Isaiah 22
22
Jerusalem’ Thu Genkholhna
1Mangmuhna Kuam tawh kisai thusuak:#Isa 13:1
Nang bangin hong lungkhamsak a,
na vekun innkhum tungah kahto na hi uh hiam?
2 A gamlum den khua aw,
thubuai tawh a gamlum den khuapi aw,
na mi thahte uh namsau thah hi lo a,#2Ku 25:3; Isa 10:4
gal sunga si zong hi tuan lo hi.
3 Na makaite khempeuh uh tai khawm khin uh a;
thal zat lohin kiman khin hi.
Hong kiman note khempeuh galte gamlapi-ah a om lai-a
a taite tawh thong ah hong kikhum khawm hi.
4 Tua ahi ciangin, "Ka kiang pan kihemkhia un,
kah cihtak hong kapsak lel un.#Isa 15:3
Ka mite kisiatna hangin
kei hehnep hong sawm kei un," ka ci hi.#Jer 33:1
5 Topa, Thahatpen TOPA in
Mangmuhna Kuam sungah gamlumna,
tuatcil-gawpna lungkham nading ni khat nei a,
kulhte cimsakgawpin
mualte tunga kiko nading ni khat a nei hi.#Ta 1:5; Zep 1:15
6 Elam-te in sakolte le sakollengte
a tuangte tawh thaltang bawm pua uh a,
Kir-te in a lum sin uh a hong uh hi.
7 Na deih pen uh kuamte sakolleng dim a,
khuapi kongpite ah sakol-tuangte kipangsak hi.#2Kh 32:1-2
8 Judah galdalnate kihawkkhiamang hi.
Tuateh Tulak Kumpi inn a
galhiamte lam na en a,#1Ku 7:2
9 David Khuapi galdalnate
mun tampi a kisiat na mu a,
Bual Nuainung ah
tui na cing hi.#2Kh 32:4
10 Jerusalem a innpite a phazah na sima,
kulh cianbeh nadingin innte na phelkhia hi.
11 Tui om nadingin kulhte gel kikala#2Ku 25:4
Bual Lui puahin, tui bempi na bawla,#2Kh 32:4
ahi hangin a bawl Pa thusim loin
tanglai peka a geel Pa lah na awlmawh kei hi.#2Ku 19:25
12 Tua ni ciangin Topa, Thahatpen TOPA in
ippi puan silhin
sam botkhia-a a kap dingin#Joel 1:13
hong sam ding hi.#Hoel 2:17
13 Ahi hangin en in, tua lai-ah lungnopna le nopsakna,
bawng gawhna le tuu gawhna,
zu dawnna le sa nekna a om ding hi!#Isa 56:12; Lk 17:26-29
"Zing ciang si ding i hi manin
ne in dawn ni!" na ci uh hi.
14 Thahatpen TOPA in ka zakin hong laak khin a: "Na sihni matengun hih mawhna a kimaisak kei ding hi," Topa, Thahatpen TOPA in a ci hi.#Isa 5:9; 13:11; 26:21
15 Hih in Topa, Thahatpen TOPA gen ahi hi:
"Pai inla, kumpi innsung saipa -
neihsa kempa Sheba kiangah:#2Ku 18:18
16 Hih lai-ah bang hih a,
nang thu-in hankhuk khuatin a sangna munah na hankhuk ding to a,#Mt 27:60
suangpi sungah na khawlmun ding na khuak nadingin
kua in phalna hong pia ahi hiam?
17 Kidawm in, nang mi thahatpa aw,
TOPA in hong lencipin hong lawnkhiamang ding hi.
18 Amah in bawlung bangin gak takin hong hual dinga
gam zapi ah hong lawn ding hi.#Isa 17:13
Tua lai-ah na si dinga
na sakol-leng tampitak kisusia in -
na pu inn na zahlaksak ding hi!
19 Na zum panin kong suankhia dinga,
na dinmun panin nang hong kizakiasak ding hi.#1Sa 2:7
20 "Tua ni ciangin ka nasempa Hilkiah tapa Eliakim ka sam ding hi. 21 Na puantualpi amah silhsakin nang konggak in amah ka gak dinga, na thuneihna amah ka suan ding hi. Amah, Jerusalem a tengte le Judah innkuante pa a suak ding hi. 22 Ama liangko tungah David innkuante tunga tawhtang ka koih dinga ama honte kuamah in khak thei loin, ama khakte kuamah in a hong thei kei ding hi. 23 A kip muna vankhaina bangin amah ka khenkip dinga; a pa innkuan adingin pahtawina tutphah a#22.23 Ahikeh kumpi tokhom ahi ding hi. 24 Ama innkuan sung minthanna ahi; a suan a khak, a naihuai khempeuh - tui-um beelsuan kuang-le-keu inn vanzat khempeuh ama tungah a kikhai ding hi.
25 Thahatpen TOPA in, "Tua ni ciangin a kipna muna vankhai in khoh lo dinga; kikhongkhia-in kia dinga a tunga kikhaite a kiphukta ding hi," TOPA in cikhin hi," a ci hi.
Currently Selected:
Isaiah 22: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission