Isaiah 51
51
Zion Ading Tawntung Hotkhiatna
1No thumaan delha
TOPA a zongte aw, ngai un:
Note hong ki-eukhiatna suangpi,
hong kitawhkhiatna suangkuak en un;#Isa 17:10
2 Na pa uh Abraham le
na suahna uh Sarah en dih un.
Amah ka sap lai-in amah kia bek hi a,
amah thupha pia-in tampi ka phasak hi.#Pc 12:2
3 TOPA in Zion hehnem taktak dinga,#Isa 40:1
ama kisiatna khempeuh khuatuahna mitin a en ding hi;#Isa 52:9
ama sehnel-gamte Eden bangsak dinga,#Isa Pc 2:8
a gamtulte TOPA huan bang ding hi.
Ama sungah lungnopna le kipahna,#Isa 25:9; 66:10
lungdamkohna le lasakna awging a om ding hi.#Jer 17:26
4 "Ka mite aw, ka thu ngai un;
ka minam aw, ka thu za in:
Kei tung panin thukham pusuakkhia ding hi;
minamte tungah keima thutanna khuavak a suak ding hi.
5 Ka thumaanna hong kinawh mahmahin
ka hotkhiatna hong pai laitak hi a,
ka khut in minamte tungah thutang a puak ding hi.
Tuikulhte in kei hong en ding uh a,
ka khut sep ding lamenin a ngak ding uh hi.#Isa 49:10; Ph 37:9
6 Daktoin vante ento unla,
nuai-a leitung zong en un;
vante meikhu bangin mang dinga,#Mt 24:35; 2Pe 3:10
leitung puan bangin paatkhia-in#Ph 102:25-26
a tunga tengte tho bangin a si ding uh hi.
Ahi hangin ka hotkhiatna kip tawntung dinga#Ph 119:89
ka thumaanna a bei ngei kei ding hi.#Ph 89:33
7 "Thumaan thei a, a lungsimah ka thukham a vomte aw,
ka thugen ngai un:
mite kosiatna kihta kei unla amaute engkona hangin
patau kei un.#Mt 5:11; Ns 5:41
8 Ahang in, nget in puan a nek bangin amaute netummang dinga;#Isa 50:9
siim in samul a nek bangin amaute a valh ding hi.#Isa 14:11
Ahi hangin ka thumaanna bei ngei lo dinga,#tg 6
khang tawntungin ka hotkhiatna a kip den ding hi," a ci hi.
9 Khanglo in, khanglo in!
TOPA ban aw, thahatna puan silh in;#Isa 52:1
a beisa nite bang,
tanglai peka khanghunte bangin khanglo in.
Rahab a atnenpa ganhing lianpi#Ph 74:13
a sunletpa nang hi lo na hi hiam?#Job 9:13
10 Tatkhiatsate kantan theih dingin tuipi keusak a,#Pk 14:22, 15:13
tui thukpi tuite a keusakpa,
tuipi sunga lamsialpa#Job 36:30
nang hi lo na hi hiam?
11 TOPA tatsate a kileh kik ding uh hi.#Isa 35:9
La sa kawmin amaute Zion ah lut ding uh a;#Ph 109:28
amau lutungah a bei ngei lo lungnopna a khu ding uh hi.
Kipahna le lungnopna tawh kidimin#Jer 33:11
dahna le khuisatna a mangthang ding hi.#Kil 7:17
12 "Kei, kei mahmah note hong hehnempa ka hi hi.#2Co 1:4
Mihing hi lel a, mihing tapate ahi lel,#1Pe 1:24
lopa bang lelte a kihta nang kua na hiam?#Ph 118:6
13 Nang hong Bawlpa TOPA -
vante zala leitung bulpite#Ph 104:2; Isa 48:13
a phutpa a mangngilh nang,#Isa 17:10; 45:11
mi nengniamte thangpaihna hangin
lauthawngsa-a nungtapa,#Isa 7:4
siatna bek tupa nei pa nang kua na hiam?
Ahang in, mi nengniamte thangpaihna koi-ah om ahi hiam?#Isa 9:4
14 Thong kia-a kunte kikhahkhia baih ta ding hi;
amaute thong hawmpi sungah si lo ding uh a,
anlum zong a kitasam kei ding uh hi.
15 Ahang in keimah in nangma Pasian TOPA,
tuihualte a hawk nadingin tuipi a lawkgawppa -
a min Thahatpen TOPA ka hi hi.#Isa 13:4
16 Na kam sungah ka thute ka guang khina,#Tp 18:18; Isa 59:21
ka khut liimin nang kong sung hi -
vante a munah a omsakpa,
leitung bulpite phuta,#Isa 48:13
Zion tungah, ‘Note ka mite na hi uh hi,’ a cipa keimah ka hi hi," a ci hi.#Jer 7:23
TOPA’ Thangpaihna Hai
17 Khanglo in, khanglo in!#Isa 52:1
Jerusalem aw, tho in,
nang in ama thangpaihna ahi -#Job 21:20
mite a amsak hai a tawdat dongin#Ph 75:8
TOPA khut panin
na dawna na kham khin hi.#Ph 60:3
18 Tuanu sunga piang tapa khempeuh#Ph 88:18
amah lam a hilh ding khat beek om lo a;
ama khoisa tapa khempeuh
a khuta len ding khat beek a om kei hi.
19 Hih tuahsiatnate a thuapin hong tungta -#Isa 47:9
kua in hong hehnem ding hiam?
Kisiatna le maimanna, kialpi le namsau -#Isa 14:30
hong tung hi kua in hong dahpih thei a#51.19 Si Tuipi Laizialte, Septuagint le Syriac Masoretic Bupi / kei in bangcih thei ding hiam?
20 Na tapate bah khin uh a;
lam lian bul tengah
lenthanga awk sanang bangin lum uh hi.#Isa 5:25; Jer 14:16
TOPA thangpaihna le na Pasian taina tawh
amaute kidim uh hi.#Job 40:11
21 Tua ahi ciangin zu hi lo napi
a khama hingimpa aw, hih thu za in.#Isa 14:32, 29:9
22 Hih in na Pasian Thupipen TOPA
ama mite a hupa gen ahi hi:#Isa 49:25
"En in, nang hong hoisak
hai na khut panin ka lakhia khin hi;#tg 17; Jer 25:15
tua hai panin ka thangpaihna haipi
na dawn kik ngei nawn kei ding hi.
23 No hong gentheisaka no tungah,
‘No tung ka tot theih nadingin#Zec 12:2
na khupbawh unla lampi-a kitawn lamlian bangin
na nungzang uh na dawh un,’#Ph 66:12
hong cite khut sungah ka koih ding hi," a ci hi.
Currently Selected:
Isaiah 51: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission