Паччагьлугъар-2 6
6
Сундух Ерусалимдиз кьяляхъ хуб
1Давудди цӀийикӀултӀан Израилин сумчӀур агъзур кас ужударсдар эскрар уч гъапӀу. 2Чан уч гъапӀу вари адмийирихъди думу Ягьудайин Баала шагьриан Заанурин сундух#6:2 Заанурин сундух: израиларин асас гирами шейъ, гакӀвликан кадапӀнайи ва гъизилихъди дабалгнайи ишикӀ. Дидиъ Заанури, Израилин халкьдихъди йикьрар йибтӀруган, Синай дагъдиин Мусайиз туву 10 табшуругъ утӀурчнайи гъвандин кьюб шиб айи. Сундхин гъапгъиин гъизиликан кадаънайи хлинццар гьатӀарццнайи кьюб малайик-херувим алийи. хуз гъушу, думу сундух малайикар-херувимариин#6:2 Малайикар-херувимар: завуъ айи хлинццар кайи чӀиви шейʼар. деънайи Заварин Кьувватарин Аьхюрин ччвурнахъ хъайиб вуйи. 3Тепейиин али Авинадавдин хулаъ айи Заанурин сундух дурари цӀийи аьрабайиъ дивнийи ва гъубхнийи. Уззайи ва Ахиойи, Авинадавдин баяри, Заанурин сундух айи цӀийи аьраба 4хъапӀрайи, ва Ахио сундхин улихьди гъягъюрайи. 5Давудди ва Израилин вари тухмари РАББИЙИН улихь чибхьан шлубкьан шадвал апӀурайи – мяълийир апӀуйи ва арфайиин, лирайиин, дафариин, трещоткйириин ва тарелкйириин мукьмар йивуйи.
6Дурар Нахондин раццахъна хъуркьиган, Уззайи, Заанурин сундух бисбан бадали, хил гьачӀабккнийи, гьаз гъапиш аьрабайикк ккитӀнайи йицарин ликар хъахьнийи. 7Уззайиина РАББИЙИН хъял гъизмиш гъабхьнийи, ва Заанури душвахь дугъаз, гъалатӀ хьпаз лигну, гъиву, ва Узза гьадушвахь, Заанурин сундхихь гъакӀи.
8РАББИЙИН ажугълувал Уззайиина гъюваликан Давуддиз хъял гъафнийи, ва гъийин йигъазкьан думу йишваз Парец-Узза (Уззайиина гъизмиш хьуб) кӀуру.
9Думу йигъан Давуддиз РАББИЙИХЬАН гучӀ гъабхънийи, ва дугъу гъапнийи:
– Узухьна РАББИЙИН сундух фици хуз шулухъа?
10Дугъаз РАББИЙИН сундух чахьна, Давуддин шагьриз, хуз ккунди адайи, ва сундух Гъат шагьриан вуйи Овед-Эдумдин хулаз гъубхнийи. 11РАББИЙИН сундух Гъатдиан вуйи Овед-Эдумдин хулаъ шубуб вазли гъубзнийи, ва РАББИЙИ Овед-Эдум ва дугъан вари хуландар ужувлакк ккаънийи.
12Хъа паччагь Давуддиз гъапнийи:
– РАББИЙИ Овед-Эдумдин хуландар ужувлакк ккаъну ва вари дугъаз айиб Заанурин сундхилантина ву.
Думуган Давуд гъягъюру, ва дугъу Заанурин сундух Овед-Эдумдин хулʼан Давуддин шагьриз шадвалиинди хуру. 13РАББИЙИН сундух хурайидари йирхьуб гам алдагъубси, Давудди йиц ва чагъ дапӀнайи кӀари гъурбан гъапӀнийи. 14Гинбин ирин улгьани#6:14 Гинбин ирин улгьани: Заанурин гъуллугъчийи алабхьрударикан саб. гьабхънайи Давудди РАББИЙИН улихь чан вари кьувватариинди ялхъвнар апӀурайи. 15Гьамци дугъу ва Израилин вари тухмари, шадвалин гьарйир ва якъран кӀарчариан сесер апӀури, РАББИЙИН сундух гъабхнийи.
16РАББИЙИН сундух Давуддин Шагьриъ убчӀвруган, Михал, Саулин риш, унчӀвхъан лигурайи. РАББИЙИН улихь ергурайи ва ялхъвнар апӀурайи Давуд паччагь гъяркъиган, дугъу думу чан кӀваъ асккан гъапӀу.
17Хъа РАББИЙИН сундух гъабхнийи ва Давудди чаз гьязур дапӀнайи чадрикк чан йишвʼин дивнийи. Давудди РАББИЙИЗ вариубгбан ва демдин гъурбнар#6:17 Демдин гъурбнар: Му жюре гъурбнар Заанурихъди дюз аьлакьйир уьрхюз ва Дугъахъди албагбан ва цӀийикӀултӀан аьлакьйир хьпан шадлугъар ипӀбар-ухбариинди къайд апӀуз апӀури гъахьну. Убккбахъан гьяйванатдин тялукь пай гъурбан апӀрушвʼин убгуйи; хъа имбу пай гъурбан гъапӀу касди, дугъан хизанди ва Заанурин гъуллугъчийи ипӀури гъахьну. гъапӀнийи. 18Вариубгбан ва демдин гъурбнар апӀувал ккудубкӀну, дугъу халкь Заварин Кьувватарин Аьхюрин гьюрматназ ужувлакк ккаънийи. 19Хъасин дугъу вари халкьдиз, вари кьадар израилариз – жиларизра, дишагьлийиризра, – хюйкан, кишмишдикан ва хурмайикан дапӀнайи са-саб лаваш тувнийи. Дидин кьяляхъ вари халкь чпин хулариз алдабгънийи.
20Чан хуландар ужувлакк ккауз Давуд хулаз кьяляхъ гъафиган, Михал, Саулин риш, думу къаршуламиш апӀуз удучӀвнийи, ва дугъу гъапнийи:
– Гъи Израилин паччагь, чан гъаравашарин гъараваш дишагьлийирин уларикк, фуж-вуш эдебсуз адмиси, гъяцӀал духьну, фици тафавутлу гъахьнуш!
21Давудди Михализ гъапнийи:
– Думу яв адашдин ясана дугъан тухумдиан фуж-вуш жарарин ерина узуз гьюрмат улупу РАББИЙИН улихь гъабхьиб вуйи. Дугъу узкан Израилин, РАББИЙИН халкьдин гьюкумдар гъапӀну. Узу гьамусдихъантинара РАББИЙИН улихь шадвал апӀидиза. 22Йиз хусуси улариъ узу хъана артухъ лайикьсуз ва хъана артухъ герек дарур хьидиза. Амма уву чибкан кӀурайи думу гъараваш дишагьлийири узуз гьюрмат апӀиди.
23Михализ, Саулин шураз, учв йикӀайизкьан бицӀидар гъахьундайи.
Currently Selected:
Паччагьлугъар-2 6: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-2 6
6
Сундух Ерусалимдиз кьяляхъ хуб
1Давудди цӀийикӀултӀан Израилин сумчӀур агъзур кас ужударсдар эскрар уч гъапӀу. 2Чан уч гъапӀу вари адмийирихъди думу Ягьудайин Баала шагьриан Заанурин сундух#6:2 Заанурин сундух: израиларин асас гирами шейъ, гакӀвликан кадапӀнайи ва гъизилихъди дабалгнайи ишикӀ. Дидиъ Заанури, Израилин халкьдихъди йикьрар йибтӀруган, Синай дагъдиин Мусайиз туву 10 табшуругъ утӀурчнайи гъвандин кьюб шиб айи. Сундхин гъапгъиин гъизиликан кадаънайи хлинццар гьатӀарццнайи кьюб малайик-херувим алийи. хуз гъушу, думу сундух малайикар-херувимариин#6:2 Малайикар-херувимар: завуъ айи хлинццар кайи чӀиви шейʼар. деънайи Заварин Кьувватарин Аьхюрин ччвурнахъ хъайиб вуйи. 3Тепейиин али Авинадавдин хулаъ айи Заанурин сундух дурари цӀийи аьрабайиъ дивнийи ва гъубхнийи. Уззайи ва Ахиойи, Авинадавдин баяри, Заанурин сундух айи цӀийи аьраба 4хъапӀрайи, ва Ахио сундхин улихьди гъягъюрайи. 5Давудди ва Израилин вари тухмари РАББИЙИН улихь чибхьан шлубкьан шадвал апӀурайи – мяълийир апӀуйи ва арфайиин, лирайиин, дафариин, трещоткйириин ва тарелкйириин мукьмар йивуйи.
6Дурар Нахондин раццахъна хъуркьиган, Уззайи, Заанурин сундух бисбан бадали, хил гьачӀабккнийи, гьаз гъапиш аьрабайикк ккитӀнайи йицарин ликар хъахьнийи. 7Уззайиина РАББИЙИН хъял гъизмиш гъабхьнийи, ва Заанури душвахь дугъаз, гъалатӀ хьпаз лигну, гъиву, ва Узза гьадушвахь, Заанурин сундхихь гъакӀи.
8РАББИЙИН ажугълувал Уззайиина гъюваликан Давуддиз хъял гъафнийи, ва гъийин йигъазкьан думу йишваз Парец-Узза (Уззайиина гъизмиш хьуб) кӀуру.
9Думу йигъан Давуддиз РАББИЙИХЬАН гучӀ гъабхънийи, ва дугъу гъапнийи:
– Узухьна РАББИЙИН сундух фици хуз шулухъа?
10Дугъаз РАББИЙИН сундух чахьна, Давуддин шагьриз, хуз ккунди адайи, ва сундух Гъат шагьриан вуйи Овед-Эдумдин хулаз гъубхнийи. 11РАББИЙИН сундух Гъатдиан вуйи Овед-Эдумдин хулаъ шубуб вазли гъубзнийи, ва РАББИЙИ Овед-Эдум ва дугъан вари хуландар ужувлакк ккаънийи.
12Хъа паччагь Давуддиз гъапнийи:
– РАББИЙИ Овед-Эдумдин хуландар ужувлакк ккаъну ва вари дугъаз айиб Заанурин сундхилантина ву.
Думуган Давуд гъягъюру, ва дугъу Заанурин сундух Овед-Эдумдин хулʼан Давуддин шагьриз шадвалиинди хуру. 13РАББИЙИН сундух хурайидари йирхьуб гам алдагъубси, Давудди йиц ва чагъ дапӀнайи кӀари гъурбан гъапӀнийи. 14Гинбин ирин улгьани#6:14 Гинбин ирин улгьани: Заанурин гъуллугъчийи алабхьрударикан саб. гьабхънайи Давудди РАББИЙИН улихь чан вари кьувватариинди ялхъвнар апӀурайи. 15Гьамци дугъу ва Израилин вари тухмари, шадвалин гьарйир ва якъран кӀарчариан сесер апӀури, РАББИЙИН сундух гъабхнийи.
16РАББИЙИН сундух Давуддин Шагьриъ убчӀвруган, Михал, Саулин риш, унчӀвхъан лигурайи. РАББИЙИН улихь ергурайи ва ялхъвнар апӀурайи Давуд паччагь гъяркъиган, дугъу думу чан кӀваъ асккан гъапӀу.
17Хъа РАББИЙИН сундух гъабхнийи ва Давудди чаз гьязур дапӀнайи чадрикк чан йишвʼин дивнийи. Давудди РАББИЙИЗ вариубгбан ва демдин гъурбнар#6:17 Демдин гъурбнар: Му жюре гъурбнар Заанурихъди дюз аьлакьйир уьрхюз ва Дугъахъди албагбан ва цӀийикӀултӀан аьлакьйир хьпан шадлугъар ипӀбар-ухбариинди къайд апӀуз апӀури гъахьну. Убккбахъан гьяйванатдин тялукь пай гъурбан апӀрушвʼин убгуйи; хъа имбу пай гъурбан гъапӀу касди, дугъан хизанди ва Заанурин гъуллугъчийи ипӀури гъахьну. гъапӀнийи. 18Вариубгбан ва демдин гъурбнар апӀувал ккудубкӀну, дугъу халкь Заварин Кьувватарин Аьхюрин гьюрматназ ужувлакк ккаънийи. 19Хъасин дугъу вари халкьдиз, вари кьадар израилариз – жиларизра, дишагьлийиризра, – хюйкан, кишмишдикан ва хурмайикан дапӀнайи са-саб лаваш тувнийи. Дидин кьяляхъ вари халкь чпин хулариз алдабгънийи.
20Чан хуландар ужувлакк ккауз Давуд хулаз кьяляхъ гъафиган, Михал, Саулин риш, думу къаршуламиш апӀуз удучӀвнийи, ва дугъу гъапнийи:
– Гъи Израилин паччагь, чан гъаравашарин гъараваш дишагьлийирин уларикк, фуж-вуш эдебсуз адмиси, гъяцӀал духьну, фици тафавутлу гъахьнуш!
21Давудди Михализ гъапнийи:
– Думу яв адашдин ясана дугъан тухумдиан фуж-вуш жарарин ерина узуз гьюрмат улупу РАББИЙИН улихь гъабхьиб вуйи. Дугъу узкан Израилин, РАББИЙИН халкьдин гьюкумдар гъапӀну. Узу гьамусдихъантинара РАББИЙИН улихь шадвал апӀидиза. 22Йиз хусуси улариъ узу хъана артухъ лайикьсуз ва хъана артухъ герек дарур хьидиза. Амма уву чибкан кӀурайи думу гъараваш дишагьлийири узуз гьюрмат апӀиди.
23Михализ, Саулин шураз, учв йикӀайизкьан бицӀидар гъахьундайи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023