Phatna-late 78
78
Asaph phuah maskil b# 0 Thulu: Lailam ahikeh tumtheihlam kamzat hi kha ding khat.
1 Ka mite aw, kong hilhna za un;#Isa 51:4
ka kama ka gen thute ngai un.
2 Gentehnate zangin ka kamka dinga,#Ph 49:4
tanglai nate, a kisel nate ka pholak ding hi -
3 tuate in i theihsa le i zaksa nate,
i pate in hong gensa nate ahi hi.#Thk 6:13
4 Amau tate tungah tua thute i im kei ding hi;#Tp 11:19
ei khita khangte tungah#Tp 32:7
a phattak TOPA septe,#Ph 26:7
ama vangliatna le ama bawl a lamdangte i gen ding hi.#Job 5:9
5 Amah in Jacob adingin thukipte pia a,
Israel sungah thukham kipsakin
i pate tungah a tate uh a hilh dingun
thu a pia hi;
6 tua in amau khita khangte le a suak nai lo naupangte nangawn in thei a,#Ph 22:31
amau zong a tate uh tungah
a gensawn theih nading uh ahi hi.
7 Tua hileh amaute in a muanna uh Pasian ah nga ding uh a,
a nasepsate mangngilh loin#Tp 6:12
ama thupiakte zui ding uh hi.#Tp 5:29
8 Amaute, a lungkhauh a lehdo thei khang mite,#Pk 23:21
Pasian tungah a lungtangte uh a citak lo -
ama tungah a lungsim uh a muanhuai lo,
a pate uh tawh a kibang kei ding uh hi.#2Kh 30:7
9 Epharaim mite in thal a tawi uh hangin
galdo ni-in a lehtai uh hi;#Thk 20:29
10 amaute in Pasian thukhun zui loin,#Jos 7:11
a thukham banga nuntak ding a nial uh hi.#Pk 16:28
11 Amaute in ama bawlsate le
amaute a lahsa nalamdangte mangngilh uh hi.#Ph 106:13
12 Amah in Egypt gama Zoan kual ah#Ms 13:22
a pate uh muhin nalamdangte bawl hi.#Ne 9:17
13 Tuipi kikhensak a, a maute a kantansak hi;#Pk 14:21
amah in kawm bangin tui a dingkipsak hi.#Pk 14:22
14 Amah in sunin amaute meii-in makaih a,
zan nilohin meitangin a makaih hi.#Pk 13:21
15 Sehnel-gam ah suangpite sukham in,#Ms 20:11
tuipite zah a tam tui, amaute pia hi;
16 suangpi heng pan luite suakkhiasak a,
gunte bangin tui a luangkhiasak hi.
17 Ahi hangin ama tungah amaute mawh lai veve uh a,#Tp 9:22
sehnel-gam ah Sang Penpa a langdo veve uh hi.
18 Amau lunggulh an a ngetna uh#Pk 15:24
thei gige in Pasian a zia-et uh hi.#Pk 17:2
19 Amaute Pasian langah pau in,#Ms 21:5
"Pasian in sehnel-gam ah sabuai phah thei ahi hiam?
20 Suangpi a sat ciangin tui phulkhia a
luituite tampitak a luang hi.#Ms 20:11
Ahi hangin amah’n an zong hong pia thei ngap ding ahi hiam?
A mite sa hong puak thei ding ahi hiam?" ci uh hi.#Ms 11:18
21 Amaute gen TOPA in a zak ciangin heh mahmah a,
Jacob tungah a meikuang khia-in,#Ms 11:1
Israel tungah a thangpaihna khang hi;
22 ahang in, amaute in Pasian um loin
ama hutna zong a muang zo kei uh hi.
23 Hi napi amah in tunga huihkhuate thu pia a,
vante’ kongpite hongin#Pc 7:11
24 mite nek dingin manna zusak a,#Pk 16:4
amaute van antang a pia hi.
25 Mite in vansawltakte’ anlum ne uh a;
amaute nek zawh zahzah a pia hi.
26 Vante panin nisuahna lam huih khah a,#Ms 11:31
a vangliatna-in leitaw-lam huih a pikhia hi.
27 Amaute tungah leivui bangin sa zusak a,
tuipi gei sehnel bangin a leng thei vasate a zusak hi.#Pk 16:13
28 Amah in amaute giahphual sung
puanbuk kim khempeuh ah a tusak hi.
29 Amah in amaute duh mahmah pia ahi manin
a khamval dongun a ne uh hi.#Ms 11:20
30 Ahi hangin a duh mahmah uh an a kiheisan ma uh,
amaute kam sungah a muam lai nangawnun#Ms 11:33
31 amaute tungah Pasian hehna khanga
amaute laka a thakhauh pente thatin,
Israel tangvalte a phukpai hi.#Isa 10:16
32 Hizahtak hi napi, amaute mawh lailai uh a;
nalamdang hizahta laklak taleh amaute in a um tuan kei uh hi.
33 Tua ciangin a nite uh mawk beisak a,#Ms 14:29, 35
a kumte uh a lauhuaipi-in a beisak hi.
34 Pasian in a maute a thah sial in amaute’n amah zong ding uh a;
lawptakin amah a zuan kik uh hi.
35 Amaute in Pasian, amau Suangpi ahilam,#Pc 49:24
Sang Pen Pasian amaute Tanpa ahilam a phawk uh hi.#Tp 9:26
36 Ahi hangin amaute in amah maitang phat uh a;
a leii un amah khem in;#Eze 33:31
37 a lungsim uh ama tungah thutak lo-a,#Ns 8:21
ama thukhun ah a muanhuai kei uh hi.
38 Hinapi aman lainat veve a;#Pk 34:6
amau tatkhialhnate maisakin
a siasak kei hi.
Hun khat khit hun khat a hehna ki-ip a,#Job 9:13
a thangpaihna a kimin a suahkhia kei hi.
39 Amah in amaute ci-le-sa hi in#Pc 6:3
a kileh kik nawn lo huihdam nung bang ahilam uh phawk hi.#Job 7:7
40 Amaute in sehnel-gam ah amah lehdo pahpah in
gamtul ah amah lunggimsak tazen uh hi!#Eph 4:30
41 Amaute in Pasian zia-et kikkik uh a;#Pk 17:2
Israel Siangtho Pa a lunggimsak uh hi.#2Ku 19:22
42 Amaute in a vangliatna phawk lo uh a -#Thk 3:7
a nengniamte pan a tatkhiatna,
43 Egypt a lim lamdangte a lah nite le#Pk 10;1
Zoan kuala ama nalamdangte a phawk kei uh hi.#Pk 3:20
44 Amah in a gunte uh sisan suaksak a;#Pk 7:20
amaute in luite panin tui a dawn thei kei uh hi.
45 Amah in tho honpi sawl-a amaute gaisak in;#Pk 8:24
uiphukte sawl-a amaute a susiasak hi.#Pk 8:2,6
46 Amah in a ankungte uh kauphe pia a,#Na 3:15
a ankung gahte uh kaukhuphon a pia hi.
47 Amah in a lengguite uh gialin siasak a,#Pk 9:23
a theithek gahte uh vukkhalin a siasak hi.
48 A gannote uh gialpi dengsak a,
a gan khawite uh kektangte a dengsak hi.#Pk 9:25
49 Ama lungsona amaute tungah kuangsak a,#Pk 15:7
ama thangpaihna, lungkimlohna le galneihna ahi -
a siasak vansawltak honkhat a khahkhia hi.#Pc 19:13
50 Amah in a heh nading lampi khat bawl a;
sihna pan amaute hawi tuan loin
pulpi a tungsak hi.
51 Amah in Egypt ta masa khempeuh sattuk a,#Pk 12:12
Ham’ puanbukte sunga pasal hat gah masate a satpuk hi.
52 Ahi hangin a mite tuuhon bangin paikhiatpih a;#Job 21:11
tuute bangin sehnel-gam kantan in makaih hi.
53 Amaute bittakin makaih ahi manin a lau kei uh hi;
ahi hangin tuipi in a galte uh a tuumcip hi.#Pk 15:17
54 Tua bangin amaute a gam siangtho gamgi tun a,
a khut taklamin a laksa mualtung gamah a tun hi.#Ph 44:3
55 Amaute mai-ah minamte nawhkhiatsak-in,#Ph 44:2
a gamte uh amaute tanh dingin pia hi;
amaute inn ah Israel behte a tengsak hi.
56 Ahi hangin amaute in Pasian zia-et in,
Sang Penpa lehdo lai uh hi;
ama ngeinakipte a zui kei uh hi.
57 A pate uh mah bangin ciktak loin muanhuai lo uh a,
thalpeu suihkhialh muan theih loh bang uh hi.#Pk 20:27
58 Amau munsangte-in amah hehsak uh a;#Sp 26:30
a milimte-un ama hazatna a phonglo uh hi.#Pk 20:4
59 Pasian in amau thu a zak ciangin heh mahmah a;#Sp 26:28
Israel a nolh kiuhkeuh hi.#Tp 32:19
60 Amah in mite laka a lam a puanbuk,#Eze 8:6
Shiloh a, a munsiangtho a nusia hi.#Jos 18:1
61 Amah in a thahat thukham singkuang sal tangsak a,#Ph 132:8
a thupina galte khut ah a pia hi.
62 A mite namsau thatsak a;#Tp 28:25
ama gouluahte tungah a heh mahmah hi.#1Sa 10:1
63 A tangvalte uh mei in kangtum a,#Ms 11:1
a nungakte un mo la a sa kei uh hi;#1Ku 4:32
64 a siampite uh namsau in that a,#1Sa 4:17
amau meigongnute kap zong a kap thei kei uh hi.
65 Tua ciangin zu pengnawng ihmu khanglo mipa bangin
a ihmutna pan Topa a khanglo hi.#Ph 44:23
66 Amah in a galte satthuk a;
amaute a maizum den dingin a koih hi.#1Sa 5:6
67 Tua ciangin Joseph’ puanbukte nolh a,
Ephraim beh a teel kei hi;#Jer 7:15
68 ahi hangin Judah beh teel a,#Ms 1:7
a it Zion Vum a teel hi.#Pk 15:17
69 Asannate bangin a munsiangtho lam a,#Pk 15:1
a kipden dinga a phuhsa leitung a bangsak hi.
70 Amah in a nasempa David teel a,
tuuhuangte panin a la hi;#1Sa 16:1
71 amah in tuucing kimlai#Pc 37:2
a mite ahi Jacob,#Pn 28:9
ama goutanh ahi Israel cing dingin amah a puak hi.
72 Tuateh David in lungsim citakin amaute cinga;
khutsiamtakin amaute a makaih hi.#Pc 17:1
Currently Selected:
Phatna-late 78: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission