Isaiah 10
10
1Mizawngte thuneihna heikhiatsak nading,
a kinengniam ka mite neihsa suh theih nading,#Isa 5:23
meigongte mat theih nading le
pa nei lote na suh theih nadingin
2 a ukcip nading thukip bawla,
thutang lo thukham a bawlte in gimna thuak ta hen.
3 Gamlapi pan gimna hong pai ciang,#Lk 19:44
thukhenna ni ciangin bang na cih ding hiam?#Job 31:14; Hos 9:7
Hong huh dingin kua bel ding na hi hiam?#Isa 20:6
Na hauhna koi-ah nusia ding na hi hiam?
4 Thongkiate lakah toncip ding
ahikeh a kithatte lakah puk ding longal bangmah dang a om kei hi.#Isa 24:22
Hizahta hi khin napi a hehna dai tuan loin#Isa 5:25
a khut liikto lailai hi.
Assyria tunga Pasian Thukhenna
5 "A khut uh ka hehna cianggolh le ka thangpaihna khetbuk-a ka zat#Isa 30:30; 66:14
Assyria-te tungah gimna tung ta hen!#Isa 14:25
6 Pasian neilo minamte amah ka dosak dinga,#Isa 9:17
kei hong hehsak mite neihsa sutin laksakin#Isa 5:29
kongzing buan bangin
amaute ka cilsak ding hi.
7 Ahi hangin hih pen ama sawm hi loin,
ama ngaihsut ahi kei hi.
Ama tupna ahileh susia ding,
minamte tampi beisak ding ahi hi.
8 Amah in, ‘Ka galkap mang khempeuh kumpi hilo hiam?’ ci hi.#2Ku 18:24
9 Calno zong Carchemish bang ta hi lo hiam?#2Kh 25:20
Hamath le Arpad kibang ta a,
Samaria le Damascus kibang ta hi lo hiam?
10 Ka khut in milim
kumpi gamte a mat bangin a milim suih hoih Jerusalem le Samaria manin -
11 Samaria le a suih milimte ka hih bangin Jerusalem le a suih milimte hih lo ding ka hi hiam?’ ci hi," a ci hi.#2Ku 19:13; Isa 2:8
12 Topa in Zion Vum le Jerusalem langkhatah a sep ding khempeuh a zawh ciangin, "Assyria kumpipa a lungsim kiphatsak-luatna le a kihihsak mithek hangin gimna a thuaksak ding hi. 13 Ahang in, amah in:#2Ku 19:31; Jer 50:18
"‘Keimah in theihtelna ka neih manin
ka pilna le ka khut thahatna tawh ka hih zo hi.#Isa 37:24
Minamte gamgite ka suankhia a,
a goute uh ka laksak hi;
a thahatpa khat bangin a kumpite uh ka thuzawh b#10.13 Ahikeh / a thahatna uh ka zothawh hi. gawp hi.
14 Vasa bu lak bangin
minamte’ hauhna ka laksak a,
mite in a pi loihsa vasa tui a khop bangin
gamte khempeuh ka khawm a,
khat beek in a kha zap loin
a ham dingin khat beek a kamka kei hi,’ ci hi," a ci hi.
15 Azangpa tungah hei kiliansak ding ahi hiam,
ahikeh a zangpa tungah sing-attem kisathei ding ahi hiam?#Ro 9:20-21
Ciangkhut in a khunpa a vei loh bangin
khetbuk in sing ahi lo khat a vik kei ding hi.#tg 5
16 Tua ahi ciangin Topa, Thahatpen TOPA in
ama galhang tha hoihte tungah thabei natna a tungsak ding hi;#tg 18; Isa 17:4
ama thupina nuai-ah mei kuanglai bangin
a kuang den ding hi.#Isa 8:7
17 Israel-te Khuavak, mei suak dinga,#Isa 31:9
amaute’ Siangtho Pa meikuang a suak ding hi;
ni khat sungin kuang dinga
a lingte le a thanglingte kangtum ding hi.
18 Mi cinapa a gawngtaam bangin
a tulak le a lo lei hoih thupina
a kisia kiuhkeuh ding hi.#2Ku 19:23
19 Tuateh a om lai tulak singkungte tawm lua mahmah dinga
naupang khat gelh khit zawh zahin a tawm ding hi.
A Baanglai Israel-te
20 Tua ni ciangin a baanglai Israel-te,#Isa 11:10-11
a suakta Jacob innkuante
amau a sattukte tungah kinga nawn loin
Israel-te Siangtho Pa,
TOPA tungah
a kinga taktak ding uh hi.
21 A baanglaite kileh kik in a#10.21 Hebrew in Shear-jashub; tg.22 ah zong A Thahat Pasian kiangah#Isa 9:6
Jacob a baanglaite a kileh kik ding uh hi.#Isa 6:13
22 Israel aw, na mite tuipi gei-a sehnel a bang zongin#Pc 12:2; Isa 48:19
a baanglaite bek hong kileh kik ding uh hi.
A husia leh a thumaan siatna a tun nadingin
kikhensat khin zo hi.
23 Leitung buppi tunga tung ding a kikhentatsa siatna Topa,
Thahatpen TOPA in a semkhia ding hi.#Isa 28:22
24 Tua ahi ciangin hih in Topa, Thahatpen TOPA gen:
"Zion a teng ka mite aw,
Egypt-te hong hih bangin
cianggolhin hong sat a,
no langa khetbuk a liik Assyria-te kihta kei un.#Pk 5:14
25 No tunga ka hehna a sawt loin bei pah dinga,#Isa 17:14
ka thangpaihna amaute siatna lamah kihei ding hi," a ci hi.#Da 11:36
26 Thahatpen TOPA in Oreb suangtumpi a,
Midiante a sattuk bangin amaute khauteepin vat dinga,#Isa 9:4
Egypt a a hih bangin
tui tung tengah a ciangkhut a viik ding hi.#Pk 14:16
27 Tua ni ciangin amaute vangik na liangko panun hong kisankhia-in
na ngawng panun b#10.27 Hebrew; Septuagint ah kitan / na liangkote panun hakkol hong kisankhia ta ding hi;
note thau lua ta ding na hi manun
hakkolte a kisutan ding hi.
28 Amaute Aiath ah lut uh a;
Migron kantanin
Michmash ah a van uh a khol uh hi.#Isa 13:2
29 Amaute in mualciang kantanin,
"Geba ah zanin giahphual sat ni," a ci uh hi.
Ramah a kiling hi;#Jos 18:25
Saul tenna Gibeah-a tai uh hi.#Thk 19:14
30 Gallim Tanu aw, awng khia in!
Laishah aw, ngai in!
Anathoth hehpihhuai si cia!#Ne 11:32
31 Madmenah taikek ta;
Gebim mite bubu lai uh hi.
32 Tuni mahmah in Nob ah khawl uh hi;
amaute in Zion Tanu mual le
Jerusalem mualneute#Jer 6:23
a khuttum uh a liiksan ding uh hi.
33 En un, Topa, Thahatpen TOPA in
a vanglianpi tawh a hiangte a heuhkhia ding hi.
Singkung sangpite puk ding uh a,
a sangtuamte a kiniamsak ding hi.#Am 2:9
34 Amah in tulak singte hei-in phuk dinga
Thahat-Pa mai-ah Lebanon a puk ding hi.#2Ku 19:23
Currently Selected:
Isaiah 10: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission