Коринф-1 12
12
Гирами Рюгьнан багъишар
1Рюгьнан багъишарикан улхури гъашиш, гъардшар, учву дидин дишди гъавриъ ади ккундузуз. 2Ичв аллагьсуз вахтари, жинари учву фици ил алдру идоларихьна гужназ хъчӀюхюйиш, кӀваин илмиячв. 3Гьаддиз гъавриъ йихьай: Аллагьдин Рюгьну хъау адмийи Исайиз люкьнар дарапӀур, я гьич сарира, эгер Гирами Рюгьну хъадраиш: «Иса – Агъа ву», пидар.
4Гьар жюре багъишар а, хъа дурар вари гьадму сар Рюгьну туврайидар ву. 5Гьар жюре гъуллугъ апӀувалар а, хъа ухьу варди гьадму сар Агъайиз гъуллугъ апӀурахьа. 6Гьар жюре ляхнар а, хъа вари ляхнар ухьуъ варидиъ артмиш апӀурайир гьадму сар Аллагь ву.
7Гьарсар адмийиъ Гирами Рюгь, вардиз кайи ужʼвал бадали, ачмиш шула. 8Сар адмийиз Рюгьну фагьумлувал айи гаф тувра; тмунуриз гьадму Рюгьну аьгъювалар айи гаф тувра; 9шлиз-вуш гьадму Рюгьну хъугъвал тувра; шлиз-вуш гьадму Рюгьну уьзрар сагъ апӀувал тувра. 10Сарсануриз – аьламатар улупру кьувват; гьатмунуриз – пайгъамбарвалин гаф; шубурпириз – рюгьяр жара апӀуз шлувал; гьатмунуриз – гьар жюре чӀалар, гьаккмунуриз – гьадму чӀалариинди гъапибдин гъавриъ ауз шлувал. 11Мурар вари – гьадму сар Рюгьнан ляхнар ву. Гьаму багъишар Дугъу гьардиз Чаз ккуниси тувру.
Месигьдин беден
12Беден, гьар жюре паярикан арайиз дуфнашра, саб ву. Бедендин паяр, гизаф вушра, саб беден ву. Гьаци Месигьдин беденра ву. 13Ухьу вари саб беденси хьпан бадали, жугьдар ва грекар, лукӀар ва азад вуйидар – сар Рюгьну цӀийи алаънайидар вухьа. Ухьуз варидариз гьадму сар Рюгь ухъуз тувнахьуз.
14Фицики беденра саб пайнакан дубхьнадар, хъа гизафдарикан. 15Эгер ликри: «Узу хил дарза, узу му бедендинуб дарза» гъапиш, диди гьаци гъапну кӀури, думу бедендин саб пай дарди гъубзрайин? 16Ваяки, ибу: «Узу ул дарза, му бедендинуб дарза» гъапиш, диди гьаци гъапну кӀури, думу бедендин саб пай дарди гъубзрайин? 17Эгер вари беден саб улкан ибарат вуйиш, дидиз фици ебхьидийи? Хъа эгер вари беден иб вуйиш, диди ниар фици аьгъю апӀидийи? 18Аммаки Аллагьди бедендиъ гьарсаб пайназ, Чаз ккуниси, чпин йишвар улупну. 19Вари саб пай вуйиш, беден наънан хьибдийи? 20Магьа гьаддиз, паяр гизаф ву, хъа дурар варибдикан дубхьнайи беден саб ву.
21Улхьанра хилиз: «Узуз уву лазим дарзуз» пуз шулдар. Ваяки, кӀули ликариз: «Йиз учвукк ккабхънайиб адариз» пидар. 22Бедендиъ лазимсузди гьисаб апӀру паяр, лигуруш, варитӀан лазим вуйидар ву. 23Хъа ихь фикриан лазим даруси гьисаб апӀурайи паярин ухьу хъа гизаф гъайгъу зигурахьа. 24Гъяркъган, аьйиб шлу паяр ухьу, ижмиди ккеркну, уьрхюрахьа, хъа гьатмундариз дициб гъайгъу лазим дар. Аммаки Аллагьди Чав, беден гьамциб жюрейиинди дебккну ва ихьра гьаци апӀуз кӀулиъ тӀапӀна: «ужуб ад хътру» бедендин паярин артухъси гъайгъу дизигну ккунду. 25Беден пай дархьуз, ухьу ухьʼинди чиб-чпин гъайгъушнаъ духьну ккунду. 26Эгер саб пайназ аьзият каш, вари паяризра аьзият кади шулу. Эгер саб пайназ гьюрмат апӀураш, дидихъди вари паярира шадвал хъапӀри шулу.
27Гьаци вуйиган учву вари сабси – Месигьдин беден вучва. Учву гьарсар Дугъан бедендиъ пай вучва. 28Хъугърударин арайиъ Аллагьди саспидар Месигьдин вакиларди, саспидар пайгъамбрарди, саспидар мялимарди дерккну. Дугъу гьацӀариз аьламатар улупуз шлу кьувват, гьацӀариз – сагъ апӀру, гьацӀариз – касибариз кюмекар апӀру, гьацӀариз – гьякимвал апӀру, гьацӀариз жара чӀалариинди улхру багъишар тувну. 29Вари Месигьдин вакилар шулин? Вари пайгъамбрар шулин? Вари мялимар шулин? Вари аьламатар улупрудар шулин? 30Вари уьзрар сагъ апӀрудар шулин? Вари жара чӀалариинди улхрудар шулин? Ясана думу чӀаларин гъавриъ аъру гъуллугъ вардиз тувнайин? 31Учвуз хъа заан багъишар шлуси хъачӀарккай!
Гьамус узу учвуз варитӀан ужуб рякъ улупидизачвуз.
Currently Selected:
Коринф-1 12: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Коринф-1 12
12
Гирами Рюгьнан багъишар
1Рюгьнан багъишарикан улхури гъашиш, гъардшар, учву дидин дишди гъавриъ ади ккундузуз. 2Ичв аллагьсуз вахтари, жинари учву фици ил алдру идоларихьна гужназ хъчӀюхюйиш, кӀваин илмиячв. 3Гьаддиз гъавриъ йихьай: Аллагьдин Рюгьну хъау адмийи Исайиз люкьнар дарапӀур, я гьич сарира, эгер Гирами Рюгьну хъадраиш: «Иса – Агъа ву», пидар.
4Гьар жюре багъишар а, хъа дурар вари гьадму сар Рюгьну туврайидар ву. 5Гьар жюре гъуллугъ апӀувалар а, хъа ухьу варди гьадму сар Агъайиз гъуллугъ апӀурахьа. 6Гьар жюре ляхнар а, хъа вари ляхнар ухьуъ варидиъ артмиш апӀурайир гьадму сар Аллагь ву.
7Гьарсар адмийиъ Гирами Рюгь, вардиз кайи ужʼвал бадали, ачмиш шула. 8Сар адмийиз Рюгьну фагьумлувал айи гаф тувра; тмунуриз гьадму Рюгьну аьгъювалар айи гаф тувра; 9шлиз-вуш гьадму Рюгьну хъугъвал тувра; шлиз-вуш гьадму Рюгьну уьзрар сагъ апӀувал тувра. 10Сарсануриз – аьламатар улупру кьувват; гьатмунуриз – пайгъамбарвалин гаф; шубурпириз – рюгьяр жара апӀуз шлувал; гьатмунуриз – гьар жюре чӀалар, гьаккмунуриз – гьадму чӀалариинди гъапибдин гъавриъ ауз шлувал. 11Мурар вари – гьадму сар Рюгьнан ляхнар ву. Гьаму багъишар Дугъу гьардиз Чаз ккуниси тувру.
Месигьдин беден
12Беден, гьар жюре паярикан арайиз дуфнашра, саб ву. Бедендин паяр, гизаф вушра, саб беден ву. Гьаци Месигьдин беденра ву. 13Ухьу вари саб беденси хьпан бадали, жугьдар ва грекар, лукӀар ва азад вуйидар – сар Рюгьну цӀийи алаънайидар вухьа. Ухьуз варидариз гьадму сар Рюгь ухъуз тувнахьуз.
14Фицики беденра саб пайнакан дубхьнадар, хъа гизафдарикан. 15Эгер ликри: «Узу хил дарза, узу му бедендинуб дарза» гъапиш, диди гьаци гъапну кӀури, думу бедендин саб пай дарди гъубзрайин? 16Ваяки, ибу: «Узу ул дарза, му бедендинуб дарза» гъапиш, диди гьаци гъапну кӀури, думу бедендин саб пай дарди гъубзрайин? 17Эгер вари беден саб улкан ибарат вуйиш, дидиз фици ебхьидийи? Хъа эгер вари беден иб вуйиш, диди ниар фици аьгъю апӀидийи? 18Аммаки Аллагьди бедендиъ гьарсаб пайназ, Чаз ккуниси, чпин йишвар улупну. 19Вари саб пай вуйиш, беден наънан хьибдийи? 20Магьа гьаддиз, паяр гизаф ву, хъа дурар варибдикан дубхьнайи беден саб ву.
21Улхьанра хилиз: «Узуз уву лазим дарзуз» пуз шулдар. Ваяки, кӀули ликариз: «Йиз учвукк ккабхънайиб адариз» пидар. 22Бедендиъ лазимсузди гьисаб апӀру паяр, лигуруш, варитӀан лазим вуйидар ву. 23Хъа ихь фикриан лазим даруси гьисаб апӀурайи паярин ухьу хъа гизаф гъайгъу зигурахьа. 24Гъяркъган, аьйиб шлу паяр ухьу, ижмиди ккеркну, уьрхюрахьа, хъа гьатмундариз дициб гъайгъу лазим дар. Аммаки Аллагьди Чав, беден гьамциб жюрейиинди дебккну ва ихьра гьаци апӀуз кӀулиъ тӀапӀна: «ужуб ад хътру» бедендин паярин артухъси гъайгъу дизигну ккунду. 25Беден пай дархьуз, ухьу ухьʼинди чиб-чпин гъайгъушнаъ духьну ккунду. 26Эгер саб пайназ аьзият каш, вари паяризра аьзият кади шулу. Эгер саб пайназ гьюрмат апӀураш, дидихъди вари паярира шадвал хъапӀри шулу.
27Гьаци вуйиган учву вари сабси – Месигьдин беден вучва. Учву гьарсар Дугъан бедендиъ пай вучва. 28Хъугърударин арайиъ Аллагьди саспидар Месигьдин вакиларди, саспидар пайгъамбрарди, саспидар мялимарди дерккну. Дугъу гьацӀариз аьламатар улупуз шлу кьувват, гьацӀариз – сагъ апӀру, гьацӀариз – касибариз кюмекар апӀру, гьацӀариз – гьякимвал апӀру, гьацӀариз жара чӀалариинди улхру багъишар тувну. 29Вари Месигьдин вакилар шулин? Вари пайгъамбрар шулин? Вари мялимар шулин? Вари аьламатар улупрудар шулин? 30Вари уьзрар сагъ апӀрудар шулин? Вари жара чӀалариинди улхрудар шулин? Ясана думу чӀаларин гъавриъ аъру гъуллугъ вардиз тувнайин? 31Учвуз хъа заан багъишар шлуси хъачӀарккай!
Гьамус узу учвуз варитӀан ужуб рякъ улупидизачвуз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023