Паччагьлугъар-2 20
20
Шева аьксиди удучӀвуб
1Душвахьна Вениаминдин наслиан сар алчагъ Шева, Бихрийин бай, адахъну. Дугъу кӀарчнаан сесер гъапӀу ва гьарай ипу:
– Давуддик ктарихь пай, ихьур дар Ессейин бай!
Яв чадрариккна гъарабх, Израил!
2Вари израилар, Бихрийин бай Шевайихъди гъягъбан бадали, Давуддихьан гьудучӀву. Амма ягьудар чпин паччагьдиз вафалуди гъузу ва дугъахъди Ярдандихъан Ерусалимдиз гъушу. 3Давуд Ерусалимдиъ айи чан гъалайиз кьяляхъ гъафиган, дугъу чав гъалайиз хъайивал апӀуз гъиту йицӀур ашна хулаъ итнийи ва дурарихъ гъаравул хъитнийи. Дугъу дурар вари лазим вуйибдихъди тямин апӀуйи, амма сарун дурарихъди дахъундайи. Дурар, чиб кечмиш хьайизкьан, ачӀни хпарси яшамиш шули, гъаравликк гъахьнийи.
4Паччагьди Амасайиз гъапнийи:
– Шубуд йигъандин арайиъ узухьна ягьудар уч апӀин ва увура гьамушвахь йихь.
5Амма Амасайи, ягьудариз дих апӀуз гъушиган, чаз паччагьди тяйин дапӀнайибтӀан кьан гъапӀнийи. 6Давудди Авишайиз гъапнийи:
– Гьамус Шевайи, Бихрийин бали, ухьуз АвессаломдитӀан артухъ зарар тувиди. Яв агъайин адмийир гъадагъ ва дугъахъ хъерг, дархьиш думу мюгькам дапӀнайи шагьрарикан сабдиъ ухьхьан жин хьиди.
7Юавдин адмийирра керетарихъди ва пелетарихъди#20:7 Керетар ва пелетар: му халкьарикан вуйидари паччагь уьрхюйи. Керетар Крит къураматдилан хьуз мумкин ву. ва вари кьудратлу эскрарихъди сатӀиди Авишайин аьхюваликкди Ерусалимдиан, Шевайихъ, Бихрийин балихъ, хъергбан бадали, удучӀвнийи.
8Дурар Гивондиъ айи аьхю гъарзухъна хъуркьиган, Амаса дурариз гъаншарди удучӀвнийи. Юавдиин эскрин палат алийи, юкьвнаан халариъ айи тур ккибтӀнайи чӀул идибтӀнайи. Думу улихьна гьудучӀвиган, тур халариан адабхънийи.
9Юавди Амасайиз гъапи:
– Сагъди даривахъа уву, йиз чве?
Юавди Амасайин мужри, дугъаз мак апӀбан бадали, арчул хлихъди гъибису.
10Амасайи Юавдин хлиъ айи турихьан ихтият гъапӀундайи, хъа Юавди тур дугъан фуниъ гьаци убчӀвуки, рудрар-фунар жилиинди адахьу, ва думу гъакӀи. Дугъу кьюбпи ражну йивуб лазим гъабхьундайи. Юавна дугъан чве Авишай Шевайихъ, Бихрийин балихъ, хъергнийи. 11Юавдин адмийирикан сар Амасайиин дийигъу, ва дугъу гъапи:
– Гъит Юавдиз вафалу вуйир ва Давуддихъанди вуйир гьарсар Юавдихъди гъарахри!
12Амаса ифдин дагриъ рякъюн кьялаъ дахънайи, ва думу касдиз вари эскрар дийигърувал рябкъюрайи. Амасайин багхьан гъягърудар вари дийигърувалин гъавриъ ахъну, дугъу думу рякъʼан хутӀлизди хъчӀюрхну ва дугъʼин палат илипну. 13Амаса рякъʼан хъчӀюрхбан кьяляхъ, вари халкь Юавдихъди Шевайихъ, Бихрийин балихъ, хъергуз гъубшу.
14Хъа Шева Авел-Бет-Маахийихъна Израилин вари тухмарилан илдицу, ва вари беритар дугъахьна уч гъахьи ва дугъахъди шагьриз гъушу. 15Хъасин Юавдин кьушмар гъафнийи, ва дурари Шева Авел-Бет-Маахайиъ кьялаъ тӀау. Дурари шагьрин чӀатан цаларихъ руг хъабхьнийи. Дурари цал дабгъуз хъюгъиган, 16сар аьяндар дишагьлийи шагьрин цаллан чӀигъ гъапӀу:
– Хъебехъай! Хъебехъай! Юавдиз гьамина гъач йипай, ва узу дугъахъди гафар апӀидиза.
17Юав дишагьлийин багахьна гъушу, ва дишагьлийи гьерху:
– Уву Юав вуна?
– Узу, – жаваб туву дугъу.
Дишагьлийи дугъаз гъапи:
– Яв гъаравашди увуз фу кӀуруш, хъебехъ.
– Узу хъпехъураза, – жаваб туву Юавди.
18Дишагьлийи гъапи:
– УхдитӀанмина «Жаваб Авелиъ абг» пуз вердишди ву, ва гьаци ляхинра гьял апӀуйи. 19Узу Израилиъ ислягьвал ва вафалувал уьрхрударикан сар вуза; хъа уву Израилин аьхюдарсдар ва асас шагьрарикан саб гьисаб апӀру шагьур терг апӀуз чалашмиш шулава. Увуз РАББИЙИН ирс рабгъуз гьаз ккундувуз?
20– Гьич саб вахтнара! – жаваб туву Юавди. – Узу гьич саб вахтнара думу рабгъидарза ва талаф апӀидарза! 21Ляхин дидиъ дар. Ефраимдин дагълариан вуйи Шева кӀуру сар адмийи, Бихрийин бали, паччагьдиина, Давуддиина, хил за гъапӀну. Думу сар узухьна чавай, ва узу шагьрихьан гъягъидиза.
Дишагьлийи Юавдиз гъапи:
– Дугъан кӀул увуз цаллан ипди.
22Дишагьли чан халкьдихьна чан аьяндар насигьятниинди илтӀикӀнийи, ва халкьди Шевайин, Бихрийин балин, кӀул алдабтӀнийи ва Юавдихьна думу гатӀабхьнийи. Думуган Юавди кӀарчнаан сесер гъапӀу, ва вари дугъан адмийир шагьрихьан гьудучӀву, ва вари чпин хулариз гъушу. Юав Ерусалимдиз паччагьдихьна гъафнийи.
Давуддиз багахь дапӀнайидар
23Юав вари израилин кьушмин аьхюр вуйи; Беная, Югьудайин бай, керетарин ва пелетарин аьхюр вуйи; 24Адурамдиз мажбури вуди лихурайидариин гюзчивал гъабхуз ихтибар дапӀнайи; Югьушафат, Ахилуддин бай, тарих бикӀрур вуйи; 25Шава бикӀрур вуйи; Цадук ва Авиатар Заанурин гъуллугъчйир вуйи; 26ва гьацира Яир шагьриан вуйи Ира Давуддихь Заанурин гъуллугъчи вуйи.
Currently Selected:
Паччагьлугъар-2 20: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-2 20
20
Шева аьксиди удучӀвуб
1Душвахьна Вениаминдин наслиан сар алчагъ Шева, Бихрийин бай, адахъну. Дугъу кӀарчнаан сесер гъапӀу ва гьарай ипу:
– Давуддик ктарихь пай, ихьур дар Ессейин бай!
Яв чадрариккна гъарабх, Израил!
2Вари израилар, Бихрийин бай Шевайихъди гъягъбан бадали, Давуддихьан гьудучӀву. Амма ягьудар чпин паччагьдиз вафалуди гъузу ва дугъахъди Ярдандихъан Ерусалимдиз гъушу. 3Давуд Ерусалимдиъ айи чан гъалайиз кьяляхъ гъафиган, дугъу чав гъалайиз хъайивал апӀуз гъиту йицӀур ашна хулаъ итнийи ва дурарихъ гъаравул хъитнийи. Дугъу дурар вари лазим вуйибдихъди тямин апӀуйи, амма сарун дурарихъди дахъундайи. Дурар, чиб кечмиш хьайизкьан, ачӀни хпарси яшамиш шули, гъаравликк гъахьнийи.
4Паччагьди Амасайиз гъапнийи:
– Шубуд йигъандин арайиъ узухьна ягьудар уч апӀин ва увура гьамушвахь йихь.
5Амма Амасайи, ягьудариз дих апӀуз гъушиган, чаз паччагьди тяйин дапӀнайибтӀан кьан гъапӀнийи. 6Давудди Авишайиз гъапнийи:
– Гьамус Шевайи, Бихрийин бали, ухьуз АвессаломдитӀан артухъ зарар тувиди. Яв агъайин адмийир гъадагъ ва дугъахъ хъерг, дархьиш думу мюгькам дапӀнайи шагьрарикан сабдиъ ухьхьан жин хьиди.
7Юавдин адмийирра керетарихъди ва пелетарихъди#20:7 Керетар ва пелетар: му халкьарикан вуйидари паччагь уьрхюйи. Керетар Крит къураматдилан хьуз мумкин ву. ва вари кьудратлу эскрарихъди сатӀиди Авишайин аьхюваликкди Ерусалимдиан, Шевайихъ, Бихрийин балихъ, хъергбан бадали, удучӀвнийи.
8Дурар Гивондиъ айи аьхю гъарзухъна хъуркьиган, Амаса дурариз гъаншарди удучӀвнийи. Юавдиин эскрин палат алийи, юкьвнаан халариъ айи тур ккибтӀнайи чӀул идибтӀнайи. Думу улихьна гьудучӀвиган, тур халариан адабхънийи.
9Юавди Амасайиз гъапи:
– Сагъди даривахъа уву, йиз чве?
Юавди Амасайин мужри, дугъаз мак апӀбан бадали, арчул хлихъди гъибису.
10Амасайи Юавдин хлиъ айи турихьан ихтият гъапӀундайи, хъа Юавди тур дугъан фуниъ гьаци убчӀвуки, рудрар-фунар жилиинди адахьу, ва думу гъакӀи. Дугъу кьюбпи ражну йивуб лазим гъабхьундайи. Юавна дугъан чве Авишай Шевайихъ, Бихрийин балихъ, хъергнийи. 11Юавдин адмийирикан сар Амасайиин дийигъу, ва дугъу гъапи:
– Гъит Юавдиз вафалу вуйир ва Давуддихъанди вуйир гьарсар Юавдихъди гъарахри!
12Амаса ифдин дагриъ рякъюн кьялаъ дахънайи, ва думу касдиз вари эскрар дийигърувал рябкъюрайи. Амасайин багхьан гъягърудар вари дийигърувалин гъавриъ ахъну, дугъу думу рякъʼан хутӀлизди хъчӀюрхну ва дугъʼин палат илипну. 13Амаса рякъʼан хъчӀюрхбан кьяляхъ, вари халкь Юавдихъди Шевайихъ, Бихрийин балихъ, хъергуз гъубшу.
14Хъа Шева Авел-Бет-Маахийихъна Израилин вари тухмарилан илдицу, ва вари беритар дугъахьна уч гъахьи ва дугъахъди шагьриз гъушу. 15Хъасин Юавдин кьушмар гъафнийи, ва дурари Шева Авел-Бет-Маахайиъ кьялаъ тӀау. Дурари шагьрин чӀатан цаларихъ руг хъабхьнийи. Дурари цал дабгъуз хъюгъиган, 16сар аьяндар дишагьлийи шагьрин цаллан чӀигъ гъапӀу:
– Хъебехъай! Хъебехъай! Юавдиз гьамина гъач йипай, ва узу дугъахъди гафар апӀидиза.
17Юав дишагьлийин багахьна гъушу, ва дишагьлийи гьерху:
– Уву Юав вуна?
– Узу, – жаваб туву дугъу.
Дишагьлийи дугъаз гъапи:
– Яв гъаравашди увуз фу кӀуруш, хъебехъ.
– Узу хъпехъураза, – жаваб туву Юавди.
18Дишагьлийи гъапи:
– УхдитӀанмина «Жаваб Авелиъ абг» пуз вердишди ву, ва гьаци ляхинра гьял апӀуйи. 19Узу Израилиъ ислягьвал ва вафалувал уьрхрударикан сар вуза; хъа уву Израилин аьхюдарсдар ва асас шагьрарикан саб гьисаб апӀру шагьур терг апӀуз чалашмиш шулава. Увуз РАББИЙИН ирс рабгъуз гьаз ккундувуз?
20– Гьич саб вахтнара! – жаваб туву Юавди. – Узу гьич саб вахтнара думу рабгъидарза ва талаф апӀидарза! 21Ляхин дидиъ дар. Ефраимдин дагълариан вуйи Шева кӀуру сар адмийи, Бихрийин бали, паччагьдиина, Давуддиина, хил за гъапӀну. Думу сар узухьна чавай, ва узу шагьрихьан гъягъидиза.
Дишагьлийи Юавдиз гъапи:
– Дугъан кӀул увуз цаллан ипди.
22Дишагьли чан халкьдихьна чан аьяндар насигьятниинди илтӀикӀнийи, ва халкьди Шевайин, Бихрийин балин, кӀул алдабтӀнийи ва Юавдихьна думу гатӀабхьнийи. Думуган Юавди кӀарчнаан сесер гъапӀу, ва вари дугъан адмийир шагьрихьан гьудучӀву, ва вари чпин хулариз гъушу. Юав Ерусалимдиз паччагьдихьна гъафнийи.
Давуддиз багахь дапӀнайидар
23Юав вари израилин кьушмин аьхюр вуйи; Беная, Югьудайин бай, керетарин ва пелетарин аьхюр вуйи; 24Адурамдиз мажбури вуди лихурайидариин гюзчивал гъабхуз ихтибар дапӀнайи; Югьушафат, Ахилуддин бай, тарих бикӀрур вуйи; 25Шава бикӀрур вуйи; Цадук ва Авиатар Заанурин гъуллугъчйир вуйи; 26ва гьацира Яир шагьриан вуйи Ира Давуддихь Заанурин гъуллугъчи вуйи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023