Phatna-late 75
75
Tumtheih makaipa ading. "Susia kei in" aw a sak ding. Asaph phuah phatna-la khat. La khat.
1 Pasian aw, nang tungah lungdam kong ko uh hi,
na Min hong nai ahi manin lungdam kong ko uh hi;#Ph 145:18
mite in na bawl nalamdangte gen uh hi.#Jos 3:5
2 Nang, "A kiseh hun ka teel a;#Pk 13:10
thutanga thukhenpa kei ka hi hi.
3 Leitung le a mite a kilin ciangin#Isa 24:19
a khuampite a lenkip keimah ka hi hi. #Selah
4 A kihisakte tungah, ‘Kiphasak nawn kei un,’ ka ci a,#1Sa 2:3
a gilote tungah, ‘Na kite vik nawn kei in.#Zec 1:21
5 Vantung langah na kite likto ke’n la;
ngawng paksa in pau kei in,’ ka ci hi," na ci hi.
6 Nisuahna ahi-a nitumna ahi-a,
sehnel-gam pan ahi zongin mi a tawisang thei khat beek a om kei hi.
7 Ahi hangin thu a khen Pasian hi a:
Amah in khat niamkhiatin adang khat a tawisang hi.#1Sa 2:7
8 TOPA’ khut sungah hai khat om a,
a namtuite tawh a kihel zu phuan seuhseuh a dim hi;#Pn 23:30
amah’n sungkhia a, leitunga migilote in
a bei siang dongin a dawnsuk uh hi.#Isa 51:17
9 Ke’n ka hileh hih ka pulak tawntung ding hi;#Ph 40:10
Jacob’ Pasian tungah phatna la ka sa ding hi.#Ph 108:1
10 Migilote’ kite khempeuh ka attan dinga,
a thumaante’ kite ahileh a kisangsak ding hi.#Ph 89:17; 92:10
Currently Selected:
Phatna-late 75: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission