Phatna-late 52
52
Tumtheih makaipa ading David phuah maskil f# 0 Thulu: Lailam ahikeh tumtheihlam kamzat hikha ding khat. Saul kiangah Edom-te Doeg pai-in "Abimelech’ inn ah David pai ta hi," a cih lai a.
1 Nang thahatpa aw, bang hangin siatna kisaktheihpih na hi hiam?#Ph 10:3
Pasian mita vangkiampa
bang hangin sunniloh a kisathei na hi hiam?
2 Nang, zuauphuah bek a sipa aw,
na leii in siatna bek sawmsim a,#Ph 5:9
tempa hiam tawh kibang hi.
3 Nang, apha sangin asia nuam na sazaw a,#Pk 10:10
thutak gen sangin zuauphuah nuam na sazaw hi. #Selah
4 Nang, zuauthei leii aw,
nang, a nasak thei kammal nuamsa ciai!
5 Pasian in siat tawntungna ah nang hong tunsuk taktak dinga,
na puanbuk pan nang hong bawhin hong balzan dinga;
mihingte leitang panin hong bulkalh ding hi. #Selah
6 A thumaante in mu in kihta ding uh a;
amaute in amah nuihsanin,#Ph 22:19
7 "Ama kulh muanhuai Pasian a hisak lo,#2Sa 22:3
ama hauhluatna a muang#Ph 49:6
midangte siatsakna tawh a khang mipa
tu-in hiah om e!" ci ding uh hi.
8 Ahi hangin kei ka hileh Pasian inn sungah
a khanpha olive kung khat tawh ka kibang a;#Ph 1:3
Pasian itna kip a tawntungin ka muang den hi.#Ph 6:4
9 Na sepsate hangin nang kong phat den dinga;
na min hoih ahi manin na min ah ka lamen ding hi;
nangma misiangte muhin nang kong phat ding hi.
Currently Selected:
Phatna-late 52: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission