Эвел 45
45
Юсуфди гъардшариз учв фуж вуш ктибтуб
1Гьадмуган Юсуфдихьан гъаравашарин улихь учв хилиъ дисуз шули имдайи. Дугъу чан гъуллугъчйириз чӀигъ гъапӀу:
– Дург йихьай йиз багарихьан!
Дугъу чан гъардшариз учв ачмиш апӀруган, мушвахь сарун фужкӀа хьимдайи.
2Думу гьаци зарбди ишуз хъюгъюки, египтаризра кмиди гъеебхьнийи ва дидкан хабар фяряуьндин дараматариз гъубшнийи.
3Юсуфди чан гъардшариз гъапи:
– Узу Юсуф вуза! Якьин йиз адаш чӀивиди имийин?
Хъа гъардшарихьан жаваб тувуз шули адайи, дурар гъах духьнайи.
4Хъа гьадмуган Юсуфди гъардшариз гъапи:
– Йиз багахьнаси гъачай гьеле.
Дурар багахь улучӀвган, дугъу гъапи:
– Узу ичв гъардаш Юсуф вуза, учву Египетдиз масу туву! 5Узу мина масу тувну кӀури, дерд мапӀанай, кӀваз гуж мутуванай. Мици, ичв улихьди, ичв уьмрар уьрхбан бадали, Заанури узу мина гьаур ву. 6Кьюд йис ву уьлкейиъ гаш абхъну. Хьуд йисансана я жил хътабкуб, я ккадабццуб хьибдар. 7Заанури ичв улихьди, ичв тухум дюнʼяйиин артмиш хьпан бадали ва, гьамциб аьжайиб къайдайиинди, ичв уьмрар уьрхбан бадали, узу мина гьаъна.
8Гьаци вуйиган, учву дарчва узу мина гьаъдар, хъа – Заанур ву. Дугъу узкан фяряуьндиз адаш ктаъну, дугъан вари хулан зиин узкан агъа гъапӀну ва вари Египетдиъ гьюкум гъабхрурди дерккну. 9Йиз адашдихьна кьяляхъ хътаркуз гьялак йихьай ва дугъаз йипай: «Магьа яв бай Юсуфди гьамци кӀура: „Заанури узкан вари Египетдиин гьюкум гъабхру кас ктаъну. Зат дийийигъди узухьна гъач. 10Уву, яв веледарна худлар хъади, яв мал-къарана увуз айиб вари хьади, йиз багахь, Гошен кӀурушваъ яшамиш хьидива. 11Гошендиъ узхьан увуз ипӀруб хъапӀуз хьибдизухьан. Даршиш, увура, яв халра ва вари явдарра ризкь гьудрубкӀри гъуздичва, гьаз гъапиш гашʼвалин хьуд йиссан улихь хьми“».
12Учвузра, йиз чве Вениаминдизра ичв улариинди рябкъюрачвуз: узу, учвухъди улхурайир, якьин узу вуза. 13Учвуз вари гъябкъюбдикан ва Египетдиъ узу фукьан адлу адми духьнаш, гьаддикан адашдиз кидибтай. Ухди мина адаш хъади гъачай!
14Дугъу чан чве Вениамин хабаъ тӀау ва ишуз хъюгъю. Вениаминра, чан гъардшилан хабар алдагъну, ишури айи. 15Хъа ишурайи Юсуфди имбуну гъардшаризра макар гъапӀу. Хъасин гъардшари дугъахъди сюгьбатар ккергънийи.
16Юсуфдихьна гъардшар гъафну кӀуру хабар фяряуьндин дараматаризкьан гъубшнийи. Фяряуьнна дугъан гъуллугъчйир му ляхниин шад гъахьнийи. 17Фяряуьнди Юсуфдиз гъапи:
– Яв гъардшариз йип: «Гьязур дапӀну дажйир, Ханаандиз гъарахай 18ва ичв адашна ичв хизанар хъади гъачай. Узу учвуз Египетдиъ варитӀан ужударстар жилар тувдизачвуз ва думу жиларин бегьерариинди яшамиш хьидичва». 19Узу увуз дурариз хъана гьамци пуз буйругъ тувразавуз: «Гьамци апӀинай: ичв бицӀидарна дишагьлийир хуз, Египетдиан аьрабйир хъаъну гъарахай; ичв адаш аькъинай ва учвура гъачай. 20Ичв мутму гьяйиф мапӀанай, гьаз гъапиш Египетдиъ ужубсиб мутму ичвуб хьибди».
21Израилин баяри чпиз гъаписи апӀузра апӀуру. Фяряуьнди гъапиганси, Юсуфди дурариз аьрабйир, рякъюз ипӀруб ва гьардиз цӀийи палтар тувру. 22Хъа Вениаминдиз, шубудварж шекел#45:22 Шубуб килана гьацӀкьан арс. арс ва хьуб жут цӀийи палтар тувнийи. 23Чпин адашдиз дугъу, йицӀуб даждиинди Египетдин жил фтиинди девлетлу вуш, гьадму вари гьапӀру. Хъа адаш Египетдиз гъюруган, рякъюз кӀури, йицӀуб хпи даждиинди#45:23 Хпи дажйир жили дажйиртӀан багьади вуйи. ризкь, уьл ва жара сурсатар гьаъру.
24– Гьич сабдиканра фикир мапӀанай, гъарахай, – гъапи дугъу гъардшариз, рякъюъ тӀаъри.
25Дурар, Египет гъибтну, Ханаандиз чпин адашдихьна гъафнийи.
26– Юсуф чӀивиди ими, – гъапи дурари Якьубдиз. – Дугъу вари Египетдиин гьюкум гъабхура!
Якьубдиз чан юкӀв дугъубжвганси гъабхьнийи – дугъхьан хъугъуз шули адайи. 27Хъа баяри Юсуфди гъапиб вари ктибтган ва чан улариз, учв гъахуз кӀури Юсуфди хътау аьрабйир гъяркъган, дугъаз чан юкӀв либхуз хъюбганси гъабши. 28Израили:
– Гъабхьи, чӀяаьн ву! Йиз бай Юсуф чӀивиди ими! Узу йикӀайиз, дугъʼин улукьуз гъягъидиза! – гъапи.
Currently Selected:
Эвел 45: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Эвел 45
45
Юсуфди гъардшариз учв фуж вуш ктибтуб
1Гьадмуган Юсуфдихьан гъаравашарин улихь учв хилиъ дисуз шули имдайи. Дугъу чан гъуллугъчйириз чӀигъ гъапӀу:
– Дург йихьай йиз багарихьан!
Дугъу чан гъардшариз учв ачмиш апӀруган, мушвахь сарун фужкӀа хьимдайи.
2Думу гьаци зарбди ишуз хъюгъюки, египтаризра кмиди гъеебхьнийи ва дидкан хабар фяряуьндин дараматариз гъубшнийи.
3Юсуфди чан гъардшариз гъапи:
– Узу Юсуф вуза! Якьин йиз адаш чӀивиди имийин?
Хъа гъардшарихьан жаваб тувуз шули адайи, дурар гъах духьнайи.
4Хъа гьадмуган Юсуфди гъардшариз гъапи:
– Йиз багахьнаси гъачай гьеле.
Дурар багахь улучӀвган, дугъу гъапи:
– Узу ичв гъардаш Юсуф вуза, учву Египетдиз масу туву! 5Узу мина масу тувну кӀури, дерд мапӀанай, кӀваз гуж мутуванай. Мици, ичв улихьди, ичв уьмрар уьрхбан бадали, Заанури узу мина гьаур ву. 6Кьюд йис ву уьлкейиъ гаш абхъну. Хьуд йисансана я жил хътабкуб, я ккадабццуб хьибдар. 7Заанури ичв улихьди, ичв тухум дюнʼяйиин артмиш хьпан бадали ва, гьамциб аьжайиб къайдайиинди, ичв уьмрар уьрхбан бадали, узу мина гьаъна.
8Гьаци вуйиган, учву дарчва узу мина гьаъдар, хъа – Заанур ву. Дугъу узкан фяряуьндиз адаш ктаъну, дугъан вари хулан зиин узкан агъа гъапӀну ва вари Египетдиъ гьюкум гъабхрурди дерккну. 9Йиз адашдихьна кьяляхъ хътаркуз гьялак йихьай ва дугъаз йипай: «Магьа яв бай Юсуфди гьамци кӀура: „Заанури узкан вари Египетдиин гьюкум гъабхру кас ктаъну. Зат дийийигъди узухьна гъач. 10Уву, яв веледарна худлар хъади, яв мал-къарана увуз айиб вари хьади, йиз багахь, Гошен кӀурушваъ яшамиш хьидива. 11Гошендиъ узхьан увуз ипӀруб хъапӀуз хьибдизухьан. Даршиш, увура, яв халра ва вари явдарра ризкь гьудрубкӀри гъуздичва, гьаз гъапиш гашʼвалин хьуд йиссан улихь хьми“».
12Учвузра, йиз чве Вениаминдизра ичв улариинди рябкъюрачвуз: узу, учвухъди улхурайир, якьин узу вуза. 13Учвуз вари гъябкъюбдикан ва Египетдиъ узу фукьан адлу адми духьнаш, гьаддикан адашдиз кидибтай. Ухди мина адаш хъади гъачай!
14Дугъу чан чве Вениамин хабаъ тӀау ва ишуз хъюгъю. Вениаминра, чан гъардшилан хабар алдагъну, ишури айи. 15Хъа ишурайи Юсуфди имбуну гъардшаризра макар гъапӀу. Хъасин гъардшари дугъахъди сюгьбатар ккергънийи.
16Юсуфдихьна гъардшар гъафну кӀуру хабар фяряуьндин дараматаризкьан гъубшнийи. Фяряуьнна дугъан гъуллугъчйир му ляхниин шад гъахьнийи. 17Фяряуьнди Юсуфдиз гъапи:
– Яв гъардшариз йип: «Гьязур дапӀну дажйир, Ханаандиз гъарахай 18ва ичв адашна ичв хизанар хъади гъачай. Узу учвуз Египетдиъ варитӀан ужударстар жилар тувдизачвуз ва думу жиларин бегьерариинди яшамиш хьидичва». 19Узу увуз дурариз хъана гьамци пуз буйругъ тувразавуз: «Гьамци апӀинай: ичв бицӀидарна дишагьлийир хуз, Египетдиан аьрабйир хъаъну гъарахай; ичв адаш аькъинай ва учвура гъачай. 20Ичв мутму гьяйиф мапӀанай, гьаз гъапиш Египетдиъ ужубсиб мутму ичвуб хьибди».
21Израилин баяри чпиз гъаписи апӀузра апӀуру. Фяряуьнди гъапиганси, Юсуфди дурариз аьрабйир, рякъюз ипӀруб ва гьардиз цӀийи палтар тувру. 22Хъа Вениаминдиз, шубудварж шекел#45:22 Шубуб килана гьацӀкьан арс. арс ва хьуб жут цӀийи палтар тувнийи. 23Чпин адашдиз дугъу, йицӀуб даждиинди Египетдин жил фтиинди девлетлу вуш, гьадму вари гьапӀру. Хъа адаш Египетдиз гъюруган, рякъюз кӀури, йицӀуб хпи даждиинди#45:23 Хпи дажйир жили дажйиртӀан багьади вуйи. ризкь, уьл ва жара сурсатар гьаъру.
24– Гьич сабдиканра фикир мапӀанай, гъарахай, – гъапи дугъу гъардшариз, рякъюъ тӀаъри.
25Дурар, Египет гъибтну, Ханаандиз чпин адашдихьна гъафнийи.
26– Юсуф чӀивиди ими, – гъапи дурари Якьубдиз. – Дугъу вари Египетдиин гьюкум гъабхура!
Якьубдиз чан юкӀв дугъубжвганси гъабхьнийи – дугъхьан хъугъуз шули адайи. 27Хъа баяри Юсуфди гъапиб вари ктибтган ва чан улариз, учв гъахуз кӀури Юсуфди хътау аьрабйир гъяркъган, дугъаз чан юкӀв либхуз хъюбганси гъабши. 28Израили:
– Гъабхьи, чӀяаьн ву! Йиз бай Юсуф чӀивиди ими! Узу йикӀайиз, дугъʼин улукьуз гъягъидиза! – гъапи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023