Якьубдин 5
5
Жвуваз жвувтӀан даккни девлетлуйириз жаза хьибди
1Хъа гьамус хъебехъай, учву, девлетлуйир! Ишай ва гьарай ипай учвʼин улукьуз ккайи бедбахтвалариин. 2Ичв девлет гъутӀну, ичв палат сурари гъипӀну. 3Ичв гъизилизна арсраз гандриж гъивну! Гьадму гандрижи учвуз къаршуди шагьидвал апӀиди ва ичв беден, цӀиси, ипӀиди. Учву ичв аьхиримжи йигъариз учвуз девлет уч дапӀначва! 4Ичв хутӀлариъ бегьер уч апӀрудариз кьимат тутрувди, учвуз гъибтунчва, дурари Аллагьдиз гьарйир апӀура, ва хутӀлиъ айидарин агьрар Саваоф Агъайин ибарихьна дурукьна. (Саваоф – Аллагьдин ччвурарикан саб, аьршарин кьушмарин аьхюр кӀуру гаф ву). 5Учву жилиин девлетниин уьлюрхну яшамиш гъахьунчва, кефер апӀури гъахьунчва, урккру йигъаз ичв жанар гваназ гъюрхюнчва. 6Учву тахсир ктрудар тахсиркрар апӀуйчва ва йивну йихуйчва, хъа дурар учвуз гъаршу гъудужвдайи.
Сабур апӀинай ва ккарагай
7Гьаци вуйиган, сабур апӀинай, гъардшар, Агъа кьяляхъ гъюру йигъ хьайизкьан! Лигай, нежбер фукьан сабурлуди ккилигури шулуш, дубзнайи жили багьа бегьер хайиз фици думу чвлин ва хьадукран мархьариз ккилигури шулуш. 8Учвура сабурлувалиинди ккилигури гъузай, юкӀвар мюгькам апӀинай, гьаз гъапиш, Агъа гъюру йигъар сарун багахь хьа. 9Гъардшар, Аллагьди учвуз жаза гьададабтӀуз, чиб-чпилан мулханай. Лигай, Судья гьамустӀанра урчӀарихъ дийигъна! 10Гъардшар, сабур апӀбаъ ва мюгькамвалиъ Аллагьдин ччвурнахъан гъапи пайгъамбрарихъан мисал гъадабгъай. 11Учвуз аьгъячвуз, аьхиризкьан мюгькамди гъуздариз учу бахтаврар кӀурача. Учвуз Аюбдин ижмиваликан гъеебхьунчвуз ва, Агъайи дугъаз чан уьмриъ фициб аьхир тувнуш, аьгъячвуз, гьаз гъапиш Агъа рягьимлур ву ва язухъ Зигрур ву. 12Сифтена-сифте, йиз гъардшар, я завариинди, я жилариинди ху мапӀанай, я жараси гьич саб жюрейиинди ху мапӀанай. Гъит ичв анжагъ «ав» кӀурушваъ «ав» ибшри, «ваъ» кӀурушваъ «ваъ» ибшри, учвуз жаза дархьбан бадали.
13Учвкан фуж балайикк ккахъиш, гъит ккарагри, фуж шадвали ацӀнаш, гъит Аллагьдиз мяълийир апӀри. 14Учвкан фуж иццураш, хъугърударин жямяаьтдин аьхюриз дих апӀри ва, Агъайин ччвурнахъ ччим кадатну, гъит, гьадгъан зиин ккарагри. 15ГьубкӀну хъугъвал айи ккарагували иццурайир сагъ апӀиди ва Агъайи думу ликриин апӀиди. Хъа эгер дугъу гунагь дапӀнаш, хил алдабгъиди. 16Гьаддиз чиб-чпин улихь жвувкан ктахьу гунгьар кӀулʼин дисай ва, Агъайи учву сагъ апӀбан бадали, чиб-чпихъанди ккарагай. Гьякь уьмур хъапӀрайирин ккарагбаъ гизаф кьувват а! 17Илʼяс ухьусир адми вуйи. Думу лап ижмишнаан мархь дурубгъбан бадали ккарагнийи, ва шубуд йисанна гьацӀаъ гъубгъундайи. 18Думу хъана ккарагнийи, ва аьршариан мархь гъубгънийи, жили бегьер гъабхнийи. 19Йиз гъардшар, эгер учвкан фуж, гьякь рякълан улдугну, шли-вуш хъана алаънуш, 20аьгъю йибхьай, гунагькар кучӀлин рякъхъан хътаури думу аьжалихьан уьрхюра ва гизаф гунгьар апӀуваликкан азад апӀура.
Currently Selected:
Якьубдин 5: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Якьубдин 5
5
Жвуваз жвувтӀан даккни девлетлуйириз жаза хьибди
1Хъа гьамус хъебехъай, учву, девлетлуйир! Ишай ва гьарай ипай учвʼин улукьуз ккайи бедбахтвалариин. 2Ичв девлет гъутӀну, ичв палат сурари гъипӀну. 3Ичв гъизилизна арсраз гандриж гъивну! Гьадму гандрижи учвуз къаршуди шагьидвал апӀиди ва ичв беден, цӀиси, ипӀиди. Учву ичв аьхиримжи йигъариз учвуз девлет уч дапӀначва! 4Ичв хутӀлариъ бегьер уч апӀрудариз кьимат тутрувди, учвуз гъибтунчва, дурари Аллагьдиз гьарйир апӀура, ва хутӀлиъ айидарин агьрар Саваоф Агъайин ибарихьна дурукьна. (Саваоф – Аллагьдин ччвурарикан саб, аьршарин кьушмарин аьхюр кӀуру гаф ву). 5Учву жилиин девлетниин уьлюрхну яшамиш гъахьунчва, кефер апӀури гъахьунчва, урккру йигъаз ичв жанар гваназ гъюрхюнчва. 6Учву тахсир ктрудар тахсиркрар апӀуйчва ва йивну йихуйчва, хъа дурар учвуз гъаршу гъудужвдайи.
Сабур апӀинай ва ккарагай
7Гьаци вуйиган, сабур апӀинай, гъардшар, Агъа кьяляхъ гъюру йигъ хьайизкьан! Лигай, нежбер фукьан сабурлуди ккилигури шулуш, дубзнайи жили багьа бегьер хайиз фици думу чвлин ва хьадукран мархьариз ккилигури шулуш. 8Учвура сабурлувалиинди ккилигури гъузай, юкӀвар мюгькам апӀинай, гьаз гъапиш, Агъа гъюру йигъар сарун багахь хьа. 9Гъардшар, Аллагьди учвуз жаза гьададабтӀуз, чиб-чпилан мулханай. Лигай, Судья гьамустӀанра урчӀарихъ дийигъна! 10Гъардшар, сабур апӀбаъ ва мюгькамвалиъ Аллагьдин ччвурнахъан гъапи пайгъамбрарихъан мисал гъадабгъай. 11Учвуз аьгъячвуз, аьхиризкьан мюгькамди гъуздариз учу бахтаврар кӀурача. Учвуз Аюбдин ижмиваликан гъеебхьунчвуз ва, Агъайи дугъаз чан уьмриъ фициб аьхир тувнуш, аьгъячвуз, гьаз гъапиш Агъа рягьимлур ву ва язухъ Зигрур ву. 12Сифтена-сифте, йиз гъардшар, я завариинди, я жилариинди ху мапӀанай, я жараси гьич саб жюрейиинди ху мапӀанай. Гъит ичв анжагъ «ав» кӀурушваъ «ав» ибшри, «ваъ» кӀурушваъ «ваъ» ибшри, учвуз жаза дархьбан бадали.
13Учвкан фуж балайикк ккахъиш, гъит ккарагри, фуж шадвали ацӀнаш, гъит Аллагьдиз мяълийир апӀри. 14Учвкан фуж иццураш, хъугърударин жямяаьтдин аьхюриз дих апӀри ва, Агъайин ччвурнахъ ччим кадатну, гъит, гьадгъан зиин ккарагри. 15ГьубкӀну хъугъвал айи ккарагували иццурайир сагъ апӀиди ва Агъайи думу ликриин апӀиди. Хъа эгер дугъу гунагь дапӀнаш, хил алдабгъиди. 16Гьаддиз чиб-чпин улихь жвувкан ктахьу гунгьар кӀулʼин дисай ва, Агъайи учву сагъ апӀбан бадали, чиб-чпихъанди ккарагай. Гьякь уьмур хъапӀрайирин ккарагбаъ гизаф кьувват а! 17Илʼяс ухьусир адми вуйи. Думу лап ижмишнаан мархь дурубгъбан бадали ккарагнийи, ва шубуд йисанна гьацӀаъ гъубгъундайи. 18Думу хъана ккарагнийи, ва аьршариан мархь гъубгънийи, жили бегьер гъабхнийи. 19Йиз гъардшар, эгер учвкан фуж, гьякь рякълан улдугну, шли-вуш хъана алаънуш, 20аьгъю йибхьай, гунагькар кучӀлин рякъхъан хътаури думу аьжалихьан уьрхюра ва гизаф гунгьар апӀуваликкан азад апӀура.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023