Паччагьлугъар-4 13
13
Израилин паччагь Яхаз
1Ягьудайин паччагь Юашдин, Ахазияйин балин, паччагьвалин къанна шубудпи йисан Егьуйин бай Яхаз Израилин паччагь гъахьнийи. Дугъу Самарияйиъ йицӀиургуд йисан паччагьвал гъапӀнийи. 2Яхаз Наватдин бай Яравамди чав Израил ял гъапӀу гунгьарихъди гъягъюйи. Дугъу РАББИЙИН улариан писвал гъапӀнийи ва думу гунгьарихьан гьидицурдайи. 3РАББИЙИН хъял Израилиина гъизмиш гъабхьнийи. Хайлин вахтна Дугъу израилар Арамдин паччагь Хазаилин ва дугъан бай Бен-Гьададдин гьюкмикк дерккнийи.
4Амма Яхаз РАББИЙИЗ ккарагнийи, ва РАББИЙИЗ дугъан ккарагуб гъеебхьнийи. Арамдин паччагьди Израилиз фукьан писди илзигураш, РАББИЙИЗ рябкъюйи аьхир. 5РАББИЙИ Израилиз азад апӀрур тувнийи, ва израилар Арамдин гьюкмиккан ккудучӀвнийи. Дурар чпин хулариъ муганазси ислягьвалиинди яшамиш хьуз хъюгънийи. 6Гьаци вушра, дурар Яравамдин тухумди Израил ял гъапӀу гунгьарихьан гьидицундайи, хъа гьадрариъ гъузнийи. Ашерайин мурхьулра#13:6 Ашерайин мурхьул: Ашера Ханаандин бегьерлуварин бут вуйи. Думу мурхьулси улупуйи. Самарияйиъ дийибгъну имийи.
7Яхаздин кьушмикан, хьцӀур атлутӀан, йицӀуб дявдин фургъунтӀан ва йицӀуд агъзур пияда эскрартӀан савайи, фужкӀа гъузнадайи. Имбудар Арамдин паччагьди, гад апӀруган шлу биширугдиз ухшар дапӀну, терг гъапӀнийи.
8Яхазди паччагьвал гъапӀу вахтнан жара гьядисйирикан, дугъу гъапӀу вари ляхнарикан ва дугъан кӀубанваликан «Израилин паччгьарин тарихарин китабдиъ» дибикӀна. 9Яхаз чан архйирихъди архаин гъахьнийи ва Самарияйиъ накьвдик кивнийи. Хъа дугъан бай Юваш дугъан кьяляхъ паччагь гъахьнийи.
Израилин паччагь Юваш
10Ягьудайин паччагь Юашдин паччагьвалин сумчӀурна ургудпи йисан Яхаздин бай Юваш Израилин паччагь гъахьнийи. Дугъу Самарияйиъ йицӀийирхьуд йисан паччагьвал гъапӀнийи. 11Дугъу РАББИЙИН улариан писвал апӀуйи ва Наватдин бай Яравамдин чав Израил ял гъапӀу гунгьарикан сабдихьанра гьидицурдайи. Думу гьадму гунгьариъ гъузнийи.
12Ювашди паччагьвал гъапӀу вахтнан жара гьядисйирикан, дугъу гъапӀу вари ляхнарикан ва Ягьудайин паччагь Амасияйихъди дявйириъ дугъан кӀубанваликан «Израилин паччгьарин тарихарин китабдиъ» дибикӀна.
13Юваш чан архйирихъди архаин гъахьнийи. Думу Самарияйиъ Израилин паччгьарихъди накьвдик кивнийи. Ювашдихъна тахтниин дугъан бай Юравам деънийи.
Элиш пайгъамбрин аьжал
14Элиш пайгъамбар йикӀру гьялниинди иццру гъахьнийи. Израилин паччагь Юваш, дугъʼин улуркьуз дуфну, дугъахъ гъишнийи. Дугъу ягъал сесниинди гъапнийи:
– Йиз адаш! Йиз адаш! Израилин дявдин фургънар ва атлуйирин кьушум вува!
15Элиш пайгъамбри гъапнийи:
– Декку ва чӀимрар адагъ.
Дугъу гьаци гъапӀнийи.
16– Декку хилиз гъадабгъ, – гъапнийи дугъу Израилин паччагьдиз.
Дугъу декку гъадабгъиган, Элиш пайгъамбри чан хилар Израилин паччагьдин хилариин иливнийи.
17– Ригъ гьудубчӀвру терефнан унчӀв абцц, – гъапнийи Элиш пайгъамбри.
Ва паччагьди унчӀв абццнийи.
– ЧӀимир йив! – гъапнийи Элиш пайгъамбри.
Ва дугъу деккуйиан чӀимир гъивнийи.
– РАББИЙИН Гъалибвалин му чӀимир, Арамдиин гъалибвалин му чӀимир! Уву Афек шагьрин багахь арамариз дурар дагъитмиш апӀайизкьан йивидива, – гъапнийи Элиш пайгъамбри.
18Хъасин Элиш пайгъамбри гъапнийи:
– ЧӀимрар гъадагъ.
Израилин паччагьди чӀимрар гъадагънийи.
Элиш пайгъамбри дугъаз гъапнийи:
– Дурар жилилан йив.
Паччагьди шубуб ражну гъивнийи ва дийигънийи. 19Заанурин инсандик дугъкан хъял кубчӀвнийи ва гъапнийи:
– Уву жилилан хьуб ясан йирхьуб ражну йивну ккундийи, думуган уву Арам тамамди дагъитмиш апӀидийва. Хъа гьамус уву думу шубуб ражнутӀан дагъитмиш апӀидарва.
20Элиш пайгъамбар кечмиш гъахьнийи ва накьвдик кивнийи. Кьандиси Муавдиан вуйи гъачагъар Израилиин гьарсаб хьадукра алжагъуз хъюгънийи. 21Саб ражну, сар кас накьвдик киврайиган, израилариз гъачагъарин десте гъябкънийи, ва дурари майит Элиш пайгъамбрин гюмбтизди гатӀабхьнийи. ДубкӀнайи жандак Элиш пайгъамбрин кӀурбарик кубкӀиган, думу инсан чӀиви гъахьнийи ва ликариин дийигънийи.
Арамдихъди Израилин дяви
22Арамдин паччагь Хазаили Яхаздин паччагьвалин вари йигъари Израилиз зулум апӀури гъахьнийи. 23Амма РАББИ израиларихьна рягьимлу вуди гъахьнийи. Дугъу дурарин язухъ апӀуйи ва Ибрагьим, Исакь, Якьуб пайгъамбрарихъди йикьрарин гьюрматназ дурарин гъайгъу зигуйи. Дугъаз гьамусра#13:23 Гьамусра: китаб гъибикӀу вахтнакан кӀура. дурар терг апӀуз ккунди адайи, дурарихьинди Чан кьял гьибицундайи.
24Арамдин паччагь Хазаил кечмиш гъахьнийи, дугъан бай Бен-Гьадад дугъан ерина паччагь гъахьнийи. 25Яхаздин бай Ювашди Хазаилин бай Бен-Гьададдихьан дугъу чан адаш Яхаздихьан дявдиинди гъидису шагьрар тадагънийи. Ювашди Бен-Гьадад шубуб ражну дагъитмиш гъапӀнийи ва израил шагьрар кьяляхъ гъапӀнийи.
Currently Selected:
Паччагьлугъар-4 13: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-4 13
13
Израилин паччагь Яхаз
1Ягьудайин паччагь Юашдин, Ахазияйин балин, паччагьвалин къанна шубудпи йисан Егьуйин бай Яхаз Израилин паччагь гъахьнийи. Дугъу Самарияйиъ йицӀиургуд йисан паччагьвал гъапӀнийи. 2Яхаз Наватдин бай Яравамди чав Израил ял гъапӀу гунгьарихъди гъягъюйи. Дугъу РАББИЙИН улариан писвал гъапӀнийи ва думу гунгьарихьан гьидицурдайи. 3РАББИЙИН хъял Израилиина гъизмиш гъабхьнийи. Хайлин вахтна Дугъу израилар Арамдин паччагь Хазаилин ва дугъан бай Бен-Гьададдин гьюкмикк дерккнийи.
4Амма Яхаз РАББИЙИЗ ккарагнийи, ва РАББИЙИЗ дугъан ккарагуб гъеебхьнийи. Арамдин паччагьди Израилиз фукьан писди илзигураш, РАББИЙИЗ рябкъюйи аьхир. 5РАББИЙИ Израилиз азад апӀрур тувнийи, ва израилар Арамдин гьюкмиккан ккудучӀвнийи. Дурар чпин хулариъ муганазси ислягьвалиинди яшамиш хьуз хъюгънийи. 6Гьаци вушра, дурар Яравамдин тухумди Израил ял гъапӀу гунгьарихьан гьидицундайи, хъа гьадрариъ гъузнийи. Ашерайин мурхьулра#13:6 Ашерайин мурхьул: Ашера Ханаандин бегьерлуварин бут вуйи. Думу мурхьулси улупуйи. Самарияйиъ дийибгъну имийи.
7Яхаздин кьушмикан, хьцӀур атлутӀан, йицӀуб дявдин фургъунтӀан ва йицӀуд агъзур пияда эскрартӀан савайи, фужкӀа гъузнадайи. Имбудар Арамдин паччагьди, гад апӀруган шлу биширугдиз ухшар дапӀну, терг гъапӀнийи.
8Яхазди паччагьвал гъапӀу вахтнан жара гьядисйирикан, дугъу гъапӀу вари ляхнарикан ва дугъан кӀубанваликан «Израилин паччгьарин тарихарин китабдиъ» дибикӀна. 9Яхаз чан архйирихъди архаин гъахьнийи ва Самарияйиъ накьвдик кивнийи. Хъа дугъан бай Юваш дугъан кьяляхъ паччагь гъахьнийи.
Израилин паччагь Юваш
10Ягьудайин паччагь Юашдин паччагьвалин сумчӀурна ургудпи йисан Яхаздин бай Юваш Израилин паччагь гъахьнийи. Дугъу Самарияйиъ йицӀийирхьуд йисан паччагьвал гъапӀнийи. 11Дугъу РАББИЙИН улариан писвал апӀуйи ва Наватдин бай Яравамдин чав Израил ял гъапӀу гунгьарикан сабдихьанра гьидицурдайи. Думу гьадму гунгьариъ гъузнийи.
12Ювашди паччагьвал гъапӀу вахтнан жара гьядисйирикан, дугъу гъапӀу вари ляхнарикан ва Ягьудайин паччагь Амасияйихъди дявйириъ дугъан кӀубанваликан «Израилин паччгьарин тарихарин китабдиъ» дибикӀна.
13Юваш чан архйирихъди архаин гъахьнийи. Думу Самарияйиъ Израилин паччгьарихъди накьвдик кивнийи. Ювашдихъна тахтниин дугъан бай Юравам деънийи.
Элиш пайгъамбрин аьжал
14Элиш пайгъамбар йикӀру гьялниинди иццру гъахьнийи. Израилин паччагь Юваш, дугъʼин улуркьуз дуфну, дугъахъ гъишнийи. Дугъу ягъал сесниинди гъапнийи:
– Йиз адаш! Йиз адаш! Израилин дявдин фургънар ва атлуйирин кьушум вува!
15Элиш пайгъамбри гъапнийи:
– Декку ва чӀимрар адагъ.
Дугъу гьаци гъапӀнийи.
16– Декку хилиз гъадабгъ, – гъапнийи дугъу Израилин паччагьдиз.
Дугъу декку гъадабгъиган, Элиш пайгъамбри чан хилар Израилин паччагьдин хилариин иливнийи.
17– Ригъ гьудубчӀвру терефнан унчӀв абцц, – гъапнийи Элиш пайгъамбри.
Ва паччагьди унчӀв абццнийи.
– ЧӀимир йив! – гъапнийи Элиш пайгъамбри.
Ва дугъу деккуйиан чӀимир гъивнийи.
– РАББИЙИН Гъалибвалин му чӀимир, Арамдиин гъалибвалин му чӀимир! Уву Афек шагьрин багахь арамариз дурар дагъитмиш апӀайизкьан йивидива, – гъапнийи Элиш пайгъамбри.
18Хъасин Элиш пайгъамбри гъапнийи:
– ЧӀимрар гъадагъ.
Израилин паччагьди чӀимрар гъадагънийи.
Элиш пайгъамбри дугъаз гъапнийи:
– Дурар жилилан йив.
Паччагьди шубуб ражну гъивнийи ва дийигънийи. 19Заанурин инсандик дугъкан хъял кубчӀвнийи ва гъапнийи:
– Уву жилилан хьуб ясан йирхьуб ражну йивну ккундийи, думуган уву Арам тамамди дагъитмиш апӀидийва. Хъа гьамус уву думу шубуб ражнутӀан дагъитмиш апӀидарва.
20Элиш пайгъамбар кечмиш гъахьнийи ва накьвдик кивнийи. Кьандиси Муавдиан вуйи гъачагъар Израилиин гьарсаб хьадукра алжагъуз хъюгънийи. 21Саб ражну, сар кас накьвдик киврайиган, израилариз гъачагъарин десте гъябкънийи, ва дурари майит Элиш пайгъамбрин гюмбтизди гатӀабхьнийи. ДубкӀнайи жандак Элиш пайгъамбрин кӀурбарик кубкӀиган, думу инсан чӀиви гъахьнийи ва ликариин дийигънийи.
Арамдихъди Израилин дяви
22Арамдин паччагь Хазаили Яхаздин паччагьвалин вари йигъари Израилиз зулум апӀури гъахьнийи. 23Амма РАББИ израиларихьна рягьимлу вуди гъахьнийи. Дугъу дурарин язухъ апӀуйи ва Ибрагьим, Исакь, Якьуб пайгъамбрарихъди йикьрарин гьюрматназ дурарин гъайгъу зигуйи. Дугъаз гьамусра#13:23 Гьамусра: китаб гъибикӀу вахтнакан кӀура. дурар терг апӀуз ккунди адайи, дурарихьинди Чан кьял гьибицундайи.
24Арамдин паччагь Хазаил кечмиш гъахьнийи, дугъан бай Бен-Гьадад дугъан ерина паччагь гъахьнийи. 25Яхаздин бай Ювашди Хазаилин бай Бен-Гьададдихьан дугъу чан адаш Яхаздихьан дявдиинди гъидису шагьрар тадагънийи. Ювашди Бен-Гьадад шубуб ражну дагъитмиш гъапӀнийи ва израил шагьрар кьяляхъ гъапӀнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023