Phatna-late 107
107
BU V
Phatna-late 107-150
1 TOPA hoih ahi manin ama tungah lungdam ko un;#1Kh 16:8
ama itna kip tawntung hi.
2 TOPA tatsa mite -
galte khut pana a tatsate,
3 gam teng panin a kaihkhopte,#Ne 1:9
nisuahna nitumna pan, leilu le leitaw b# 3 Hebrew in leilulam le tuipi pana a kaihkhopsate in lungdam ko uh hen.
4 Pawlkhatte, sehnel-gam gamtak ah vak kawikawi uh a,#Jos 5:6
a ten nading uh khuapi zuatna lampi a mu zo kei uh hi.
5 Amaute gilkial dangtak uh a,#Pk 15:22
a nuntakna uh damdamin kiamkiam uh hi.
6 Tua ciangin lungkhamin TOPA ko uh a,
amah in amaute lungdonna pan a hukhia hi.#Pk 14:10
7 Amah in amaute lampi tang ah pi a;#Eze 8:21
a tentheih nading uh khuapi a tun hi.
8 Amaute in a kip tawntung TOPA itna le#Ph 6:4
mite adingin a nalamdang bawlte hangin lungdam ko uh hen.#Ph 75:1
9 ahang in, amah in a dangtakte taiisak a,
gilkialte na hoihte-in a dim hi.#Ph 22:26
10 Pawlkhatte khuamialna miallak thukpi ah tu uh a,#Ph 88:6
thongkiate in sikkhainiang a thuak uh hi;#Job 36:8
11 amaute in Pasian kammalte lehdoin#Ph 5:10
Sang Penpa kuppihna a simmawh hang uh ahi hi.#1Ku 22:5
12 Tua hi a amaute nasep haksazaw semsak a;
a kimuktuk uh hangin a huh ding khat beek a om kei hi.
13 Tua ciangin amaute lungkhamin TOPA ko uh a,
a lungdonna panun amaute a honkhia hi.#Ph 106:8
14 Amah in khuamial lak le miallak thukpi panin amaute lakhia a#Ph 86:13
a sikkhainiangte uh a suktatsak hi.#Job 36:8
15 Ama itna kip hang le mite adingin a sep ama nalamdangte hangin#Ph 75:1
amaute in TOPA tungah lungdam ko uh hen;#Ph 105:1
16 ahang in amah in sumngo kongpite supai a,
a kalhna sikzawlte a attan hi.
17 Pawlkhatte in a lehdonna uh hailawh uh a,
amau tatkhialhna hangin gimna a thuak lawh uh hi.#Sp 26:16
18 Amaute in an khempeuh kih uh a,
sihna kongpite a naih uh hi.#Job 17:16
19 Tua ciangin amaute lungkhamin TOPA sam uh a,
amau lungdonna panin a honkhia hi.#Ph 34:4
20 Ama kammal sawlkhia a, amaute damsakin;#Tp 32:2
hankhuk panin a hukhia hi.#Ph 16:10
21 Ama itna kip hang le mite adingin a sep ama nalamdangte hangin#Ph 75:1
amaute in TOPA tungah lungdam ko uh hen.#Ph 6:4
22 Amaute in lungdamkoh biakna pia uh henla#Sp 7:12
lungdamna late in ama nasepnate gen uh hen.#Job 8:21
23 A dangte tuipi tungah tembawpite in paikhia uh a;#Ph 104:26
amaute tuihat tunga pai sumbawlte ahi uh hi.
24 Amaute in TOPA nasepte,#Ph 64:9
tuithuk sunga a sep ama nalamdangte a mu uh hi.
25 Ahang in, amah kampau-in#Ph 50:3
tuihualte a sangsak huihpi a kinuai hi.
26 Vante dongin amaute kilawnsang to uh a, a thuknate ah kumsuk kikin;
amaute lau mahmah uh a, a hanna uh tuisuakmang hi.#Jos 2:11
27 Amaute zukham bangin sukhoi tohoi uh a;
a cih nading a thei nawn kei uh hi.
28 Tua ciangin amaute lungkhamin TOPA ko uh a,
amah in amaute lungdonna panin a pikhia hi.#Jnh 1:6
29 Amah in huihpi daisakin huihdam suaksak a;#Lk 8:24
tuipi hualte a sip dide hi.#Ph 65:7
30 Tuate a sip dide ciangin amaute kipak uh a,
amah in amaute utna tembaw khawlmun ah a pi hi.
31 Ama itna kip hang le mite adingin a sep ama nalamdangte hangin
amaute in TOPA tungah lungdam ko uh hen.#Ph 6:4
32 Amaute in mi kikhawmte lakah amah tawisang uh henla
upate thu kikupna ah amah phat uh hen.
33 Amah in gunte sehnel-gam suaksak a,#1Ku 17:1
ciktui luannate leigawtak suaksak in,#Ph 104:10
34 an tampi pianna gam ci-lei a suaksak hi;#Pc 13:10
tua pen tua lai-a tengte gitlohna hang ahi hi.
35 Amah in sehnel-gam zong bualtui suaksak a,#2Ku 3:17
lei keugaw zong ciktuite luanna suaksak hi;
36 ama’n a gilkialte tua muna teng dingin puak a,
amaute in a ten theih nading uh khuapi a sat uh hi.
37 Amaute in khaici vawhin lenggui suan uh a,
tuate in lak ding tampi a gah hi;#2Ku 19:29
38 amah in amaute thupha pia-in pung mahmah uh a,#Pc 12:2
a ganhonte uh zong a kiamsak kei hi.#Pc 49:25
39 Tua ciangin amaute netniamna,
tuahsiatna le dahna tawh kiniamkhiatin amaute kiam uh hi;#Ph 44:9
40 amah in uliante tungah simmawhna a buakpa in#Job 12:18
amaute lampi omlohna gamval ah a vaksak kawikawi hi.#Tp 32:10
41 Ahi hangin amah in a tasamte a thuaksiatna panun laamto a,#1Sa 2:8
a innkuante tuuhonte bangin pungsak hi.#Job 21:11
42 A thutangte in tua mu in nuam uh a,
ahi hangin a gilote khempeuh a kamsim uh hi.#Job 5:16
43 A pil peuhmah in hih nate thusim uh henla,
TOPA itna lianpi ngaihsun uh hen.#Ph 103:11
Currently Selected:
Phatna-late 107: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission