Galatia-te 6
6
Mi khempeuh Tungah a Hoih Gamta
1Sanggamte aw, mawhna a bawl mi khat a kimat leh a khami note in migitakin na phong ding uh hi. Ahi hangin no le no na kikem un; tua hi kei leh note in zong zia-etna na thuak kha ding uh hi. 2 Khat le khat na vangik uh kidawn tek un. Hih bangin gamta le uh cin Christ thukham na tangtun ding uh hi. 3 Mi khatpeuh bangmah hi lo napi a thupi-a a kingaihsut leh amah le amah kikhem ahi hi. 4 Mi khempeuh in amau gamtatna encian ciat uh hen. Tua ciangin, midangte khatpeuh tawh kitehkak se loin amah le amah a kihisak thei pan ding hi. 5 Ahang in, mi khempeuh in amau van tek a pua ciat ding uh hi.#Ro 12:3
6 Thu-a kipantah peuhmah in, a pantah pa tawh a hoih khempeuh a tangkhawm pelmawh hi.#1Co 9:11; 1Ti 5:17-18
7 Khem zawhin na om kei un: Pasian pen ciamnuih bawl theih hi lo hi. Mi in ama vawh bangin a at ding hi. 8 Ama mawhdim pianngei lungkim nading a vawh mi in, tua pianngei e#6.8 Ahikeh ci-le-sa panin ci-le-sa panin siatna a at ding hi; Kha lungkim nading a vawh mi in, tua Kha panin nuntak tawntungna a at ding hi. 9 Eite in i tawpsan kei nakleh a hun a tun ciangin a gah at ding i hi manin na hoih sep cimtak kei ni. 10 Tua ahi manin hun hoih i neih sungin mi khempeuh tungah na hoih sem ni, a diakdiak in thu-um innkuante tungah sem ni.#Pn 3:27; Hos 10:12, 13
Vunat hilo Piansak Thakna
11 Keima khut mahmah in laimal golpipi-a no tunga kong gelhte en dih un!
12 A tungthama maipha ngah nuam mi pawlkhat in, vun hong atsak nuam teitei uh hi. Hih banga a hihna uh a thu, Christ singlamteh thu hanga bawlsiatna tawh a kipelh nop man bek uh ahi hi. 13 Vunatte nangawn in thukham a zui kei uh hi. Tua hi ta leh note hong kisialhpih nuam uh ahi manin, vun hong atsak teitei uh ahi hi. 14 Kei adingin leitung kikilhcip a, kei zong leitung adingin hong kilhcipna ahi tua a#6.14 Ahikeh pa Topa Jesu singlamteh longal ka kisialhpih kei ding hi. 15 Vunat le vunat loh in phattuamna a nei kei hi. A thaka piansakna bekin phattuamna a nei hi. 16 Hih zuih ding ngeina a zuite khempeuh le Pasian Isreal-te tung dongah lemna le lainatnate om ta hen.
17 A nunung penin, ka pumpi tungah Jesu ciamtehnate pua ka hi manin, kuamah in kei hong buaisak kei ta hen.#Isa 44:5
18 Sanggamte aw, Topa Jesu Christ hehpihna, note kha tawh om ta hen. Amen.#Ro 16:20
Currently Selected:
Galatia-te 6: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission