Phatna-late 37
37
David phuah.
1 Misiate hangin lunghimawh kei inla,
amaan lo-a gamtate eng kei in;#Pn 3:31
2 ahang in, amaute lopa bangin vul pak ding uh a,#2Ku 19:26
singno hing bangin amaute si baih ding uh hi.#Ph 90:6
3 TOPA muangin na hoih sem in;
gam sungah tengin a muanhuai lonona nuamsa in.#Eze 34:14
4 Nangmah in TOPA sung nuamsa lecin
na lungsima na lunggulhte hong pia ding hi.
5 TOPA tungah na vai ap-in;
amah muang in, ama’n a sem ding hi.#Ph 4:5
6 Amah in na thumaanna zingsang khuavak bangin tangsak dinga,#Job 11:17
na thutangna sun nitang bangsak ding hi.
7 TOPA mai-ah om hithiat inla
lungduaitakin amah ngak in;
mihingte amau lampite ah a lawhcin uh ciang leh
gitloh a sawmnate uh a hih zawh uh ciangin lunghimawh kei in.#Ph 21:11
8 Hehna ki-ip inla thangpaihna kiheisan in;#Eph 4:31
lunghimawh kei in - tua in gitlohna tun lel hi.
9 Ahang in, misiate kipuakoih dinga,
ahi hangin TOPA ah lametna neite in gam a luah ding uh hi.#Ph 25:13
10 Migilote tomkha sungin om nawn lo dinga;#Job 7:10
amaute na zon hangin kimu lo ding hi.
11 Ahi hangin lungnemte in gam luah ding uh a#Ms 14:24
lungmuanna lianpi nuam a sa ding uh hi.#Sp 26:6
12 Migilote in thumaante langpan sawm uh a,#Ph 2:1
amaute hagawisan uh hi;#Job 16:9
13 ahi hangin Topa in migilote ni a tun ding thei ahi manin#Isa 26:10
amaute nuihsan hi.
14 Migilote in mizawngte le a tasamte nuainet ding,#Ph 35:10
a gamtatna-a thutangte that dingin
namsau dokin thal a kek uh hi.#Ph 22:20
15 Ahi hangin a namsaute un amau lungtang mah dawtlet dinga,#Ph 9;16
a thalte uh a kisutan ding hi.#1Sa 2:4
16 Migilo tampite hauhna sangin,
a thumaante in tawmkha a neih uh hoihzaw hi;#Pn 15:16
17 ahang in, migilote vangliatna kisutan dinga,#Job 38:15
thumaante ahileh TOPA in a lenkip ding hi.#Ph 41:12
18 A kawkbaang lote’ nite TOPA in thei a,
amau gouluah a kip den ding hi.#Ph 44:21
19 Tuahsiat hunin amaute dual lo ding uh a,
kialpi hunin tampi nei-in nuam a sa ding uh hi.
20 Ahi hangin migilote kisia dinga;
TOPA galte gamlak mel hoihte bangin
mangthang ding uh a -
meikhu bangin a mangthang ding uh hi.#Ph 68:2
21 Migilote in leitawi-in din kik lo uh a,
ahi hangin a thumaante in cingh takin a pia uh hi;#Sp 25:35
22 tua bang TOPA thupha piakte in gam a luah ding uh hi;
ahi hangin a hiamsiatte a kihemkhia ding hi.#Job 5:3
23 TOPA in mi khat lampi a lungdampih leh
a kalsuannate kipsak hi;#Ms 14:8
24 a kimuktu kha zongin#Ph 7:9
TOPA in a khutin lenkip ahi manin a puk kei ding hi.#2Kh 9:8
25 Naupang ka hi ngei a tu-in ka tekta hi;
tua sungin thumaante a kinusia ahi a,
a tate khutdawh ngena vak ahi zongin
ka mu ngei kei hi.#Ph 111:5;Heb 13:5
26 Amaute a tawntungin cingh uh a, baihtakin a leitawi uh hi;#Sp 25:35
amaute tate thupha a kipia ding hi.#Tp 28:4
27 Siatna kiheisan inla na hoih sem in;
tua hileh gam sungah na teng tawntung ding hi.#Ms 24:21
28 Ahang in, TOPA in thutangte it a,
ama muan te a taisan ngei kei ding hi.#Tp 7:6
Amaute kihu tawntung dinga,
migilote suante ahileh a kihemkhia ding hi;
29 a thumaante in gam luahin#Pn 2:21
a teng tawntung ding uh hi.
30 A thumaante kam in pilna paukhia a,
ama leii in thutang a gen hi.#Ph 49:3
31 Ama Pasian’ thukham a lungsim ah om a;#Tp 6:6
a khete a tal kei hi.#Tp 32:35
32 A thumaante bukin migilote boka,#Ph 11:5
amaute nuntakna mahmah a zong uh hi.
33 Ahi hangin TOPA in amaute vangliatna sungah, a thumaante nusia lo dinga,
thukhenna ah a kimawhpaihsak kei ding hi.
34 TOPA ngak inla ama lampi tawn in,#Ph 27:14
amah in gam luah dingin nang hong tawisang dinga,
migilote a hepkhiat ciangin na mu ding hi.
35 Leihoihna-a po singkung hing tawh a kibang#Job 5:3
a khanpha mi gilo a tatsia khat ka mu hi;
36 ahi hangin mangpah-a a om nawn kei hi;
amah zong ta lehang a kimu thei nawn kei hi.#Ph 12:7
37 A genbaang lote ngaihsunin a thutangte lungngai dih in;#Ph 11:7
lemna a deih mipa adingin mailam hun a# 37 Ahikeh suan le khak nei ding a om lai hi.#Isa 57:1-2
38 Ahi hangin mawhneite khempeuh kisusia dinga;#Ph 73:19
migilote mailam hun b# 38 Ahikeh suan le khak kikhaktan ding hi.
39 A thumaante’ hotkhiatna TOPA kiang pan hong pai-a,#Ph 3:8
amaute lungkham hunin amah a kulhpi uh ahi hi.#Ph 9:9
40 TOPA in amaute huhin hukhia a;#1Kh 5:20
amaute in amah bel uh ahi manin#Ph 2:12
migilote panin amaute hu-in a honkhia hi.
Currently Selected:
Phatna-late 37: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission