Матта 14
14
Штуан апӀру Ягьʼяйин аьжал
1Гьадму вахтари Галилей уьлкейин гьякимдар Гьироддиз Исайикан хабар шулу. 2Дугъу чан гъуллугъчйириз кӀуру:
– Думу кас якьинди штуан апӀру Ягьʼя ву. Думу, гъачӀихъан, чӀиви духьна, гьаддиз дугъхьан гьацдар аьламатар улупузра шула.
3Гьиродди гьаддиз гьамци фикир гъапӀнийи: улихьнаси дугъу чан чве Филипдин хпир Иродиадайин кӀуллан Ягьʼя дидисну, зунжрарихъди йитӀну, дустагъдиъ итнийи. 4Ягьʼяйи Гьироддиз, яв чвуччвун хпирихъди хьуз хай шулдар, гъапнийи. 5Ва Гьироддиз Ягьʼя йикӀуз ккун гъабхьнийи, амма халкьдихьан гучӀбу гъакӀундайи, гьаз гъапиш халкьди Ягьʼя пайгъамбар ву кӀури гьисаб апӀурайи. 6Гьирод бабкан гъаши йигъан Иродиадайин шуру шадлугъназ дуфнайидарин улихь ялхъван гъапӀнийи, ва Гьироддиз ялхъван кьабул гъабхьнийи. 7Гьирод гьадмукьан рази гъахьнийики, дугъу шуру фу тӀалаб гъапӀишра, гьадму кӀули адабгъуз ху гъапӀнийи. 8Шурура, чан дадайи алаъну, гьамци гъапнийи:
– Гьамшвахь ва гьамусяаьт узуз ленгерийиъди штуан апӀру Ягьʼяйин кӀул алдабтӀну аьбкъин.
9Паччагьди, учв фукьан пашман гъахьнушра, хяларин улихь ху апӀбаз лигну, шуран улихьна Ягьʼяйин кӀул алдабтӀну хуз буйругъ тувру. 10Ва гьаъдари дустагъдиъ Ягьʼяйин кӀул алдабтӀуру. 11Дугъан кӀул, дубхну, шурахьна тувру, шурура чан дадайихьна гъабхуру. 12Хъасин Ягьʼяйин ученикар дустагъдиз дуфну, дугъан беден гъадабгъну дубхну, накьвдик кивру, хъасин дурари, Исайихьна душну, гъабхьиси вари ктибтуру.
Хьуд агъзур кас тухъ апӀуб
13Му хабар гъеебхьу Иса, люткейиъ эъну, фужкӀа адру саб халват йишваз хъапӀну, гъягъюру, хъа мидкан хабар дубхьну, адмийир, чпин шагьрар гъитну, Дугъан кьяляхъди ликри гъягъюз хъюгъю. 14Люткейиан удучӀву Исайиз аьхючӀвеъ халкь уч духьнади рябкъюру ва, дурарин язухъ дубхьну, Дугъу уьзрар кайидар сагъ апӀуру. 15Хябяхъ гъабшиган, Исайихьна дуфну, ученикари Дугъаз кӀуру:
– Му йишв касра адру йишв ву, вахтра сарун кьан дубхьна, халкьар деет, гъит дурари, багарихь хьайи гъулариз душну, чпиз ипӀруб гъадабгъри.
16Хъа Исайи дурариз кӀуру:
– Дурар наанакӀа гъягъюб лазим дар, дурариз ипӀруб учву тувай.
17Ученикари Дугъаз гъапи:
– Учухь мушваъ, хьуб уьлна кьюб балугътӀан гъайри, фукӀа хьадарчухь.
18Исайи ученикариз, дурар Чахьна аькъин, кӀуру. 19Ва халкьдиз майдандиин деуб амур дапӀну, гьадму хьуб уьлна кьюб балугъ гъадагъну, завузди дилигну, Аллагьдин ужувлакк ккахьри, дупну, уьлер гьудутӀну, ученикарихьна тувру, хъа дурари халкьдиз тувру. 20Вари халкьди ипӀуру, тухъ шулу ва хъиригъу кьацӀари йицӀикьюб тавра ацӀру. 21Уьлна балугъ гъипӀу жиларин кьадар хьуд агъзурихьнакьан вуйи. Дурарихьна хъана дишагьлийирина бицӀидарира гъипӀнийи.
Иса гьюлилан гъягъюб
22Мидин кьяляхъ Исайи, Чав сабан халкь гьаъри имиди, Чан ученикариз люткейиъ эъну, Галилей гьюлин тмуну гъирагъдихъна сирнав апӀуб амур апӀуру. 23Халкь алдабгъиган, Иса, ялгъузди ккарагбан бадали, дагъдиз удучӀвуру ва хябяхъдизкьан сарди гьадушваъ гъузру. 24Хъа лютке гьюлин гьацӀкьяларизкьан дурубкьнайи ва думу лепйири зарбди ккалабкьурайи, гьаз гъапиш гъаншар микӀ хъиврайи. 25Ахсрар ккиврайи вахтна Иса гьюлилан ликар алдагъури люткейихьна гъюрайи. 26Хъа ученикариз, Думу гьюлʼинди гъюри дяркъну, гьаци гучӀ гъабхьнийики, Думу гъарантуси гьугъужвну, дурариан гучӀбан гьарйир адахьуру. 27Ва гьадмусяаьт Исайи дурариз гъапи:
– ЮкӀв ижми апӀинай, му Узу вуза, гучӀ мапӀанай.
28Хъа Петри Дугъаз гъапи:
– Я Агъа, эгер дугъриданра Уву вуш, узуз Увухьна штун зиинди гъюз амур апӀин.
29Дугъу гъапи: «Гъач». Ва люткейиан эдеъну, Петр штуинди гъягъюз хъюгъю ва, Исайихьна хъуркьрайиган, 30гужал микӀ хъивну гъябкъюрик гучӀ кабхъру ва, ккахъуз хъюгърайири, чӀигъар апӀуру:
– Я Агъа, узу ккахъуз мигъитана.
31Исайи дишла, хил гьачӀабккну, думу дисуру ва дугъаз кӀуру:
– Эй Узʼин бегьем хъугъвал алдрур, уву гьаз шаклу гъахьунва?
32Дурар люткейиъ учӀвган, микӀ яваш гъабхьи. 33Хъа люткейиъ айидари, Дугъаз икрам дапӀну, кӀуру: «Дугъриданна Уву Аллагьдин Бай вува».
Геннисаретдиъ иццурайидар сагъ апӀуб
34Дурар, сирнав апӀури, Геннисаретдин ругарихьна гъюру. 35Иса аьгъю духьну, душван агьалйири варишвариъ хабар дебккру ва Дугъахьна вари иццурайидар хуру. 36Дурари Исайикан анжагъ Дугъан ккурттарин канчӀарик куркӀузкьан гъитуб тӀалабар апӀуйи. Вари Дугъак куркӀрудар сагъ шуйи.
Currently Selected:
Матта 14: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Матта 14
14
Штуан апӀру Ягьʼяйин аьжал
1Гьадму вахтари Галилей уьлкейин гьякимдар Гьироддиз Исайикан хабар шулу. 2Дугъу чан гъуллугъчйириз кӀуру:
– Думу кас якьинди штуан апӀру Ягьʼя ву. Думу, гъачӀихъан, чӀиви духьна, гьаддиз дугъхьан гьацдар аьламатар улупузра шула.
3Гьиродди гьаддиз гьамци фикир гъапӀнийи: улихьнаси дугъу чан чве Филипдин хпир Иродиадайин кӀуллан Ягьʼя дидисну, зунжрарихъди йитӀну, дустагъдиъ итнийи. 4Ягьʼяйи Гьироддиз, яв чвуччвун хпирихъди хьуз хай шулдар, гъапнийи. 5Ва Гьироддиз Ягьʼя йикӀуз ккун гъабхьнийи, амма халкьдихьан гучӀбу гъакӀундайи, гьаз гъапиш халкьди Ягьʼя пайгъамбар ву кӀури гьисаб апӀурайи. 6Гьирод бабкан гъаши йигъан Иродиадайин шуру шадлугъназ дуфнайидарин улихь ялхъван гъапӀнийи, ва Гьироддиз ялхъван кьабул гъабхьнийи. 7Гьирод гьадмукьан рази гъахьнийики, дугъу шуру фу тӀалаб гъапӀишра, гьадму кӀули адабгъуз ху гъапӀнийи. 8Шурура, чан дадайи алаъну, гьамци гъапнийи:
– Гьамшвахь ва гьамусяаьт узуз ленгерийиъди штуан апӀру Ягьʼяйин кӀул алдабтӀну аьбкъин.
9Паччагьди, учв фукьан пашман гъахьнушра, хяларин улихь ху апӀбаз лигну, шуран улихьна Ягьʼяйин кӀул алдабтӀну хуз буйругъ тувру. 10Ва гьаъдари дустагъдиъ Ягьʼяйин кӀул алдабтӀуру. 11Дугъан кӀул, дубхну, шурахьна тувру, шурура чан дадайихьна гъабхуру. 12Хъасин Ягьʼяйин ученикар дустагъдиз дуфну, дугъан беден гъадабгъну дубхну, накьвдик кивру, хъасин дурари, Исайихьна душну, гъабхьиси вари ктибтуру.
Хьуд агъзур кас тухъ апӀуб
13Му хабар гъеебхьу Иса, люткейиъ эъну, фужкӀа адру саб халват йишваз хъапӀну, гъягъюру, хъа мидкан хабар дубхьну, адмийир, чпин шагьрар гъитну, Дугъан кьяляхъди ликри гъягъюз хъюгъю. 14Люткейиан удучӀву Исайиз аьхючӀвеъ халкь уч духьнади рябкъюру ва, дурарин язухъ дубхьну, Дугъу уьзрар кайидар сагъ апӀуру. 15Хябяхъ гъабшиган, Исайихьна дуфну, ученикари Дугъаз кӀуру:
– Му йишв касра адру йишв ву, вахтра сарун кьан дубхьна, халкьар деет, гъит дурари, багарихь хьайи гъулариз душну, чпиз ипӀруб гъадабгъри.
16Хъа Исайи дурариз кӀуру:
– Дурар наанакӀа гъягъюб лазим дар, дурариз ипӀруб учву тувай.
17Ученикари Дугъаз гъапи:
– Учухь мушваъ, хьуб уьлна кьюб балугътӀан гъайри, фукӀа хьадарчухь.
18Исайи ученикариз, дурар Чахьна аькъин, кӀуру. 19Ва халкьдиз майдандиин деуб амур дапӀну, гьадму хьуб уьлна кьюб балугъ гъадагъну, завузди дилигну, Аллагьдин ужувлакк ккахьри, дупну, уьлер гьудутӀну, ученикарихьна тувру, хъа дурари халкьдиз тувру. 20Вари халкьди ипӀуру, тухъ шулу ва хъиригъу кьацӀари йицӀикьюб тавра ацӀру. 21Уьлна балугъ гъипӀу жиларин кьадар хьуд агъзурихьнакьан вуйи. Дурарихьна хъана дишагьлийирина бицӀидарира гъипӀнийи.
Иса гьюлилан гъягъюб
22Мидин кьяляхъ Исайи, Чав сабан халкь гьаъри имиди, Чан ученикариз люткейиъ эъну, Галилей гьюлин тмуну гъирагъдихъна сирнав апӀуб амур апӀуру. 23Халкь алдабгъиган, Иса, ялгъузди ккарагбан бадали, дагъдиз удучӀвуру ва хябяхъдизкьан сарди гьадушваъ гъузру. 24Хъа лютке гьюлин гьацӀкьяларизкьан дурубкьнайи ва думу лепйири зарбди ккалабкьурайи, гьаз гъапиш гъаншар микӀ хъиврайи. 25Ахсрар ккиврайи вахтна Иса гьюлилан ликар алдагъури люткейихьна гъюрайи. 26Хъа ученикариз, Думу гьюлʼинди гъюри дяркъну, гьаци гучӀ гъабхьнийики, Думу гъарантуси гьугъужвну, дурариан гучӀбан гьарйир адахьуру. 27Ва гьадмусяаьт Исайи дурариз гъапи:
– ЮкӀв ижми апӀинай, му Узу вуза, гучӀ мапӀанай.
28Хъа Петри Дугъаз гъапи:
– Я Агъа, эгер дугъриданра Уву вуш, узуз Увухьна штун зиинди гъюз амур апӀин.
29Дугъу гъапи: «Гъач». Ва люткейиан эдеъну, Петр штуинди гъягъюз хъюгъю ва, Исайихьна хъуркьрайиган, 30гужал микӀ хъивну гъябкъюрик гучӀ кабхъру ва, ккахъуз хъюгърайири, чӀигъар апӀуру:
– Я Агъа, узу ккахъуз мигъитана.
31Исайи дишла, хил гьачӀабккну, думу дисуру ва дугъаз кӀуру:
– Эй Узʼин бегьем хъугъвал алдрур, уву гьаз шаклу гъахьунва?
32Дурар люткейиъ учӀвган, микӀ яваш гъабхьи. 33Хъа люткейиъ айидари, Дугъаз икрам дапӀну, кӀуру: «Дугъриданна Уву Аллагьдин Бай вува».
Геннисаретдиъ иццурайидар сагъ апӀуб
34Дурар, сирнав апӀури, Геннисаретдин ругарихьна гъюру. 35Иса аьгъю духьну, душван агьалйири варишвариъ хабар дебккру ва Дугъахьна вари иццурайидар хуру. 36Дурари Исайикан анжагъ Дугъан ккурттарин канчӀарик куркӀузкьан гъитуб тӀалабар апӀуйи. Вари Дугъак куркӀрудар сагъ шуйи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023