Isaiah 11
11
Jesse Pana Hiang
1Jesse bulpi panin hiang khat selkhia dinga,
a zungte lak pan a Hiang khat in gah a gah ding hi.#Isa 4:2
2 Ama tungah TOPA Kha om dinga-#Mt 3:16; Jn 1:32-33
pilna Kha le theihtelna Kha,#Eph 1:17
lamlahna Kha le vangliatna Kha,#2Ti 1:7
theihna Kha le TOPA kihtakna Kha a tungah om dinga -
3 amah in TOPA kihtakna nuam a sa ding hi.
A mita a muhna bangin thu khen loin
a bila a zak bangin thu khen lo dinga;#Jn 2:25
4 ahi hangin a tasamte tungah thumaanin a thu uh khensakin#Ph 72:2
leitung mizawngte adingin thutangin thu a khensak ding hi.#Isa 3:14; 9:7
A kama cianggolh-in leitung sat dinga;
a muk pana husanin migilote a that ding hi.
5 Thumaanna kawnggakin nei dinga,
muanhuaina dialpek a kawng kimkotah a vial ding hi.#Isa 25:1
6 Keivom le tuuno omkhawm dinga,#Isa 65:25
keel tawh gialbem lumkhawmin
bawngno le humpinelkai le kumkhat a pha ganhingte c#11.6 Hebrew; Septuagint humpinelkai kivak ding omkhawmin
naupangnote in tuate a makaih ding uh hi.
7 Bawngpi tawh vompi gamta dinga,
a note uh lumkhawmin,
humpinelkai in bawngtal bangin buhtu a ne ding hi.
8 Thangtom kua gei-ah naungeekte kimawl ding uh a,
naupangnote in ngan bute a sawk ding uh hi.#Isa 14:29
9 Tui in tuipi a tuam bangin
TOPA theihna leitung dim ding ahi manin
amaute in ka mual siangtho tungah
bangmah liamsak loin a susia kei ding uh hi.#Job 5:23
10 Tua ni ciangin mite dialkhai bangin Jesse Zungpi ding dinga, minam khempeuh in amah beelin ama khawlna mun a minthang ding hi. 11 Tua ni ciangin Topa in Assyria pan, Egypt khanglam pan, Egypt d#11.11 Hebrew ah Pathros panin saklam pan, Cush e#11.11 Tua in Nile khunglam kuam pan, Elam pan, Babylonia f#11.11 Hebrew in Shinar pan Hamath pan, le tuipi tuikulhte panin a baanglaite a kinusia ama mite a ngah kik nadingin a nihveina a khut a zankhia ding hi.#Ro 15:12*
12 Amah in minamte adingin dialkhai khat khai dinga,#Ph 20:5
Israel saltangte a kaikhawm ding hi;#Ph 106:47; Isa 14:1
amah in a kithehthang Judah mite#Zep 3:10
lei kiuli panin a kaikhawm ding hi.#Ph 48:10; Kil 7:1
13 Ephraim’ hazatna bei dinga
Judah’ galte a#11.13 Ahikeh kigalneihna kibeisakin;
Ephraim in Judah haza nawn loin
Judah in Ephraim a galbawl nawn kei ding hi.#Jer 3:18
14 Amaute in nitumna lam Philistia mualdungte ah duang lensuk ding uh a,
nisuahna lama om mite a lawk khawm ding uh hi.
Amaute in Edom le Moab tungah a khut uh nga ding uh a,#Da 11:41; Joel 3:19
Ammon-te in a thu uh mang ding uh hi.
15 TOPA in Egypt tuipi-gek
kangsak ding hi;
Euphrates Gun b#11.15 Hebrew ah tua gun tungah
huihsa tawh a khut a van ding hi.#Isa 19:16
Mite in khedapkaih tawh a kantan theih nadingun
lui sagih-in a khenkham ding hi.
16 Egypt pan Israel-te a paitoh lai-un a hih bangin#Pk 14:26-31
Assyria pana kinusia
a baanglaite adingin
lam lianpi a suak ding hi.#Isa 19:23; 62:10
Currently Selected:
Isaiah 11: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission