Isaiah 64
64
1Nangma mai-ah mualliante a kilin nadingin
vantungte balkekin hong kumsuk ve!#Ph 144:5; Mic 1:3
2 Mei in selkang kuangsak a
tui a so bangin,
hong paisukin na galte tungah na min kitheisak inla
na mai-ah minamte lingsak in.#Ph 99:1
3 Ahang in, ka lamet loh uh a mulkimhuai nate na bawl lai-in#Ph 65:5
nong paisuk a, na mai-ah mualliante a kiling hi.
4 Tanglai-a kipan, amah a ngakte cihna-a
na a sepsak nang longal
Pasian khat beek kiza lo a,
bil in zong za kha loin mit khat beek in a mu ngei kei hi.#Isa 43:10-11
5 Na lampi phawkin lungtaitakin
thumaana na a semte na huh hi.
Ahi hangin ka mawh ngitnget uh ciangin
nang na heh hi.#Isa 10:4
Kote bang ka kici hotkhiat thei ding uh hiam?
6 Kote khempeuh a siang lo mipa ka bang uh a,#Sp 5:2
thumaana ka sep khempeuh uh puanninte tawh a kibang hi;#Isa 46:12
kote khempeuh nahthel keu ka bang uh a,
ka mawhnate un huih bangin kote hong mutleng mang hi.#Jer 4:12
7 Kote na maitang nong selsan a#Tp 31:18; Isa 1:15; 54:8,
ka mawhna hangun hong patkhiasak na hi manin
kuamah in na min hong sam loin
pom hong sawm a om kei hi.
8 Tua hi napi TOPA aw, nang kote Pa na hi lai veve hi.#Isa 63:16
Nang beelseekpa hi-in kote tungman ka hi uh a;#Isa 29:16
na khuta nong bawlsa ka hi uh hi.#Isa 19:25
9 TOPA aw, nak heh lua kei inla#Isa 57:17
ka mawhnate uh ciamteh tawntung kei in.#Isa 43:25
Kote khempeuh nangma mi ka hi manun
kong thum uh hi, ko lam hong nga in.
10 Na khuapi siangthote sehnel-gam suak ta a;#Isa 1:26
Zion nangawn sehnel-gam suakin Jerusalem gamkhing a suak hi.
11 A siangtho a minthang ka biakinnpi uh, ka pate un nang hong phatna mun,#Ph 74:3-7
mei in kangtum ta a,
ka gou koih khempeuh uh kisia ta hi.#Ta 1:7,10
12 TOPA aw, hihte khempeuh nungin nang ki-ip lailai ding na hi hiam?
Nang dai khikhe-in dan hong thuaksaksak lai ding na hi hiam?#Ph 83:1
Currently Selected:
Isaiah 64: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission