Паччагьлугъар-3 14
14
Яравамдин бай кечмиш хьуб
1Гьадму вахтна Яравамдин бай Авия кетӀерццнийи. 2Яравамди хпириз гъапнийи:
– Гъарах, уву Яравамдин хпир вуйивал аьгъю даршлуганси, палтар гьюдюх. Хъасин Шилойиз гъарах. Душваъ узу гьаму халкьдин паччагь хьиди гъапи пайгъамбар Ахия а. 3Увухьди йицӀуб уьл, саб-швнуб лаваш, бети йиччв гъадагъ ва дугъахьна гъарах. Балкан фу шулуш, дугъу увуз пиди.
4Яравамдин хпири дугъу гъапиганси гъапӀнийи ва Шилойиъ айи Ахияйин хулаз гъушнийи. Ахияйиз сарун рябкъюри имдайи, дугъан улар кьабивалиан кур духьнайи. 5Амма РАББИЙИ Ахияйиз гъапнийи:
– Яравамдин хпир, чан балкан увхьан гьерхбан бадали, гъюра, гьаз гъапиш дугъан бай кетӀерццна. Дугъаз гьамци-гьамци жаваб тув. Гъафиган, дугъу учв жара дишагьлиси улупиди.
6Ахияйиз раккнарихъ Яравамдин хпирин ликарин сесер гъеерхьиган, дугъу гъапнийи:
– Гъач, Яравамдин хпир. Уву гьаз жарарси улупурва? Узук увуз харжи хабрар казук. 7Гъарах, Яравамдиз йип, гьамци кӀура РАББИЙИ, Израилин Заанури: «Узу уву халкьдин зиин за ва увкан Йиз халкьдин, Израилин, регьбер гъапӀунза. 8Узу Давуддин тухумдихьан паччагьлугъ тадабгъунза ва думу увухьна тувунза. Хъа уву Йиз амрар тамам апӀру ва, Йиз улариъ дюзиб вуйибтӀан дарапӀру, кӀваантӀан Узухъди гъюру Йиз лукӀ Давуддиз барабар гъахьундарва. 9Уву, уву хьайиз яшамиш гъахьидари варидаритӀан, гизаф писвал гъапӀунва. Уву, Узук хъял капӀну, увуз гъизиликан урзу бутар гъапӀунва, хъа Узу кьяляхъ гатӀахьунва. 10Гьаддиз гюре Узу Яравамдин тухумдиин бала алапӀурза. Узу Яравамдин Израилиъ айи жилижвувар сарра имдарди – лукӀра, азад вуйирра – терг апӀидиза. Узу Яравамдин тухум, пейин убгруганси, рюкъ хьайизкьан убгидиза. 11Яравамдин инсанарикан шагьриъ гъийихдар хуйири итӀиди, хъа чюлиъ гъийихдар жакьвари удудиди». Гьамци гъапну РАББИЙИ.
12Хъа уву хулаз гьяляхъ гъарах. Уву шагьриъ лик ивубси, бай кечмиш хьиди. 13Вари Израил дугъахъ ибшиди ва накьвдик кивиди. Яравамдин инсанарикан накьвдик кивур гьадму сар хьиди, гьаз гъапиш РАББИЙИЗ, Израилин Заануриз чак фу-вуш ужуб гъябкъюр Яравамдин тухумдиъ гьадму сар ву.
14РАББИЙИ Чаз Израилиин Яравамдин тухум гъи, гьятта гьамусяаьт, тӀанкь апӀру паччагь дерккиди. 15РАББИЙИ Израилиз йивиди, ва думу штуъ тӀубчӀвурайи чӀеъси хьибди. Дугъу Израилин агьалйир Дугъу чав дурарин абйириз туву жумарт жилилан алдаиди ва Евфрат нирин тму терефнаъ рагъиди, гьаз гъапиш дурари, Ашерайиз мурхьлар#14:15 Ашерайиз мурхьлар: Ашера Ханаандин бегьерлуварин бут вуйи. Думу мурхьулси улупуйи. апӀури, РАББИЙИК хъял капӀну. 16Яравамди гъапӀу гунгьариз ва дугъу хъаъбиинди израилари гъапӀу гунгьариз лигну, РАББИЙИ Израил жарарин хлиз тувиди.
17Яравамдин хпир гъудужвнийи ва Тирцайиз гъушнийи. Думу чпин хулан гурзлилан улдучӀвубси, дугъан бай кечмиш гъахьнийи. 18РАББИЙИ Чан гъараваш, пайгъамбар Ахияйилантина гъапиганси, думу накьвдик кивнийи ва вари Израил дугъахъ ибшуйи.
Яравамдин аьжал
19Яравамди паччагьвал гъапӀу вахтнан жара гьядисйир, дугъан дявйир ва дугъу фици паччагьвал гъапӀнуш, «Израилин паччгьарин тарихарин китабдиъ» дибикӀна. 20Дугъу къанна кьюд йисан паччагьвал гъапӀну, ва чан архйирихъди архаин гъахьну. Дугъан ерина паччагь дугъан бай Надав гъахьнийи.
Рехувуам – Ягьудайин паччагь
21Сулеймандин бай Рехувуам Ягьудайин паччагь вуйи. Думу паччагь шлуган, дугъан ягъчӀвурна сад йис вуйи. РАББИЙИ Израилин вари тухмарин йишварикан душваъ Чан ччвур хьпан бадали ктабгъу Ерусалимдиъ дугъу йицӀиургуд йисан паччагьвал гъапӀну. Дугъан дадайиз Наама кӀуйи, думу аммуншив вуйи.
22Ягьудайин агьалйири РАББИЙИН уларикк писвал апӀуйи. Чпин гунгьариинди дурари Дугъан хъял чпин вари абйиритӀан гужалди гъизмиш гъапӀнийи. 23Дурарира чпин уьлкейиъ тепйириин гирамишвар, гьарсаб ягъли тепейиин ва гьарсаб аьхю сирин тувру гьарикк гирами гъванар ва Ашерайиз мурхьлар дивнийи. 24Уьлкейиъ гьятта кьяппа-жилижвуварра#14:24 Кьяппа-жилижвуварра Жилижвувари кьяппавал апӀуб бегьерлувалин бутариз гъуллугъ апӀбан аьдатарикан саб вуйи. кмиди айи. РАББИЙИ израиларихьан гьутӀуркку халкьарихъан Ягьудайин агьалйири дурарин вари хяви аьдатар гъудургънийи.
25Рехувуам паччагьдин паччагьвалин хьудпи йисан Египетдин паччагь Шишак Ерусалимдиин алархьнийи. 26Дугъу РАББИЙИН Хулан хазнйир ва паччагьдин гъалайин хазнйир гъурхнийи. Дугъу вари гъубхнийи, гьадму гьисабнаан Сулейманди гъапӀу вари гъизилин гъалхнарра. 27Рехувуам паччагьди дурарин ерина кемшрин гъалхнар гъапӀнийи ва паччагьдин гъалайин улихь гъуллугъ гъабхурайи гъаравларин аьхюдарихьна дурар табшурмиш гъапӀнийи. 28Гьарсаб ражну, паччагь РАББИЙИН Хулаз гъягъруган, гъаравлари дурар хуйи, хъасин гъаравларин хулаз кьяляхъ гъахуйи.
29Рехувуамдин паччагьлугъвалин вахтнан жара гьядисйирикан ва дугъу гъапӀу вари ляхнарикан «Ягьудайин паччгьарин тарихдин китабдиъ» дибикӀна. 30Рехувуамдин ва Яравамдин арайиъ гьарган дяви ади гъабхьну. 31Рехувуам чан архйирихъди фаракьат гъахьнийи ва дурарихъди сатӀиди Давуддин Шагьриъ накьвдик кивнийи. Дугъан дадайиз Наама кӀуйи, думу аммуншив вуйи. Рехувуамдин бай Авиям дугъан ерина паччагь гъахьнийи.
Currently Selected:
Паччагьлугъар-3 14: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-3 14
14
Яравамдин бай кечмиш хьуб
1Гьадму вахтна Яравамдин бай Авия кетӀерццнийи. 2Яравамди хпириз гъапнийи:
– Гъарах, уву Яравамдин хпир вуйивал аьгъю даршлуганси, палтар гьюдюх. Хъасин Шилойиз гъарах. Душваъ узу гьаму халкьдин паччагь хьиди гъапи пайгъамбар Ахия а. 3Увухьди йицӀуб уьл, саб-швнуб лаваш, бети йиччв гъадагъ ва дугъахьна гъарах. Балкан фу шулуш, дугъу увуз пиди.
4Яравамдин хпири дугъу гъапиганси гъапӀнийи ва Шилойиъ айи Ахияйин хулаз гъушнийи. Ахияйиз сарун рябкъюри имдайи, дугъан улар кьабивалиан кур духьнайи. 5Амма РАББИЙИ Ахияйиз гъапнийи:
– Яравамдин хпир, чан балкан увхьан гьерхбан бадали, гъюра, гьаз гъапиш дугъан бай кетӀерццна. Дугъаз гьамци-гьамци жаваб тув. Гъафиган, дугъу учв жара дишагьлиси улупиди.
6Ахияйиз раккнарихъ Яравамдин хпирин ликарин сесер гъеерхьиган, дугъу гъапнийи:
– Гъач, Яравамдин хпир. Уву гьаз жарарси улупурва? Узук увуз харжи хабрар казук. 7Гъарах, Яравамдиз йип, гьамци кӀура РАББИЙИ, Израилин Заанури: «Узу уву халкьдин зиин за ва увкан Йиз халкьдин, Израилин, регьбер гъапӀунза. 8Узу Давуддин тухумдихьан паччагьлугъ тадабгъунза ва думу увухьна тувунза. Хъа уву Йиз амрар тамам апӀру ва, Йиз улариъ дюзиб вуйибтӀан дарапӀру, кӀваантӀан Узухъди гъюру Йиз лукӀ Давуддиз барабар гъахьундарва. 9Уву, уву хьайиз яшамиш гъахьидари варидаритӀан, гизаф писвал гъапӀунва. Уву, Узук хъял капӀну, увуз гъизиликан урзу бутар гъапӀунва, хъа Узу кьяляхъ гатӀахьунва. 10Гьаддиз гюре Узу Яравамдин тухумдиин бала алапӀурза. Узу Яравамдин Израилиъ айи жилижвувар сарра имдарди – лукӀра, азад вуйирра – терг апӀидиза. Узу Яравамдин тухум, пейин убгруганси, рюкъ хьайизкьан убгидиза. 11Яравамдин инсанарикан шагьриъ гъийихдар хуйири итӀиди, хъа чюлиъ гъийихдар жакьвари удудиди». Гьамци гъапну РАББИЙИ.
12Хъа уву хулаз гьяляхъ гъарах. Уву шагьриъ лик ивубси, бай кечмиш хьиди. 13Вари Израил дугъахъ ибшиди ва накьвдик кивиди. Яравамдин инсанарикан накьвдик кивур гьадму сар хьиди, гьаз гъапиш РАББИЙИЗ, Израилин Заануриз чак фу-вуш ужуб гъябкъюр Яравамдин тухумдиъ гьадму сар ву.
14РАББИЙИ Чаз Израилиин Яравамдин тухум гъи, гьятта гьамусяаьт, тӀанкь апӀру паччагь дерккиди. 15РАББИЙИ Израилиз йивиди, ва думу штуъ тӀубчӀвурайи чӀеъси хьибди. Дугъу Израилин агьалйир Дугъу чав дурарин абйириз туву жумарт жилилан алдаиди ва Евфрат нирин тму терефнаъ рагъиди, гьаз гъапиш дурари, Ашерайиз мурхьлар#14:15 Ашерайиз мурхьлар: Ашера Ханаандин бегьерлуварин бут вуйи. Думу мурхьулси улупуйи. апӀури, РАББИЙИК хъял капӀну. 16Яравамди гъапӀу гунгьариз ва дугъу хъаъбиинди израилари гъапӀу гунгьариз лигну, РАББИЙИ Израил жарарин хлиз тувиди.
17Яравамдин хпир гъудужвнийи ва Тирцайиз гъушнийи. Думу чпин хулан гурзлилан улдучӀвубси, дугъан бай кечмиш гъахьнийи. 18РАББИЙИ Чан гъараваш, пайгъамбар Ахияйилантина гъапиганси, думу накьвдик кивнийи ва вари Израил дугъахъ ибшуйи.
Яравамдин аьжал
19Яравамди паччагьвал гъапӀу вахтнан жара гьядисйир, дугъан дявйир ва дугъу фици паччагьвал гъапӀнуш, «Израилин паччгьарин тарихарин китабдиъ» дибикӀна. 20Дугъу къанна кьюд йисан паччагьвал гъапӀну, ва чан архйирихъди архаин гъахьну. Дугъан ерина паччагь дугъан бай Надав гъахьнийи.
Рехувуам – Ягьудайин паччагь
21Сулеймандин бай Рехувуам Ягьудайин паччагь вуйи. Думу паччагь шлуган, дугъан ягъчӀвурна сад йис вуйи. РАББИЙИ Израилин вари тухмарин йишварикан душваъ Чан ччвур хьпан бадали ктабгъу Ерусалимдиъ дугъу йицӀиургуд йисан паччагьвал гъапӀну. Дугъан дадайиз Наама кӀуйи, думу аммуншив вуйи.
22Ягьудайин агьалйири РАББИЙИН уларикк писвал апӀуйи. Чпин гунгьариинди дурари Дугъан хъял чпин вари абйиритӀан гужалди гъизмиш гъапӀнийи. 23Дурарира чпин уьлкейиъ тепйириин гирамишвар, гьарсаб ягъли тепейиин ва гьарсаб аьхю сирин тувру гьарикк гирами гъванар ва Ашерайиз мурхьлар дивнийи. 24Уьлкейиъ гьятта кьяппа-жилижвуварра#14:24 Кьяппа-жилижвуварра Жилижвувари кьяппавал апӀуб бегьерлувалин бутариз гъуллугъ апӀбан аьдатарикан саб вуйи. кмиди айи. РАББИЙИ израиларихьан гьутӀуркку халкьарихъан Ягьудайин агьалйири дурарин вари хяви аьдатар гъудургънийи.
25Рехувуам паччагьдин паччагьвалин хьудпи йисан Египетдин паччагь Шишак Ерусалимдиин алархьнийи. 26Дугъу РАББИЙИН Хулан хазнйир ва паччагьдин гъалайин хазнйир гъурхнийи. Дугъу вари гъубхнийи, гьадму гьисабнаан Сулейманди гъапӀу вари гъизилин гъалхнарра. 27Рехувуам паччагьди дурарин ерина кемшрин гъалхнар гъапӀнийи ва паччагьдин гъалайин улихь гъуллугъ гъабхурайи гъаравларин аьхюдарихьна дурар табшурмиш гъапӀнийи. 28Гьарсаб ражну, паччагь РАББИЙИН Хулаз гъягъруган, гъаравлари дурар хуйи, хъасин гъаравларин хулаз кьяляхъ гъахуйи.
29Рехувуамдин паччагьлугъвалин вахтнан жара гьядисйирикан ва дугъу гъапӀу вари ляхнарикан «Ягьудайин паччгьарин тарихдин китабдиъ» дибикӀна. 30Рехувуамдин ва Яравамдин арайиъ гьарган дяви ади гъабхьну. 31Рехувуам чан архйирихъди фаракьат гъахьнийи ва дурарихъди сатӀиди Давуддин Шагьриъ накьвдик кивнийи. Дугъан дадайиз Наама кӀуйи, думу аммуншив вуйи. Рехувуамдин бай Авиям дугъан ерина паччагь гъахьнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023