Phatna-late 73
73
Bu III
Phatna-late 73-89
Asaph phuah phatna-la khat.
1 Lungsim siangtho Israel tungah
Pasian hoih taktak hi.#Ph 24:4
2 Ahi zongin kei bel ka khete tal dektak a,#Tp 32:35
ka dinna ka khahsuah dekdek hi.#Ph 69:2
3 Ahang in, migilote a daupai ka muh ciangin
a ki-uangsakte ka eng kha hi.#Job 9:24
4 Amaute in hanciam luat nei lo uh a;
a pumpi uh cidamin thahat uh hi e# 4 Hebrew ah khentuam in; Masoretic Text ah a sih hun ciang kisanin;/ a pumpite uh cidam hi.
5 Mikim puak vangikte pan suakta uh a#Eze 23:42
mihing natnate-in gimna a thuak kei uh hi.
6 Tua ahi ciangin kiphatsakna khi in nei uh a;#Sp 26:19
ngongtatna puan in a silh uh hi.#Pc 6:11
7 Amaute thukhuallohna lungsim panin mawhna lian a# 7 Syriac(Septuagint zong en in) Hebrew ah a mitte uh thau in lawt piang a;#Ph 17:10
amau ngaihsutna-khel in ciangtan a nei kei hi.
8 Mi simmawhna kam pau uh a;#Ph 41:5
kiphasakin mi a nengniam uh hi.
9 Amaute in a kam un vantung nangawn amau aa suah uh a,
amaute’ leii in leitung a nei hi.
10 Tua ahi ciangin amau mite amau lamah nga uh a,
tui tampipi b# 10 Hebrew ah hih taang khiatna kician lo hi a dawnkang uh hi.
11 Amaute in, "Pasian in bangci theih thei ahi hiam?
Sang Pen pa in theihna nei ahi hiam?" ci uh hi.
12 Migilote hih bang ahi uh hi -
awlmawh nei lo uh a, a hauhna uh khang semsem hi.#Ph 49:6
13 Ka lungsim a siangtho-a ka kepna;#Job 9:29-31
le ka khutte a mawhpeng a ka silna a mawkna taktak ahi hi.
14 Sun nilohin hong kigimsak hi;
zingsang simin dan hong kituaksak hi.
15 Keimah, "Hih bangin ka pau ding hi," ci leng
na tate a lehhek khin ka suak ding hi.
16 Hih khempeuh theihtel ka sawm ciangin#Thn 8:17
Pasian mun siangtho ka lut mateng#Pk 15:17
17 kei adingin gimhuai lua hi;
tua khit ciangin amaute bei nading ka theitel hi.#Job 8:13
18 Amaute a nalna munah na koih takpi a;#Tp 32:35
kisiatna ah na paaisuk hi.#Ph 17:13
19 Amaute kisia vat si uh e!#Tp 28:20
Patauhna in phiatmang kiuhkeuh hi lo maw!#Pc 19:15
20 Mi khat khanglo a, mangmat bang hi,#Job 20:8
TOPA aw, na thawh ciangin sunmangte bangin
amaute na thupisim kei ding hi.#Pn 12:11
21 Ka lungsim gim a
ka kha a dahluat ciangin,
22 ngaihsutna mel nei loin thudon ka nei kei hi;
na mai-ah gamsa gilo ka hi lel hi.#Ph 49:10,12
23 Tua hi napi nangmah tawh ka omkhawm den hi;
ka khut taklamin nong len hi.#Pc 48:13
24 Lam hong lakin nong makaih a,#Ph 48:14
maihun ciangin minthanna ah kei nong la ding hi.
25 Vantungah nang lo a dang kua nei ka hi hiam?#Ph 16:2
Leitung in nang longal ka deih ding bangmah a nei kei hi.#Php 3:8
26 Ka ci-le-sa le ka lungsim zawm thei kha ding hi;#Ph 31:10
ahi zongin Pasian pen ka lungsim hatna le#Ph 18:1
keima tanh ahi tawntung hi.
27 Nang tawh a kigamlate kisia ding uh hi;#Ph 34:21
nang tunga a muanhuai lote khempeuh na susia hi.#Sp 6:2
28 Ahi hangin kei adingin Pasian tawh kinai a hoih hi.#Zep 3:2
Thuneipipen TOPA ka bukna-in ka bawl khin hi;#Ph 9:9
na sepsate khempeuh ka gen ding hi.
Currently Selected:
Phatna-late 73: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission