Паччагьлугъар-2 23
23
Давуддин аьхиримжи гафар
1Магьа Давуддин аьхиримжи гафар:
– Давудди, Ессейин бали, гьамци кӀура,
Заанури за гъапӀу адмийи,
Якьубдин Заанури ччим ктату адмийи
Ва Израилин ширин сес айи мяълийир апӀрури, гьамци кӀура.
2РАББИЙИН рюгьну узлантина кӀура;
Дугъан гаф йиз мелзниин ализ.
3Израилин Заанури гъапну,
Израилин гъарз вуйи Заанури узкан гъапну:
«Шли инсанариин дугъриди гьякимвал апӀуруш,
шли Заанурихьан гучӀʼвалиъ гьякимвал апӀуруш.
4Думу гвачӀиндин аквназ ухшар ву,
Дифар алдру гвачӀнинган гьудубчӀвурайи,
мархьлин кьяляхъ акв туврайи,
Жилиан укӀ битмиш апӀурайи ригъдиз ухшар ву».
5Заанурихь йиз тухум гьациб даринхъа?
Дугъу узухъди тамамди албагнайи
ва чӀур даршлу
даима йикьрар гъапӀундаринхъа?
Дугъхьан даринхъа йиз вари къутармишʼвал
ва йиз вари метлебар тамам хьувал?
6Хъа вари намуссузар
тинди гатӀабхьру
ва хилари дибрисру
рижун зазуз ухшар ву.
7Рижун зазук куркӀу гьарсар кас Рукьахъди
ясана жидайин маргълихъди яракьламиш шулу;
рижун заз гьадушвахь, йишвʼин,
цӀа кипну убгуру.
Давуддин адлу эскрар
8Магьа Давуддин эскрарин ччвурар:
Тахмон шагьриан вуйи Юшев-Башевет дестейин аьхюр гъахьну; дугъу чан жида чав саб кчӀихбаъ йивну гъакӀи миржидварж адмийиин за гъапӀну.
9Дугъахъна вуйир Элеазар, Додойин бай, Ахохайин худул, гъахьну. Думу Давуддихъди, дурари кялхъбариинди дявдиз уч духьнайи филистимариз кчӀихбаз дих апӀруган, хъади гъахьну. 10Израилар дурариз къаршуди удучӀвну, ва Элеазари гъучагъʼвал улупну ва филистимариз чан хил убцайизкьан ва хил турихьди саб хьайизкьан гъивну. Думу йигъан РАББИЙИ израилариз зурба гъалибвал тувну. Анжагъ кчӀихбан кьяляхъ эскрар Элеазарихьна гъафну, йивну гъакӀидарихь хьайиб тӀараш апӀуз.
11Дугъахъна вуйир Шамма, Арар шагьриан вуйи Агейин бай, гъахьну. Филистимар Лехийиъ, харар дурзнайи хутӀил айишваъ уч гъахьиган, Израилин эскрар дурарихьан гьергну. 12Хъа Шамма хутӀлин гьацӀкьялаъ дийигъну. Дугъу хутӀил гъюбхну ва филистимар йивну гъакӀну, ва РАББИЙИ дугъаз зурба гъалибвал тувну.
13Игнар ургувал ккебгъру вахтназди сумчӀур регьбрикан шубур Давуддихьна Адуллам хьараз гъафну, думуган Рефаимарин дерейиъ филистимарин дестейи бина йивнади шулу. 14Давуд думуган мюгькам дапӀнайи йишваъ айи, хъа филистимарин кьушмар – Вифлеемдиъ. 15Давуд штухъ дахаргнайи, ва дугъу гъапну:
– Эгь, эгер шли-вуш Вифлеемдин урнарихъ хъайи гъуйдиан узуз убхъуз шид гъабхнийиш!
16Думуган гьадму шубур эскер филистимаригъянтина гужниинди гъюдучӀву, дурари Вифлеемдин урнарихъ хъайи гъуйдиан шид адабцӀу ва Давуддиз гъабхи. Амма дугъу шид гъубхъундайи ва РАББИЙИЗ дубхнайибси удубзнийи.
17– Узу уьрх, РАББИ, мициб апӀбахьан! – гъапи дугъу. – Чпин уьмур хатӀаваликк кипу адмийирин ифи мегер узу убхъурин?!
Ва дугъу шид гъубхъундар. Гьамцдар гьунарар улупну гьадму шубур эскри.
18Юавдин чве, Авишай, Церуяйин бай, чан дестейин аьхюр гъахьну. Думу жидайихъди шубуд варж адмийирихъди кчӀихну, дугъу дурар вари гъийихну, ва думу гьадму дестейихъди сабси адлу гъахьну. 19Думу дестейиъ варитӀан адлу вуйир ва дестейин регьбер гъахьну, амма учв женгнан шубур асас аьхюрихъди барабар гъахьундар.
20Беная, Югьудайин бай, Кавцеилиан вуйи адлу эскер, зурба гьунарар гъапӀур гъахьну. Дугъу Муавдиан вуйи кьюр варитӀан гужли эскер йивну гъакӀну. Гьацира думу йиф убгъурайи йигъан хандкӀиз гъушну ва душваъ аслан йивну гъабкӀну. 21Дугъу гьацира зурба жан хъайи Египетдиан йивну гъакӀну. Египетдиан вуйирин хлиъ жида ади гъабхьну, хъа Беная дугъаз къаршуди маргъ хьади удучӀвну. Дугъу Египетдиан вуйирин хилʼан жида уьчӀюбгъну ва гьаддихъди думу йивну гъакӀну. 22Гьамцдар гъахьну Югьудайин бай Бенаяйин гьунарар. Думу гьадму дестейихъди сабси адлу гъахьну. 23Думу дестейиъ адлу вуйир гъахьну, амма учв адлувалиинди женгнан шубур асас аьхюрихъди барабар гъахьундар. Давудди думу чан гъаравларин аьхюрди дерккну.
24СумчӀурин арайиъ ади гъахьну:
Асаил, Юавдин чве,
Элханан, Вифлеемдиан вуйи Додойин бай,
25Харод тухумдиан вуйи Шамма ва Элика,
26Пелет шагьриан вуйи Хелец,
Ира, Текоа шагьриан вуйи Иккешдин бай,
27Анатот шагьриан вуйи Авиезер,
Хуш тухумдиан вуйи Мебуннай,
28Ахохи тухумдиан вуйи Цалмон,
Нетофа шагьриан вуйи Магарай
29ва Баанайин бай Хелев,
Вениаминдин вилаятдиъ айи Гивайиан вуйи Рибайин бай Иттай,
30Пирафон шагьриан вуйи Беная,
Нахле-Гаашдиан вуйи Иддай,
31Араба тухумдиан вуйи Ави-Албон,
Бахурим шагьриан вуйи Азмавет,
32-33Шаалбон шагьриан вуйи Элияхба,
Гимзо шагьриан вуйи Яшен,
Арар шагьриан вуйи Шаммайин бай Юнатан,
Арар шагьриан вуйи Шарарайин бай Ахиам,
34Мааха шагьриан вуйи Ахасбайин бай Элифелет,
Гило шагьриан вуйи Ахитофелин бай Элиам,
35Кармилиан вуйи Хецрай,
Араба шагьриан вуйи Паарай,
36Цувайиан вуйи Натандин бай Игал,
Гад тухумдиан вуйи Бани,
37аммунжви Целек,
Беэротдиан вуйи Нахарай, Церуяйин бай Юавдин яракь хрур,
38Йира шагьриан вуйи Ира ва Гарев,
39ва хеттжви Урия.
Вари дурар сумчӀурна ургур вуди гъахьну.
Currently Selected:
Паччагьлугъар-2 23: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-2 23
23
Давуддин аьхиримжи гафар
1Магьа Давуддин аьхиримжи гафар:
– Давудди, Ессейин бали, гьамци кӀура,
Заанури за гъапӀу адмийи,
Якьубдин Заанури ччим ктату адмийи
Ва Израилин ширин сес айи мяълийир апӀрури, гьамци кӀура.
2РАББИЙИН рюгьну узлантина кӀура;
Дугъан гаф йиз мелзниин ализ.
3Израилин Заанури гъапну,
Израилин гъарз вуйи Заанури узкан гъапну:
«Шли инсанариин дугъриди гьякимвал апӀуруш,
шли Заанурихьан гучӀʼвалиъ гьякимвал апӀуруш.
4Думу гвачӀиндин аквназ ухшар ву,
Дифар алдру гвачӀнинган гьудубчӀвурайи,
мархьлин кьяляхъ акв туврайи,
Жилиан укӀ битмиш апӀурайи ригъдиз ухшар ву».
5Заанурихь йиз тухум гьациб даринхъа?
Дугъу узухъди тамамди албагнайи
ва чӀур даршлу
даима йикьрар гъапӀундаринхъа?
Дугъхьан даринхъа йиз вари къутармишʼвал
ва йиз вари метлебар тамам хьувал?
6Хъа вари намуссузар
тинди гатӀабхьру
ва хилари дибрисру
рижун зазуз ухшар ву.
7Рижун зазук куркӀу гьарсар кас Рукьахъди
ясана жидайин маргълихъди яракьламиш шулу;
рижун заз гьадушвахь, йишвʼин,
цӀа кипну убгуру.
Давуддин адлу эскрар
8Магьа Давуддин эскрарин ччвурар:
Тахмон шагьриан вуйи Юшев-Башевет дестейин аьхюр гъахьну; дугъу чан жида чав саб кчӀихбаъ йивну гъакӀи миржидварж адмийиин за гъапӀну.
9Дугъахъна вуйир Элеазар, Додойин бай, Ахохайин худул, гъахьну. Думу Давуддихъди, дурари кялхъбариинди дявдиз уч духьнайи филистимариз кчӀихбаз дих апӀруган, хъади гъахьну. 10Израилар дурариз къаршуди удучӀвну, ва Элеазари гъучагъʼвал улупну ва филистимариз чан хил убцайизкьан ва хил турихьди саб хьайизкьан гъивну. Думу йигъан РАББИЙИ израилариз зурба гъалибвал тувну. Анжагъ кчӀихбан кьяляхъ эскрар Элеазарихьна гъафну, йивну гъакӀидарихь хьайиб тӀараш апӀуз.
11Дугъахъна вуйир Шамма, Арар шагьриан вуйи Агейин бай, гъахьну. Филистимар Лехийиъ, харар дурзнайи хутӀил айишваъ уч гъахьиган, Израилин эскрар дурарихьан гьергну. 12Хъа Шамма хутӀлин гьацӀкьялаъ дийигъну. Дугъу хутӀил гъюбхну ва филистимар йивну гъакӀну, ва РАББИЙИ дугъаз зурба гъалибвал тувну.
13Игнар ургувал ккебгъру вахтназди сумчӀур регьбрикан шубур Давуддихьна Адуллам хьараз гъафну, думуган Рефаимарин дерейиъ филистимарин дестейи бина йивнади шулу. 14Давуд думуган мюгькам дапӀнайи йишваъ айи, хъа филистимарин кьушмар – Вифлеемдиъ. 15Давуд штухъ дахаргнайи, ва дугъу гъапну:
– Эгь, эгер шли-вуш Вифлеемдин урнарихъ хъайи гъуйдиан узуз убхъуз шид гъабхнийиш!
16Думуган гьадму шубур эскер филистимаригъянтина гужниинди гъюдучӀву, дурари Вифлеемдин урнарихъ хъайи гъуйдиан шид адабцӀу ва Давуддиз гъабхи. Амма дугъу шид гъубхъундайи ва РАББИЙИЗ дубхнайибси удубзнийи.
17– Узу уьрх, РАББИ, мициб апӀбахьан! – гъапи дугъу. – Чпин уьмур хатӀаваликк кипу адмийирин ифи мегер узу убхъурин?!
Ва дугъу шид гъубхъундар. Гьамцдар гьунарар улупну гьадму шубур эскри.
18Юавдин чве, Авишай, Церуяйин бай, чан дестейин аьхюр гъахьну. Думу жидайихъди шубуд варж адмийирихъди кчӀихну, дугъу дурар вари гъийихну, ва думу гьадму дестейихъди сабси адлу гъахьну. 19Думу дестейиъ варитӀан адлу вуйир ва дестейин регьбер гъахьну, амма учв женгнан шубур асас аьхюрихъди барабар гъахьундар.
20Беная, Югьудайин бай, Кавцеилиан вуйи адлу эскер, зурба гьунарар гъапӀур гъахьну. Дугъу Муавдиан вуйи кьюр варитӀан гужли эскер йивну гъакӀну. Гьацира думу йиф убгъурайи йигъан хандкӀиз гъушну ва душваъ аслан йивну гъабкӀну. 21Дугъу гьацира зурба жан хъайи Египетдиан йивну гъакӀну. Египетдиан вуйирин хлиъ жида ади гъабхьну, хъа Беная дугъаз къаршуди маргъ хьади удучӀвну. Дугъу Египетдиан вуйирин хилʼан жида уьчӀюбгъну ва гьаддихъди думу йивну гъакӀну. 22Гьамцдар гъахьну Югьудайин бай Бенаяйин гьунарар. Думу гьадму дестейихъди сабси адлу гъахьну. 23Думу дестейиъ адлу вуйир гъахьну, амма учв адлувалиинди женгнан шубур асас аьхюрихъди барабар гъахьундар. Давудди думу чан гъаравларин аьхюрди дерккну.
24СумчӀурин арайиъ ади гъахьну:
Асаил, Юавдин чве,
Элханан, Вифлеемдиан вуйи Додойин бай,
25Харод тухумдиан вуйи Шамма ва Элика,
26Пелет шагьриан вуйи Хелец,
Ира, Текоа шагьриан вуйи Иккешдин бай,
27Анатот шагьриан вуйи Авиезер,
Хуш тухумдиан вуйи Мебуннай,
28Ахохи тухумдиан вуйи Цалмон,
Нетофа шагьриан вуйи Магарай
29ва Баанайин бай Хелев,
Вениаминдин вилаятдиъ айи Гивайиан вуйи Рибайин бай Иттай,
30Пирафон шагьриан вуйи Беная,
Нахле-Гаашдиан вуйи Иддай,
31Араба тухумдиан вуйи Ави-Албон,
Бахурим шагьриан вуйи Азмавет,
32-33Шаалбон шагьриан вуйи Элияхба,
Гимзо шагьриан вуйи Яшен,
Арар шагьриан вуйи Шаммайин бай Юнатан,
Арар шагьриан вуйи Шарарайин бай Ахиам,
34Мааха шагьриан вуйи Ахасбайин бай Элифелет,
Гило шагьриан вуйи Ахитофелин бай Элиам,
35Кармилиан вуйи Хецрай,
Араба шагьриан вуйи Паарай,
36Цувайиан вуйи Натандин бай Игал,
Гад тухумдиан вуйи Бани,
37аммунжви Целек,
Беэротдиан вуйи Нахарай, Церуяйин бай Юавдин яракь хрур,
38Йира шагьриан вуйи Ира ва Гарев,
39ва хеттжви Урия.
Вари дурар сумчӀурна ургур вуди гъахьну.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023