Коринф-1 10
10
Жугьдарси махьанай
1Гъардшар, ихь вари абйир дифран хиликкди хьубкан ва, гьюл жара дубхьну, вари гьадушвʼантина удучӀвбакан, учвуз аьгъюди ккундузуз. 2Дурар вари Мусайин ччвурнахъ дифраъ ва гьюлиъ гъахьну. 3Дурари вариди рюгьнан саб хураг ипӀури 4ва рюгьнан саб убхъруб убхъури гъахьну. Дурари чпихъди шлу рюгьнан гъарзʼан убхъури гъахьну, хъа думу гъарз – Месигь вуйи. 5Дурар гьаци гъахьнушра, Аллагьдин улихь дурари ужʼвал гъазанмиш гъапӀундар ва къураматдиъ пуч гъахьнийи.
6Му вари ухьуз, гьадрариси ухьура писвал ккун дарапӀбаз, улупурайиб ву. 7Гьадрарикан гьацӀарси, учвура идолариз икрам апӀрудар махьанай. Фицики Гирами китабариъ дибикӀна:
«Халкьди, деъну, ипӀуз ва убгъуз хъюгъру, хъасин идолин гьюрматназ ялхъвнар апӀуру».
8Гьадрарикан гьацӀарси ухьура, кьяппйир хьидархьа. Дурари кьяппа тӀулар апӀури ккебгънийи, ва сад йигъан къанна шубуд агъзур гъийихнийи. 9Ухьура, гьадрарикан гьацӀариси, Месигь ахтармиш апӀури хъюгъидархьа. Хъасин дурар, битӀари кьацӀар дапӀну, гъийихнийи. 10Учвура, гьадрарикан гьацӀарси, бурбрар апӀури махьанай, гьаддилан дурар пуч апӀру малайикди тӀанкь гъапӀнийи.
11Гьамрар вари, гъюз ккимбуб улупури, гьадмуган дурарихъди гъахьнийи, хъа му ухьуз, дарс вуди, дибикӀна. 12Гьаци вуйиган гъит, гьар шли учв ижмиди ликриин дийигъназа кӀури, фикир апӀураш, алдакуз гъидритри! 13Гьамусдиз учвʼин алахьу читинвалар адмийириин улукьру аьдати читинвалартӀан дар. Аллагь Чав туву гаф тамам апӀрур ву. Дугъу учвʼин аьгь апӀуз даршлу читинвалар алахьуз гъитдар. Читинвалар алахьруган, Дугъу учвуз дурариан удучӀвуз шлу рякъра улупидичвуз. Гьаци дурариан учвхьан кӀул адабгъуз хьибдичвухьан.
14Магьа гьаддиз, йиз ккунидар, идолариз икрам апӀбахьан гьергай! 15Узу, учву фикирлу адмийир ву дупну, улхураза. Учву фикир апӀинай. 16Аллагьдиз чухсагъул дупну, убхъурайи баркаллагьнан Захру ухьу Месигьдин ифдик ктикьурадарин? ГьудубтӀну, пай дапӀнайи уьли ухьу Месигьдин бедендик ктикьурадарин? 17Уьл саб ву, ухьура, фукьан гизаф вушра, саб беден вухьа, гьаз гъапиш, ипӀурайи гьадму саб уьлʼинди ухьу вари сатӀи шулахьа.
18Израил халкьдиз лигай, гъурбан апӀрушвахьна гъурбан гъапӀу мутму дубхну ипӀрудар, гъурбан гъапӀушвахъди саб шуладарин? 19ИкибаштӀан, узу, идолиъ вая дидиз гъурбан дапӀнайибдиъ фу-вуш саб мяна а, кӀурадарза. 20Ваъ, аммаки Аллагьсузари чпин гъурбнар, Аллагьдиз ваъ, хъа шейтӀнар-жинариз хура. Узуз учву жинарихъди саб духьну ккундарзуз. 21Учвхьан Агъайин Захʼанра ва жинарин захʼанра сабси убхъуз хьибдарчвухьан! Учвхьан Агъайин Суфрайихъра ва жинарин суфрайихъра сабси деуз хьибдарчвухьан! 22Агъайик хъял капӀуз шулухьхьан кӀури, ухьу фикир апӀурайин? Ухьу ДумутӀан кьувватлуйир вуйин дарш?
Жвуван азадвал Аллагьдин адназ ишлетмиш апӀинай
23Учву: «Вари апӀуз ихтияр ачуз!» кӀурачва, аммаки вари, хайирназ дар. «Вариб апӀуз ихтияр а!» Аммаки варибди мюгькамвал хурдар. 24Гъит варидари, жвуваз ваъ, имбудариз ужʼвал апӀри.
25Базариъ масу тувруб вари, юкӀв архаинди, ахтармиш дарапӀди, ипӀинай, 26фицики, «жил ва дидʼин алиб вари Агъайинуб ву».
27Эгер хътругъру адмийи учвуз теклиф гъапӀиш, гьивуб вари юкӀв архаинди, ахтармиш дарапӀди, ипӀинай. 28Хъа эгер учвуз гьадмуган: «му гъурбан дапӀнайи йикк ву» гъапиш, гъапир бадали ва намус бадали, мипӀанай – 29узу мушваъ, ичв ваъ, хъа жара касдин намус бадали, кӀураза. Жарарин намусну йиз азадвалик тягьна гьаз кипди? 30Аллагьдиз чухсагъул дупну, узу думу хураг баркаллагьниинди ипӀураш, узук тягьна гьаз кипди?
31Гьаддиз, учву ипӀурашра, убхъурашра, фу апӀури гъашишра, вари – Аллагьдин ад бадали апӀинай. 32Я жугьдар, я грекар, я Аллагьдихъ хъугънайидар гунгьихъна дархрубси уьмур хъапӀри апӀинай. 33Узуси, варибдиъ варидиз ужу шлуси апӀинай. Узу, узуз ваъ, хъа, жарадар гизаф дюрхну хьпан бадали, гьадрариз ужʼвал абгурайир вуза.
Currently Selected:
Коринф-1 10: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Коринф-1 10
10
Жугьдарси махьанай
1Гъардшар, ихь вари абйир дифран хиликкди хьубкан ва, гьюл жара дубхьну, вари гьадушвʼантина удучӀвбакан, учвуз аьгъюди ккундузуз. 2Дурар вари Мусайин ччвурнахъ дифраъ ва гьюлиъ гъахьну. 3Дурари вариди рюгьнан саб хураг ипӀури 4ва рюгьнан саб убхъруб убхъури гъахьну. Дурари чпихъди шлу рюгьнан гъарзʼан убхъури гъахьну, хъа думу гъарз – Месигь вуйи. 5Дурар гьаци гъахьнушра, Аллагьдин улихь дурари ужʼвал гъазанмиш гъапӀундар ва къураматдиъ пуч гъахьнийи.
6Му вари ухьуз, гьадрариси ухьура писвал ккун дарапӀбаз, улупурайиб ву. 7Гьадрарикан гьацӀарси, учвура идолариз икрам апӀрудар махьанай. Фицики Гирами китабариъ дибикӀна:
«Халкьди, деъну, ипӀуз ва убгъуз хъюгъру, хъасин идолин гьюрматназ ялхъвнар апӀуру».
8Гьадрарикан гьацӀарси ухьура, кьяппйир хьидархьа. Дурари кьяппа тӀулар апӀури ккебгънийи, ва сад йигъан къанна шубуд агъзур гъийихнийи. 9Ухьура, гьадрарикан гьацӀариси, Месигь ахтармиш апӀури хъюгъидархьа. Хъасин дурар, битӀари кьацӀар дапӀну, гъийихнийи. 10Учвура, гьадрарикан гьацӀарси, бурбрар апӀури махьанай, гьаддилан дурар пуч апӀру малайикди тӀанкь гъапӀнийи.
11Гьамрар вари, гъюз ккимбуб улупури, гьадмуган дурарихъди гъахьнийи, хъа му ухьуз, дарс вуди, дибикӀна. 12Гьаци вуйиган гъит, гьар шли учв ижмиди ликриин дийигъназа кӀури, фикир апӀураш, алдакуз гъидритри! 13Гьамусдиз учвʼин алахьу читинвалар адмийириин улукьру аьдати читинвалартӀан дар. Аллагь Чав туву гаф тамам апӀрур ву. Дугъу учвʼин аьгь апӀуз даршлу читинвалар алахьуз гъитдар. Читинвалар алахьруган, Дугъу учвуз дурариан удучӀвуз шлу рякъра улупидичвуз. Гьаци дурариан учвхьан кӀул адабгъуз хьибдичвухьан.
14Магьа гьаддиз, йиз ккунидар, идолариз икрам апӀбахьан гьергай! 15Узу, учву фикирлу адмийир ву дупну, улхураза. Учву фикир апӀинай. 16Аллагьдиз чухсагъул дупну, убхъурайи баркаллагьнан Захру ухьу Месигьдин ифдик ктикьурадарин? ГьудубтӀну, пай дапӀнайи уьли ухьу Месигьдин бедендик ктикьурадарин? 17Уьл саб ву, ухьура, фукьан гизаф вушра, саб беден вухьа, гьаз гъапиш, ипӀурайи гьадму саб уьлʼинди ухьу вари сатӀи шулахьа.
18Израил халкьдиз лигай, гъурбан апӀрушвахьна гъурбан гъапӀу мутму дубхну ипӀрудар, гъурбан гъапӀушвахъди саб шуладарин? 19ИкибаштӀан, узу, идолиъ вая дидиз гъурбан дапӀнайибдиъ фу-вуш саб мяна а, кӀурадарза. 20Ваъ, аммаки Аллагьсузари чпин гъурбнар, Аллагьдиз ваъ, хъа шейтӀнар-жинариз хура. Узуз учву жинарихъди саб духьну ккундарзуз. 21Учвхьан Агъайин Захʼанра ва жинарин захʼанра сабси убхъуз хьибдарчвухьан! Учвхьан Агъайин Суфрайихъра ва жинарин суфрайихъра сабси деуз хьибдарчвухьан! 22Агъайик хъял капӀуз шулухьхьан кӀури, ухьу фикир апӀурайин? Ухьу ДумутӀан кьувватлуйир вуйин дарш?
Жвуван азадвал Аллагьдин адназ ишлетмиш апӀинай
23Учву: «Вари апӀуз ихтияр ачуз!» кӀурачва, аммаки вари, хайирназ дар. «Вариб апӀуз ихтияр а!» Аммаки варибди мюгькамвал хурдар. 24Гъит варидари, жвуваз ваъ, имбудариз ужʼвал апӀри.
25Базариъ масу тувруб вари, юкӀв архаинди, ахтармиш дарапӀди, ипӀинай, 26фицики, «жил ва дидʼин алиб вари Агъайинуб ву».
27Эгер хътругъру адмийи учвуз теклиф гъапӀиш, гьивуб вари юкӀв архаинди, ахтармиш дарапӀди, ипӀинай. 28Хъа эгер учвуз гьадмуган: «му гъурбан дапӀнайи йикк ву» гъапиш, гъапир бадали ва намус бадали, мипӀанай – 29узу мушваъ, ичв ваъ, хъа жара касдин намус бадали, кӀураза. Жарарин намусну йиз азадвалик тягьна гьаз кипди? 30Аллагьдиз чухсагъул дупну, узу думу хураг баркаллагьниинди ипӀураш, узук тягьна гьаз кипди?
31Гьаддиз, учву ипӀурашра, убхъурашра, фу апӀури гъашишра, вари – Аллагьдин ад бадали апӀинай. 32Я жугьдар, я грекар, я Аллагьдихъ хъугънайидар гунгьихъна дархрубси уьмур хъапӀри апӀинай. 33Узуси, варибдиъ варидиз ужу шлуси апӀинай. Узу, узуз ваъ, хъа, жарадар гизаф дюрхну хьпан бадали, гьадрариз ужʼвал абгурайир вуза.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023