Isaiah 38
38
Hezekiah’ Cinatna
1Tua hun laitakin Hezekiah a ci na in a si dektak hi. Amoz tapa kamsangpa Isaiah a kiangah va pai-a, TOPA gen hih ahi hi: Na inn sung omzia ding vaihawm in, bang hang hiam cih leh nang na si ding hi; na dam kik zo nawn kei ding hi;" a va ci hi.#2Sa 17:23; 2Ku 8:10; Isa 37:2
2 Hezekiah kawmlam nga-in TOPA tungah thu ngen a, 3 "TOPA aw, na mai-ah muanhuaitakin ka om a, ka lungsim neihzahin nangma tungah kong ki-ap hi; nangma muhna ah a hoih a ka gamtat lam hong phawk in," a ci hi. Tuateh Hezekiah kahcih-takin a kap hi.
4 Tua ciangin Isaiah tungah TOPA thu tunga: 5 "Pai inla Hezekiah kiangah, ‘Hih in TOPA na pa David Pasian gen ahi hi: Na thungetna ka za khin a na khituite ka mu khin hi; na nuntakna kum sawm le nga kisotto hi. 6 Tuateh keimah in Assyria kumpipa khut panin nang le hih khuapi ka hukhia ding hi. Hih khuapi ka humbit ding hi.#2Ku 18:2; Isa 37:35
7 "‘TOPA in hong ciamsa hong tunsak nading TOPA lim hih ahi hi: 8 Ahaz kahlei tungah a liap suksa niliap kalsawm ka kilek kiksak ding hi,’ ci hi," a ci hi. Tua ciangin a liapsuksa nitang kal sawm a kileh kik hi.#2Ku 20:1-11; 2Kh 32:24-26
9 Judah kumpipa Hezekiah in a natna a damkik khita a gelh:
10 "Ka thatun laitakin
sihna a#38.10 Hebrew ah Sheol kongpi-ah ka lut kul ta ding hi,#Ph 107:18; 2Co 1:9
ka kum omlai teng hong kisut ahi ta ve maw?" ka ci hi.#Job 17:11
11 "TOPA mu kik nawn lo ding,
a nungtate gamah TOPA mu lo ding;#Ph 27:13; 116:9
mihingte en kha nawn lo ding
ahikeh tu-a leitunga b#38.11 Hebrew khutgelh tawmkha; Hebrew khutgelh khempeuh phial ah a tawpna mun ah omte tawh teeng khawm nawn lo ding hi ta’ng ei!" ka ci hi.
12 Tuucingpa puanbuk bangin#2Co 5:1,4; 2Pe 1:13-14
ka inn hong kikaihpuksakin hong kilakkhiatsak hi.#Job 4:12
Siam gante bangin ka nuntakna ka zialkhia a,#Heb 1:12
amah in siambu panin kei hong atkhia a,#Job 7:6
sun le zanin ka nuntakna a beisak hi.#Ph 73:14
13 Zingsang phalvak nisuah dong ka ngak keikai hangin
humpinelkai bangin ka guhte sutanin
sun le zanin hong beisak ding na hi hi.#Job 10:16; Ph 51:8
14 Phialphiah ahikeh zangva bangin ka hama,
kawl vakhu bangin ka thum hi.#Isa 59:11
Vantungte ka etetna-in ka mitte a nguigawp hi.#Ph 6:7
Ka lungkham hi; Topa aw, kei huh dingin hong pai in!#Job 17:3
15 Ahi hangin ken bang genthei ka hi hiam?
Amah in kei hong hopih a, amah in a sem pah hi.#Ph 39:9
Hingim lua ka hi manin ka mailam hun khempeuh
kiniamkhiatin ka pai ding hi.#1Ku 21:27, Job 7:11
16 Topa aw, hici bangin mihing a nungta hi;
ka kha zong tuate lakah a nungta hi.
Nang hong damsak inla
hong nungtasak in.#Ph 119:25
17 Hici bang lungtawlna ka thuaka
kei adingin metna taktak ahi hi.
Kei hong itin
siatna khuk panin nong kem hi;
ka mawhnate khempeuh
na nungngatsan hi.#Isa 43:25
18 Ahang in, hankhuk a#38.18 Hebrew ah Sheol in nang hong phat thei lo a;#Thn 9:10
sihna in nang hong phatna sa thei lo hi;#Ph 6:5; 88:10-11
tua kuakhuk sunga paisukte in
na muanhuaina a lamen thei kei uh hi.
19 A nungtate, a nungtate - bek in
tuni-a kei hih bangin amaute in nang hong phat thei uh hi;#Tp 6:7; Ph 118:17
pate in amau tate tungah
na muanhuaina a gen ding uh hi,
20 TOPA in kei hong hon dinga,
i nuntak laiteng
TOPA biakinnpi sungah
khausai tumtheihte in la i sa ding hi.#Ph 116:2
21 Tua ciangin Isaiah in, "Theinai su inla meimatum nuh lecin a dam ding hi," a ci hi.
22 Hezekiah in, "TOPA biakinnpi-a ka paitoh nading bang lim hi ding hiam?" ci-in a dong khin hi.#2Kh 32:31
Currently Selected:
Isaiah 38: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission