Joel 3
3
Minamte Thu Kikhen
1"Tua ni tua hun ciangin Judah le Jerusalem,
a nidang hun uh ka bangsak dinga,
2 Minam khempeuh khawmin#Zep 3:8
Jehoshaphat g#3.2 Jehoshaphet, TOPAcihna; aneu 12 ah zong Kuam ah ka paipih suk ding hi.
Tua lai-ah ka gouluah, ka mi Israel-te
a langbawlna hangun amaute thu ka khen ding hi;
ahang in, amaute in ka mite,
minamte lakah thehthang uh a, ka gam a hawm uh hi.
3 Ai sanin, ka mite metbawlin
sumzonna-in nei uh a,
a zu dawn nadingun
numeinote a zuak uh hi.#Am 2:6
4 Tyre, Sidon le Philistia kualte khempeuh aw, tu-in kei bang hong cih nuam lai na hi uh hiam? Ka gamtatnasa khatpeuh hong thuk kik na hi uh hiam? Hong thuk kik na hi uh leh kei zong no hong sepsate manlangtakin kong thuk kik pah ding hi. 5 Ka kham, ka ngun le ka gou hoihpente la-in note biakinnpi sungah na puak uh hi. 6 Amau leitang tawh a kigamla theithei dingin Judah le Israel mite Greek-te tungah na zuak uh hi.
7 "Na en un, amaute na zuakna mun panun ka thosak dinga na gamtatnasate uh no lutang ah hong tu kik ding hi. 8 Na tanu na tapate uh Judah mite tungah ka zuak dinga, amaute in gamlapi-a om Sabea minamte tungah a zuaksawn ding uh hi,"TOPA in genkhia khin hi.#Isa 43:5-6; Jer 23:8
9 Midangte tungah hih thu tangko un:
Gal sim dingin kithawi un!#Isa 8:9
Galhangte hansuah un!#Jer 46:4
Galsiam mite galdo dingin naihsak un.
10 Lo khawhna tute namsau-in sek unla,
heuhna temte teipi in sek un.#Isa 2:4; Mic 4:3
A hat lo mite,
"Ka hat hi," cisak un.#Zec 12:8; Jos 1:6
11 Minam khempeuh aw, mun khempeuh pan manlang takin hong kuan unla,
tua lai-ah kikhawm un.
TOPA aw, na galhangte hong puaksuk in.#Isa 13:3
12 "Minamte kithawisak un;
Jehushaphat Kuam hong simsuk uh hen.
Ahang in, mun khempeuh a minamte thukhen dingin
tua lai-ah ka tu ding hi.#Isa 2:4
13 An lak hun ta ahi manin#Hos 6:11
na phiaukawi uh vaan un.#Mk 4:29
Amaute gilo lua mahmah uh ahi manin
hong pai unla lenggah cilna kuang sunga
a dim lenggah bangin cilin
lenggah tui dawhna dimletsak un.
14 Thukhenna Kuam sunga
mihonpite, mihonpite!
Ahang in, thukhenna Kuam ah
TOPA thukhenna nai ta hi.
15 Nipi le khapi kimialsak dinga,
aksite a tang nawn kei ding hi.#Eze 32:7
16 Zion panin TOPA hawk dinga,
Jerusalem panin kek kia ding hi;
lei le van kiling ding hi.#Eze 38:19
Ahi hangin TOPA a mite bukna suak dinga,#Ph 46:1
Israel mite mun muanhuai ahi ding hi.#Jer 16:19
Pasian Mite Thuphate
17 "Tua ciangin keimah TOPA note Pasian,
ka mual siangtho Zion ah ka ten lam na thei ding uh hi.
Jerusalem siangtho dinga#Jer 31:40
gamdang mite in a zo kik ngei nawn kei ding uh hi.#Isa 52:1
18 Tua ni ciangin mualliante pan lenggahzu thak taak dinga,#Pk 3:8
mualneute ah bawngnawi luang ding hi.
Judah gam sunga hawkguam khempeuh ah tui a luang ding hi.#Isa 30:25
TOPA inn panin ciktui khat luangkhia dinga#Kil 22:1-2
acacias a#3.18 Ahikeh Shittim kuam a kawtsak ding hi.#Eze 47:1; Am 9:13
19 Ahi hangin Egypt gam,
gamlak suakin Edom gam, a kizang thei nawn lo sehnel-gam a suak ding hi.#Isa 11:14
Bang hang hiam cih leh amaute in Judah mite tungah ngongtatin
amau gama mawhpengte’ sisan a luangsak uh hi.
20 Judah gamah mi teng tawntung dinga,
Jerusalem ah khang tawntungin mi a teng ding hi.
21 A sisan mawhna uh ka maisak lohte
ka maisak ding hi," a ci hi.#Isa 1:15; Eze 36:25
Zion ah TOPA teng hi!
Currently Selected:
Joel 3: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
Joel 3
3
Minamte Thu Kikhen
1"Tua ni tua hun ciangin Judah le Jerusalem,
a nidang hun uh ka bangsak dinga,
2 Minam khempeuh khawmin#Zep 3:8
Jehoshaphat g#3.2 Jehoshaphet, TOPAcihna; aneu 12 ah zong Kuam ah ka paipih suk ding hi.
Tua lai-ah ka gouluah, ka mi Israel-te
a langbawlna hangun amaute thu ka khen ding hi;
ahang in, amaute in ka mite,
minamte lakah thehthang uh a, ka gam a hawm uh hi.
3 Ai sanin, ka mite metbawlin
sumzonna-in nei uh a,
a zu dawn nadingun
numeinote a zuak uh hi.#Am 2:6
4 Tyre, Sidon le Philistia kualte khempeuh aw, tu-in kei bang hong cih nuam lai na hi uh hiam? Ka gamtatnasa khatpeuh hong thuk kik na hi uh hiam? Hong thuk kik na hi uh leh kei zong no hong sepsate manlangtakin kong thuk kik pah ding hi. 5 Ka kham, ka ngun le ka gou hoihpente la-in note biakinnpi sungah na puak uh hi. 6 Amau leitang tawh a kigamla theithei dingin Judah le Israel mite Greek-te tungah na zuak uh hi.
7 "Na en un, amaute na zuakna mun panun ka thosak dinga na gamtatnasate uh no lutang ah hong tu kik ding hi. 8 Na tanu na tapate uh Judah mite tungah ka zuak dinga, amaute in gamlapi-a om Sabea minamte tungah a zuaksawn ding uh hi,"TOPA in genkhia khin hi.#Isa 43:5-6; Jer 23:8
9 Midangte tungah hih thu tangko un:
Gal sim dingin kithawi un!#Isa 8:9
Galhangte hansuah un!#Jer 46:4
Galsiam mite galdo dingin naihsak un.
10 Lo khawhna tute namsau-in sek unla,
heuhna temte teipi in sek un.#Isa 2:4; Mic 4:3
A hat lo mite,
"Ka hat hi," cisak un.#Zec 12:8; Jos 1:6
11 Minam khempeuh aw, mun khempeuh pan manlang takin hong kuan unla,
tua lai-ah kikhawm un.
TOPA aw, na galhangte hong puaksuk in.#Isa 13:3
12 "Minamte kithawisak un;
Jehushaphat Kuam hong simsuk uh hen.
Ahang in, mun khempeuh a minamte thukhen dingin
tua lai-ah ka tu ding hi.#Isa 2:4
13 An lak hun ta ahi manin#Hos 6:11
na phiaukawi uh vaan un.#Mk 4:29
Amaute gilo lua mahmah uh ahi manin
hong pai unla lenggah cilna kuang sunga
a dim lenggah bangin cilin
lenggah tui dawhna dimletsak un.
14 Thukhenna Kuam sunga
mihonpite, mihonpite!
Ahang in, thukhenna Kuam ah
TOPA thukhenna nai ta hi.
15 Nipi le khapi kimialsak dinga,
aksite a tang nawn kei ding hi.#Eze 32:7
16 Zion panin TOPA hawk dinga,
Jerusalem panin kek kia ding hi;
lei le van kiling ding hi.#Eze 38:19
Ahi hangin TOPA a mite bukna suak dinga,#Ph 46:1
Israel mite mun muanhuai ahi ding hi.#Jer 16:19
Pasian Mite Thuphate
17 "Tua ciangin keimah TOPA note Pasian,
ka mual siangtho Zion ah ka ten lam na thei ding uh hi.
Jerusalem siangtho dinga#Jer 31:40
gamdang mite in a zo kik ngei nawn kei ding uh hi.#Isa 52:1
18 Tua ni ciangin mualliante pan lenggahzu thak taak dinga,#Pk 3:8
mualneute ah bawngnawi luang ding hi.
Judah gam sunga hawkguam khempeuh ah tui a luang ding hi.#Isa 30:25
TOPA inn panin ciktui khat luangkhia dinga#Kil 22:1-2
acacias a#3.18 Ahikeh Shittim kuam a kawtsak ding hi.#Eze 47:1; Am 9:13
19 Ahi hangin Egypt gam,
gamlak suakin Edom gam, a kizang thei nawn lo sehnel-gam a suak ding hi.#Isa 11:14
Bang hang hiam cih leh amaute in Judah mite tungah ngongtatin
amau gama mawhpengte’ sisan a luangsak uh hi.
20 Judah gamah mi teng tawntung dinga,
Jerusalem ah khang tawntungin mi a teng ding hi.
21 A sisan mawhna uh ka maisak lohte
ka maisak ding hi," a ci hi.#Isa 1:15; Eze 36:25
Zion ah TOPA teng hi!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission