Петрин-2 1
1
Аллагьди ухьуз лазим вуйиб вари тувна
1ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.
2Учвуз Аллагь ва ихь Агъа Иса аьгъю апӀувалилантина гизаф ужувлар ва мясляаьтар ишричвуз!
3Исайин Аллагьвалин кьувватну ихь уьмриз гьарсаб лазим вуйиб ва лап кӀваантӀан Аллагьдин гьюрмат уьбхрувал тувнахьуз. Му Чан хусуси адниинди ва Чав ужувлан ляхнар апӀбиинди Учв ухьуз аьгъю хьувалилантина гъурубкьунхьуз. 4Гьаму Касдиланмина ухьуз, гаф тувнайиси, варитӀан багьа ва варитӀан зурба ужувлар дурукьнахьуз. Дурар ухьуз, гьаму дюнʼяйин тямягьяриланмина гъюру аьжалнахьан гьадрарин кюмекниинди учву ярхла духьну, Аллагьдин хасиятнак ктикьбан бадали, багъиш дапӀнайидар вухьуз.
5-7Гьаму себеб вуди, ичв хъугъувал – ужудар ляхнариинди, ужудар ляхнар – аьгъювалариинди, аьгъювалар – аьгь апӀбиинди, аьгь апӀуб – ижмишниинди, ижмишин – ужуб гьюрматниинди, ужуб гьюрмат – чвевалин дуствалиинди, дуствал – масанвалиинди мюгькам апӀбан бадали, ичв вари кьувват жалб апӀинай. 8Эгер учвуъ гьамцдар хасиятар аш ва учву дурар зарб апӀуруш, ихь Агъа Иса Месигьдикан вуйи ичв аьгъювалар дурари мянфяаьтсузди ва бегьерсузди гъитдар. 9Хъа гьацдар хасиятар кадрур улихьишв дярябкърайир ва кур ву, чан мугагьназ кайи гунгьарихьан марцц духьнайивал кӀваълан гьапӀнайир ву. 10Магьа гьамдиз, гъардшар, хъана аьхю кьувватниинди учвуз дих дапӀнайивал ва учву кадагънайивал тасдикь апӀинай. Гьамци апӀури гъашиш, гьич саркьан алдакидарчва! 11Гьадмуган учвуз ихь Агъа ва Уьрхрур Иса Месигьдин гьаммишандиз вуйи Паччагьлугъдиъ учӀвуз ихтияр жумартлуди багъиш дапӀну хьибди, аьхир. 12Магьа гьаддиз йиз ният вуйиз учвуз гьамдикан гьаммишан кӀваин алапӀуз, гьеле учвуз гьаму варибдикан аьгъяшра ва учвуз дурубкьнайи гьаму гьякьвалиин учву мюгькам духьнашра.
Месигьдин аднан шагьидар
13Сабан узу йиз гьаму бедендин халиъ яшамиш шули имбукьан гагьди, ичв фагьмиз мидкан кӀваин алапӀури, думу гьарган уягъ апӀуз узу йиз буржи вуди гьисаб апӀураза. 14Узуз аьгъязуз, аьхир, гьаму йиз хал узхъан хътибтру вахт багахь шула – му узуз ихь Агъа Иса Месигьди ачмиш гъапӀунзуз. 15Узу гъушхъантинара ккуни вахтна учвхьан, гьамдикан кӀваин алапӀуз шлуганси, узу йиз хилʼан удубкьруб вари апӀидиза.
16Учу учвуз, ихь Агъа Иса Месигь кьудрат хъади кьяляхъ гъиди, гъапиган, учу шлин-вуш аьмалдар махъвар текрар гъапӀундайча. Ваъ, Дугъан зурбавал учуз ич улариинди гъябкъюнчуз! 17Дугъахьна «Му Йиз масан Бай вуйиз, Гьадгъаъ Йиз шадвал айиз» кӀуру зурбавалин Аднан дих гъабхьиган, Дугъу Аллагь Адашдихьан гьюрмат ва ад кьабул гъапӀну. 18Ва гьаму дих завариан гъафнийи – учуз, Дугъахъди гирами дагъдиин алиган, ич ибариинди гъеебхьунчуз. 19Миди ухьуз пайгъамбри гъапи гафар дюз вуйивал хъана артухъди улупура. Учву дурарин гафарихьна, Йигъ аку дубхьну ичв юкӀвариъ гвачӀиндин Хяд гьудудубчӀвкьан гагьди мучӀушнакк убгурайи чирагъдихьнаси янашмиш шулаш, ужуб апӀурачва. 20Хъа сифтена-сифте кӀваин гъибтну ккундуки, Гирами бикӀбарин гьич сабкьан гъюз имбубдикан гаф адмийи ачмиш апӀуз хъюгъну ккундар, 21фицики адмийин ниятниинди гьич саб вахтнара пайгъамбрарихьан вуйи гъюз имбубдикан гафар гъахьидар дар. Ваъ, адмийири Аллагьдихьан гъюруб кӀуйи ва дурар гьаддихъна Гирами Рюгьну хуйи.
Currently Selected:
Петрин-2 1: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Петрин-2 1
1
Аллагьди ухьуз лазим вуйиб вари тувна
1ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.
2Учвуз Аллагь ва ихь Агъа Иса аьгъю апӀувалилантина гизаф ужувлар ва мясляаьтар ишричвуз!
3Исайин Аллагьвалин кьувватну ихь уьмриз гьарсаб лазим вуйиб ва лап кӀваантӀан Аллагьдин гьюрмат уьбхрувал тувнахьуз. Му Чан хусуси адниинди ва Чав ужувлан ляхнар апӀбиинди Учв ухьуз аьгъю хьувалилантина гъурубкьунхьуз. 4Гьаму Касдиланмина ухьуз, гаф тувнайиси, варитӀан багьа ва варитӀан зурба ужувлар дурукьнахьуз. Дурар ухьуз, гьаму дюнʼяйин тямягьяриланмина гъюру аьжалнахьан гьадрарин кюмекниинди учву ярхла духьну, Аллагьдин хасиятнак ктикьбан бадали, багъиш дапӀнайидар вухьуз.
5-7Гьаму себеб вуди, ичв хъугъувал – ужудар ляхнариинди, ужудар ляхнар – аьгъювалариинди, аьгъювалар – аьгь апӀбиинди, аьгь апӀуб – ижмишниинди, ижмишин – ужуб гьюрматниинди, ужуб гьюрмат – чвевалин дуствалиинди, дуствал – масанвалиинди мюгькам апӀбан бадали, ичв вари кьувват жалб апӀинай. 8Эгер учвуъ гьамцдар хасиятар аш ва учву дурар зарб апӀуруш, ихь Агъа Иса Месигьдикан вуйи ичв аьгъювалар дурари мянфяаьтсузди ва бегьерсузди гъитдар. 9Хъа гьацдар хасиятар кадрур улихьишв дярябкърайир ва кур ву, чан мугагьназ кайи гунгьарихьан марцц духьнайивал кӀваълан гьапӀнайир ву. 10Магьа гьамдиз, гъардшар, хъана аьхю кьувватниинди учвуз дих дапӀнайивал ва учву кадагънайивал тасдикь апӀинай. Гьамци апӀури гъашиш, гьич саркьан алдакидарчва! 11Гьадмуган учвуз ихь Агъа ва Уьрхрур Иса Месигьдин гьаммишандиз вуйи Паччагьлугъдиъ учӀвуз ихтияр жумартлуди багъиш дапӀну хьибди, аьхир. 12Магьа гьаддиз йиз ният вуйиз учвуз гьамдикан гьаммишан кӀваин алапӀуз, гьеле учвуз гьаму варибдикан аьгъяшра ва учвуз дурубкьнайи гьаму гьякьвалиин учву мюгькам духьнашра.
Месигьдин аднан шагьидар
13Сабан узу йиз гьаму бедендин халиъ яшамиш шули имбукьан гагьди, ичв фагьмиз мидкан кӀваин алапӀури, думу гьарган уягъ апӀуз узу йиз буржи вуди гьисаб апӀураза. 14Узуз аьгъязуз, аьхир, гьаму йиз хал узхъан хътибтру вахт багахь шула – му узуз ихь Агъа Иса Месигьди ачмиш гъапӀунзуз. 15Узу гъушхъантинара ккуни вахтна учвхьан, гьамдикан кӀваин алапӀуз шлуганси, узу йиз хилʼан удубкьруб вари апӀидиза.
16Учу учвуз, ихь Агъа Иса Месигь кьудрат хъади кьяляхъ гъиди, гъапиган, учу шлин-вуш аьмалдар махъвар текрар гъапӀундайча. Ваъ, Дугъан зурбавал учуз ич улариинди гъябкъюнчуз! 17Дугъахьна «Му Йиз масан Бай вуйиз, Гьадгъаъ Йиз шадвал айиз» кӀуру зурбавалин Аднан дих гъабхьиган, Дугъу Аллагь Адашдихьан гьюрмат ва ад кьабул гъапӀну. 18Ва гьаму дих завариан гъафнийи – учуз, Дугъахъди гирами дагъдиин алиган, ич ибариинди гъеебхьунчуз. 19Миди ухьуз пайгъамбри гъапи гафар дюз вуйивал хъана артухъди улупура. Учву дурарин гафарихьна, Йигъ аку дубхьну ичв юкӀвариъ гвачӀиндин Хяд гьудудубчӀвкьан гагьди мучӀушнакк убгурайи чирагъдихьнаси янашмиш шулаш, ужуб апӀурачва. 20Хъа сифтена-сифте кӀваин гъибтну ккундуки, Гирами бикӀбарин гьич сабкьан гъюз имбубдикан гаф адмийи ачмиш апӀуз хъюгъну ккундар, 21фицики адмийин ниятниинди гьич саб вахтнара пайгъамбрарихьан вуйи гъюз имбубдикан гафар гъахьидар дар. Ваъ, адмийири Аллагьдихьан гъюруб кӀуйи ва дурар гьаддихъна Гирами Рюгьну хуйи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023