Paunakte 29
29
1Tamveipi taihilh khita lungkhauh teiteite#Pk 32:9
thakhatin kisia ding uh a - a kibawl thei nawn kei ding uh hi.#2Kh 36:16
2 Mi thumaante a khantoh ciangin mite nuam uh a,#2Ku 11:20
migilote’n a uk ciangin mite tau uh hi.#Pn 30:22
3 Pilna a it mi in a pa lungdamsak a,
numei kizuakte tawh a kikhawlte ahileh a neihsa a mawkzat bei ahi hi.#Pn 5:8-10
4 Kumpipa in thutang tawh a gam kipsak a,#Pn 8:15-16
golhsum-a huaihampa ahileh a khenkham ahi hi.
5 A vengte a maitang phatte
a khe awk nading lenthang kam ahi hi.#Job 32:21
6 Migilopa a mawhna mah ah awk a,#Job 5:13
a thumaanpa ahileh nuamin la a sa thei hi.
7 Mi thumaan in mizawngte tungah thutang a bawl ding khual a,
migilo in tua bang deihsakna a nei kei hi.#Pn 31:89
8 Mi simmawhte in khuapi sosak a,
mipilte in ahileh hehna a vengsak hi.#Pn 11:11
9 Mihai khat le mipil khat zum ah
a kikhiat leh mihaipa hehin selpho a, kilem thei lo uh hi.
10 Sisan suah nuamte in mi citakte mudah a,
a thutangte thah a sawm uh hi.
11 Mihai in a hehna teng pulak khin a,#Job 15:13
mipil in ahileh amah le amah ki-ip zo hi.
12 Gam-ukpa in zuauthu a ngaih leh
a ulian teng migilo suak khin hi.#Job 34:30
13 Mizawngpa le minuainetpa in a kibangin a neih tuak uh hih ahi hi:
TOPA in mit khuamuhna pia tuak hi.#Pn 22:2
14 Kumpipa in mizawngte thu kilawm-kituakin a khensak leh
a tokhom kip tawntung ding hi.#Ph 72:1-5
15 Bawlphatna ciangduai in pilsak a,
ama thu-a gamta naupang in a nu mindaisak hi.
16 Migilo khangto semsem leh mawhna tam semsem a,
thumaan mi in ahileh amaute pukna mu ding hi.#Ph 91:8
17 Na tapa sek lecin hong lungnuamsak dinga,
na hinna taiisak ding hi.
18 Kilaakna om lohna ah mite phengtat uh a,
thukham zuipa ahileh thupha ngah ahi hi.#Ph 1:1-2
19 Kama gen bekin nasem khat kibawlpha thei lo a;
a theitel zongin zui tuan lo ding hi.
20 A pheng paupau mi na mu ngei hiam?
Ama ading sangin mihai khat adingin lametna om zaw hi.#Pn 19:20
21 Mi khat in a inntengpa a neu tungin a hawmthawh bawl leh
a tawpna ah dahna a#29.21 Hebrew ah hih kammal a khiatna kicianlo hi. a tun ding hi.
22 Mi heh khat in kitotna sosak a,
a lungsopa in mawhna tampi a bawl hi.
23 Mi khat a kiphatsakna in niamkhiat a,#Est 5:12
a lungsim kiniamkhiat mi ahileh pahtawina a ngah hi.#Pn 11:2
24 Guta a pawlpihpa, a galpa hi pah a;
amah kiciam ahi manin bangmah a genkhia ngam kei hi.#Sp 5:1
25 Mihing kihtakna thang kikamsa suak dinga,
TOPA a muang peuhmah kihumbit ding hi.#Pn 16:20
26 Mi tampi in gam-ukpa maipha zong uh a,#Pn 19:6
ahi hangin TOPA tung pan bekin mihing in thutang ngah hi.#Pn 16:33
27 Mi thumaante in zuauthu kih a,
migilote in mi thutang kih hi.
Currently Selected:
Paunakte 29: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission