Паччагьлугъар-4 18
18
Ягьудайин паччагь Хизкьи
1Израилин паччагь Гьушайин, Элайин балин, паччагьвалин шубудпи йисан Ягьудайиъ Ахаздин бай Хизкьийи паччагьвал апӀуз хъюгънийи. 2Паччагь шлуган, дугъан къанна хьуд йис яш вуйи. Дугъу Ерусалимдиъ къанна урчӀвуд йисан паччагьвал гъапӀнийи. Дугъан дадайиз Ави кӀуйи, думу Захарияйин риш вуйи. 3Хизкьийи РАББИЙИН улариъ, чан арха Давуддиси, дюз вуйиб апӀуйи. 4Дугъу тепйирилан гирамишвар алдагънийи, гирами гъванар гъюргънийи, Ашерайин мурхьлар#18:4 Ашерайин мурхьлар: Ашера Ханаандин бегьерлуварин бут вуйи. Думу мурхьулси улупуйи. алдатӀнийи. Муса пайгъамбри гъапӀу кемшрин битӀ дугъу тикйир гъапӀнийи, гьаз гъапиш гьадму вахтназкьан израилари дидин улихь ицциб ниъ хъайи шейʼар ургуйи. Дидиз Нехуштан кӀуйи.
5Хизкьийин РАББИЙИИН, Израилин Заануриин, хъугъвал алийи. Ягьудайин паччгьарин арайиъ я думу паччагь хьайиз, ясана дугъан кьяляхъ Хизкьийиз барабар вуйир гъахьундайи. 6Думу РАББИЙИКАН ижмиди кичӀихнайи ва хътадаркри Дугъахъди гъягъюйи. РАББИЙИ Муса пайгъамбрин мелзналан туву амрар дугъу тамам апӀуйи. 7РАББИРА дугъахъди хъайи, фуну ляхнихъ хъюгъишра, варибдиъ дугъаз хъуркьувалар шуйи. Думу Ашурдин паччагьдиз къаршуди удучӀвнийи ва дугъаз гъуллугъ апӀбаз ваъ гъапнийи. 8Дугъу филистимар бицӀи ва аьхю вари шагьрариъ дагъитмиш гъапӀнийи, тап Газа шагьрихъна ва дидин аьтрафарихъна.
Ашурари Самария бисуб
9Хизкьийин паччагьвалин юкьудпи йисан – Израилин паччагь Гьушайин, Элайин балин, паччагьвалин ургудпи йисан Ашурдин паччагь Шалманасер Самария шагьриина диш гъахьнийи. Дугъу думу кьялаъ апӀнийи. 10Шубуд йислан ашурари Самария гъибиснийи. Гьаци, Хизкьийин паччагьвалин йирхьудпи йисан, Израилин паччагь Гьушайин паччагьвалин урчӀвудпи йисан Самария гъибиснийи. 11Ашурдин паччагьди Израилин агьалйир чан уьлкейиз йисирвализ гъурхнийи. Дугъу дурар Хавор нирихъ хъайи Халах шагьриъ, гьацира Гузан шагьриъ ва мид халкьдин шагьрариъ дитнийи. 12Гьаму вари ляхнар хьпан себеб чпин Заанур вуйи РАББИЙИХЪ хъпебехъувал вуйи. Дурари Дугъан йикьрар, РАББИЙИН гъараваш Муса пайгъамбри амур гъапӀуб вари чӀур апӀуйи. Дурар хъпехъурдайи, ва дурари йикьрар тамам апӀурдайи.
Санхерибди Ерусалимдиз къурху ккапӀуб
13Хизкьийин паччагьвалин йицӀиюкьудпи йисан Ашурдин паччагь Санхериб Ягьудайин мюгькам дапӀнайи шагьрариин алархьнийи ва дурар гъидиснийи. 14Ягьудайин паччагь Хизкьийи Лахиш шагьриз Ашурдин паччагьдиз гьамци пуз гьаънийи:
– Узук тахсир казук. Узу гъит, ва узу увуз узкан уву тӀалаб гъапӀуб вари тувидиза.
Ашурдин паччагьди Ягьудайин паччагь Хизкьийилан шубудварж талант#18:14 Шубудварж талант: тахминан 10 тонн. арс ва сумчӀур талант#18:14 СумчӀур талант: тахминан саб тонн. гъизил алдабгънийи. 15Хизкьийи дугъаз РАББИЙИН Хулаъ ва паччагьдин хазнйириъ гъибихъу вари арс тувнийи. 16Гьадмуган Ягьудайин паччагь Хизкьийи РАББИЙИН ибадатханайин раккнариин ва раккнарин дарчариин чав алабсу гъизил вари алдабснийи ва думу Ашурдин паччагьдиз тувнийи.
17Гьаци вушра, Ашурдин паччагьди Лахишдиан Хизкьи паччагьдихьна Ерусалимдиз кьушмин заанур аьхюр ва аьхюнур чяхирчи#18:17 Аьхюнур чяхирчи: паччагьдин багахь гъуллугъ апӀурайидарикан сар, аьхюну насигъятчи. аьхю кьушум хъади гьаънийи. Дурар Ерусалимдиз багахь гъахьнийи ва Заан даграан шид дизигнайи йишвахь, палтар урччру ва ерццру хутӀлиз рякъюъ дийигънийи. 18Дурари паччагьдиз дих гъапӀнийи, ва дурарихьна гъалайиъ буйругъар туврур вуйи Элиаким, Хилкияйин бай, бикӀрур вуйи Шевна ва тарихчи Юах, Асафдин бай, удучӀвнийи.
19Аьхюну чяхирчийи дурариз гъапнийи:
– Хизкьийиз йипай: «Гьамци кӀура машгьур паччагьди, Ашурдин паччагьди: „Наънан вуяв гьаму хъугъвал? 20Буш гафарна дявдин устадвал ва кьувват саб ву кӀуру фикир апӀурава? Узуз къаршуди удучӀвну, уву шлик умуд киврава? 21Магьа уву Египетдик умуд киврава! Думу дюбгънайи, чаин алахъурин гьарсарин хлин гагьнаан итӀибгъру чӀеъсиб ву. Египетдин паччагь вуйи фяряуьн чак умуд кивдарихъди варидихъди гьацир ву. 22Хъа учву узуз, учу РАББИЙИК, ич Заанурик, умуд киврача, пуз шулучвухьан. Хъа Хизкьийи тепйирилан Дугъан гирамишвар ва гъурбан апӀрушвар алдагъну аьхир. Дугъу Ягьудайиз ва Ерусалимдиз анжагъ гьаму, Ерусалимдиъ айи гъурбан апӀрушвахь, ибадат апӀинай гъапну.“
23Гьаци вуйиган, йиз агъайихъди, Ашурдин паччагьдихъди, гьюжат апӀин: узу увуз кьюд агъзур гьяйван тувидиза, увуз дурариина атлуйиркьан дихъидарвуз. 24Йиз агъайин гъаравашарикан варитӀан бицӀи гьякимдин улихь дурум тувуз фици хьибдивухьан? Уву гьамусра египетдин дявдин фургънарик ва атлуйирик умуд киврава. 25Узу гьаму уьлкейиина, му уьлке терг апӀбан бадали, РАББИЙИН амриинди диш гъахьунза. РАББИЙИ Чав узуз гьаму уьлкейиина гъарах ва думу терг апӀин гъапну».
26Думуган Хилкияйин бай Элиакимди, Шевнайи ва Юахди аьхюну чяхирчийиз гъапнийи:
– Ккун апӀурча, учухъди, яв гъаравашарихъди, арам чӀалниинди гафар апӀин, учу думу чӀалнан гъавриъ ахъурча аьхир. Цалʼин али халкь хьайиган, учухъди жугьуд чӀалниинди гафар мапӀан.
27Амма аьхюну чяхирчийи жаваб тувнийи:
– Мегер йиз агъайи узу гьаму гафар анжагъ ичв агъайиз ва учвуз, хъа цалʼин али инсанариз ктарди, пуз гьаънийинхъа? Ваъ, дурарира, гьаму учвуси, чпин нежес ипӀиди ва чпин жвур убхъиди.
28Аьхюну чяхирчи гъудужвнийи ва жугьуд чӀалниинди ягъалди чӀигъ гъапӀнийи:
– Машгьур паччагьдин, Ашурдин паччагьдин гафнахъ хъебехъай! 29Паччагьди гьамци кӀура: «Хизкьийи учвуз кучӀал апӀуз мугъузанай. Дугъхьан учву йиз хилккан азад апӀуз шулдар. 30Хизкьийи учвуз кӀура: „РАББИЙИ ухьу чарасузди къутармиш апӀиди. Му шагьур Ашурдин паччагьдин хилиз тувидар“. Хъа учву РАББИЙИХЪ йирфар хъирчбиин дугъу инанмиш апӀуз мугъузанай. 31Хизкьийихъ мехъебехъанай».
Гьамци кӀура Ашурдин паччагьди: «Узухъди мясляаьт йибтӀай ва узуз мютӀюгъ йихьай. Думуган учву ичв тӀумтӀин ширариккан ва инжиларин гьаригъян ипӀидичва ва ичв гъуййириан шид убхъидичва. 32Хъасин узу гъидиза ва учву узухъди ичвсиб уьлкейиз, тахил ва чяхир, уьл ва тӀумтӀин ширар, зейтундин гьарар ва йиччв айи уьлкейиз, гъахидиза. Уьмур кадабгъай, хъа аьжал ваъ! Хизкьийихъ мехъебехъанай, гьаз гъапиш дугъу, „РАББИЙИ ухьу къутармиш апӀиди“ кӀури, учву гъаврихъан хътаура. 33Яраб жара халкьдин фунур-вуш заанури чан уьлке Ашурдин паччагьдин хилккан азад гъапӀнун? 34Хаматдин ва Арпаддин заанурар наши? Сепарваимдин, Гьенайин ва Иввайин заанурар наши? Шли-вуш Самария йиз хилккан азад гъапӀнийин? 35Гьаму вари уьлкйирин заанурарикан шилхьан чан уьлке узккан азад апӀуз гъабхьну? РАББИЙИХЬАН Ерусалим йиз хилккан азад апӀуз фици хьибди?»
36Амма халкь ккебехънайи ва жаваб вуди фукӀа кӀури адайи, гьаз гъапиш паччагьди амур дапӀнайи: «Дугъаз жаваб мутуванай».
37Гъалайиъ буйругъар туврур вуйи Элиаким, Хилкияйин бай, бикӀрур вуйи Шевна ва тарихчи Юах, Асафдин бай, Хизкьийихьна, чпин палтар дячӀяргъну, дерд кади гъафнийи. Дурари аьхюну чяхирчийи гъапиб паччагьдикна гъапнийи.
Currently Selected:
Паччагьлугъар-4 18: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-4 18
18
Ягьудайин паччагь Хизкьи
1Израилин паччагь Гьушайин, Элайин балин, паччагьвалин шубудпи йисан Ягьудайиъ Ахаздин бай Хизкьийи паччагьвал апӀуз хъюгънийи. 2Паччагь шлуган, дугъан къанна хьуд йис яш вуйи. Дугъу Ерусалимдиъ къанна урчӀвуд йисан паччагьвал гъапӀнийи. Дугъан дадайиз Ави кӀуйи, думу Захарияйин риш вуйи. 3Хизкьийи РАББИЙИН улариъ, чан арха Давуддиси, дюз вуйиб апӀуйи. 4Дугъу тепйирилан гирамишвар алдагънийи, гирами гъванар гъюргънийи, Ашерайин мурхьлар#18:4 Ашерайин мурхьлар: Ашера Ханаандин бегьерлуварин бут вуйи. Думу мурхьулси улупуйи. алдатӀнийи. Муса пайгъамбри гъапӀу кемшрин битӀ дугъу тикйир гъапӀнийи, гьаз гъапиш гьадму вахтназкьан израилари дидин улихь ицциб ниъ хъайи шейʼар ургуйи. Дидиз Нехуштан кӀуйи.
5Хизкьийин РАББИЙИИН, Израилин Заануриин, хъугъвал алийи. Ягьудайин паччгьарин арайиъ я думу паччагь хьайиз, ясана дугъан кьяляхъ Хизкьийиз барабар вуйир гъахьундайи. 6Думу РАББИЙИКАН ижмиди кичӀихнайи ва хътадаркри Дугъахъди гъягъюйи. РАББИЙИ Муса пайгъамбрин мелзналан туву амрар дугъу тамам апӀуйи. 7РАББИРА дугъахъди хъайи, фуну ляхнихъ хъюгъишра, варибдиъ дугъаз хъуркьувалар шуйи. Думу Ашурдин паччагьдиз къаршуди удучӀвнийи ва дугъаз гъуллугъ апӀбаз ваъ гъапнийи. 8Дугъу филистимар бицӀи ва аьхю вари шагьрариъ дагъитмиш гъапӀнийи, тап Газа шагьрихъна ва дидин аьтрафарихъна.
Ашурари Самария бисуб
9Хизкьийин паччагьвалин юкьудпи йисан – Израилин паччагь Гьушайин, Элайин балин, паччагьвалин ургудпи йисан Ашурдин паччагь Шалманасер Самария шагьриина диш гъахьнийи. Дугъу думу кьялаъ апӀнийи. 10Шубуд йислан ашурари Самария гъибиснийи. Гьаци, Хизкьийин паччагьвалин йирхьудпи йисан, Израилин паччагь Гьушайин паччагьвалин урчӀвудпи йисан Самария гъибиснийи. 11Ашурдин паччагьди Израилин агьалйир чан уьлкейиз йисирвализ гъурхнийи. Дугъу дурар Хавор нирихъ хъайи Халах шагьриъ, гьацира Гузан шагьриъ ва мид халкьдин шагьрариъ дитнийи. 12Гьаму вари ляхнар хьпан себеб чпин Заанур вуйи РАББИЙИХЪ хъпебехъувал вуйи. Дурари Дугъан йикьрар, РАББИЙИН гъараваш Муса пайгъамбри амур гъапӀуб вари чӀур апӀуйи. Дурар хъпехъурдайи, ва дурари йикьрар тамам апӀурдайи.
Санхерибди Ерусалимдиз къурху ккапӀуб
13Хизкьийин паччагьвалин йицӀиюкьудпи йисан Ашурдин паччагь Санхериб Ягьудайин мюгькам дапӀнайи шагьрариин алархьнийи ва дурар гъидиснийи. 14Ягьудайин паччагь Хизкьийи Лахиш шагьриз Ашурдин паччагьдиз гьамци пуз гьаънийи:
– Узук тахсир казук. Узу гъит, ва узу увуз узкан уву тӀалаб гъапӀуб вари тувидиза.
Ашурдин паччагьди Ягьудайин паччагь Хизкьийилан шубудварж талант#18:14 Шубудварж талант: тахминан 10 тонн. арс ва сумчӀур талант#18:14 СумчӀур талант: тахминан саб тонн. гъизил алдабгънийи. 15Хизкьийи дугъаз РАББИЙИН Хулаъ ва паччагьдин хазнйириъ гъибихъу вари арс тувнийи. 16Гьадмуган Ягьудайин паччагь Хизкьийи РАББИЙИН ибадатханайин раккнариин ва раккнарин дарчариин чав алабсу гъизил вари алдабснийи ва думу Ашурдин паччагьдиз тувнийи.
17Гьаци вушра, Ашурдин паччагьди Лахишдиан Хизкьи паччагьдихьна Ерусалимдиз кьушмин заанур аьхюр ва аьхюнур чяхирчи#18:17 Аьхюнур чяхирчи: паччагьдин багахь гъуллугъ апӀурайидарикан сар, аьхюну насигъятчи. аьхю кьушум хъади гьаънийи. Дурар Ерусалимдиз багахь гъахьнийи ва Заан даграан шид дизигнайи йишвахь, палтар урччру ва ерццру хутӀлиз рякъюъ дийигънийи. 18Дурари паччагьдиз дих гъапӀнийи, ва дурарихьна гъалайиъ буйругъар туврур вуйи Элиаким, Хилкияйин бай, бикӀрур вуйи Шевна ва тарихчи Юах, Асафдин бай, удучӀвнийи.
19Аьхюну чяхирчийи дурариз гъапнийи:
– Хизкьийиз йипай: «Гьамци кӀура машгьур паччагьди, Ашурдин паччагьди: „Наънан вуяв гьаму хъугъвал? 20Буш гафарна дявдин устадвал ва кьувват саб ву кӀуру фикир апӀурава? Узуз къаршуди удучӀвну, уву шлик умуд киврава? 21Магьа уву Египетдик умуд киврава! Думу дюбгънайи, чаин алахъурин гьарсарин хлин гагьнаан итӀибгъру чӀеъсиб ву. Египетдин паччагь вуйи фяряуьн чак умуд кивдарихъди варидихъди гьацир ву. 22Хъа учву узуз, учу РАББИЙИК, ич Заанурик, умуд киврача, пуз шулучвухьан. Хъа Хизкьийи тепйирилан Дугъан гирамишвар ва гъурбан апӀрушвар алдагъну аьхир. Дугъу Ягьудайиз ва Ерусалимдиз анжагъ гьаму, Ерусалимдиъ айи гъурбан апӀрушвахь, ибадат апӀинай гъапну.“
23Гьаци вуйиган, йиз агъайихъди, Ашурдин паччагьдихъди, гьюжат апӀин: узу увуз кьюд агъзур гьяйван тувидиза, увуз дурариина атлуйиркьан дихъидарвуз. 24Йиз агъайин гъаравашарикан варитӀан бицӀи гьякимдин улихь дурум тувуз фици хьибдивухьан? Уву гьамусра египетдин дявдин фургънарик ва атлуйирик умуд киврава. 25Узу гьаму уьлкейиина, му уьлке терг апӀбан бадали, РАББИЙИН амриинди диш гъахьунза. РАББИЙИ Чав узуз гьаму уьлкейиина гъарах ва думу терг апӀин гъапну».
26Думуган Хилкияйин бай Элиакимди, Шевнайи ва Юахди аьхюну чяхирчийиз гъапнийи:
– Ккун апӀурча, учухъди, яв гъаравашарихъди, арам чӀалниинди гафар апӀин, учу думу чӀалнан гъавриъ ахъурча аьхир. Цалʼин али халкь хьайиган, учухъди жугьуд чӀалниинди гафар мапӀан.
27Амма аьхюну чяхирчийи жаваб тувнийи:
– Мегер йиз агъайи узу гьаму гафар анжагъ ичв агъайиз ва учвуз, хъа цалʼин али инсанариз ктарди, пуз гьаънийинхъа? Ваъ, дурарира, гьаму учвуси, чпин нежес ипӀиди ва чпин жвур убхъиди.
28Аьхюну чяхирчи гъудужвнийи ва жугьуд чӀалниинди ягъалди чӀигъ гъапӀнийи:
– Машгьур паччагьдин, Ашурдин паччагьдин гафнахъ хъебехъай! 29Паччагьди гьамци кӀура: «Хизкьийи учвуз кучӀал апӀуз мугъузанай. Дугъхьан учву йиз хилккан азад апӀуз шулдар. 30Хизкьийи учвуз кӀура: „РАББИЙИ ухьу чарасузди къутармиш апӀиди. Му шагьур Ашурдин паччагьдин хилиз тувидар“. Хъа учву РАББИЙИХЪ йирфар хъирчбиин дугъу инанмиш апӀуз мугъузанай. 31Хизкьийихъ мехъебехъанай».
Гьамци кӀура Ашурдин паччагьди: «Узухъди мясляаьт йибтӀай ва узуз мютӀюгъ йихьай. Думуган учву ичв тӀумтӀин ширариккан ва инжиларин гьаригъян ипӀидичва ва ичв гъуййириан шид убхъидичва. 32Хъасин узу гъидиза ва учву узухъди ичвсиб уьлкейиз, тахил ва чяхир, уьл ва тӀумтӀин ширар, зейтундин гьарар ва йиччв айи уьлкейиз, гъахидиза. Уьмур кадабгъай, хъа аьжал ваъ! Хизкьийихъ мехъебехъанай, гьаз гъапиш дугъу, „РАББИЙИ ухьу къутармиш апӀиди“ кӀури, учву гъаврихъан хътаура. 33Яраб жара халкьдин фунур-вуш заанури чан уьлке Ашурдин паччагьдин хилккан азад гъапӀнун? 34Хаматдин ва Арпаддин заанурар наши? Сепарваимдин, Гьенайин ва Иввайин заанурар наши? Шли-вуш Самария йиз хилккан азад гъапӀнийин? 35Гьаму вари уьлкйирин заанурарикан шилхьан чан уьлке узккан азад апӀуз гъабхьну? РАББИЙИХЬАН Ерусалим йиз хилккан азад апӀуз фици хьибди?»
36Амма халкь ккебехънайи ва жаваб вуди фукӀа кӀури адайи, гьаз гъапиш паччагьди амур дапӀнайи: «Дугъаз жаваб мутуванай».
37Гъалайиъ буйругъар туврур вуйи Элиаким, Хилкияйин бай, бикӀрур вуйи Шевна ва тарихчи Юах, Асафдин бай, Хизкьийихьна, чпин палтар дячӀяргъну, дерд кади гъафнийи. Дурари аьхюну чяхирчийи гъапиб паччагьдикна гъапнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023