Phatna-late 79
79
Asaph phuah phatna-la khat.
1 Pasian aw, minamte in nangma goutanh sim uh hi;#Pk 34:9
amaute in na biakinnpi siangtho buahsakin
Jerusalem leisektawng suah uh hi.
2 Amaute in na nasemte’ luangte
huih laka leng vasate an dingin pia uh a,#Kil 19:17-18
na misiangte’ sa leitung gamsate a pia uh hi.
3 Jerusalem kimkot tengah tui bangin
sisan buakhia uh a,
misite a vui ding khat beek a om kei hi.#Jer 16:4
4 Ka vengte un kote langbawlin hong neu-et uh a,
ka kim ka pam ua omte simmawh le ciamnuihna ka suak uh hi.#Ph 39:8
5 TOPA aw, bang tanvei sawt lai ding hiam? Nang heh den ding na hi hiam?#Ph 74:10
Na hazatna bang tanvei mei bangin kuang lai ding hiam?
6 Nang hong sang lo minamte tung le#Ph 14:4
na min hong sam lo#Ph 147:20
kumpi-gamte tungah
na thangpaihna sung in;#Ph 2:5
7 ahang in, amaute in Jacob valhtum uh a
ama neihsa gam a susia uh hi.#Isa 9:12
8 Ka pate uh mawhnate ko tungah hong suan kei inla;#Pc 9:25
gawt dingin hong kikoih ahi manin
kote a tuak dingin na lainatna hong tungsak meng in.#Ph 116:6
9 Kote Honpa Pasian aw,
na minthanna dingin kote hong huh in;
nangma min na khualna-in hong hukhia inla#Ph 25:11
ka mawhnate uh hong maisak in.
10 Bang dinga minamte in,
"Amaute Pasian koi ah om hiam?" ci ding uh hiam?#Ph 42:3
A kibuakhia na nasemte sisan phu na lakna#Ph 94:1
minamte lakah ka mitmuh un kitheisak in.
11 Thongkiate taunate na mai-ah hong tung hen;
si dinga kimawhpaihte
na ban thahatna tawh humbit in.
12 Topa aw, nang tunga mawhsakna hong tutte uh,
a zah sagihin ka vengte uh ang denna in.
13 Tua ciangin ko na mite, na lonona a tuute in
nang kong phat den ding uh a;#Ph 44:8
akhang akhangin
nang phatna ka sim kikkik ding uh hi.
Currently Selected:
Phatna-late 79: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission