпидариина гъяйизкьан, дурариз чпин ляхнин гьякъи тув.
9Хябяхъдихъна, сяаьт хьубари, лихуз хъюгъдариз са-саб динар пул тувру. 10Садпидарди лихуз хъюгъдари, чпиз артухъди рубкьур дупну, фикир дапӀнайи; амма дураризра, йикьрарнаъ айиганси, са-саб динар пултӀан тувундайи. 11Чпин гьякъи гъадабгъну, дурар эйсийиз чпин наразивал улупуз хъюгъю:
12– Гьаму кьяляхъна гъафидар саб сяаьтнаътӀан гъилихундар, хъа уву дурарна ярхи йигъди убцру ригъдикк гъилиху учу саб гъапӀунва.
13Эйсийи дурарикан сариз кӀуру:
– Я дуст кас! Узу увуз гиран ктапӀурадарза; уву саб динар пулихъ лихуз рази гъахьундайна? 14Яв рубкьруб гъадабгъну, гъарах, узуз кьанди лихуз хъюгъюризра увузкьануб тувуз ккундузуз. 15Узуз йиз айибдикан узуз ккуниб апӀуз ихтияр адаринхъа? Йиз мердвалиин уву гьаз бахил шулава? 16Гьамци аьхиримжи вуйидарикан сарпидар, хъа сарпидарикан аьхиримжи вуйидар хьиди, фицики теклиф айидар гизаф ву, хъа кадагънайидар цӀиб.
Шубубпи ражари Исайи Чан аьжаликан пуб
17Ерусалимдиз гъягъру рякъюъ Исайи, Чан йицӀикьюр ученик гъирагъдиз гьадаъну, дурариз гъапи:
18– Магьа ухьу Ерусалимдиз гъягъюрахьа. Инсаниятдин Бай аьхю маллйиринна къанунчйирин хилиз тувди. Думу карсну йикӀуз жаза гьадабтӀиди. 19Хъасин Думу аллагьсузарин хилиз, Дугъʼина аьрвалар хуз, гъирмажарихьди Думу урччвуз ва дариз зигуз тувди.
Дадайин тӀалаб
20Гьадму арайиъ Исайихьна, Чан баярра хъади, Зеведейин хпир гъафнийи ва, икрамнаъ ис духьну, дугъу фу-вуш тӀалаб гъапӀнийи. 21Исайи дугъхьан, фу ккундуш гьерхиган, дугъу гьамци кӀуру:
– Гьаму йиз кьюр бализ Яв Паччагьлугъдиъ сар Яв арччул, тмунур гагул терефнаъ деуз гъита.
22Исайира жаваб вуди гъапи:
– Учву фу тӀалаб апӀураш, учвуз аьгъдарчвуз. Узʼина гъюз ккайи аьзабар учвхьан аьх апӀуз хьибдин?
Дурари: «Ав, шулчухьан», – гъапнийи.
23Исайи дурариз гъапи:
– Дугъриданна, Узу кьабул апӀуз ккайи аьзабар учвура аьх апӀарчва, хъа Йиз арччулна гагул терефарихъинди дитувал Узлан асиллу дар: думу йишвар, Йиз Адашди шлиз улупнаш, гьадрариндар ву.
24Му гафар гъеерхьиган, имбу йицӀур ученикди гьадму кьюр чвуччвкан зарбди хъял апӀуру. 25Хъа Исайи, дурариз вардариз дих дапӀну, кӀуру:
– Халкьарин гьякимари дурарин зиин агъавал апӀурайивал ва аьхюдари дурарин зиин чпин гьюкум улупурайивал учвуз аьгъячвуз. 26Хъа ичв арайиъ дици дарибшри: шлиз ичв арайиъ кӀулинур хьуз ккундуш, гъит думу ичв гъайгъушнаъ ишри. 27Шлиз ичв арайиъ сарпир хьуз ккундуш, гъит ичв лукӀ ишри. 28Гьаци Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва гизафдарин гунгьарилан хил алдабгъуз кӀури Чан уьмур тувбан бадали Дуфнайир ву.
Исайи кьюр кур кас сагъ апӀуб
29Иса ва Дугъан ученикар Ерихондиан удучӀвурайиган, дурарин кьяляхъди гизаф халкь гъюз хъюгъю. 30Ва магьа рякъюхъ деънайи кьюр кури, чпин багхьантина Иса гъягъюрайивал аьгъю дубхьну, аьхю сесниинди гъапи:
– Я Давудгъярин Бай! Ич язухъ апӀина!
31Халкьди дурариз ккебехъ кӀуйи, аммаки дурари хъанара зарбди чӀигъар апӀуз хъюгъю:
– Я Агъа, Давудгъярин Бай! Ич язухъ апӀина!
32Иса дугъужву ва, дурариз дих дапӀну, гъапи:
– Узкан фу ккундучвуз?
33Дурари Исайиз кӀуру:
– Я Агъа, ич улар сагъ шлуси апӀина.
34Исайи, язухъ дапӀну, дурарин уларик хил кучу, ва сабпну дурарин улариз рябкъюз хъюгъю, хъа дурарра Дугъахъди гъягъюру.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023