Паччагьлугъар-1 25
25
Шамуилин аьжал
1Шамуил гъакӀи. Вари израилар уч гъахьи, ва дурари, дугъахъ дишну, думу Рамайиъ, чан багъри шагьриъ, накьвдик киву. Гьадму вахтна Давуд Паран ичӀи чюлиз гъушу.
Давуд ва Авигаил
2Маондиан вуйи сар касди Кармилиъ, Ягьудайин бицӀи шагьрарикан сабдиъ, чан лижар, сюрйир уьрхюри гъахьну. Думу гизаф девлет хъайир вуйи: дугъаз шубуд агъзур чарва ва агъзур цӀигь айи. Чарвйир ултӀукъурайивал себеб вуди, думуган думу Кармилиъ айи. 3Дугъаз Навал кӀуйи, хъа хпириз – Авигаил. Хпир фикирлур ва уччвур вуйи, хъа думу – писур ва агъдабан. Думу Калев тухумдиан вуйи.
4ИчӀи чюлиъ ади, Давуддиз Навали чарвйир ултӀукъурайиваликан гъеебхьнийи, 5ва дугъу дугъахьна йицӀур кас гьаънийи.
– Кармилиз, Навалихьна, гъарахай, – амур гъапӀу дугъу дурариз, – йиз ччвурнахъан дугъаз салам тувай 6ва йипай: «Вари ужувлар ишривуз! Увуз, яв хулаз ва яв хликк ккайибдиз варибдиз ислягьвал ибшри! 7Яв чарвйир ултӀукъурайиваликан гъеебхьунзуз. Яв марччлихънар учухъди хъайи, учу дурариз гиран кадапӀундарча, ва, дурари чарвйир Кармилиъ уьрхюри имиди, дурарин фукӀа гъудубгундар. 8Яв муздрарихьан гьерх, дурари субут апӀиди. Учу увухьна машкврин йигъан гъафунча – йиз чархачйирихьна рягьимлу йихь, дурариз, яв лукӀариз, ва яв бай Давуддиз увхьан шлуб тув».
9Давуддин адмийир гъафи, Наваликна Давуддин гафар гъапи, ва жавабназ ккилигури дийигъу. 10Навали гьамциб жаваб туву:
– Хъа фуж ву думу дицир, гьаму Давуд? Фуж ву думу, Ессейин бай?! Гьамус чпин эйсйирихьан гьергнайи лукӀар гизаф а! 11Му фу ву: йиз марччар ултӀукърудариз узу гьязур гъапӀу уьл, шид, йикк наънан гъафидар вушра аьгъдру адмийириз тувуз узу буржлу вуйин?
12Давуддин адмийир кьяляхъ гъушу. Давуддихьна дуфну, дурари дугъакна Навалин гафар гъапи. 13Думуган Давудди чан адмийириз амур гъапӀу:
– Турар гъадагъай! – ва вариди, Давуддира, чӀуларикк турар ккидитӀу.
Юкьудварждихьна кас дугъахъди рякъюъ учӀву, хъа кьюдварж кас бинайиин гъузу.
14Гьадму арайиъ гъаравашарикан сари Авигаилиз, Навалин хпириз, ктибту:
– Давудди ихь жанабийиз салам тувуз ичӀи чюлиан чан адмийир гьаъну, хъа думу дурариз хъутӀурччвну. 15Хъа дурар, думу адмийир, учухьна ужувлиинди янашмиш гъахьну, гиран ктапӀундар, дурарихъди чюлиъ имидикьан вахтна ич фукӀа гъудубгундарич. 16Мал-къара уьбхюри имидикьан гагьди, вари вахтна, йигънура, йишвнура, думу адмийирихъ учу, гъвандин цалихъси, вуйча! 17Увхьан фу апӀуз шулуш, лиг, фикир апӀин. Даршиш ихь эйсийинра, дугъан вари хуландаринра гьамус аьхир гъибди – хъа эйсийихъди, мердимазарихъди, гаф-чӀал апӀуб мянасуз ву!
18Авигаили гьялакди кьюдварж уьл, чяхир айи кьюб эрж, алдахьнайи хьуб марчч, саб шишал гъубцу дяхин, кишмишарин варж лаваш ва инжиларин кьюдварж багълу уч гъапӀу, гьадрар вари дажйириин иливу 19ва гъаравашариз амур гъапӀу:
– Улихьди гъарахай, хъа узу шилнаъди гъидиза.
Навализ, чан жилириз, дугъу фукӀа гъапундайи. 20Ва магьа Авигаил даждиин элеъну гъягъюра, ккуру жилгъайиъди гъарзаригъян исизди ктучӀвура, хъа дугъаз машна-машди – Давуд ва дугъан адмийир.
21– Му фици шулу, – чав чаз кӀуру Давудди, – дугъан вари девлет ичӀи чюлиъ узу гьавайиди гъюбхнин!? Дугъан фукӀа гъудубгундар, хъа гьамус дугъу йиз ужувлаз узуз писвалиинди жаваб тувра! 22Ху апӀураза, эгер гвачӀниндиз дугъан вари хизандиъ сар жилижвикьан чӀивиди гъузиш, гьаци дарш, Заанурин хъял Давуддиин алабхъри!
23Давуд гъяркъюбси, Авигаил гьялак гъахьи, даждилан элдеу, дугъан улихь жилик унтӀ кубкӀу, жилиинакьан икрам гъапӀу, 24ва Авигаили, дугъан ликарик карсну, гъапи:
– Йиз жанаби! Йиз тахсир ву! Яв лукӀраз увухьна илтӀикӀуз ихтияр тув! Яв лукӀраз увуз фу пуз ккундаш, хъебехъ! 25Гъит йиз жанабийи гьадму мердимазар Навализ фикир тутруври! Дюзди дугъʼин гьациб ччвур иливну! Дугъан ччвур Агъдабан кӀуру гаф ву – гьаддиз дугъу учв агъдабанди гъахурира а! Хъа узуз, яв лукӀраз, йиз жанабийи гьаънайи адмийир гъяркъюндайи! 26Йиз жанаби, РАББИЙИИНДИ ху апӀурза ва яв уьмриинди ху апӀурза: му РАББИЙИ уву ифи удубзувалихьан, къанунсуз ляхин апӀбахьан гъюрхну. Гъит яв душмнариз, гъит йиз жанабийиз писвал апӀуз кьаст апӀрудариз варидиз Навализсиб ибшри! 27Магьа узу, яв лукӀру, йиз жанабийиз зурба гьюрмат вуди гъабхи пешкеш. Гъит йиз жанабийихъди хъайи адмийири гьаму пешкеш кьабул апӀри. 28Яв лукӀран гьюрматсузвалилан хил алдабгъ! Дугъриданна йиз жанабийин насил РАББИЙИ мюгькам апӀиди, йиз жанабийин вари эскрар – му РАББИЙИН эскрар ву аьхир! Бабкан гъахьихъанмина увуз писвал хас дар. 29Хъа фуж-вуш увʼин алархьури, увухъ хъергри, шли-вуш увуз аьжал абгури гъахьиш, гъит РАББИЙИ, яв Заанури, яв уьмур, гъючӀаккси, уьбхри, хъа яв душмнарин уьмур, чӀвегьентиан гъванси, тина гатӀабхьри. 30Ва РАББИЙИ увуз гаф тувуб вари тамам гъапӀиган, Уву Израилиин гьюкумдарди дерккиган, 31сарира увуз тягьна йивидар, ва йиз жанабийиз тахсир ктру ифи удубзувалиин ва къанунсуз ляхин апӀувалиин швумал хьуб алабхъидар. РАББИЙИ йиз жанабийиз ужувлиинди тувди. Гьадмуган яв лукӀ кӀваин апӀин.
32Давудди Авигаилиз жаваб туву:
– Гъи уву узуз машна-машди гьау РАББИЙИЗ, Израилин Заануриз, шюкюр ибшри! 33Гъит РАББИЙИ увуз яв аьяндарвализ лигну ва узу ифи удубзуз уву гъидритбаз лигну туври. 34Увуз писвал апӀувалихьан узу деркку РАББИЙИИНДИ, Израилин Заануриинди, ху апӀурза: эгер уву йиз улихьна гъюз гьялак гъахьундайиш, акв алабхьайиз Навалин вари хизандиан саркьан жилижви чӀивиди гъузидайи аьхир.
35Давудди дугъу гъабхиб кьабул гъапӀу ва гъапи:
– Ислягьвалиинди хулаз гъарах! Узуз яв хаиш гъеебхьунзуз, ва узу думу тамам апӀидиза.
36Авигаил Навалихьна кьяляхъ гъафи, хъа дугъу хулаъ паччагьдинсиб дем дапӀнайи, шадвал апӀуйи ва бегьемди пиян гъахьнийи. Авигаили дугъаз гвачӀниндиз фукӀа ктибтундайи. 37ГвачӀнинган, Навал ачмиш гъахьиган, хпири дугъаз улгьан йигъан гъабхьибдикан ктибтуру. Навалин юкӀв дийибгъу, думу гъванси гъахьи, 38хъа йицӀуд йигъ улдучӀву – ва РАББИЙИ дугъаз аьжал гьапӀу.
39Навал йикӀуваликан Давуддиз гъеебхьу, ва дугъу гъапи:
– Узуз гиран ктапӀбан Навалин Чан диван гъапӀу РАББИЙИЗ шюкюр ибшри! Узу, Чан лукӀ, Навализ писвал апӀувалихьан дерккну, РАББИЙИ Навалин писвал гьадгъахьна чахьна илтӀибкӀну!
Давудди Авигаил чаз хпирди хъирсуз хъюгъю – думу хпирди гъадагъуз ккуниваликан пуз дугъахьна адмийир гьау. 40Давуддин адмийир Авигаилихьна Кармилиз гъафи, ва дурари гъапи:
– Учу Давудди уву чаз хпирди гъадагъуз гьаъну.
41Жилиин гьачӀарккну, Авигаили гъапи:
– Яв лукӀ увуз гъуллугъ апӀуз ва йиз жанабийин гъаравашарин ликар жикӀуз гьязур ву.
42Думу чкиди гьязур гъахьи ва, даждиин элеъну, хьур гъараваш дишагьлира хъади, Давуддин вакиларин кьяляхъди гъушу. Гьаци Авигаил Давуддин хпир гъахьи.
43Давудди чаз хпирди гьацира Изреелиан вуйи Ахиноам гъадагъну. Дурар кьюридра дугъан хпар вуйи. 44Хъа Михал, Давуддин муганайиздин хпир, Саули, дугъан адашди, Галлимдиан вуйи Лаишдин бай Палтийиз хпирди тувнийи.
Currently Selected:
Паччагьлугъар-1 25: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-1 25
25
Шамуилин аьжал
1Шамуил гъакӀи. Вари израилар уч гъахьи, ва дурари, дугъахъ дишну, думу Рамайиъ, чан багъри шагьриъ, накьвдик киву. Гьадму вахтна Давуд Паран ичӀи чюлиз гъушу.
Давуд ва Авигаил
2Маондиан вуйи сар касди Кармилиъ, Ягьудайин бицӀи шагьрарикан сабдиъ, чан лижар, сюрйир уьрхюри гъахьну. Думу гизаф девлет хъайир вуйи: дугъаз шубуд агъзур чарва ва агъзур цӀигь айи. Чарвйир ултӀукъурайивал себеб вуди, думуган думу Кармилиъ айи. 3Дугъаз Навал кӀуйи, хъа хпириз – Авигаил. Хпир фикирлур ва уччвур вуйи, хъа думу – писур ва агъдабан. Думу Калев тухумдиан вуйи.
4ИчӀи чюлиъ ади, Давуддиз Навали чарвйир ултӀукъурайиваликан гъеебхьнийи, 5ва дугъу дугъахьна йицӀур кас гьаънийи.
– Кармилиз, Навалихьна, гъарахай, – амур гъапӀу дугъу дурариз, – йиз ччвурнахъан дугъаз салам тувай 6ва йипай: «Вари ужувлар ишривуз! Увуз, яв хулаз ва яв хликк ккайибдиз варибдиз ислягьвал ибшри! 7Яв чарвйир ултӀукъурайиваликан гъеебхьунзуз. Яв марччлихънар учухъди хъайи, учу дурариз гиран кадапӀундарча, ва, дурари чарвйир Кармилиъ уьрхюри имиди, дурарин фукӀа гъудубгундар. 8Яв муздрарихьан гьерх, дурари субут апӀиди. Учу увухьна машкврин йигъан гъафунча – йиз чархачйирихьна рягьимлу йихь, дурариз, яв лукӀариз, ва яв бай Давуддиз увхьан шлуб тув».
9Давуддин адмийир гъафи, Наваликна Давуддин гафар гъапи, ва жавабназ ккилигури дийигъу. 10Навали гьамциб жаваб туву:
– Хъа фуж ву думу дицир, гьаму Давуд? Фуж ву думу, Ессейин бай?! Гьамус чпин эйсйирихьан гьергнайи лукӀар гизаф а! 11Му фу ву: йиз марччар ултӀукърудариз узу гьязур гъапӀу уьл, шид, йикк наънан гъафидар вушра аьгъдру адмийириз тувуз узу буржлу вуйин?
12Давуддин адмийир кьяляхъ гъушу. Давуддихьна дуфну, дурари дугъакна Навалин гафар гъапи. 13Думуган Давудди чан адмийириз амур гъапӀу:
– Турар гъадагъай! – ва вариди, Давуддира, чӀуларикк турар ккидитӀу.
Юкьудварждихьна кас дугъахъди рякъюъ учӀву, хъа кьюдварж кас бинайиин гъузу.
14Гьадму арайиъ гъаравашарикан сари Авигаилиз, Навалин хпириз, ктибту:
– Давудди ихь жанабийиз салам тувуз ичӀи чюлиан чан адмийир гьаъну, хъа думу дурариз хъутӀурччвну. 15Хъа дурар, думу адмийир, учухьна ужувлиинди янашмиш гъахьну, гиран ктапӀундар, дурарихъди чюлиъ имидикьан вахтна ич фукӀа гъудубгундарич. 16Мал-къара уьбхюри имидикьан гагьди, вари вахтна, йигънура, йишвнура, думу адмийирихъ учу, гъвандин цалихъси, вуйча! 17Увхьан фу апӀуз шулуш, лиг, фикир апӀин. Даршиш ихь эйсийинра, дугъан вари хуландаринра гьамус аьхир гъибди – хъа эйсийихъди, мердимазарихъди, гаф-чӀал апӀуб мянасуз ву!
18Авигаили гьялакди кьюдварж уьл, чяхир айи кьюб эрж, алдахьнайи хьуб марчч, саб шишал гъубцу дяхин, кишмишарин варж лаваш ва инжиларин кьюдварж багълу уч гъапӀу, гьадрар вари дажйириин иливу 19ва гъаравашариз амур гъапӀу:
– Улихьди гъарахай, хъа узу шилнаъди гъидиза.
Навализ, чан жилириз, дугъу фукӀа гъапундайи. 20Ва магьа Авигаил даждиин элеъну гъягъюра, ккуру жилгъайиъди гъарзаригъян исизди ктучӀвура, хъа дугъаз машна-машди – Давуд ва дугъан адмийир.
21– Му фици шулу, – чав чаз кӀуру Давудди, – дугъан вари девлет ичӀи чюлиъ узу гьавайиди гъюбхнин!? Дугъан фукӀа гъудубгундар, хъа гьамус дугъу йиз ужувлаз узуз писвалиинди жаваб тувра! 22Ху апӀураза, эгер гвачӀниндиз дугъан вари хизандиъ сар жилижвикьан чӀивиди гъузиш, гьаци дарш, Заанурин хъял Давуддиин алабхъри!
23Давуд гъяркъюбси, Авигаил гьялак гъахьи, даждилан элдеу, дугъан улихь жилик унтӀ кубкӀу, жилиинакьан икрам гъапӀу, 24ва Авигаили, дугъан ликарик карсну, гъапи:
– Йиз жанаби! Йиз тахсир ву! Яв лукӀраз увухьна илтӀикӀуз ихтияр тув! Яв лукӀраз увуз фу пуз ккундаш, хъебехъ! 25Гъит йиз жанабийи гьадму мердимазар Навализ фикир тутруври! Дюзди дугъʼин гьациб ччвур иливну! Дугъан ччвур Агъдабан кӀуру гаф ву – гьаддиз дугъу учв агъдабанди гъахурира а! Хъа узуз, яв лукӀраз, йиз жанабийи гьаънайи адмийир гъяркъюндайи! 26Йиз жанаби, РАББИЙИИНДИ ху апӀурза ва яв уьмриинди ху апӀурза: му РАББИЙИ уву ифи удубзувалихьан, къанунсуз ляхин апӀбахьан гъюрхну. Гъит яв душмнариз, гъит йиз жанабийиз писвал апӀуз кьаст апӀрудариз варидиз Навализсиб ибшри! 27Магьа узу, яв лукӀру, йиз жанабийиз зурба гьюрмат вуди гъабхи пешкеш. Гъит йиз жанабийихъди хъайи адмийири гьаму пешкеш кьабул апӀри. 28Яв лукӀран гьюрматсузвалилан хил алдабгъ! Дугъриданна йиз жанабийин насил РАББИЙИ мюгькам апӀиди, йиз жанабийин вари эскрар – му РАББИЙИН эскрар ву аьхир! Бабкан гъахьихъанмина увуз писвал хас дар. 29Хъа фуж-вуш увʼин алархьури, увухъ хъергри, шли-вуш увуз аьжал абгури гъахьиш, гъит РАББИЙИ, яв Заанури, яв уьмур, гъючӀаккси, уьбхри, хъа яв душмнарин уьмур, чӀвегьентиан гъванси, тина гатӀабхьри. 30Ва РАББИЙИ увуз гаф тувуб вари тамам гъапӀиган, Уву Израилиин гьюкумдарди дерккиган, 31сарира увуз тягьна йивидар, ва йиз жанабийиз тахсир ктру ифи удубзувалиин ва къанунсуз ляхин апӀувалиин швумал хьуб алабхъидар. РАББИЙИ йиз жанабийиз ужувлиинди тувди. Гьадмуган яв лукӀ кӀваин апӀин.
32Давудди Авигаилиз жаваб туву:
– Гъи уву узуз машна-машди гьау РАББИЙИЗ, Израилин Заануриз, шюкюр ибшри! 33Гъит РАББИЙИ увуз яв аьяндарвализ лигну ва узу ифи удубзуз уву гъидритбаз лигну туври. 34Увуз писвал апӀувалихьан узу деркку РАББИЙИИНДИ, Израилин Заануриинди, ху апӀурза: эгер уву йиз улихьна гъюз гьялак гъахьундайиш, акв алабхьайиз Навалин вари хизандиан саркьан жилижви чӀивиди гъузидайи аьхир.
35Давудди дугъу гъабхиб кьабул гъапӀу ва гъапи:
– Ислягьвалиинди хулаз гъарах! Узуз яв хаиш гъеебхьунзуз, ва узу думу тамам апӀидиза.
36Авигаил Навалихьна кьяляхъ гъафи, хъа дугъу хулаъ паччагьдинсиб дем дапӀнайи, шадвал апӀуйи ва бегьемди пиян гъахьнийи. Авигаили дугъаз гвачӀниндиз фукӀа ктибтундайи. 37ГвачӀнинган, Навал ачмиш гъахьиган, хпири дугъаз улгьан йигъан гъабхьибдикан ктибтуру. Навалин юкӀв дийибгъу, думу гъванси гъахьи, 38хъа йицӀуд йигъ улдучӀву – ва РАББИЙИ дугъаз аьжал гьапӀу.
39Навал йикӀуваликан Давуддиз гъеебхьу, ва дугъу гъапи:
– Узуз гиран ктапӀбан Навалин Чан диван гъапӀу РАББИЙИЗ шюкюр ибшри! Узу, Чан лукӀ, Навализ писвал апӀувалихьан дерккну, РАББИЙИ Навалин писвал гьадгъахьна чахьна илтӀибкӀну!
Давудди Авигаил чаз хпирди хъирсуз хъюгъю – думу хпирди гъадагъуз ккуниваликан пуз дугъахьна адмийир гьау. 40Давуддин адмийир Авигаилихьна Кармилиз гъафи, ва дурари гъапи:
– Учу Давудди уву чаз хпирди гъадагъуз гьаъну.
41Жилиин гьачӀарккну, Авигаили гъапи:
– Яв лукӀ увуз гъуллугъ апӀуз ва йиз жанабийин гъаравашарин ликар жикӀуз гьязур ву.
42Думу чкиди гьязур гъахьи ва, даждиин элеъну, хьур гъараваш дишагьлира хъади, Давуддин вакиларин кьяляхъди гъушу. Гьаци Авигаил Давуддин хпир гъахьи.
43Давудди чаз хпирди гьацира Изреелиан вуйи Ахиноам гъадагъну. Дурар кьюридра дугъан хпар вуйи. 44Хъа Михал, Давуддин муганайиздин хпир, Саули, дугъан адашди, Галлимдиан вуйи Лаишдин бай Палтийиз хпирди тувнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023