Паччагьлугъар-4 6
6
Шидʼин уьлюбхю екӀв
1Пайгъамбрарихь урхурайидари Элиш пайгъамбриз гъапнийи:
– Хъебехъ, яв хликкди учу яшамиш шулайи мушваъ учуз йишв гьубкӀрадарчуз. 2Учуз Ярдан нирихъна гъягъюз, душвхьан гьарсари саб хамхар хуз ва учуз яшамиш шлу йишв тикмиш апӀуз ихтияр тув.
– Гъарахай, – гъапнийи дугъу.
3Думуган урхурайидарикан сари гъапнийи:
– Ич агъа, увхьан учухъди гъюз шуйкӀан?
Элиш пайгъамбри гъапнийи:
– Узу гъидиза.
4Элиш пайгъамбар дурарихъди гъушнийи. Дурар Ярдан нирихъна хъуркьнийи, ва дурари гьарар алдатӀуз хъюгънийи. 5Дурарикан сари гьар алдабтӀурайиган, екӀв рижвналар ултӀубчӀвнийи ва штукк ккабхънийи.
– Агь, йиз агъа! ЕкӀв жарарихьан вахтназ гъадабгънайиб вуйиз аьхир! – чӀигъ гъапӀнийи дугъу.
6Заанурин инсанди гьерхнийи:
– Наанди абхънийи думу?
Дугъу йишв улупиган, Элиш пайгъамбри гьарин кюл ктабтӀнийи ва душвазди гатӀабхьнийи. ЕкӀв штуин уьлюбхнийи.
7– Гъадабгъ думу, – гъапнийи Элиш пайгъамбри.
Думу касди хил гьачӀабккнийи ва екӀв гъадабгънийи.
Арамар кур апӀуб
8Арамдин паччагьди Израилихъди дяви апӀури гъахьнийи. Багахь гъуллугъ апӀурайидарихъди гаф-чӀал дапӀну, дугъу гъапнийи:
– Узу наан-вуш душваъ бина йивидиза.
9Элиш пайгъамбри, Заанурин инсанди, Израилин паччагьдихьна гьамци пуз чархачи гьаънийи:
– Думу йишвʼхьантина гъягъруган, ихтият апӀин, гьаз гъапиш дина арамар ктучӀвура.
10Израилин паччагьди Заанурин инсанди чаз улупу йишвар ахтармиш апӀуйи. Элиш пайгъамбри паччагьдиз ихтият хьпан гьякьнаан хабар саб-кьюб ражну хъадапӀну имдайи, ва паччагь дицисдар йишварихь ихтиятди шуйи. 11Арамдин паччагьдик аьхю гъалаб кабхънийи. Дугъу чан багахь гъуллугъ апӀурайидар уч гъапӀнийи ва дурарихьан гьерхнийи:
– Ихь инсанарикан Израилин паччагьдин терефкар фуж вуш, узукна пидичва?
12Багахь гъуллугъ апӀурайидарикан сари гъапнийи:
– ФужкӀа, йиз агъа вуйи паччагь. Израилин паччагьдихьна гьятта уву яв дахъру хулаъ гъапӀу гафарра кмиди рукьрур – му Израилиъ айи пайгъамбар Элиш ву.
13– Гъарахай ва, узу инсанар гьаъну думу дисбан бадали, думу наан аш, аьгъю апӀинай, – амур гъапӀнийи паччагьди.
Дугъаз хабар тувнийи:
– Думу Дутан шагьриъ а.
14Паччагьди дина атлуйир, дявдин фургънар ва аьхю кьадар кьушум гьаънийи. Дурар йишвну гъафнийи, ва дурари шагьур кьялаъ апӀнийи. 15ГвачӀнин ухди Заанурин инсан гъудужвруган ва лигруган, шагьур атлуйири ва дявдин фургънари кьялаъ апӀнайи.
– Агь, йиз агъа, ухьу фу апӀиди? – гьерхнийи гъаравашди.
16Пайгъамбри жаваб тувнийи:
– ГучӀ мапӀан, ухьухъди хъайидар дурарихъди хъайидартӀан гизаф ву.
17Элиш пайгъамбри дюаь гъапӀнийи:
– РАББИ, дугъаз рябкъбан бадали, дугъан улар арцц!
РАББИЙИ гъаравашдин улар арццнийи. Думу гъилигнийи ва дугъаз Элиш пайгъамбрилан ва вари дагъдилан юкьуб тереф цӀин гьяйвнар ва дявдин фургънар илтӀикӀнади гъяркънийи. 18Душмнар чаина диш гъахьиган, Элиш пайгъамбар РАББИЙИЗ ккарагнийи:
– Гьаму инсанар кур апӀин.
Ва РАББИЙИ дурар, Элиш пайгъамбри ккун гъапӀганси, кур гъапӀнийи. 19Элиш пайгъамбри душмнин эскрариз гъапнийи:
– Му думу рякъ ва му думу шагьур дар. Узухъди гъачай, ва узу учву агурайи инсандихьна учву гъахидиза.
Дугъу дурар Самария шагьриз хъади гъафнийи. 20Дурар шагьриъ учӀвиган, Элиш пайгъамбри гъапнийи:
– РАББИ, гьаму инсанарин улар, дурариз рябкъюз хьпан бадали, арцц.
РАББИЙИ дурарин улар арццнийи, ва дурариз чпи Самарияйиъ айивал гъябкънийи. 21Израилин паччагьди, дурар гъяркъиган, Элиш пайгъамбрихьан гьерхнийи:
– Гьамрар йивну йихузахъа, йиз агъа? Йивну йихузахъа?
22– Ваъ, яв турихъди ва деккуйихъди гъидисдар вуйинхъа дурар? Уву дурар йивну йихидарва. Дурариз уьл ва шид тув, гъит, ипӀри, убхъри ва чпин агъайихьна кьяляхъ гъарахри, – жаваб тувнийи дугъу.
23Думуган паччагьди дурариз аьхю дем#6:23 Дем: ипӀруб-убхъруб гьивувал. гьязур гъапӀнийи. Дурари ипӀбахъан ва убхъбахъан дурар деетнийи, ва дурар чпин агъайихьна кьяляхъ гъушнийи. Дидхъантина Арамдиан вуйи дестйир Израилин жилиина алжагъундайи.
Кьялаъ апӀнайи Самарияйиъ гаш абхъуб
24ЦӀиб вахтналан Арамдин паччагь Бен-Гьадад, кьушум уч дапӀну, дявдиз удучӀвнийи, ва дугъу Самария кьялаъ апӀнийи. 25Шагьриъ пис гаш абхънийи. Шагьур кьялаъ апӀнайивал гьадмукьан вахтна давам гъабхьнийики, даждин кӀул миржцӀур шекел арснахъ#6:25 МиржцӀур шекел арс: тахминан 1 килограмм., хъа саб гъабраъ айи луфран кӀетӀрем хьуб шекелихъ#6:25 Хьуб шекел: тахминан 60 грамм. масу тувуйи.
26Израилин паччагь шагьрин цалʼинди гъягъюрайиган, сар дишагьлийи дугъаз чӀигъ гъапӀнийи:
– Узуз кюмек апӀин, йиз агъа вуйи паччагь!
27Паччагьди жаваб тувнийи:
– Эгер РАББИЙИ увуз кюмек апӀурадарш, узу увуз кюмек наънан абгуру? Раццхъан? ТӀумтӀар кчӀюкьру йишвʼан?
28Хъасин паччагьди гьерхнийи:
– Фу гъабхьну?
Дишагьлийи жаваб тувнийи:
– Магьа гьаму дишагьлийи узуз гъапнийи: «Ча яв бай, гъи думу итӀидихьа, хъа закур йиз бай итӀидихьа». 29Учу йиз бай гъурхьнийча ва гъитӀнийча. Хъайигъан узу дугъаз гъапнийза: «Ча яв бай, ухьу думу итӀидихьа». Амма дугъу чан бай жин гъапӀнийи.
30Дишагьлийин гафар деерхьну, паччагьди дерд хьувалиан чан палтар гъячӀяргънийи. Хъа паччагь цалʼин алди хьпаз лигну, халкьдиз дугъан жандиин ирин ккуртт#6:30 Ирин ккуртт: думу ккуртт яснаъ айивалин лишан вуйи. гъябкънийи. 31Паччагьди гъапнийи:
– Эгер Шафатдин бай Элишдин кӀул гъи чан гъюнариин гъубзиш, гъит Заанури узуз ижми жаза туври.
32Дугъу чан терефнаан чархачи гьаънийи.
Хъа Элиш пайгъамбар чан хулаъ деънайи ва дугъахъди яшлуйир хъайи. Гьаънайи чархачи хъуркьайиз, Элиш пайгъамбри яшлуйириз гъапнийи:
– Лигай, инсан гъачӀи касди йиз кӀул алдабтӀуз инсан гьаъна! Чархачи гъафиган, лигай гьа, раккин хъябкьяй ва дугъан улихь хъябкьну гъибтай. Чархачийин кьяляхъди хъайи сес дугъан агъайин даринхъа? 33Элиш пайгъамбри яшлуйирихъди гафар апӀури имиди, чархачи дугъахьна гъафнийи ва гъапнийи:
– Му бала РАББИЙИХЬАН ву. Мушвхъантина РАББИЙИК умуд кивну йиз гьаз вухъа?
Currently Selected:
Паччагьлугъар-4 6: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-4 6
6
Шидʼин уьлюбхю екӀв
1Пайгъамбрарихь урхурайидари Элиш пайгъамбриз гъапнийи:
– Хъебехъ, яв хликкди учу яшамиш шулайи мушваъ учуз йишв гьубкӀрадарчуз. 2Учуз Ярдан нирихъна гъягъюз, душвхьан гьарсари саб хамхар хуз ва учуз яшамиш шлу йишв тикмиш апӀуз ихтияр тув.
– Гъарахай, – гъапнийи дугъу.
3Думуган урхурайидарикан сари гъапнийи:
– Ич агъа, увхьан учухъди гъюз шуйкӀан?
Элиш пайгъамбри гъапнийи:
– Узу гъидиза.
4Элиш пайгъамбар дурарихъди гъушнийи. Дурар Ярдан нирихъна хъуркьнийи, ва дурари гьарар алдатӀуз хъюгънийи. 5Дурарикан сари гьар алдабтӀурайиган, екӀв рижвналар ултӀубчӀвнийи ва штукк ккабхънийи.
– Агь, йиз агъа! ЕкӀв жарарихьан вахтназ гъадабгънайиб вуйиз аьхир! – чӀигъ гъапӀнийи дугъу.
6Заанурин инсанди гьерхнийи:
– Наанди абхънийи думу?
Дугъу йишв улупиган, Элиш пайгъамбри гьарин кюл ктабтӀнийи ва душвазди гатӀабхьнийи. ЕкӀв штуин уьлюбхнийи.
7– Гъадабгъ думу, – гъапнийи Элиш пайгъамбри.
Думу касди хил гьачӀабккнийи ва екӀв гъадабгънийи.
Арамар кур апӀуб
8Арамдин паччагьди Израилихъди дяви апӀури гъахьнийи. Багахь гъуллугъ апӀурайидарихъди гаф-чӀал дапӀну, дугъу гъапнийи:
– Узу наан-вуш душваъ бина йивидиза.
9Элиш пайгъамбри, Заанурин инсанди, Израилин паччагьдихьна гьамци пуз чархачи гьаънийи:
– Думу йишвʼхьантина гъягъруган, ихтият апӀин, гьаз гъапиш дина арамар ктучӀвура.
10Израилин паччагьди Заанурин инсанди чаз улупу йишвар ахтармиш апӀуйи. Элиш пайгъамбри паччагьдиз ихтият хьпан гьякьнаан хабар саб-кьюб ражну хъадапӀну имдайи, ва паччагь дицисдар йишварихь ихтиятди шуйи. 11Арамдин паччагьдик аьхю гъалаб кабхънийи. Дугъу чан багахь гъуллугъ апӀурайидар уч гъапӀнийи ва дурарихьан гьерхнийи:
– Ихь инсанарикан Израилин паччагьдин терефкар фуж вуш, узукна пидичва?
12Багахь гъуллугъ апӀурайидарикан сари гъапнийи:
– ФужкӀа, йиз агъа вуйи паччагь. Израилин паччагьдихьна гьятта уву яв дахъру хулаъ гъапӀу гафарра кмиди рукьрур – му Израилиъ айи пайгъамбар Элиш ву.
13– Гъарахай ва, узу инсанар гьаъну думу дисбан бадали, думу наан аш, аьгъю апӀинай, – амур гъапӀнийи паччагьди.
Дугъаз хабар тувнийи:
– Думу Дутан шагьриъ а.
14Паччагьди дина атлуйир, дявдин фургънар ва аьхю кьадар кьушум гьаънийи. Дурар йишвну гъафнийи, ва дурари шагьур кьялаъ апӀнийи. 15ГвачӀнин ухди Заанурин инсан гъудужвруган ва лигруган, шагьур атлуйири ва дявдин фургънари кьялаъ апӀнайи.
– Агь, йиз агъа, ухьу фу апӀиди? – гьерхнийи гъаравашди.
16Пайгъамбри жаваб тувнийи:
– ГучӀ мапӀан, ухьухъди хъайидар дурарихъди хъайидартӀан гизаф ву.
17Элиш пайгъамбри дюаь гъапӀнийи:
– РАББИ, дугъаз рябкъбан бадали, дугъан улар арцц!
РАББИЙИ гъаравашдин улар арццнийи. Думу гъилигнийи ва дугъаз Элиш пайгъамбрилан ва вари дагъдилан юкьуб тереф цӀин гьяйвнар ва дявдин фургънар илтӀикӀнади гъяркънийи. 18Душмнар чаина диш гъахьиган, Элиш пайгъамбар РАББИЙИЗ ккарагнийи:
– Гьаму инсанар кур апӀин.
Ва РАББИЙИ дурар, Элиш пайгъамбри ккун гъапӀганси, кур гъапӀнийи. 19Элиш пайгъамбри душмнин эскрариз гъапнийи:
– Му думу рякъ ва му думу шагьур дар. Узухъди гъачай, ва узу учву агурайи инсандихьна учву гъахидиза.
Дугъу дурар Самария шагьриз хъади гъафнийи. 20Дурар шагьриъ учӀвиган, Элиш пайгъамбри гъапнийи:
– РАББИ, гьаму инсанарин улар, дурариз рябкъюз хьпан бадали, арцц.
РАББИЙИ дурарин улар арццнийи, ва дурариз чпи Самарияйиъ айивал гъябкънийи. 21Израилин паччагьди, дурар гъяркъиган, Элиш пайгъамбрихьан гьерхнийи:
– Гьамрар йивну йихузахъа, йиз агъа? Йивну йихузахъа?
22– Ваъ, яв турихъди ва деккуйихъди гъидисдар вуйинхъа дурар? Уву дурар йивну йихидарва. Дурариз уьл ва шид тув, гъит, ипӀри, убхъри ва чпин агъайихьна кьяляхъ гъарахри, – жаваб тувнийи дугъу.
23Думуган паччагьди дурариз аьхю дем#6:23 Дем: ипӀруб-убхъруб гьивувал. гьязур гъапӀнийи. Дурари ипӀбахъан ва убхъбахъан дурар деетнийи, ва дурар чпин агъайихьна кьяляхъ гъушнийи. Дидхъантина Арамдиан вуйи дестйир Израилин жилиина алжагъундайи.
Кьялаъ апӀнайи Самарияйиъ гаш абхъуб
24ЦӀиб вахтналан Арамдин паччагь Бен-Гьадад, кьушум уч дапӀну, дявдиз удучӀвнийи, ва дугъу Самария кьялаъ апӀнийи. 25Шагьриъ пис гаш абхънийи. Шагьур кьялаъ апӀнайивал гьадмукьан вахтна давам гъабхьнийики, даждин кӀул миржцӀур шекел арснахъ#6:25 МиржцӀур шекел арс: тахминан 1 килограмм., хъа саб гъабраъ айи луфран кӀетӀрем хьуб шекелихъ#6:25 Хьуб шекел: тахминан 60 грамм. масу тувуйи.
26Израилин паччагь шагьрин цалʼинди гъягъюрайиган, сар дишагьлийи дугъаз чӀигъ гъапӀнийи:
– Узуз кюмек апӀин, йиз агъа вуйи паччагь!
27Паччагьди жаваб тувнийи:
– Эгер РАББИЙИ увуз кюмек апӀурадарш, узу увуз кюмек наънан абгуру? Раццхъан? ТӀумтӀар кчӀюкьру йишвʼан?
28Хъасин паччагьди гьерхнийи:
– Фу гъабхьну?
Дишагьлийи жаваб тувнийи:
– Магьа гьаму дишагьлийи узуз гъапнийи: «Ча яв бай, гъи думу итӀидихьа, хъа закур йиз бай итӀидихьа». 29Учу йиз бай гъурхьнийча ва гъитӀнийча. Хъайигъан узу дугъаз гъапнийза: «Ча яв бай, ухьу думу итӀидихьа». Амма дугъу чан бай жин гъапӀнийи.
30Дишагьлийин гафар деерхьну, паччагьди дерд хьувалиан чан палтар гъячӀяргънийи. Хъа паччагь цалʼин алди хьпаз лигну, халкьдиз дугъан жандиин ирин ккуртт#6:30 Ирин ккуртт: думу ккуртт яснаъ айивалин лишан вуйи. гъябкънийи. 31Паччагьди гъапнийи:
– Эгер Шафатдин бай Элишдин кӀул гъи чан гъюнариин гъубзиш, гъит Заанури узуз ижми жаза туври.
32Дугъу чан терефнаан чархачи гьаънийи.
Хъа Элиш пайгъамбар чан хулаъ деънайи ва дугъахъди яшлуйир хъайи. Гьаънайи чархачи хъуркьайиз, Элиш пайгъамбри яшлуйириз гъапнийи:
– Лигай, инсан гъачӀи касди йиз кӀул алдабтӀуз инсан гьаъна! Чархачи гъафиган, лигай гьа, раккин хъябкьяй ва дугъан улихь хъябкьну гъибтай. Чархачийин кьяляхъди хъайи сес дугъан агъайин даринхъа? 33Элиш пайгъамбри яшлуйирихъди гафар апӀури имиди, чархачи дугъахьна гъафнийи ва гъапнийи:
– Му бала РАББИЙИХЬАН ву. Мушвхъантина РАББИЙИК умуд кивну йиз гьаз вухъа?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023