Югьандин-1 5
5
Варибдин аьхюр – Аллагьдин Бай ву
1Иса – Аллагьдин Месигь вуйивалихъ хъугънайидарикан Аллагьдин веледар ктучӀвура. Адаш ккунириз, Гьадгъулантина гъахьирра ккунду. 2Ухьуз Аллагьдин веледар ккунивал магьа гьамци аьгъю апӀуз шулу: Аллагь ккун дапӀну, Гьадгъан табшуругъар тамам апӀруриз Дугъан веледарра ккун шулу. 3Аллагьдихьна вуйи ихь масанвал Дугъан табшуругъар тамам апӀбиинди улупурайиб вуйиштӀан. Хъа Дугъан табшуругъар тамам апӀуб думукьан читин ляхин дар. 4Гьаз гъапиш, Аллагьдихьан вуйи гьарсар му дюнʼяйиин гъалиб хьиди. Хъа дюнʼяйиин гъалиб гъабхьи кьувват ихь хъугъувал ву. 5Дюнʼяйин зиин гъалиб фуж шулу? Иса Аллагьдин Бай вуйивалихъ хъугърур.
6Ари Гьаму ву штииндина ифдиинди гъафи Иса Месигь. Думу, штииндиси, жарасира, ифдииндира гъафну. Мидин шагьид Рюгь ву, фицики Рюгь – гьякь ву. 7Гьаз гъапиш, дидин шубур шагьид а: 8Рюгь, шид ва ифи – гьамрари варидари саб кӀура. 9Ухьу адмийирин шагьидвал кьабул апӀури шулхьа, хъа Аллагьдин шагьидвал хъана зиина ву, гьаз гъапиш му шагьидвал Аллагьди Чан Балкан кӀурайи шагьидвал ву. 10Аллагьдин Балихъ хъугърайири му шагьидвал чан кӀваъ дибисна. Хъа Аллагьдихъ хътругърайири Аллагь кучӀляхиз илтӀикӀура, гьаз гъапиш, Чан Балкан вуйи Аллагьдин шагьидвалихъ дурар хъугърадар. 11Магьа думу шагьидвал: Аллагьди ухьуз гьаргандин уьмур тувну, ва думу уьмур – Дугъан Балиъ а. 12Шлиз Бай аш, дугъаз гьадму уьмурра а. Хъа шлиз Аллагьдин Бай адарш, дугъаз гьадму уьмурра адар.
Ухьуз гьаргандин уьмур багъиш дапӀна
13Гьаму варибдикан узу учвуз, Аллагьдин Балихъ хъугънайидар, учву вари, гьаргандин уьмрин эйсйир вуйибдикан аьгъю хьпан бадали, бикӀуразачвуз. 14Аллагьдикан, гучӀ ктарди, тӀалаб апӀуз шулухьхьан: эгер ухьу, Гьадгъан ниятнахьди гъюруб, фу вушра, Дугъкан тӀалаб гъапӀиш, Дугъаз ебхьуру. 15Эгер ухьуз, ухьу фу ккун гъапӀишра, Дугъаз ебхьруб аьгъяш, ухьуз гьацира, ухьу ккун гъапӀуб вари туврубра, аьгъяхьуз.
16Эгер шлиз чан гъардши йикӀрувалихьна дару гунагь апӀури гъяркъиш, гьадгъухъанди думу ккарагри, ва дугъаз уьмур тувди. Узу аьжалихъна дархру гунгьариъ ахъурикан кӀураза. Аьжалихъна гъахру гунагьра а, ва узу учвуз гьацдар гунгьарихъанди ккарагай кӀурадарза. 17Гьарсаб чӀуру ляхин – гунагь ву, хъа аьжалихъна дархру гунагьра а.
18Ухьуз аьгъяхьуз, Аллагьдин велед гъахьир гунгьарихьан ярхла шула. Думу Аллагьдин Бали уьрхюра ва иблисдихьан дугъак кучуз шулдар. 19Гьеле вари дюнʼя иблисдин гьюкмикк ккашра, ухьу Аллагьдиндар вуйиб аьгъяхьуз. 20Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву. 21Йиз веледар, идоларихьан ярхла йихьай.
Currently Selected:
Югьандин-1 5: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Югьандин-1 5
5
Варибдин аьхюр – Аллагьдин Бай ву
1Иса – Аллагьдин Месигь вуйивалихъ хъугънайидарикан Аллагьдин веледар ктучӀвура. Адаш ккунириз, Гьадгъулантина гъахьирра ккунду. 2Ухьуз Аллагьдин веледар ккунивал магьа гьамци аьгъю апӀуз шулу: Аллагь ккун дапӀну, Гьадгъан табшуругъар тамам апӀруриз Дугъан веледарра ккун шулу. 3Аллагьдихьна вуйи ихь масанвал Дугъан табшуругъар тамам апӀбиинди улупурайиб вуйиштӀан. Хъа Дугъан табшуругъар тамам апӀуб думукьан читин ляхин дар. 4Гьаз гъапиш, Аллагьдихьан вуйи гьарсар му дюнʼяйиин гъалиб хьиди. Хъа дюнʼяйиин гъалиб гъабхьи кьувват ихь хъугъувал ву. 5Дюнʼяйин зиин гъалиб фуж шулу? Иса Аллагьдин Бай вуйивалихъ хъугърур.
6Ари Гьаму ву штииндина ифдиинди гъафи Иса Месигь. Думу, штииндиси, жарасира, ифдииндира гъафну. Мидин шагьид Рюгь ву, фицики Рюгь – гьякь ву. 7Гьаз гъапиш, дидин шубур шагьид а: 8Рюгь, шид ва ифи – гьамрари варидари саб кӀура. 9Ухьу адмийирин шагьидвал кьабул апӀури шулхьа, хъа Аллагьдин шагьидвал хъана зиина ву, гьаз гъапиш му шагьидвал Аллагьди Чан Балкан кӀурайи шагьидвал ву. 10Аллагьдин Балихъ хъугърайири му шагьидвал чан кӀваъ дибисна. Хъа Аллагьдихъ хътругърайири Аллагь кучӀляхиз илтӀикӀура, гьаз гъапиш, Чан Балкан вуйи Аллагьдин шагьидвалихъ дурар хъугърадар. 11Магьа думу шагьидвал: Аллагьди ухьуз гьаргандин уьмур тувну, ва думу уьмур – Дугъан Балиъ а. 12Шлиз Бай аш, дугъаз гьадму уьмурра а. Хъа шлиз Аллагьдин Бай адарш, дугъаз гьадму уьмурра адар.
Ухьуз гьаргандин уьмур багъиш дапӀна
13Гьаму варибдикан узу учвуз, Аллагьдин Балихъ хъугънайидар, учву вари, гьаргандин уьмрин эйсйир вуйибдикан аьгъю хьпан бадали, бикӀуразачвуз. 14Аллагьдикан, гучӀ ктарди, тӀалаб апӀуз шулухьхьан: эгер ухьу, Гьадгъан ниятнахьди гъюруб, фу вушра, Дугъкан тӀалаб гъапӀиш, Дугъаз ебхьуру. 15Эгер ухьуз, ухьу фу ккун гъапӀишра, Дугъаз ебхьруб аьгъяш, ухьуз гьацира, ухьу ккун гъапӀуб вари туврубра, аьгъяхьуз.
16Эгер шлиз чан гъардши йикӀрувалихьна дару гунагь апӀури гъяркъиш, гьадгъухъанди думу ккарагри, ва дугъаз уьмур тувди. Узу аьжалихъна дархру гунгьариъ ахъурикан кӀураза. Аьжалихъна гъахру гунагьра а, ва узу учвуз гьацдар гунгьарихъанди ккарагай кӀурадарза. 17Гьарсаб чӀуру ляхин – гунагь ву, хъа аьжалихъна дархру гунагьра а.
18Ухьуз аьгъяхьуз, Аллагьдин велед гъахьир гунгьарихьан ярхла шула. Думу Аллагьдин Бали уьрхюра ва иблисдихьан дугъак кучуз шулдар. 19Гьеле вари дюнʼя иблисдин гьюкмикк ккашра, ухьу Аллагьдиндар вуйиб аьгъяхьуз. 20Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву. 21Йиз веледар, идоларихьан ярхла йихьай.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023