Коринф-2 3
3
ЦӀийи Йикьрарнан гъуллугъчйир
1Учу ич тяриф апӀури, хъана таниш хьухьахъа? Имбударизси учузра, учвухьна гъюз ясана учвхьан гъягъюз учу лайикьлу адмийир ву, кӀуру кагъзар гъадагъуб, рубкьурайинхъа? 2Учву вучва ич кагъаз – ич кӀваъ дибикӀнайи, вардиз аьгъю ва варди урхурайи кагъаз. 3Учву, чернилиинди ваъ, хъа Аллагьдиз вуйи ич гъуллугъниинди, чӀиви Аллагьдин Рюгьниинди, гъванарикра ваъ, хъа инсанарин юкӀварик дибикӀнайи Месигьдин кагъаз вуйиб, варидариз рябкъюра.
4Месигьдилантина Аллагьдин улихь вари якьин гьаци вуйибдик саб шак кадарич. 5Му мици, ич гьунарниинди гъабхьиб ва учу гьаци кӀурайиб дарич. Ич гьунар вари Аллагьдихьан вуйич. 6Дугъу учкан, ЦӀийи Йикьрарнан гъуллугънаъ хьуз, гъуллугъчйир ктаъну. Думу Йикьрар – дидикӀнайи гьярфар дар, ваъ, хъа Рюгьнахьан ву. Фицики гьярфну йикӀуру, хъа Рюгьну уьмур хуру.
7Гъвандиъ гьярфариинди адабтӀнайи Къанундиз апӀури гъахьи гъуллугъ кӀваин апӀинай. Думу гьациб адниинди дебккнайиб вуйики, Израиларихьан Мусайин нур туврайи машназ, гьеле нур кьаназ гъубзундаршра, лигузкьан гъабхьундайи. Аьхириъ аьжал гъабхи му гъуллугънаъ хьувал гьамкьан адлу ляхин вуйиш, 8хъа Рюгьну гъуллугъ апӀрувал фукьан адлу шул? 9Эгер инсан тахсиркар апӀру гъуллугъ гьациб адлу вуйиш, хъа инсандикан тахсир ктипурайи гъуллугъ фукьан адлуб шул! 10Думугандин адлувал швнубсаб ражари артухъ вуйи адлувалихь тевиган, гьамус думукьан адлуди гьибгърикьан дар. 11Эгер вахтназ вуйи ад гьаци аьхюб вуш, хъа фукьан аьхюб шул гьаргакдиз вуйи ад!
12Гьаци вуйиган, ухьуз ухьук кӀубанвал капӀру умуд ахьуз 13ва ухьу, Израилариз ктӀубшвурайи адлувал дярябкъбан бадали, Мусайиси маш элебкну, лицурадархьа. 14Хъа дурарин фагьумра элебкнайи. Гьамусра, Йирси Йикьрар урхруган, гьадму чарч кӀулʼин илипурами, гьаз гъапиш думу чарч МесигьдихьантӀан алдабгъуз шлуб дар. 15Гъийин йигъазкьан, Мусайилантина дебккнайи Къанун урхруган, жугьдарин юкӀвар элеркну ими. 16Хъа адми Агъайихьна илтӀикӀруган, дугълан думу чарч алдабхъуру. 17Агъа – Рюгь ву, хъа Агъайин Рюгь наан аш, гьадушваъ азадвалра а! 18Ухьуз варидариз ачухъ машнаан гюзгдианси Агъайин адлувалин нур рябкъюрахьуз ва Гьадгъаз ухшар дигишра шулахьа. Дугъан ад ухьуъ артухъ-артухъ шула, фицики думу Агъайихьан гъюрайиб ву, хъа Думу – Рюгь ву!
Currently Selected:
Коринф-2 3: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Коринф-2 3
3
ЦӀийи Йикьрарнан гъуллугъчйир
1Учу ич тяриф апӀури, хъана таниш хьухьахъа? Имбударизси учузра, учвухьна гъюз ясана учвхьан гъягъюз учу лайикьлу адмийир ву, кӀуру кагъзар гъадагъуб, рубкьурайинхъа? 2Учву вучва ич кагъаз – ич кӀваъ дибикӀнайи, вардиз аьгъю ва варди урхурайи кагъаз. 3Учву, чернилиинди ваъ, хъа Аллагьдиз вуйи ич гъуллугъниинди, чӀиви Аллагьдин Рюгьниинди, гъванарикра ваъ, хъа инсанарин юкӀварик дибикӀнайи Месигьдин кагъаз вуйиб, варидариз рябкъюра.
4Месигьдилантина Аллагьдин улихь вари якьин гьаци вуйибдик саб шак кадарич. 5Му мици, ич гьунарниинди гъабхьиб ва учу гьаци кӀурайиб дарич. Ич гьунар вари Аллагьдихьан вуйич. 6Дугъу учкан, ЦӀийи Йикьрарнан гъуллугънаъ хьуз, гъуллугъчйир ктаъну. Думу Йикьрар – дидикӀнайи гьярфар дар, ваъ, хъа Рюгьнахьан ву. Фицики гьярфну йикӀуру, хъа Рюгьну уьмур хуру.
7Гъвандиъ гьярфариинди адабтӀнайи Къанундиз апӀури гъахьи гъуллугъ кӀваин апӀинай. Думу гьациб адниинди дебккнайиб вуйики, Израиларихьан Мусайин нур туврайи машназ, гьеле нур кьаназ гъубзундаршра, лигузкьан гъабхьундайи. Аьхириъ аьжал гъабхи му гъуллугънаъ хьувал гьамкьан адлу ляхин вуйиш, 8хъа Рюгьну гъуллугъ апӀрувал фукьан адлу шул? 9Эгер инсан тахсиркар апӀру гъуллугъ гьациб адлу вуйиш, хъа инсандикан тахсир ктипурайи гъуллугъ фукьан адлуб шул! 10Думугандин адлувал швнубсаб ражари артухъ вуйи адлувалихь тевиган, гьамус думукьан адлуди гьибгърикьан дар. 11Эгер вахтназ вуйи ад гьаци аьхюб вуш, хъа фукьан аьхюб шул гьаргакдиз вуйи ад!
12Гьаци вуйиган, ухьуз ухьук кӀубанвал капӀру умуд ахьуз 13ва ухьу, Израилариз ктӀубшвурайи адлувал дярябкъбан бадали, Мусайиси маш элебкну, лицурадархьа. 14Хъа дурарин фагьумра элебкнайи. Гьамусра, Йирси Йикьрар урхруган, гьадму чарч кӀулʼин илипурами, гьаз гъапиш думу чарч МесигьдихьантӀан алдабгъуз шлуб дар. 15Гъийин йигъазкьан, Мусайилантина дебккнайи Къанун урхруган, жугьдарин юкӀвар элеркну ими. 16Хъа адми Агъайихьна илтӀикӀруган, дугълан думу чарч алдабхъуру. 17Агъа – Рюгь ву, хъа Агъайин Рюгь наан аш, гьадушваъ азадвалра а! 18Ухьуз варидариз ачухъ машнаан гюзгдианси Агъайин адлувалин нур рябкъюрахьуз ва Гьадгъаз ухшар дигишра шулахьа. Дугъан ад ухьуъ артухъ-артухъ шула, фицики думу Агъайихьан гъюрайиб ву, хъа Думу – Рюгь ву!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023