Phatna-late 17
17
David thungetna khat.
1 TOPA aw, amaan a kong thumna hong za in;#Ph 30:10
ka kikona na ngai in.#Ph 5:2
Ka thungetna na bil na ngat in -
tua in zuauthei muk pan ahi kei hi.#Isa 29:13
2 Nang kiang pan ka diktanna hong pai ta hen;#Ph 24:5
na mitte in thumaan mu ta hen.#Ph 99:4
3 Ka lungtang kanin zanin kei nong sittel zongin,#Ph 139:1
kei nong zia-et hangin bangmah na mu kei ding hi;#Job 7:18
ka kam a mawh lo dingin ka khentat khinzo hi.
4 Mihing nasepte tawh kisai-in ahileh -
na muk pana kammal hangin
a ngongtatte lampi pan
keimah ka kikem hi.
5 Nangma lampite ah ka kalsuan-a;#Job 23:11
ka khete a tal kei hi.
6 Pasian aw, hong dawng ding na hi manin nang kong ko hi;#Ph 86:7
na bil kei lam hong ngat inla kong thungetna hong za in.#Ph 116:2
7 Nangma khut taklama hong honpa aw,#Ph 10:12
amau galte panin nang hong beelte
na itna lianpi a lamdanna lak in.#Ph 31:21
8 Na mit nauta bangin kei hong kem in;#Tp 32:10
na kha liim nuai-ah kei hong sel inla,#Ru 2:12
9 kei hong sim migilote le kei hong umcih
thah hong sawm a sithei ka galte panin hong sel in.
10 Amaute in a lungtang kheengte khakcip uh a,#Ph 73:7
a kamte un kiphatsakna kam a pau uh hi.#1Sa 2:3
11 Amaute in kei hong sul zuih uh a tu-in hong umcih in
leilak denna dingin hong mitsuan gega uh hi.#Ph 88:17
12 Amaute, sa man nuam humpinelkai gilkial bang uh a,#Ph 7:2
sagem a bok humpinelkai lianpi tawh kibang uh hi.
13 Tho in, TOPA aw, amaute maituah a lei denna in;
nangma namsau-in migilote pan kei hong hukhia in.#Ph 35:8
14 TOPA aw, leitung nuntakna mah amau lawhtak ahipah,
hih leitung mite panin nangma khutin hong honkhia in.#Ph 49:17
Na it kepte gilkialna na daisak a,
a tapate un tampi nei-in
a tate ading hauhna a kholsak lai uh hi.#Isa 2:7
15 Kei ka hi leh - thumaanna hangin na maitang ka mu ding hi;
ka khanlawh ciangin nang tawh kibatna mu in ka lungkim ta ding hi.#Ms 12:8
Currently Selected:
Phatna-late 17: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission