Phatna-late 5
5
Tumtheih makaipa ading. Tamngaite a tum. David phatna-la khat.
1 TOPA aw, ka thute na bil hong ngat-in#2Ku 8:29
ka khuisatnate hong thudon in.#Ph 38:9
2 Ka Kumpi le ka Pasian aw,
nang tungah huh ding hong ngen ka hi manin,
kong kikona hong ngai in.#Ph 44:4
3 TOPA aw, zingsang in ka aw na za hi;#Isa 28:19
zingsangin na mai-ah ngetnate kong tun a,
lamentakin ka ngak hi.
4 Nang, thu sia ah nuam a sa Pasian na hi kei a,
nang tawh migilote a tengkhawm thei kei hi.#Ph 1:5
5 Nang omna ah a ki-uangsakte ding thei lo a,#Ph 73:3
khialhna a bawl khempeuh na mudah hi.
6 Zuauthu gente na susia a;#Pn 19:22
sisan suahte le mi khem theite
TOPA in kih hi.
7 Ahi hangin nangma lainatna lianpi hangin kei,
na inn sungah kong lut dinga,
zahtakna tawh na biakinn siangtho lamah
kong kunsuk ding hi.
8 TOPA aw, ka galte hangin
nangma thumaanna ah hong pi in -#Ph 23:3
ka mai-ah nangma lampi tangsak in.#1Ku 8:36
9 Amaute kam pana kammal khat beek muantak lo a,
a lungsim uh kisiatna tawh dim hi.
Amaute gawl, han kihongsa hi a;
a leii-un zuauthu a gen uh hi.#Ph 12:2
10 Pasian aw, amaute mawh khusak in!
Amaute sawmsimnate amau pukna suaksak in.
Amaute in nang hong lehdo uh ahi manin#Ph 78:40
amaute mawhna tampite hangin amaute hawlmang in.#Ta 1:5
11 Ahi hangin nang hong beelte khempeuh lungdamin
amaute in lungnuamin la sasa uh hen.
Na min a itte nang sungah a kipak nadingun
amaute tungah na liahna zal in.#Job 22:19
12 TOPA aw, a thumaante thupha na pia takpi a,
na angvanna tawh amaute lum bangin na sung hi.#Pc 15:1
Currently Selected:
Phatna-late 5: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission