Паччагьлугъар-1 1
1
Элкана ва дугъан хизан
1Ефраимдин дагълариъ айи Раматаим-Цуфимдиъ Ефраимдин насил айи йишваъ сар кас яшамиш шули гъахьну. Дугъаз Элкана кӀуйи, думу Ерохамдин бай, хъа Ерохам Элигуйин, Элигу Тохуйин, Тоху Цуфдин баяр вуйи. 2Дугъаз кьюр хпир айи: сариз Анна кӀуйи, тмунуриз – Пенинна. Пениннайихъ бицӀидар хъайи, хъа Аннайихъ бицӀидар хътайи.
3Гьарсад йисан Элкана чан шагьриан Шилойиз Заварин Кьувватарин Аьхюриз#1:3 Заварин Кьувватарин Аьхюр: яни Заанур. Заварин Кьувватар – малайикар вая хядар. ибадат ва гъурбнар апӀуз гъягъюйи. Душваъ Заанурин гъуллугъчйирди#1:3 Заанурин гъуллугъчйир: му Заанури гъядягънайи, инсанарин ва Заанурин арайиъ айи ксар ву. Дурари Заануриз гъурбан апӀуру ва Заанурин къанунар тамам апӀувал гюзчиваликк гъибтру. Илийин кьюр бай айи: Хофни ва Пинехас. 4Гъурбан апӀру йигъан Элканайи Пениннайиз ва дугъан баяризна шубариз гъурбан гъапӀубдикан чпиз рубкьру йиккун са-саб парчи тувуйи. 5Аннайиз дугъу кьюбди аьхю парчи йикк тувуйи, гьаз гъапиш дугъаз думу, РАББИЙИ#1:5 РАББИ: Заанури Муса пайгъамбриз Чан ччвур ачмиш гъапӀну. Заанурихьна вуйи гьюрматнаан жугьдари думу ччвур кӀури гъахьундар. Дидин ерина дурари «РАББИ», яни «йиз Аьхюр» кӀури гъахьну. Думу ччвур фици кӀуйиш, дюзди аьгъдар, гьаддиз дидин ерина РАББИ бикӀура. учв бицӀидар хуз даршлур гъапӀнушра, артухъди ккундийи. 6Кьямшли думу, дугъʼина РАББИЙИ гьапӀнайи бицӀидар хуз даршлувал рихшанд апӀури, сикинди гъитурдайи. 7Гьаци йисʼан йисаз текрар шулайи: Анна РАББИЙИН Хулаз гъафибси, гьар ражну Пениннайи думу рихшанд апӀуйи. Магьа саб ражну Анна ишуради ва фукӀа дирипӀради гъахьну.
8Ва дугъан жилири, Элканайи, гъапну:
– Анна, гьаз ишурава? Гьаз ипӀурадарва? Фти яв кӀваз хажалат тувну? Узу увуз йицӀур яв байтӀан ужуйи вуза аьхир!
Анна ва Заанурин гъуллугъчи Илий
9-10Гъурбан апӀбан дем#1:9-10 Дем: ипӀруб-убхъруб гьивувал. ккудубкӀиган, Анна, яманди ишури, РАББИЙИЗ ккарагуз хъюгъю (думу вахтна Заанурин гъуллугъчи Илий РАББИЙИН Хулаъ учӀврушвахь деънайи). 11Ва Аннайи гьамциб ху гъапӀнийи:
– Заварин Кьувватарин Аьхюр! Яв лукӀ асккан апӀувал Увуз гъябкъиш, эгер Увуз узу кӀваин гъахьиш ва узу гьадрархиш, эгер Яв лукӀраз Уву бицӀир тувиш, узу думу бицӀир РАББИЙИЗ бахш апӀидиза. Чан вари уьмриъ думу яв вуйир хьиди, ва дугъу чан куш алдапӀидар#1:11 Куш алдапӀидар: куш алдадапӀуб РАББИЙИЗ гаф тувбан лишан вуйи..
12Думу РАББИЙИЗ ккарагури гизаф вахт гъабхьнийи, хъа Илийи гьадму вахтна дугъахъ ул хъипнайи. 13Аннайи, сессузди кӀвантӀар ришвури, чав чакди гафар апӀурайи, хъа Илийи думу пиян духьна кӀуру фикир гъапӀнийи.
14– Пиянди мушвахь кьаназ дийигъну гъуздива? – гъапи дугъаз Илийи. – Сарун мубхъан!
15– Ваъ, йиз жанаби, – жаваб туву Аннайи, – узу я чяхир, я ички гъубхъундарза. Узу дерин дерднакк кказа, гьаддиз РАББИЙИН улихь йиз рюгь ачухъ апӀурайза. 16Узкан, яв лукӀракан, чӀуру фикир мапӀан. Пашманвали ва гиранвали уьлдюгъюри ацӀназу, гьаддиз узу гьаци гъапнийза.
17Илийи жаваб туву:
– Ислягьвалиинди гъарах! Израилин Заанури уву Чакан ккун апӀурайиб тувдивуз.
18– Узухьна рягьимлу йихь, – гъапи Аннайи.
Думу чан йишвахьна гъушу, дугъу уьл гъипӀу ва дидхъантина пашманвал гъизигдар.
19ГвачӀнин ухди дурари РАББИЙИЗ ибадат гъапӀу, ва дурар чпин хулаз, Рамайиз#1:19 Рама: дидиз Раматаим-Цуфим шагьурра кӀури гъахьну (лиг 1:1)., гъушу. Элкана чан хпир Аннайиз багахь шулу. РАББИЙИЗ Анна кӀваин гъахьну – 20Анна гъагъдиъ шулу, дугъаз бай гъахьну.
– Узу му РАББИЙИКАН ккун гъапӀунза, – дупну, дугъу балʼин Шамуил ччвур иливу.
Шамуил Раббийиз бахш апӀувал
21Аннайин жилир Элкана вари хизан хъади РАББИЙИЗ йискьубан гъурбан апӀуз ва гаф тувбан гъурбан апӀуз гъушу, 22хъа Анна гъушундайи.
– БицӀир никкдихъан хътатӀуз вахт улубкьиган, узу чав думу хъади гъягъидиза, – гъапи дугъу жилириз. – Думу РАББИЙИН улихь дийигъиди ва гьадушваъ гьаргандиз гъузди.
23Элканайи дугъаз гъапи:
– Уву дюз гьисаб апӀрубси апӀин. Думу никкдихъ хъмидикьан гагьди, хулаъ гъуз. Анжагъ РАББИЙИ Чав туву гаф тамам апӀри!
Думу хулаъ гъузнийи, ва дугъу, никкдихъан хътатӀру вахт хьайизкьан, бализ никк тувнийи. 24Хъасин Анна, чахьди шубуд йисаъ айи жерд, саб эфа#1:24 Эфа: тахминан 22 литр, яни тахминан 10 килограмм. хю ва саб эрж чяхир гъадагъну, чан балихъди Шилойиз гъушнийи. Думу чан балихъди, гьеле думу бицӀир вушра, РАББИЙИН Хулаъ учӀвнийи.
25Дурари жерд гъурбан гъапӀнийи. Бай Илийин багахьна хъади гъушнийи.
26– Узуз гаф пуз ихтияр тув, йиз жанаби, – ккебгъу Аннайи. – Яв уьмриинди ху апӀурза, йиз жанаби, узу, гьамушвахь дийигъну, яв уларикк РАББИЙИЗ ккарагу гьадму дишагьли вуза. 27Хъа магьа узу ккун гъапӀу велед. Узу Чакан ккун гъапӀганси, РАББИЙИ думу узуз тувну. 28Ва магьа узу, йиз нубат гъабхьиган, думу РАББИЙИЗ тувраза: Дугъаз думу уьмурлугъди тувна.
Илийи РАББИЙИЗ ибадат гъапӀу.
Currently Selected:
Паччагьлугъар-1 1: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-1 1
1
Элкана ва дугъан хизан
1Ефраимдин дагълариъ айи Раматаим-Цуфимдиъ Ефраимдин насил айи йишваъ сар кас яшамиш шули гъахьну. Дугъаз Элкана кӀуйи, думу Ерохамдин бай, хъа Ерохам Элигуйин, Элигу Тохуйин, Тоху Цуфдин баяр вуйи. 2Дугъаз кьюр хпир айи: сариз Анна кӀуйи, тмунуриз – Пенинна. Пениннайихъ бицӀидар хъайи, хъа Аннайихъ бицӀидар хътайи.
3Гьарсад йисан Элкана чан шагьриан Шилойиз Заварин Кьувватарин Аьхюриз#1:3 Заварин Кьувватарин Аьхюр: яни Заанур. Заварин Кьувватар – малайикар вая хядар. ибадат ва гъурбнар апӀуз гъягъюйи. Душваъ Заанурин гъуллугъчйирди#1:3 Заанурин гъуллугъчйир: му Заанури гъядягънайи, инсанарин ва Заанурин арайиъ айи ксар ву. Дурари Заануриз гъурбан апӀуру ва Заанурин къанунар тамам апӀувал гюзчиваликк гъибтру. Илийин кьюр бай айи: Хофни ва Пинехас. 4Гъурбан апӀру йигъан Элканайи Пениннайиз ва дугъан баяризна шубариз гъурбан гъапӀубдикан чпиз рубкьру йиккун са-саб парчи тувуйи. 5Аннайиз дугъу кьюбди аьхю парчи йикк тувуйи, гьаз гъапиш дугъаз думу, РАББИЙИ#1:5 РАББИ: Заанури Муса пайгъамбриз Чан ччвур ачмиш гъапӀну. Заанурихьна вуйи гьюрматнаан жугьдари думу ччвур кӀури гъахьундар. Дидин ерина дурари «РАББИ», яни «йиз Аьхюр» кӀури гъахьну. Думу ччвур фици кӀуйиш, дюзди аьгъдар, гьаддиз дидин ерина РАББИ бикӀура. учв бицӀидар хуз даршлур гъапӀнушра, артухъди ккундийи. 6Кьямшли думу, дугъʼина РАББИЙИ гьапӀнайи бицӀидар хуз даршлувал рихшанд апӀури, сикинди гъитурдайи. 7Гьаци йисʼан йисаз текрар шулайи: Анна РАББИЙИН Хулаз гъафибси, гьар ражну Пениннайи думу рихшанд апӀуйи. Магьа саб ражну Анна ишуради ва фукӀа дирипӀради гъахьну.
8Ва дугъан жилири, Элканайи, гъапну:
– Анна, гьаз ишурава? Гьаз ипӀурадарва? Фти яв кӀваз хажалат тувну? Узу увуз йицӀур яв байтӀан ужуйи вуза аьхир!
Анна ва Заанурин гъуллугъчи Илий
9-10Гъурбан апӀбан дем#1:9-10 Дем: ипӀруб-убхъруб гьивувал. ккудубкӀиган, Анна, яманди ишури, РАББИЙИЗ ккарагуз хъюгъю (думу вахтна Заанурин гъуллугъчи Илий РАББИЙИН Хулаъ учӀврушвахь деънайи). 11Ва Аннайи гьамциб ху гъапӀнийи:
– Заварин Кьувватарин Аьхюр! Яв лукӀ асккан апӀувал Увуз гъябкъиш, эгер Увуз узу кӀваин гъахьиш ва узу гьадрархиш, эгер Яв лукӀраз Уву бицӀир тувиш, узу думу бицӀир РАББИЙИЗ бахш апӀидиза. Чан вари уьмриъ думу яв вуйир хьиди, ва дугъу чан куш алдапӀидар#1:11 Куш алдапӀидар: куш алдадапӀуб РАББИЙИЗ гаф тувбан лишан вуйи..
12Думу РАББИЙИЗ ккарагури гизаф вахт гъабхьнийи, хъа Илийи гьадму вахтна дугъахъ ул хъипнайи. 13Аннайи, сессузди кӀвантӀар ришвури, чав чакди гафар апӀурайи, хъа Илийи думу пиян духьна кӀуру фикир гъапӀнийи.
14– Пиянди мушвахь кьаназ дийигъну гъуздива? – гъапи дугъаз Илийи. – Сарун мубхъан!
15– Ваъ, йиз жанаби, – жаваб туву Аннайи, – узу я чяхир, я ички гъубхъундарза. Узу дерин дерднакк кказа, гьаддиз РАББИЙИН улихь йиз рюгь ачухъ апӀурайза. 16Узкан, яв лукӀракан, чӀуру фикир мапӀан. Пашманвали ва гиранвали уьлдюгъюри ацӀназу, гьаддиз узу гьаци гъапнийза.
17Илийи жаваб туву:
– Ислягьвалиинди гъарах! Израилин Заанури уву Чакан ккун апӀурайиб тувдивуз.
18– Узухьна рягьимлу йихь, – гъапи Аннайи.
Думу чан йишвахьна гъушу, дугъу уьл гъипӀу ва дидхъантина пашманвал гъизигдар.
19ГвачӀнин ухди дурари РАББИЙИЗ ибадат гъапӀу, ва дурар чпин хулаз, Рамайиз#1:19 Рама: дидиз Раматаим-Цуфим шагьурра кӀури гъахьну (лиг 1:1)., гъушу. Элкана чан хпир Аннайиз багахь шулу. РАББИЙИЗ Анна кӀваин гъахьну – 20Анна гъагъдиъ шулу, дугъаз бай гъахьну.
– Узу му РАББИЙИКАН ккун гъапӀунза, – дупну, дугъу балʼин Шамуил ччвур иливу.
Шамуил Раббийиз бахш апӀувал
21Аннайин жилир Элкана вари хизан хъади РАББИЙИЗ йискьубан гъурбан апӀуз ва гаф тувбан гъурбан апӀуз гъушу, 22хъа Анна гъушундайи.
– БицӀир никкдихъан хътатӀуз вахт улубкьиган, узу чав думу хъади гъягъидиза, – гъапи дугъу жилириз. – Думу РАББИЙИН улихь дийигъиди ва гьадушваъ гьаргандиз гъузди.
23Элканайи дугъаз гъапи:
– Уву дюз гьисаб апӀрубси апӀин. Думу никкдихъ хъмидикьан гагьди, хулаъ гъуз. Анжагъ РАББИЙИ Чав туву гаф тамам апӀри!
Думу хулаъ гъузнийи, ва дугъу, никкдихъан хътатӀру вахт хьайизкьан, бализ никк тувнийи. 24Хъасин Анна, чахьди шубуд йисаъ айи жерд, саб эфа#1:24 Эфа: тахминан 22 литр, яни тахминан 10 килограмм. хю ва саб эрж чяхир гъадагъну, чан балихъди Шилойиз гъушнийи. Думу чан балихъди, гьеле думу бицӀир вушра, РАББИЙИН Хулаъ учӀвнийи.
25Дурари жерд гъурбан гъапӀнийи. Бай Илийин багахьна хъади гъушнийи.
26– Узуз гаф пуз ихтияр тув, йиз жанаби, – ккебгъу Аннайи. – Яв уьмриинди ху апӀурза, йиз жанаби, узу, гьамушвахь дийигъну, яв уларикк РАББИЙИЗ ккарагу гьадму дишагьли вуза. 27Хъа магьа узу ккун гъапӀу велед. Узу Чакан ккун гъапӀганси, РАББИЙИ думу узуз тувну. 28Ва магьа узу, йиз нубат гъабхьиган, думу РАББИЙИЗ тувраза: Дугъаз думу уьмурлугъди тувна.
Илийи РАББИЙИЗ ибадат гъапӀу.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023