Phatna-late 135
135
1 TOPA phat un. d# 1 Hebrew in Hallelu Yah tg.3 le 21 ah zong
TOPA min phat un;
No TOPA’ nasemte#Ph 113:1; 134:1
2 no TOPA inn sunga nasemte,
i Pasian inn huanga nasemte aw, amah phat un.#Ph 116:19
3 TOPA hoih ahi manin TOPA phat un;#1Kh 16:34
nuam ahi manin a min phatna la sa un.#Ph 92:1
4 Ahang in TOPA in ama adingin Jacob teel khin a,
ama neihsa a goupi dingin Israel a teel khin hi.#Pk 15:9
5 TOPA a liat lam ka thei-a,#Ph 48:1
pasiante khempeuh sangin i Topa lianzaw hi.#Pk 12:12
6 TOPA in vante sung le leitung ah,#Mt 6:10
tuipite le a thukna munte khempeuh ah
ama utut a bawl hi.#Ph 115:3
7 Amah in leimongte pan meiite kahtosakin
khuaphia le guah sawla,#Job 5:10
a kholna panin huih a puakkhia hi.
8 Amah in Egypt-a ta masa,#Pk 4:29
mihing ganhing ta masate, sattuk hi.
9 Egypt aw, ama’n nang sung, Pharaoh le a nasemte khempeuh langah#Pk 7:9
limte le nalamdangte a sawl hi.#Ph 136:10-15
10 Amah in minamte tampi sattukin
kumpi thahatte a that hi -
11 Amor-te kumpipa Sihon,
Bashah kumpipa Og le#Ms 21:33
Canaan kumpite khempeuh that a -#Jos 24:12
12 a gam uh goutanh ding,#Tp 29:8
a mi Israel-te goutanh dingin pia hi.
13 TOPA aw, na min kip tawntung a,#Pk 3:15
TOPA aw, khang sawnsawnte dongin a thang kikkik ding hi.
14 Ahang in, TOPA in a mite tungah thu khenin#1Sa 24:15
a nasemte a khuatuah ding hi.#Tp 32:36
15 Minamte’ milimte pen ngun le kham hi-a,#Ph 96:5
mihing khuta kibawl ahi hi.
16 Tua in kam nei napi pau thei lo a,#1Ku 18:26
mit nei napi khua a mu thei kei hi;
17 tuate in bil nei napi khua za thei lo uh a,
a kamun huu a sang tuan kei uh hi.#Jer 10:14
18 Tuate a bawlte tuate tawh kibang dinga,
tuate a muangte khempeuh zong tuate tawh kibang ding uh hi.
19 Israel innkuante aw, TOPA phat un;#Ph 22:23
Aaron innnkuante aw TOPA phat un;
20 Levi innkuante aw, TOPA phat un;
no amah a kihtate aw, TOPA phat un.
21 Zion panin Jerusalem-a a teng#1Ku 8:13
TOPA kiphat ta hen.#Ph 128:5
TOPA phat un.
Currently Selected:
Phatna-late 135: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission