Матта 17
17
Исайи Мусайихъдина Илʼясдихъди сюгьбат апӀуб
1Йирхьуд йигълан Исайи Петр, Якьуб ва дугъан чве Югьан гъадагъну, сарун жарар фужкӀара хътарди, ягъли дагъдиина гъягъюру. 2Хъа Иса дурарин улихь дигиш шулу: Дугъан маш рябкъюри-рябкъюри ригъси нурлу гъабхьнийи, хъа палтар – йифси лизи. 3Дурарин улихьна Исайихъди гафар апӀурайи Мусана Илʼяс ачмиш шулу. 4Гьадмуган Петри Исайиз гъапи:
– Я Агъа! Учуз мушвахь ужуди вучуз! Увуз ккундуш, мушвахь шубуб паж апӀуча: саб Увуз, саб Мусайиз ва саб Илʼясдиз.
5Дугъу гьамци кӀури имиди, завʼан дурариина аку диф ис шулу, ва сабпну дифрагъян гьамциб сес гъюру:
«Му Йиз масан Бай вуйиз. Узу Мугъʼин гизаф рази вуза! Гьамгъахъ хъебехъай!»
6Му сес гъеебхьу ученикариз яманди гучӀ гъабхьнийи, ва дурар, икрам апӀури, жилʼина ахьнийи. 7Исайи, дурарихьна дуфну, хил кучну, кӀуру:
– Гъудужвай, гучӀ мапӀанай.
8Хъа ученикариз, кӀулар за дапӀну гъилигган, Исайилан гъайри фужкӀа гъяркъюндайи. 9Хъа дурар дагъдилан гъюруган, Исайи дурариз ижмишнаан гъапи:
– Инсаниятдин Бай, дукӀну, чӀиви хьайиз, гьаму учвуз гъябкъюбдикан саризра макӀанай.
10Хъа ученикари Исайихьан гьерхру:
– Къанунчйири, сифте Илʼяс дуфну ккунду, гьаз кӀура?
11Исайи дурариз гьамци жаваб туву:
– Дугъридан Илʼясди, улихьмиди дуфну, вари ккабалгну ккунду; 12Хъа кӀуразачвузки, Илʼяс гъафну, амма инсанариз думу аьгъю гъахьундар, ва дугъкан дурари чпиз ккуниб гъапӀну. Гьаци Инсаниятдин Бализра дурарин хиларилантина аьзабар хьиди.
13Ва гьадмуган ученикар Иса штуан апӀру Ягьʼяйикан улхурайивалин гъаври ахънийи.
Жин кубчӀвнайи бай сагъ апӀуб
14Дурар халкьдихьна гъафиган, сар касди, Исайихьна дуфну, Дугъан улихь кьамкьариина ис духьну, 15кӀуру:
– Я Агъа! Йиз балин язухъ апӀина! Думу гьарза шула ва читин аьзабарикк ккахъра, чӀур шули, цӀиъ ва штуъ урсрира шулу. 16Узу думу Яв ученикарихьна хъади гъафунза, амма дурарихьан думу сагъ апӀуз гъабхьундар.
17– Эй хътругъру инсанар! – кӀуру гьадмуган Исайи. – Узу учвухъди филадизкьан гъузди, кӀурачва?! Узу учву филадиз аьгь апӀуза?! Думу Узухьна аькъинай!
18Исайи буйругъ тувну, жин утӀубкку, ва бай гьадмусяаьтди сагъ шулу.
19Хъасин ученикари сасарди, Исайихьна дуфну, Дугъхьан гьерхру:
– Хъа учхьан думу утӀубккуз гьаз гъабхьундайикӀан?
20Исайи дурариз гъапи:
– Учву дериндиан хъугъну адрувалиан, фицики дюзди кӀуразачвуз: эгер учвуъ саб бицӀи дилсибкьан хъугъувал ади гъабхьиш, учву гьатму дагъдиз: «Гьамлин гьатинди гьудубчӀв», гъапиш, думу тинди гьудубчӀвур, ва учвʼан удудукьруб фукӀа хьибдар. [21]#17:21 Грекарин саспи БикӀбариъ гьамци кӀура: «Му жин анжагъ ушвар дисбииндина ккарагбииндитӀан утӀубккуз шлуб дар».
Исайи хъана чан аьжаликан пуб
22Чпи Галилейиъ айи вахтна, Исайи ученикариз гъапи:
– Инсаниятдин Бай багарихьди инсанарин хилиз тувди. 23Дурари Думу йикӀиди, ва шубудпи йигъан Думу чӀиви хьиди.
Дугъу гьаци гъапиган, ученикар гизаф пашман гъахьнийи.
Аллагьдин хулаз вуйи налукарин гьякьнаан
24Дурар Кафернагьумдиз гъафиган, Аллагьдин хулаз налук гъюдюбхюрайидари, дуфну, Петриз кӀуру:
– Ичв Мялимди Аллагьдин хулаз налук тувдаринхъа?
25Петри:
– Ав, тувру, – гъапи.
Ва Петри хулаъ учӀвну, чан ушв абццайизра, Исайи дугъаз суал туву:
– Уву фици фикир апӀурава, Симон Петр: гьаму дюнʼяйин паччгьари шилхьан налукар гъадагъури шулу – чпин баярихьан, даршиш миди вуйи инсанарихьан?
26Петри жаваб туву:
– Миди вуйи инсанарихьан.
Думуган Исайи дугъаз гъапи:
– Гьаци вуйиган, дурарин баяр налукариккан азад ву. 27Амма ухькантина дурар инжик дархьбан бадали, гьюлихъна душну, гъармах ккипну, сифте хъабхъу балугъ гъянзуйихъан хъадабгъ; ва дидин ушв абццган, душваъ лазим кьадар арсран пул бихъидивуз; думу балугъин ушвниан адабгъну, Узхъандина увхъанди вуйи налукнаанди дурарихьна тув.
Currently Selected:
Матта 17: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Матта 17
17
Исайи Мусайихъдина Илʼясдихъди сюгьбат апӀуб
1Йирхьуд йигълан Исайи Петр, Якьуб ва дугъан чве Югьан гъадагъну, сарун жарар фужкӀара хътарди, ягъли дагъдиина гъягъюру. 2Хъа Иса дурарин улихь дигиш шулу: Дугъан маш рябкъюри-рябкъюри ригъси нурлу гъабхьнийи, хъа палтар – йифси лизи. 3Дурарин улихьна Исайихъди гафар апӀурайи Мусана Илʼяс ачмиш шулу. 4Гьадмуган Петри Исайиз гъапи:
– Я Агъа! Учуз мушвахь ужуди вучуз! Увуз ккундуш, мушвахь шубуб паж апӀуча: саб Увуз, саб Мусайиз ва саб Илʼясдиз.
5Дугъу гьамци кӀури имиди, завʼан дурариина аку диф ис шулу, ва сабпну дифрагъян гьамциб сес гъюру:
«Му Йиз масан Бай вуйиз. Узу Мугъʼин гизаф рази вуза! Гьамгъахъ хъебехъай!»
6Му сес гъеебхьу ученикариз яманди гучӀ гъабхьнийи, ва дурар, икрам апӀури, жилʼина ахьнийи. 7Исайи, дурарихьна дуфну, хил кучну, кӀуру:
– Гъудужвай, гучӀ мапӀанай.
8Хъа ученикариз, кӀулар за дапӀну гъилигган, Исайилан гъайри фужкӀа гъяркъюндайи. 9Хъа дурар дагъдилан гъюруган, Исайи дурариз ижмишнаан гъапи:
– Инсаниятдин Бай, дукӀну, чӀиви хьайиз, гьаму учвуз гъябкъюбдикан саризра макӀанай.
10Хъа ученикари Исайихьан гьерхру:
– Къанунчйири, сифте Илʼяс дуфну ккунду, гьаз кӀура?
11Исайи дурариз гьамци жаваб туву:
– Дугъридан Илʼясди, улихьмиди дуфну, вари ккабалгну ккунду; 12Хъа кӀуразачвузки, Илʼяс гъафну, амма инсанариз думу аьгъю гъахьундар, ва дугъкан дурари чпиз ккуниб гъапӀну. Гьаци Инсаниятдин Бализра дурарин хиларилантина аьзабар хьиди.
13Ва гьадмуган ученикар Иса штуан апӀру Ягьʼяйикан улхурайивалин гъаври ахънийи.
Жин кубчӀвнайи бай сагъ апӀуб
14Дурар халкьдихьна гъафиган, сар касди, Исайихьна дуфну, Дугъан улихь кьамкьариина ис духьну, 15кӀуру:
– Я Агъа! Йиз балин язухъ апӀина! Думу гьарза шула ва читин аьзабарикк ккахъра, чӀур шули, цӀиъ ва штуъ урсрира шулу. 16Узу думу Яв ученикарихьна хъади гъафунза, амма дурарихьан думу сагъ апӀуз гъабхьундар.
17– Эй хътругъру инсанар! – кӀуру гьадмуган Исайи. – Узу учвухъди филадизкьан гъузди, кӀурачва?! Узу учву филадиз аьгь апӀуза?! Думу Узухьна аькъинай!
18Исайи буйругъ тувну, жин утӀубкку, ва бай гьадмусяаьтди сагъ шулу.
19Хъасин ученикари сасарди, Исайихьна дуфну, Дугъхьан гьерхру:
– Хъа учхьан думу утӀубккуз гьаз гъабхьундайикӀан?
20Исайи дурариз гъапи:
– Учву дериндиан хъугъну адрувалиан, фицики дюзди кӀуразачвуз: эгер учвуъ саб бицӀи дилсибкьан хъугъувал ади гъабхьиш, учву гьатму дагъдиз: «Гьамлин гьатинди гьудубчӀв», гъапиш, думу тинди гьудубчӀвур, ва учвʼан удудукьруб фукӀа хьибдар. [21]#17:21 Грекарин саспи БикӀбариъ гьамци кӀура: «Му жин анжагъ ушвар дисбииндина ккарагбииндитӀан утӀубккуз шлуб дар».
Исайи хъана чан аьжаликан пуб
22Чпи Галилейиъ айи вахтна, Исайи ученикариз гъапи:
– Инсаниятдин Бай багарихьди инсанарин хилиз тувди. 23Дурари Думу йикӀиди, ва шубудпи йигъан Думу чӀиви хьиди.
Дугъу гьаци гъапиган, ученикар гизаф пашман гъахьнийи.
Аллагьдин хулаз вуйи налукарин гьякьнаан
24Дурар Кафернагьумдиз гъафиган, Аллагьдин хулаз налук гъюдюбхюрайидари, дуфну, Петриз кӀуру:
– Ичв Мялимди Аллагьдин хулаз налук тувдаринхъа?
25Петри:
– Ав, тувру, – гъапи.
Ва Петри хулаъ учӀвну, чан ушв абццайизра, Исайи дугъаз суал туву:
– Уву фици фикир апӀурава, Симон Петр: гьаму дюнʼяйин паччгьари шилхьан налукар гъадагъури шулу – чпин баярихьан, даршиш миди вуйи инсанарихьан?
26Петри жаваб туву:
– Миди вуйи инсанарихьан.
Думуган Исайи дугъаз гъапи:
– Гьаци вуйиган, дурарин баяр налукариккан азад ву. 27Амма ухькантина дурар инжик дархьбан бадали, гьюлихъна душну, гъармах ккипну, сифте хъабхъу балугъ гъянзуйихъан хъадабгъ; ва дидин ушв абццган, душваъ лазим кьадар арсран пул бихъидивуз; думу балугъин ушвниан адабгъну, Узхъандина увхъанди вуйи налукнаанди дурарихьна тув.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023