Rome-te 10
10
1Sanggamte aw, Israel mite adinga ka lunggulhna le Pasian tunga ka thungetna pen amaute a kihotkhiat theih nading ahi hi. 2 Ahang in, Pasian adingin amaute nakpi-a a hanciamna uh teci ka pang thei hi. Ahi hangin amaute hahkatna in theihna pansan ahi kei hi. 3 Amaute in Pasian kiang pana hong pai thumaanna thei lo uh a, amau thu-a phuaktawm nuam uh ahi manin Pasian thumaanna ah a ki-ap kei uh hi. 4 A um peuhmah in thumaanna a ngah theih nadingin thukham tawpna Christ ahi hi.#Ro 1:17; Gal 3:24
5 Moses in thukham hanga kingah thumaanna a genna ah: "Hih nate a sem mi in hihte hangin a nungta ding hi." f#10.5 Sp. 18:5 ci hi. 6 Ahi hangin upna hanga kingah thumaanna in: "Na lungsim sungah, ‘Vantung ah kua kahto ding hiam?’ ci kei in." g#10.6 Tp. 30:12 (tua pan Christ lasuk ding cihnopna) 7 cih ahi zongin, "‘A thuk sungah kua kumsuk ding hiam? h#10.7 Tp. 30:13 (tua pen misi panin Christ lato ding cihnopna) ci kei in," ci hi. 8 Ahi hangin tua in bang gen ahi hiam? "Na kiangah thu om hi. Tua thu na kam sung le na lungtang sungah a om hi," i#10.8 Tp. 30:14 ci hi. Kote tangko upnathu ahih le: 9 "Note in na kam uh tawh, ‘Jesu in Topa hi,’ ci-in pulaka, Pasian in amah misi pan thokiksak zo hi, ci-a na lungtang sung uhah na up uh leh note hong kihonkhia ding hi, cih upna thu ahi hi. 10 Ahang in, na lungtang uh tawh umin dik na tang uh a, na kam uh tawh pulakin note hong kihonkhia hi. 11 Laisiangtho in: "Amah a muang peuh mah a kimaizumsak ngei kei ding hi," j#10.11 Isa. 28:16 ci hi. 12 Ahang in, Jew-te le Gentile-te kikal ah kilamdanna bangmah a om kei hi. Tua Topa mah mite khempeuh Topa hi-a ama tungah a kote khempeuh kicingtakin thupha a pia hi. 13 Ahang in, "Topa min a sam peuhmah kihonkhia ding hi," k#10.13 Joel. 2:32 ci hi.
14 Tua ahileh amaute in amau uplohpa bangci sap theih ding uh hiam? Tua ciangin amaute in a thu a zak ngei lohpa uh bangci up thei ding uh ahi hiam? Amaute kiangah a hilh khatpeuh om kei leh bangci zak theih ding uh ahi hiam? 15 A kisawl kei leh amaute in bangci hilh theih ding uh ahi hiam? A kigelhsa bangin: "Lungdamna thu a puakte khe etlawm mahmah si e!" l#10.15 Isa. 52:7#Na 1:15
16 Ahi hangin Israel mite khempeuh in lungdamna thuthak a sang kim kei uh hi. Tua hangin, Isaiah in, "Topa aw, kote thupuak a um kua om ahi hiam?" m#10.16 Isa. 53:1 a na ci hi. 17 Tua bang ditdetin, tua thupuak zakna panin upna pianga, Christ thu tungtawnin tua thupuak a kiza hi. 18 Ahi hangin amaute in za lo uh ahi hiam, cih kong dong hi. Za tham uh hi:
"Amaute aw in leitung khempeuh zel khin zo-a,
a kammalte un leimongte ban khin zo hi." n#10.18 Ph. 19:4
19 Israel-te in thei lo uh ahi hiam, cih kong dong leuleu hi. A masa penin Moses in:
"Minam ahi lote eng dingin note kong bawl ding hi;#Ro 11:11,14
theihna a nei lo minamte in note hong hehsak dingin ka bawl ding hi." o#10.19 Tp. 32:21 na ci hi.
20 Tua ciangin Isaiah in hangtakin,
"Keimah hong zong lote in hong mu zo uh hi;
keimah hong kan lote tungah kei le kei ka kilaak zo hi." a#10.20 Isa. 65:1 na ci hi.
21 Ahi hangin amah in Israel tawh kisai-in,
"Thumang lo le paupeng mite lamah
sun nilohin ka khut ka zan hi" b#10.21 Isa. 65:2 na ci hi.
Currently Selected:
Rome-te 10: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission