Paunakte 20
20
1Zu in mi simmawhsak a, zucil in mi kilaisak hi;#1Sa 25:36
tuate lamkhialhsak peuhmah a pil lo ahi hi.#Pn 31:4
2 Kumpipa thangpaihna, humpinelkai hawk tawh kibang a;#Pn 19:12
amah a hehsakte in a nuntakna tanlawh hi.#Est 7:7
3 Kisel ding a kidaam mi, mite in pahtawi a,
a hai peuhmah lah a kitawng pahpah hi.#Pc 13:8
4 Mi zongzaw in lokhawh hunin kho lo a;#Pn 6:6
anlak hunin a lak ding bangmah a om kei pah hi.
5 Mihing lungtupte tui thukpi hi-a,
a theitel mi in ahileh tuate a dimkhia hi.#Ph 18:16
6 Mi a tamzaw in itnakip nei-in kigen ciat uh a,
ahi zongin mi muanhuai kua in mu zo ding hiam?#Ph 12:1
7 A thumaan mi, kawkbang loin nungta a;#Ph 26:1
ama nunga a tate in thupha ngahlawh uh hi.#Ph 37:25-26
8 Thukhen dingin kumpipa a tokhom ah a tut ciangin#1Ku 7:7
gitlohna khempeuh a mit in haihkhia hi.#Pn 25:4-5
9 Kua in, "Ka lungsim a siangtho-in ka kem a;#Job 15:14
mawh nei loin ka siang hi," ci thei ahi hiam?#1Ku 8:46
10 Tawisuang kikim lo le tehna kikim lo -
a nihin TOPA in kihkhawm hi.#Pn 11:1
11 Naupang nangawn a gamtatzia panin
a sianthona le a thumaanna kithei hi.#Ph 39:1
12 Khuazakna bilte le khuamuhna mitte -
tuate gel TOPA bawl ahi hi.#Ph 94:9
13 Ihmut nuamsa kei in na zawng ding hi;#Pn 6:11
hak gega in na khamval ding hi.
14 A leite in, "Hoih kei, hoih kei," ci uh a,
a paikhiat ciangin lah a vanlei kisialhpih hi.
15 Kham omin ruby tampi om hi;
theihna tawh a pau muk ahileh suang manpha takpi ahi hi.
16 Khualmi khat tangin mawhlawh tawi nadinga a piak puansilh la inla,
uklah numei tawh a kiciamna ahileh a kiciamna man dingin koih in.#Pn 27:13
17 Zuauna tawh ngah an khum a,#Pn 9:17
a nung ciangin kam sungah suangtang dim hi.
18 Hong ngaihsutpih thei ding zongin geel inla;
makai na neih ciang bekin galsim pan in.#Pn 11:14
19 Mi gensiatna in muanna beisak ahi manin#Pn 11:13
a kamtam luate peel in.
20 Mi khat in a nu hiam, a pa hiam a hamsiat leh#Pn 30:11
kawhawm mial sungah a meivak kisumit ding hi.#Pk 21:17
21 Acila gouluahna ngahpah,
a tawpna ah thupha hi lo hi.
22 "Na khialhna hong thuk na ve’ng," ci kei in.
TOPA ngak in, ama’n hong hu ding hi.#Isa 37:20
23 TOPA in tawisuang kikim lo kih a,
tehna maan lo in amah lungkimsak lo hi.#Tp 25:13
24 Mi khat kalsuannate TOPA uk ahi hi;#Ph 90:12
kua in ama lampi theitel thei ding ahi hiam?#Pn 19:21
25 Na khatpeuh mawk-appak a,
a kiciamna nung ngaihsut mihing adingin thang suak hi.#Pn 10:19
26 A pil kumpi in migilote haihkhia a,
an cilna lengpei a hualsak hi.
27 TOPA meivak in mihing kha a#20.27 Ahikeh Mi khat lungsim TOPA zonga,#Ph 119:105
a sungtawng dong zongkhia hi.#Pn 16:2
28 Itna le muanhuaina in kumpipa humbit a;
itna tungtawnin a tokhom kip hi.#Pn 16:12
29 Khangnote minthanna in a thahatna uh hi-a,
putekte thupina in a samkang uh ahi hi.#Pn 16:31
30 Vuakna le liamma in gitlohna siangsak a,#Ph 51:2
satna in a sungtawng dong khuahsiang hi.#Isa 1:5
Currently Selected:
Paunakte 20: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission