Paunakte 30
30
Agur Thugente
1Jakeh’ tapa Agur thugente - thusuak b#30.1 Ahikeh Massa a Jakeh khat:
Hihpa in Ithiel tung,
Ithiel le Ucal c#30.1 Masoretic Bupi ah Hebrew tawh kilamdang pulak, "Pasian aw, ka gim hi; / Pasian aw, ka gim hi, ka bah hi. tungah a gen ahi hi:
2 "Mihing lakah thuthei-lopen ka hi hi;
mihing theihtelna ka nei kei hi.
3 Pilna ka sin nai kei a,
Siangtho Pa theihna lah ka nei kei hi.#Pn 9:10
4 Kua vantung ah kahto in hong kumsuk khin ahi hiam?#Tp 30:12
Kua in a khut kuak sungah huih khawm ngei ahi hiam?#Isa 40:12
Kua in a puantualin tui tun thei ahi hiam?
Kua in leimongte khempeuh phutkip ahi hiam?
Ama min bang hi-a, a tapa min bang hiam?#Kil 19:12
Na theih leh hong gen dih in!
5 "Pasian kammal peuhmah melhem lo a;#Ph 12:6
ama sunga bute adingin lum ahi hi.
6 Ama kammalte behlap kei in,
na behlap leh hong taihilh dinga, zuauphuak na suak ding hi.#Tp 4:2
7 "TOPA aw, nang tung pan na nih kong ngen hi;
ka sih ma-in hong nial kei in.
8 Zuau genna le khemna tawh hong kigamlasak in;
zawnna ahi-a hauhna ahi zongin hong pia kei inla,
ka nisim an bek hong pia in.#Mt 6:11
9 Tua hi kei leh, hau lua leng nang hong
kitheihmawhbawl in, ‘TOPA kua hiam’ ka ci kha ding hi;
zawng leng lah guta in ka
Pasian min kong daisak kha ding hi.#Tp 8:12
10 "Nasempa khat a pu tungah gensia kei in,
nang hong hamsiat in mawh na khu kha ding hi.
11 "A pate uh hamsiat in
a nute uh thupha a pia lo mi om hi;#Pn 20:20
12 tua bang mite amau mit-a siang a kisate hi-a,#Pn 16:2
a nitna uh lah a siang tuan kei hi;#Jer 2:23,25
13 tua mite kiphasak mahmah uh a,
vandak vuauvuau-in mi neumuh uh hi;#2Sa 22:28
14 lei pana mizawngte le#Am 8:4
mihing laka a tasamte valhtum nadingin#Job 19:22
a ha uh namsaute hi a,
amaute khaguh ah temta kiphut hi.#Ph 57:4
15 "Vot in tanu nih nei hi;
amaute in, ‘Hong pia in! Hong pia in!’ ci-in kiko uh hi.#Pn 27:20
"Kham hun a nei lo na thum om a,
‘Phazo!’ a ci ngei lo li om hi;
16 tuate in: hankhuk a#30.16 Hebrew ah Sheol, aciing sul,
tui tasam leitang le
‘Phazo’ a ci ngei lo mei ahi hi.
17 "Pate simmawh a, nute thuman ding
a awlmawh lote’ mit,
kuam sunga va-akte in khelkhia-in,
musanete in ne ding uh hi.#Job 15:23
18 "Lamdang ka sak luat na thum om a,
ka theihtel loh li om hi;
19 tuate in: huihkhua-a muvanlai lampi,
suangpi tunga gul lampi,
tuipi vumte tunga tembaw lampi le
nungak le tangval paina lampi ahi hi.
20 "Angkawmnu gamtatzia hih ahi hi:
An ne in a muk nul a,
‘Khialhna bangmah ka bawl kei hi’ ci hi.#Pn 5:6
21 "Leitung a lingsak na thum om a,
a kithuak zo lo li om hi,
22 tuate in: nasem khat kumpi suak,
mihai ankham,
23 kuama ngaih loh numei khat pasal nei,
nasem numei a pi mun suankhia ahi hi.
24 "Leitung ah neu mahmah napi a pil
lua mahmah na lite:
25 Miksite a hat het lo ganhing hi napi,
nipi lai-in an khol uh hi;#Pn 6:6-8
26 Sakikhte b#30.26 Tua in hurax ahikeh suang henga teng ganhing vanglian het lo napi#Ph 104:18
suangheng ah kua bawl uh hi.
27 Kauphete in kumpi nei lo napi#Pk 10:4
athuang athuangin gamtakhawm uh hi.
28 Innhik, khutin kiman zo napi
kumpite innte sungah kimu hi.
29 "A pai ciangun thupisuak thum om a,
a kalsuan tawh kilawm li om hi:
30 gamsate laka thahat pen,
bangmah a kihta lo humpinelkai;
31 a kihisaka pai aklui, keeltal le
a kimkot a galkap om c#30.31 Ahikeh a langdote a zo a kip kumpi kumpipa ahi hi.
32 "Haitatin nang le nang kitawisang
ahikeh gitloh na sawm khak leh
na khutin na kam hum ou!#Job 29:9
33 Ahang in, bawngnawi toktok leng thawhbat suak a,
nak nuai leng sisan a luan bangin hehna so leh
kiselna piang hi."
Currently Selected:
Paunakte 30: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission