Phatna-late 38
38
David phatna-la khat. Ngetna khat
1 TOPA aw, hehsa in hong taihilh kei inla;
thangpaisa in hong sek kei in.#Ph 6:1
2 Ahang in, na thaltangte in kei hong sunlet khin-a,#Job 6:4
kei tungah na khut hong tusuk zo hi.
3 Nang thangpaihna hangin ka pumpi dam thei lo a;
ka mawhna hangin ka guhte a khauh kei hi.#Job 33:19
4 Vangik lua mahmah puak bangin#Job 33:19
ka khialhna in kei hong vukcip hi.#Ph 40:12
5 Ka hai mawhna hangin
ka liamnate muatin a kihhuai hi.#Ph 147:3
6 Hong kiniamkhiat mahmah a#Ph 57:6
sunnilohin kun kheukheu-in thumthumsa-in ka vak hi.#Ph 35:14
7 Ka nung suk teng na mahmah a;#Job 14:22
ka pumpi tungah a damna mun a om kei hi.
8 Ka tha nem-in hong kinengcip a;#Ph 34:18
lunggim lua-in ka tau hi.
9 Ka lunggulhna khempeuh na mai-ah
kong luikhia hi, Topa aw;
ka khuisatna nang kiang pan a kisel kei hi.#Job 3:24
10 Ka dip kuakua a, ka thahatna bei ta hi;#Ph 31:10
ka mit nangawn mial ta hi.#Ph 6:7
11 Keima liammate hangin
ka lawmte le ka kikholhpihte in hong pel uh a;
ka vengte in gamlapi ah hong omsan uh hi.
12 Ka nuntakna a zongte in a thangte uh siah uh a,#Ph 31:4
kei hong nasak nuamte in ka siat nading a kikum uh hi;#Ph 35:4
sun nilohin khem hong sawm uh hi.
13 Bangmah a za thei lo bilngongpa ka bang a,#Ph 115:6
a kamka thei lo awktawngpa ka bang hi.
14 Khua a za lo, a kam in a dawngkik thei lo pa
ka bang khin hi.
15 TOPA aw, nangmah kong ngak hi;
Topa ka Pasian aw, nong dawng ding hi.#Ph 17:6
16 Ahang in, keimah in, "Ka khe a tal ciangin
kei tungah kihisakin kisangsak kei uh hen," ka ci hi.#Ph 22:17
17 Ahang in kei ka puk dekdek a,
ka natna a kam thei kei hi.#Ph 37:24
18 Ka khialhna ka pulak a;#Sp 26:40
ka mawhna in hong lungkhamsak hi.
19 A thahat ka galte tampi hi uh a,
a thu om lopi-a hong mudah tampitak ahi uh hi.
20 Ka hoihna gitlohna-a hong thukte in,#Pc 44:4
a hoih ka zon ciangin hong gensia uh hi.#Ph 54:5
21 TOPA aw, kei hong taisan kei in;
hong gamla omsan kei in ka Pasian aw.#Ph 27:9
22 Keima Honpa Topa aw,
kei huh dingin hong kuan meng in,#1Kh 16:35
Currently Selected:
Phatna-late 38: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission