Эвел 41
41
Юсуфди фяряуьндин нивкӀарин мяна ктибтура
1Кьюд йис гъябгъюру. Фяряуьндиз нивкӀ рябкъюру: думу Нил нирин гъирагъдихъ дийигънади шулу. 2Ва магьа, нирʼан ургуб хюни за шулу – сакӀлидар, чагъидар – ва дурари чӀеэригъ укӀ ипӀуз хъюгъру. 3Дурарин кьяляхъди Нилиан ургубсана хюни удучӀвуру – лигуз ранг алдрудар, услидар ва дурар гьатмунударин багахьна душну дийигъуру. 4Лигуз ранг алдру ва усли хюнйири сакӀли ва чагъи хюнйир итӀуру. Гьаму вахтна фяряуьн хъиргру.
5Думу хъана ахуру. Дугъаз жара нивкӀ рябкъюру: ургуб дяхнин кӀулар – ужудар, ацӀнайидар – саб кьаблиин алидар. 6Дурарин кьяляхъди ургубсана кӀул аьхю шулу – зяифдар ва мани-къур ригъ гьудубчӀврушвхъанди гъюру микӀлу улургнайидар. 7Зяиф дяхнин кӀулари ужунудар ва ацӀнайидар хътӀюркьюру. Гьаму вахтна фяряуьн хъиргру, лигуруш, му нивкӀтӀан дайи.
8ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.
9Гьадмуган чяхрарин аьхюри фяряуьндиз кӀуру:
– Йиз тахсир кӀваин шулайиз. 10Саб ражари фяряуьндиз чан гъуллугъчйирикан хъял гъафнийи, гьаддиз узуна уьл убжрударин аьхюр, эскрарин аьхюрин хулаъ айи дустагъдиъ итнийчу. 11Узузра, дугъазра сатӀиди сад йишван нивкӀар гъяркъюнчуз, гьарсаб нивкӀ чан мяна айиб вуйи. 12Душваъ учухъди эскрарин аьхюрин гъуллугъчи, сар жигьил жугьуд, хъайчухъди. Дугъаз ич нивкӀар ктитнийча ва дугъу дурарин мяна ачухъ гъапӀнийчуз: гьарсаб нивкӀ гьапӀруб вуш гъапнийчуз. 13Дугъу гъапибси вари гъабхьнура вуйи: узу муганайиздин гъуллугъниин дерккнийи, хъа уьл убжрударин аьхюр маргълиин улурччвнийи.
14Фяряуьнди Юсуф хуз гьаъру. Гьяракат дапӀну думу дустагъдиан адауру. Дугъан маш-кӀул къайдайиз хуру, палат гьюдюхюру ва фяряуьндин улихь духну дерккру.
15Фяряуьнди Юсуфдиз гъапи:
– Узуз нивкӀ гъябкъюнзуз, амма сарихьанра дидин мяна ктибтуз шуладар. Хъа узуз, уву нивкӀарин гъавриъ ахърур ва дурарин мяна ачухъ апӀуз шлур ву кӀури, деебхьназуз.
16Юсуфдира:
– Узу ваъ, хъа Заанури фяряуьндин нивкӀарин гъавриъ ахъуз ва дугъаз ужʼвалин жаваб тувуз кюмек апӀиди, – гъапи.
17Фяряуьнди Юсуфдиз:
– Узуз, узу Нилин гъирагъдихъ дийигъну гъяркъюнзуз, 18ва саб дупну нирʼан чагъи ва сакӀли ургуб хюни за шулу ва чӀеэригъ укӀ ипӀуз хъюгъру. 19Дурарин кьяляхъди ургуб жара хюнира за гъаши – кӀурбар азагнайидар, услидар ва гьаци хявидар, йиз уьмриъ мегьел дицистар Египетдин жилариин гъяркъюр дарза. 20Усал ва хяви хюнйири сифте удучӀву ургуб чагъи хюнйир гъитӀнийи. 21Гьамци гъитӀнийишра, мурари тмундар гъитӀну кӀури, сарихьанра пуз хьибдайи, гьаз гъапиш дурар чпин гьаци, сифтеси хявиди гъузнийи. Гьаму арайиъ узу хъиргнийзу. 22Хъасин узуз, саб кьаблиин ужуб тумру ацӀнайи ургуб дяхнин кӀул алди гъябкъюнзуз. 23Дурарин кьяляхъди ургуб жара кӀулар ктучӀвнийи. Дурар деерццнайидар, зяифдар ва мани-къур ригъ гьудубчӀврушвхъанди гъюру микӀлу улургнайидар вуйи. 24Зяиф кӀулари тухъ кӀулар хътӀюркьнийи. Узу дидкан фалчйириз гъапунза, хъа сарихьанра мяна ктибтуз гъабхьундар.
25Юсуфди фяряуьндиз гъапи:
– Фяряуьндин му кьюб нивкӀун мяна саб ву. Заанури фяряуьндиз, Чав гьапӀуз ккаш, улихьмиди ачухъ апӀура. 26Ургуб ужуб хюни – мурар ургуд йис, ва ужуб дяхнин ургуб кӀулра – ургуд йис. Му нивкӀарин мяна саб ву. 27Кьяляхъди гъафи ургуб усал ва лигуз ранг алдру хюнйир – мурар ургуд йис, ва гьаци мани-къур ригъ гьудубчӀврушвхъанди гъюру микӀлу улургнайи, зяиф ургбиб кӀуларра – мурар гаш абхъру ургуд йис ву.
28Узу фяряуьндиз гъапиганси, Заануриз Чав апӀуз ккайибдикан фяряуьндиз улупуз ккунди а. 29Египетдин вари жилариина гизаф бегьер хру ургуд йис улубкьура, 30хъа дурарин кьяляхъди гаш абхъру ургуд йис гъиди. Думуган Египетдиъ вари булвал кӀваълан гьархди ва гашʼвали жил гъяцӀал апӀиди. 31Булвалин кьяляхъди гъюру гашʼвалиан, мугагьнайиздин тухъʼвал му жилиин кӀваълан гьархди, гьаз гъапиш гашʼвал гизаф писуб хьибди. 32Хъа фяряуьндиз нивкӀ кьюбан текрар хьуб, Заанури багарихьди гьаци шлуб Чав ижмиди гьял дапӀнайивал улупура.
33Гъит фяряуьнди фагьум-фикир хъайи адми агри ва Египетдин аьхюрди дерккри. 34Гъит фяряуьнди, гьюкуматдин варишвариъ гъуллугъчйир дерккри ва гьадму авадан ургуд йисандин арайиъ Египетдин бегьернан хьубпи пай мягьсул уч апӀри. 35Гъит гьадму авадан йисари чпин хилиъ абхъру вари сурсат уч апӀри ва фяряуьндин гьюкмиинди думу ризкь шагьрариъ уьбхри. 36Думу сурсат Египетдиъ абхъру ургуд йисандин гашʼвализ кюмек хьибди. Гьаци гъабшиган, инсанар гашʼвалиан йихидар.
37Фяряуьндиз ва вари дугъан гъуллугъчйириз му гафар кьабул гъаши. 38Фяряуьнди гъуллугъчйирихьан гьерхру:
– Дихъуринхъа ухьуз сарун Заанурин Рюгьну чан кӀваъ агъавал апӀурайи гьамцир кас?
39Хъа фяряуьнди Юсуфдиз кӀуру:
– Эгер Заанури увуз му вари ачухъ дапӀнаш, сарун увутӀан фагьум-фикир хъайир адар. 40Узу уву йиз хулан аьхюрди дерккразаву. Вари йиз халкь яв буйругъариз мютӀюгъ хьибди. Анжагъ саб аьхювалин тахтниин узу увутӀан зина хьидиза.
41Фяряуьнди Юсуфдиз гъамцира гъапнийи:
– Лиг, узу яв хилиъ вари Египет ивраза.
42Дугъу чан тӀубхъан чан мугьур кайи тӀублан хътапӀу ва Юсуфдин тӀубахъ хъапӀу. Дугъу Юсуфдиин назук парчайин палат алабхьу ва гардандиъ гъизилин зунжур ипу. 43Фяряуьнди Юсуфдихьна, чан гьюкуматдин кьюрпи инсандиз лайикь вуйи аьраба тувну. Юсуф гьадму аьрабайиъди гъягъруган, дугъан улихьди гъягъюри гъаши эскрари зарбди «Икрам!» кӀури шуйи. Гьамци фяряуьнди Юсуф вари Египетдин аьхюрди дерккнийи.
44Хъа фяряуьнди Юсуфдиз гъапи:
– Фяряуьн узу вушра, вари Египетдиъ яв ихтияр дарди гьич сарихьанра ришвузкьан хьибдар.
45Фяряуьнди Юсуфдиз Цафнат-Панах кӀуру ччвурра тувру ва дугъу дугъаз хпирди Аснат дитру. Аснат Гелиополь шагьриъ диндин гъуллугъчи Потиперайин риш вуйи.
Гьамци Юсуф, Египетдин вари жилилан ул илбицуз, рякъюъ учвӀру.
46Египетдин паччагь фяряуьндин гъуллугънаъ дийигъу вахтна Юсуфдин сумчӀур йис вуйи. Юсуф, фяряуьн гъитну, вари Египетдин жиларилан илдицуз, рякъʼин гъаши. 47Ургуд авадан йисари жили гъалин бегьер туву. 48Юсуфди Египетдиъ думу авадан ургуд йисандин вари мягьсул уч апӀуру. ХутӀлариан уч гъапӀу рузи багахь хьайи шагьриъ уьбхюз дивру. 49Юсуфди уч гъапӀу бегьер гьадмукьан вуйики – гьюлихъ гъумкьан. Дугъу дидин сан-гьисабкьан гъабхури имдайи, гьаз гъапиш думу гьисаб апӀуз даршлубкьан вуйи.
50Гаш йисар гъяйиз, Юсуфдиз Гелиополиъ диндин гъуллугъчи Потиперайин риш Аснатдикан кьюр байра гъахьнийи. 51Юсуфди чан сарпи бализ «Манас («кӀваълан гьауз гъитрур»), – кӀуру, – гьаз гъапиш Заанури узухьди вари йиз аьзабар ва йиз адашдин хал кӀваълан гьархуз гъитну». 52Кьюрпи бализ «Ефраим («бегьерлу хьуз гъитрур»), – кӀуру, – гьаз гъапиш, Заанури узу аьзабар гъизигу жилиин узу бегьерлу гъапӀну».
53Египетдин ургуд авадан йис аьхирихъна гъафи. 54Юсуфди улихьнаси гъапиганси, гашʼвалин ургуд йис ккергънийи. Гашʼвал вари жара жилариинра алабхънийи, амма ипӀруб анжагъ саб ЕгипетдиътӀан адайи.
55Египетдин жилиин гаш алабхъу. Адмийир ипӀруб ккун апӀури, фяряуьндиз ккарагуз хъюгъю, хъа фяряуьнди дурариз гъапи:
– Юсуфдихьна гъарахай ва гьадгъу кӀурубси апӀинай.
56Вари уьлке гашʼвалиъ абхъган, Юсуфди амбарханйир арццнийи, ва Египетдин агьлар ризкь масу гъадабгъуз гъюри гъахьнийи, гьаз гъапиш Египетдиъ яман гаш абхънайи.
57Вари уьлкйириан Египетдиз Юсуфдихьна ризкь масу гъадабгъуз гъюйи, гьаз гъапиш вари дюньяйиъ яман гаш абхънайи.
Currently Selected:
Эвел 41: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Эвел 41
41
Юсуфди фяряуьндин нивкӀарин мяна ктибтура
1Кьюд йис гъябгъюру. Фяряуьндиз нивкӀ рябкъюру: думу Нил нирин гъирагъдихъ дийигънади шулу. 2Ва магьа, нирʼан ургуб хюни за шулу – сакӀлидар, чагъидар – ва дурари чӀеэригъ укӀ ипӀуз хъюгъру. 3Дурарин кьяляхъди Нилиан ургубсана хюни удучӀвуру – лигуз ранг алдрудар, услидар ва дурар гьатмунударин багахьна душну дийигъуру. 4Лигуз ранг алдру ва усли хюнйири сакӀли ва чагъи хюнйир итӀуру. Гьаму вахтна фяряуьн хъиргру.
5Думу хъана ахуру. Дугъаз жара нивкӀ рябкъюру: ургуб дяхнин кӀулар – ужудар, ацӀнайидар – саб кьаблиин алидар. 6Дурарин кьяляхъди ургубсана кӀул аьхю шулу – зяифдар ва мани-къур ригъ гьудубчӀврушвхъанди гъюру микӀлу улургнайидар. 7Зяиф дяхнин кӀулари ужунудар ва ацӀнайидар хътӀюркьюру. Гьаму вахтна фяряуьн хъиргру, лигуруш, му нивкӀтӀан дайи.
8ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.
9Гьадмуган чяхрарин аьхюри фяряуьндиз кӀуру:
– Йиз тахсир кӀваин шулайиз. 10Саб ражари фяряуьндиз чан гъуллугъчйирикан хъял гъафнийи, гьаддиз узуна уьл убжрударин аьхюр, эскрарин аьхюрин хулаъ айи дустагъдиъ итнийчу. 11Узузра, дугъазра сатӀиди сад йишван нивкӀар гъяркъюнчуз, гьарсаб нивкӀ чан мяна айиб вуйи. 12Душваъ учухъди эскрарин аьхюрин гъуллугъчи, сар жигьил жугьуд, хъайчухъди. Дугъаз ич нивкӀар ктитнийча ва дугъу дурарин мяна ачухъ гъапӀнийчуз: гьарсаб нивкӀ гьапӀруб вуш гъапнийчуз. 13Дугъу гъапибси вари гъабхьнура вуйи: узу муганайиздин гъуллугъниин дерккнийи, хъа уьл убжрударин аьхюр маргълиин улурччвнийи.
14Фяряуьнди Юсуф хуз гьаъру. Гьяракат дапӀну думу дустагъдиан адауру. Дугъан маш-кӀул къайдайиз хуру, палат гьюдюхюру ва фяряуьндин улихь духну дерккру.
15Фяряуьнди Юсуфдиз гъапи:
– Узуз нивкӀ гъябкъюнзуз, амма сарихьанра дидин мяна ктибтуз шуладар. Хъа узуз, уву нивкӀарин гъавриъ ахърур ва дурарин мяна ачухъ апӀуз шлур ву кӀури, деебхьназуз.
16Юсуфдира:
– Узу ваъ, хъа Заанури фяряуьндин нивкӀарин гъавриъ ахъуз ва дугъаз ужʼвалин жаваб тувуз кюмек апӀиди, – гъапи.
17Фяряуьнди Юсуфдиз:
– Узуз, узу Нилин гъирагъдихъ дийигъну гъяркъюнзуз, 18ва саб дупну нирʼан чагъи ва сакӀли ургуб хюни за шулу ва чӀеэригъ укӀ ипӀуз хъюгъру. 19Дурарин кьяляхъди ургуб жара хюнира за гъаши – кӀурбар азагнайидар, услидар ва гьаци хявидар, йиз уьмриъ мегьел дицистар Египетдин жилариин гъяркъюр дарза. 20Усал ва хяви хюнйири сифте удучӀву ургуб чагъи хюнйир гъитӀнийи. 21Гьамци гъитӀнийишра, мурари тмундар гъитӀну кӀури, сарихьанра пуз хьибдайи, гьаз гъапиш дурар чпин гьаци, сифтеси хявиди гъузнийи. Гьаму арайиъ узу хъиргнийзу. 22Хъасин узуз, саб кьаблиин ужуб тумру ацӀнайи ургуб дяхнин кӀул алди гъябкъюнзуз. 23Дурарин кьяляхъди ургуб жара кӀулар ктучӀвнийи. Дурар деерццнайидар, зяифдар ва мани-къур ригъ гьудубчӀврушвхъанди гъюру микӀлу улургнайидар вуйи. 24Зяиф кӀулари тухъ кӀулар хътӀюркьнийи. Узу дидкан фалчйириз гъапунза, хъа сарихьанра мяна ктибтуз гъабхьундар.
25Юсуфди фяряуьндиз гъапи:
– Фяряуьндин му кьюб нивкӀун мяна саб ву. Заанури фяряуьндиз, Чав гьапӀуз ккаш, улихьмиди ачухъ апӀура. 26Ургуб ужуб хюни – мурар ургуд йис, ва ужуб дяхнин ургуб кӀулра – ургуд йис. Му нивкӀарин мяна саб ву. 27Кьяляхъди гъафи ургуб усал ва лигуз ранг алдру хюнйир – мурар ургуд йис, ва гьаци мани-къур ригъ гьудубчӀврушвхъанди гъюру микӀлу улургнайи, зяиф ургбиб кӀуларра – мурар гаш абхъру ургуд йис ву.
28Узу фяряуьндиз гъапиганси, Заануриз Чав апӀуз ккайибдикан фяряуьндиз улупуз ккунди а. 29Египетдин вари жилариина гизаф бегьер хру ургуд йис улубкьура, 30хъа дурарин кьяляхъди гаш абхъру ургуд йис гъиди. Думуган Египетдиъ вари булвал кӀваълан гьархди ва гашʼвали жил гъяцӀал апӀиди. 31Булвалин кьяляхъди гъюру гашʼвалиан, мугагьнайиздин тухъʼвал му жилиин кӀваълан гьархди, гьаз гъапиш гашʼвал гизаф писуб хьибди. 32Хъа фяряуьндиз нивкӀ кьюбан текрар хьуб, Заанури багарихьди гьаци шлуб Чав ижмиди гьял дапӀнайивал улупура.
33Гъит фяряуьнди фагьум-фикир хъайи адми агри ва Египетдин аьхюрди дерккри. 34Гъит фяряуьнди, гьюкуматдин варишвариъ гъуллугъчйир дерккри ва гьадму авадан ургуд йисандин арайиъ Египетдин бегьернан хьубпи пай мягьсул уч апӀри. 35Гъит гьадму авадан йисари чпин хилиъ абхъру вари сурсат уч апӀри ва фяряуьндин гьюкмиинди думу ризкь шагьрариъ уьбхри. 36Думу сурсат Египетдиъ абхъру ургуд йисандин гашʼвализ кюмек хьибди. Гьаци гъабшиган, инсанар гашʼвалиан йихидар.
37Фяряуьндиз ва вари дугъан гъуллугъчйириз му гафар кьабул гъаши. 38Фяряуьнди гъуллугъчйирихьан гьерхру:
– Дихъуринхъа ухьуз сарун Заанурин Рюгьну чан кӀваъ агъавал апӀурайи гьамцир кас?
39Хъа фяряуьнди Юсуфдиз кӀуру:
– Эгер Заанури увуз му вари ачухъ дапӀнаш, сарун увутӀан фагьум-фикир хъайир адар. 40Узу уву йиз хулан аьхюрди дерккразаву. Вари йиз халкь яв буйругъариз мютӀюгъ хьибди. Анжагъ саб аьхювалин тахтниин узу увутӀан зина хьидиза.
41Фяряуьнди Юсуфдиз гъамцира гъапнийи:
– Лиг, узу яв хилиъ вари Египет ивраза.
42Дугъу чан тӀубхъан чан мугьур кайи тӀублан хътапӀу ва Юсуфдин тӀубахъ хъапӀу. Дугъу Юсуфдиин назук парчайин палат алабхьу ва гардандиъ гъизилин зунжур ипу. 43Фяряуьнди Юсуфдихьна, чан гьюкуматдин кьюрпи инсандиз лайикь вуйи аьраба тувну. Юсуф гьадму аьрабайиъди гъягъруган, дугъан улихьди гъягъюри гъаши эскрари зарбди «Икрам!» кӀури шуйи. Гьамци фяряуьнди Юсуф вари Египетдин аьхюрди дерккнийи.
44Хъа фяряуьнди Юсуфдиз гъапи:
– Фяряуьн узу вушра, вари Египетдиъ яв ихтияр дарди гьич сарихьанра ришвузкьан хьибдар.
45Фяряуьнди Юсуфдиз Цафнат-Панах кӀуру ччвурра тувру ва дугъу дугъаз хпирди Аснат дитру. Аснат Гелиополь шагьриъ диндин гъуллугъчи Потиперайин риш вуйи.
Гьамци Юсуф, Египетдин вари жилилан ул илбицуз, рякъюъ учвӀру.
46Египетдин паччагь фяряуьндин гъуллугънаъ дийигъу вахтна Юсуфдин сумчӀур йис вуйи. Юсуф, фяряуьн гъитну, вари Египетдин жиларилан илдицуз, рякъʼин гъаши. 47Ургуд авадан йисари жили гъалин бегьер туву. 48Юсуфди Египетдиъ думу авадан ургуд йисандин вари мягьсул уч апӀуру. ХутӀлариан уч гъапӀу рузи багахь хьайи шагьриъ уьбхюз дивру. 49Юсуфди уч гъапӀу бегьер гьадмукьан вуйики – гьюлихъ гъумкьан. Дугъу дидин сан-гьисабкьан гъабхури имдайи, гьаз гъапиш думу гьисаб апӀуз даршлубкьан вуйи.
50Гаш йисар гъяйиз, Юсуфдиз Гелиополиъ диндин гъуллугъчи Потиперайин риш Аснатдикан кьюр байра гъахьнийи. 51Юсуфди чан сарпи бализ «Манас («кӀваълан гьауз гъитрур»), – кӀуру, – гьаз гъапиш Заанури узухьди вари йиз аьзабар ва йиз адашдин хал кӀваълан гьархуз гъитну». 52Кьюрпи бализ «Ефраим («бегьерлу хьуз гъитрур»), – кӀуру, – гьаз гъапиш, Заанури узу аьзабар гъизигу жилиин узу бегьерлу гъапӀну».
53Египетдин ургуд авадан йис аьхирихъна гъафи. 54Юсуфди улихьнаси гъапиганси, гашʼвалин ургуд йис ккергънийи. Гашʼвал вари жара жилариинра алабхънийи, амма ипӀруб анжагъ саб ЕгипетдиътӀан адайи.
55Египетдин жилиин гаш алабхъу. Адмийир ипӀруб ккун апӀури, фяряуьндиз ккарагуз хъюгъю, хъа фяряуьнди дурариз гъапи:
– Юсуфдихьна гъарахай ва гьадгъу кӀурубси апӀинай.
56Вари уьлке гашʼвалиъ абхъган, Юсуфди амбарханйир арццнийи, ва Египетдин агьлар ризкь масу гъадабгъуз гъюри гъахьнийи, гьаз гъапиш Египетдиъ яман гаш абхънайи.
57Вари уьлкйириан Египетдиз Юсуфдихьна ризкь масу гъадабгъуз гъюйи, гьаз гъапиш вари дюньяйиъ яман гаш абхънайи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023